إعـــــــلان

Collapse

.

,
See more
See less

اما حانت اللحظة بعد لتنوي للعمرة او الحج

Collapse
X
 
  • Filter
  • الوقت
  • Show
Clear All
new posts

  • اما حانت اللحظة بعد لتنوي للعمرة او الحج

    السلام عليكم
    الاخوة الاحباب
    اللي ربنا اكرمه بالحج او العمرة ارجو ان تشارك معنا في هذا الموضوع علنا نستطيع ان نصف و لو جزء بسيط من الخير العظيم الذي من الله به علينا بعد اتمامنا للفريضة او لمن ادي العمرة حتي يري اخواننا في المنتدي الذين لم يبيتو النية بعد ان الموضوع لا يجب ان يؤخر بل علي العكس فالذي يستطيع و لا ينوي فلقد حرم خيرا عظيما اولا و ثانيا احتمال يقع عليه وزر عسي الله ان يكرمنا بالحج و العمرة مرات و مرات جميعا
    وبفضل الله حين من الله علي و اكرمني بالحج العام الماضي كنت قد عملت موضوع هنا بعنوان ( نفحات الحج ) و لكنه ذهب مع الريح مع و قوع المنتدي و حاولت استرجاعه و لا ادري للاسف اين حفظته
    و لكن امام موضوع الحاج احمد لا نستطيع ان يكون هناك اي مقارنه فله دائما السبق اكرمه الله في هذه المواضيع القيمة الممتازة التي يقف امامها الانسان لا يملك الا الدعاء له بالخير
    اما ما قصدت به موضوعي اليوم فهو الغفلة التي احيانا معظمنا نقع فيها
    و لنبدء الحكاية من الاول فالكثير منا بيكون له عدة امور بتشغلة ( اما الانشغال اثناء الدراسة و فترة الاجازة ما بين تدريب صيفي او دورات لغة مثلا او برامج متخصصة ثم يادوب اسبوعين تلاتة ما بين مصيف و راحة و بعدين هب نخش علي السنة التالية و يادوب الترم و الامتحانات تخلص ننام يجي اسبوع في اجازة نصف السنة و هكذا الي ان نتخرج و لو فيه مشروع التخرج الي النتيجة
    و بعدين اما جيش او تأجيل و بعدها اما شغل او بحث عن شغل او استكمال بعض الدورات للثقل او بحث عن فرصة سفر او كان فيه موضوع حب علي خفيف كده اثناء الدراسة فهب عاوز اجري و اتقدم لحسن الغالية العرسان علي الباب و لازم اثبت اني جدير بها فأقبل اي عمل و هب هب ادخل في الموضوع و من فاتحة لخطوبة لشقة لعفش لفرح لجواز هب هب لعيال و نجد الزمن يمر و السنين بتجري و ربنا ممكن يدينا من فضله فنفكر في تغيير الشقة بقي عاوزين الاكبر و العفش ناويين يتغير حاجة حاجة و الزوجة التانية بقي بتنادي ادام الباب او من الجراج انته مش بتفكر فيا ليه انته مش هتصرف عليا و لا ايه فأما بنحن للحبية الثانية و نجري و نصرف عليها من عمرة ( بفتح العين ) لخبطة لتغيير فرد كاوتش لرش بعد الشر يا اما بقي البلية تجري و نقول لها معلش يا كتكوته احنا ناوين نعرضك للبيع و نجري علي المعارض او ننتظر فورميلا الاهرام و لا اوتوماك الاخبار و لا حتي سمير ريان و نجمع القرشين و نشتري العروسة الجديدة و نجيب فرش جديد و نحط كسوة شيك و بعدين المدام بقي تزعل و تبرق و تقول يعني هيا جت عليا انا فلو معندهاش هنجيب و لو عندها لازم التغيير يا اما تتعايش مع التكشير
    في الكام سنة اللي فاتو دول الاولاد كبرو و النيرسلي دلوقتي هيه الخيبة الجديدة ( مش حضانة و ادلق زي زمان ) لا ده دلوقتي الننوس بتاع سنتين و نصف بيخدو علي الراس 3 او 4 تلاف و تلاقي نفسك داخل من ( نيرسلي للكيجي للمدرسة ) و من الف لحد 10 الاف و السنين بتعدي و الشغل لا يرحم و كل ما تيجي تفكر انك تشيل 5 او 6 للعمرة حتي تلاقي القسط بتاع اي حاجة حل ( مهي الشقة او العربية او العفش او الاولاد ) احتمال كبير فيه منهم حاجات جاية قسط و احد هيضحك دلوقتي انا عارفه و يقول حتي الاولاد ( ايوه هوه مش لما ربنا بيكرم و المدام بتحمل بنخش جمعية و لا اتنين علشان الكام الف اللي هيتطلبو اخر التسع شهور ) كله قسط اليمومين دول
    المهم من سنة لسنة نلاقي نفسنا عدينا الاربعين و لا حتي الخمسن و ندخل بقي علي جواز الولاد و طلباتهم
    نسيت اقول حاجة بكل صراحة و يجب الا نضحك علي انفسنا فيها
    في عز هذه الحياة التي ارهقنا فيها و التي حشرنا نفسنا فيها من ازمة لازمة و من انشغال لانشغال كنا بنقطتع الاوقات ( للمصايف ) و كان لا يفوتنا مناسبة و كنا بنروح كمان البلد عند الاقارب يومين تلاته و بعد الثورة كمان ظهر اننا ندور علي تليفون اخونا الغالي شنوري علشان الحتة الشيك اللي بتضرب و نقول بعدها يا فكيك
    المهم كل ده كنا بنعرف نعمله و نشيل له الفلوس اللازمه له و كمان نكيف كل حياتنا طوال العام لاخذ اجازة مناسبة لمثل هذه الاشياء و لكن ننسي و سط كل هذا اهم شئ و هي رحلة العمر ( الحج ) او الاستعداد للعمرة
    لو فكرنا في الحكاية دي من وقت الدراسة و استعددنا لها كما نستعد للعمل و كما نستعد للزواج اقسم بالله سيؤديها الله عنا بمعني اننا ننوي و نأخذ بالاسباب و الباقي علي الله
    و سيكون الباقي هو اتمام الموضوع بفضل من الله
    يبقي اول حاجة ننوي تاني حاجة ندعي تالت حاجة نحاول رابع حاجة نشتاق خامس حاجة بأذن الله اما ستكتب لنا عنده او نطلع
    فها الم يحن الوقت الان للنية لاداء الفريضة او علي الاقل للعمرة
    ال 5 او 6 الاف و الله مهم كتير علي ربنا ابدا و احتمال نبحث شوية سنجد بري ب 3 او 4
    تخيل ثمن خاتم دلوقتي بتقدمه لخطيبتك او تمن جهاز gps بتركبه في سيارتك او فرق ثمن ما بين موديل و موديل في السيارة اللي رايح تشتريها او تمن جهاز انذار ستركبه علشان خايف للكتكوتة تتسرق و لم تخف لعمرك انته لا قدر الله اللي يتسرق قبل ان تؤديها
    انا يا اخواني لا اخوف احد و لكن اقسم بالله لو اني اعلم من زمان مقدار الخير اللي كنت محروم منه ما فعلت شئ في حياتي قبل اداء الفريضة و لو كنت اعرف ان العمرة سهلة كده و بكام الف تروح و تيجي مغفور لك بأذن الله كنت لا اتأخر لحظة عن ادائها كل عام
    انوي من الان ( الذي لا يملك المال يطلب من الله ان يمده به ) حج القرعة بيتكلف حوالي من 16 الف الي 22 الف ( التقديم له الان ) اسرع يا غفلان
    و حج الجمعيات اتوقع من 20 الي 25 الف و الحج السياحي من 32 الي ما فوق ذلك بكثير
    كله في الاخر بيطوف حول كعبة واحدة و لما بنروح المسجد النبوي كلنا بنكون جنب بعض حتي و نحن نرمي الجمرات بنكون مع بعض طب ايه الفرق في ال 15 او 20 يوم بتوع الحج دول ( الاكل و الشرب و المكان ) يعني برضه الامور الدنيوية فلا يعطلك شئ بأذن الله اخي الحبيب عن هذا
    و هذا ليس من منك علي الله حاشا لله لان كلمة من استطاع لها احاديث تثبت اننا معظمنا الان نملك ال 20 الف دول فلا نضحك علي انفسنا و نؤجل و نؤجل فلا ندري ان كنا سنستطيع ان نذهب اصلا او لن يمهلنا اجلنا من الذهاب
    و احتمال نؤجل و نؤجل علشان نطلع في مستوي معين و حين يمن الله علينا بمبلغ الحج السياحي نكون لا قدر الله مصابين بالامراض ( كالسكر و الضغط مثلا ) فلا نأكل مما يأكلون و لا نستمتع كما يستمتعون
    فيه كام موضوع هنا بيتحدثو عن الحج و العمرة
    فهيا بنا اخواني الاحباب شباب كنا او رجال ننوي لله الحج و ننوي لله العمرة و نقدم الاسباب بعدها من الادخار لهم و بأذن الله سيتمها لنا الله
    اكرمكم الله و اعزكم و ما جعلني اكتب هذا الموضوع الا اني انا نفسي كنت في غفلة و من خوفي علي احبابي في الله و من حرصي علي ان ينالو الخير الذي اكرمني به الله هو ما دعاني للكتابة فلا تحرمو انفسكم من الان
    ملحوظة
    نفسي بقي اللي يشارك ممن اكرمهم الله يخش بقي كده علينا بالبهاريز و يدينا مما اتاه الله كي يحن قلب المشتاقين و كلنا نجدد النية و من كان مثلي في غفلة بأذن الله يفوق و يسارع و نفعنا الله و اياكم
    و السلام عليكم و رحمة الله و بركاته


    م.حاتم السباعي
    HAGAN سابقا

  • #2
    بارك الله فيك يا بشمهندس حاتم وكعادتك دائماً.....موضوعاتك شيقة جداً

    كل ما ذكرته هنا يعبر عن الدوامة التي يقع بها الإنسان في حياته يومياً وإسبوعياً وشهرياً وسنوياً إلا من رحم ربي

    عن تجربة.....موضوع الفلوس ده أخر شىء ممكن تفكر فيه ( مع الأخذ بالأسباب طبعاً ) وربنا سبحانه وتعالى يخلف عليك ضعف ما أنفقته ولكن كما قلت....فتن الحياه كثيرة والإنسان يجهل الخير الكثير المنتظر به

    وفعلاً يكفي أن تنوي بصدق وسترى أيات من المعجزات تتحقق أمامك

    أنا وأصدقائي مقدمين على تأشيرة عمرة في أخر رمضان إن شاء الله.......إدعو لنا
    [CENTER][B]قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "[/B] [/CENTER]

    Comment


    • #3
      المشاركة الأصلية كتبت بواسطة عمرو عمارة مشاهدة المشاركة
      بارك الله فيك يا بشمهندس حاتم وكعادتك دائماً.....موضوعاتك شيقة جداً

      كل ما ذكرته هنا يعبر عن الدوامة التي يقع بها الإنسان في حياته يومياً وإسبوعياً وشهرياً وسنوياً إلا من رحم ربي

      عن تجربة.....موضوع الفلوس ده أخر شىء ممكن تفكر فيه ( مع الأخذ بالأسباب طبعاً ) وربنا سبحانه وتعالى يخلف عليك ضعف ما أنفقته ولكن كما قلت....فتن الحياه كثيرة والإنسان يجهل الخير الكثير المنتظر به

      وفعلاً يكفي أن تنوي بصدق وسترى أيات من المعجزات تتحقق أمامك

      أنا وأصدقائي مقدمين على تأشيرة عمرة في أخر رمضان إن شاء الله.......إدعو لنا
      الله يكرمك يا استاذ عمرو
      و بأذن الله توفقو و يتقبل الله منكم و نفسي ايضا تكتب لاخواننا بعض التفاصيل عن نوعية الرحلة المتوقعة بأذن الله من حيث التكلفة و هل هي من خلال شركة ام مع نفسكم لان هناك الكثيرين لا يعرفون مثل هذه الاشياء
      مع ان الاستاذ كريم ربنا يكرمه سمح لشركة ان تعلن هنا عن اسعار العمرة و الحج و الجرائد ايضا مليئة بأسعار مختلفة يعني اللي ناوي ملوش حجة بضغطة زر في الاجتماعي تتعرف علي كل حاجة
      و فعلا و الله انا نفسي كل الشباب يتوكلون علي الله من الان قبل الدوامة
      و حتي لو فكرنا فيها من الجانب الصحي
      تروح و انت قادر ما شاء الله انك تروح و تيجي و تعمل هناك كذا عمرة و كلما دخلت للحرم تطوف و انت سعيد مستمتع و لا تأخر و يا سلام بقي علي الاملاح لما بتضرب في الركب و لا المفاصل اللي ممكن تبقي عاوزه عمرة بفتح العين و مع ان ربنا سبحانة و تعالي بيمد الانسان بطاقة جبارة و بيحس الانسان بأنه و كأنه طائر في السماء
      الا ان اغتنامها في الشباب افضل الف مرة من انتظار الشيخوخة و افضل الف مرة لاننا لا ندري اتأتي علينا شيخوخة ام يدركنا الموت و نترك المال و المنصب و الاهل و لا نري اطهر بقاع الارض و احب بلاد الله لقلب رسول الله
      و نحرم من ان نقضي الفريضة او ان نحرم من العمرة و لا نري قبر ( خير البشر ) سيدنا محمد صلي الله عليه و سلم
      و كيف لنا لا نتمني السجود في الروضة الشريفة ( و الله اني بيقشعر بدني كلما اتذكر هذه الاحاسيس ) التي انتابتني و انا في هذه الاماكن الطاهرة
      اللهم اكرم كل مسلم بأداء فريضة الحج و العمرة و لا تحرمنا منها مرات و مرات يا ارحم الراحمين


      م.حاتم السباعي
      HAGAN سابقا

      Comment


      • #4
        والله يا أخي نفسي دائما بتشتاق للحج والعمرة. بس على رأي المثل العين بصيرة والإيد قصيرة. ربنا يرزقنا الحج والعمرة أجمعين.
        [CENTER][SIZE=3][COLOR=darkorchid] [CENTER][SIZE=3][COLOR=darkorchid][frame="10 70"] [CENTER][SIZE=4][COLOR=darkorchid]ما كان لله دام واتصل، وما كان لغير الله انقطع وانفصل
        [/COLOR][/SIZE][/CENTER]
        [/frame][/COLOR][/SIZE][/CENTER]
        [/COLOR][/SIZE][/CENTER]

        Comment


        • #5
          أنا عاوز أقول حاجه بسيطة .. فى حاجات ظاهرها ممكن يكون مش لذيذ بالنسبة لناس كتير .. بس هى فى أصلها ممتعة جدا لدرجة لا تتخيلها.

          يعنى مثلا لو قلت لحد عمره ما جرب انه يصلى بالليل ايه رأيك لو قمت قبل الفجر بساعة تصلى .. ظاهريا الموضوع صعب و تحس انك عاوز تنام .. لكن اللى جرب .. حاجه تانية خالص .. و خصوصا لما تستشعر حديث النبى صلى الله عليه و سلم
          " يَنْزِلُ اللَّهُ عَزَّ وَجَلَّ إِلَى السَّمَاءِ الدُّنْيَا فِي ثُلُثِ اللَّيْلِ , فَيَقُولُ : هَلْ مِنْ تَائِبٍ فَأَتُوبَ عَلَيْهِ ؟ هَلْ مِنْ دَاعٍ فَأَسْتَجِيبَ لَهُ ؟ هَلْ مِنْ مُسْتَغْفِرٍ فَأَغْفِرَ لَهُ ؟ قَالَ : وَذَلِكَ فِي كُلِّ لَيْلَةٍ " .. اللهم ارزقنا قيام الليل.

          العمرة نفس الكلام .. لو حد مجربش عمرة و قلت له تطلع عمرة ولا تروح تركيا .. ظاهريا تركيا طبعا .. انما اللى جرب مرة بيفضل يتمنى انه يروح تانى .. متعة تانية خالص و أحاسيس و مود عمرك ما هتحس بيه ولا حد يقدر يوصفه لك.

          اللى عاوز يعرف العمرة على حقيقتها يقرأ كتاب دكتور خالد أبو شادى "رحلة المشتاق الى الحج و العمرة" .. هيعرف يعنى ايه عمرة بجد .. مش مجرد مناسك و خلاص.
          [CENTER][B]القران الكريم بجودة صوت عاليه جدا[/B]
          http://www.nilemotors.net/Nile/230790-a.html[/CENTER]

          Comment


          • #6
            جيت ع الجرح :(

            اخر مره طلعت من 4 سنين

            نفسي اعمل عمره تاني

            بس للاسف مفيش وقت

            ممتعه جدا لدرجه فوق الوصف

            الواحد بيبقي مش عايز يمشي

            ياااااااااه وخصوصا وانت قاعد قدام الكعبه

            احساس تاني وراحه نفسيه غير

            يارب ارزقني الزياره عن قريب
            http://www.fx-arabia.com/vb/showthread.php?t=9654

            Comment


            • #7
              خمس مرات عمرة وبرضه عاوز أروح تانى وتالت وعاشر

              أحاسيس جميلة ومتعة روحية وصفاء نفسى ليس له حدود
              تنسى نفسك والآخرين ولا تتذكر إلا رب العباد والنبى الكريم صلى الله عليه وسلم

              النصيحة للناس كلها : روحوا اعتمروا وستشعرون بالتغير النفسى والروحى إلى الأحسن إلى درجة النقاء

              أنا لما كنت بارجع من العمرة كنت بابص على الناس وهى ماشية فى الشارع الصوت عالى ودوشه ومافيش حد طايق حد كنت باسأل نفسى هى الناس دى بتتعامل كده ليه ؟ هو العيب عندى ولا عند الناس ؟
              أسبوع كده ولا حاجة وألاقى نفسى بقيت زيهم ( الشحن الروحى والمعنوى بيقل) لدرجة إن الواحد بيفكر يعمل عمرة تانى حتى بعد عودته بشهر واحد
              :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

              Comment


              • #8
                المشاركة الأصلية كتبت بواسطة mikho83 مشاهدة المشاركة
                والله يا أخي نفسي دائما بتشتاق للحج والعمرة. بس على رأي المثل العين بصيرة والإيد قصيرة. ربنا يرزقنا الحج والعمرة أجمعين.
                فعلا اخي الكريم حالة حضرتك كانت زي حالاتي ببقي نفسي بس لم انوي
                و بعدين في يوم من سنتين دعوت الله تعالي و استحضرت النية و نويت للحج و كنت لا املك و قتها فلوس الحج بس فلت اني ناوي بأذن الله اول مبلغ استطيع ادخره يكون للحج و لا شئ اخر و فعلا كان معايا يجي 20 و لا حاجة و عرفت ان حج القرعة فتح فتقدمت له علي اساس انه علي اد الفلوس اللي معايا بالضبط و لكن لم يوفقني الله و لما رحت لكي اعرف النتيجة من القسم التابع له و لم اجد اسمي حزنت طبعا و كانت الدموع تملئ عيني و شاهدت يومها مشاهد ابكتني و جعلتي اندم علي كل يوم و كل عام سابق لم اذهب لاداء الفريضة حتي لو ماشيا شاهدت سيدة ورجل متقدمين جدا في السن يجوز 65 بالضبط لانه اخر سن للتقدم علي ما اظن و يادوب بيسندو بعض و يكادو لا يستطيعو ان يسيرو و لا ان ينظرو تحت اقدامهم و طلبو مني ان اكشف لهم عن اساميهم عل و عسي ان يكونو من المختارين و ظللت ابحث و لكن للاسف لم اجد اسميهما تخيل بقي معي ابكي مشهد تراه عيناك في الدنيا كلها و هم يكادو ينتحبو من البكاء فلقد ظلو طوال 10 سنوات كاملة يدخرو الفلوس و لا يملكون غيرها لكي يطلعو سياحي و كان موقف مؤثر جدا و طلبت من الله و قتها ان يكرمني من عنده و بالفعل قد من الله علي من فضله و سافرت تاني سنة علي طول ( اللي هيه كانت السنة الماضية ) فاللهم اكتبها لحضرتك و بأذن الله يكون كتبها لك لنيتك و عدم الاستطاعة المادية لا تقلق منها ابدا فبأذن الله سيفرجها ربنا و كل عام جدد النية حتي يكتبها الله و بأذن الله عن قريب و يكتبها لنا جميعا يا رب

                المشاركة الأصلية كتبت بواسطة kareemz مشاهدة المشاركة
                أنا عاوز أقول حاجه بسيطة .. فى حاجات ظاهرها ممكن يكون مش لذيذ بالنسبة لناس كتير .. بس هى فى أصلها ممتعة جدا لدرجة لا تتخيلها.

                يعنى مثلا لو قلت لحد عمره ما جرب انه يصلى بالليل ايه رأيك لو قمت قبل الفجر بساعة تصلى .. ظاهريا الموضوع صعب و تحس انك عاوز تنام .. لكن اللى جرب .. حاجه تانية خالص .. و خصوصا لما تستشعر حديث النبى صلى الله عليه و سلم
                " يَنْزِلُ اللَّهُ عَزَّ وَجَلَّ إِلَى السَّمَاءِ الدُّنْيَا فِي ثُلُثِ اللَّيْلِ , فَيَقُولُ : هَلْ مِنْ تَائِبٍ فَأَتُوبَ عَلَيْهِ ؟ هَلْ مِنْ دَاعٍ فَأَسْتَجِيبَ لَهُ ؟ هَلْ مِنْ مُسْتَغْفِرٍ فَأَغْفِرَ لَهُ ؟ قَالَ : وَذَلِكَ فِي كُلِّ لَيْلَةٍ " .. اللهم ارزقنا قيام الليل.

                العمرة نفس الكلام .. لو حد مجربش عمرة و قلت له تطلع عمرة ولا تروح تركيا .. ظاهريا تركيا طبعا .. انما اللى جرب مرة بيفضل يتمنى انه يروح تانى .. متعة تانية خالص و أحاسيس و مود عمرك ما هتحس بيه ولا حد يقدر يوصفه لك.

                اللى عاوز يعرف العمرة على حقيقتها يقرأ كتاب دكتور خالد أبو شادى "رحلة المشتاق الى الحج و العمرة" .. هيعرف يعنى ايه عمرة بجد .. مش مجرد مناسك و خلاص.
                فعلا اخي الكريم فأداء الفريضة يعطي راحة نفسية للانسان
                لا يخسها الا من اكرمه الله بأدائها
                فاللهم اكتبها لكل مسلم يا رب


                م.حاتم السباعي
                HAGAN سابقا

                Comment


                • #9
                  شكرا للافادة

                  Comment


                  • #10
                    تسلم ايديك

                    وربنا يكتبهالنا كلنا

                    بس عاوز اسال عن الاسعار لاني لاقيت اسعار خرافية جدا الفترة اللي فاتت

                    وان شاء الله ربنا يكرمنا ونروح كلنا باذن الله

                    علشان الواحد ينضف شوية من الذنوب اللي هوا فيها
                    [CENTER][FONT=Arial][SIZE=3]Hatem Sobieh..System Admin[/SIZE][/FONT]
                    :breakpc2:
                    [/CENTER]

                    Comment


                    • #11
                      جزاك الله كل خير على الموضوع القيم
                      اللي بيسئل عن الاسعار هي مش غالية ومعقولة
                      بالنسبة للفنادق ال 3 نجوم بالنسبة لعمرة شعبان اول حاجة ممكن تلحقها من دلوقتي
                      ابتداء من 5 لغاية 8 او 9
                      وعمرة رمضان اقل حاجة 6500 ودي بيكون معاك 5 و 6 ف يالاوضة
                      وكل مايكون الختمة او العشر الاواخر في مكة بتكون اغلى بكتير
                      وبعد رمضان لغاية الحج مفيش عمرات
                      وبعد الحج اول عمرة مولد النبي علية افضل الصلاة والسلام

                      جروب ورشة نايل موتورز علي الفيس بوك


                      صفحة ورشة نايل موتورز على الفيس بوك

                      Comment


                      • #12
                        اقسم بالله نفسسسسي جدااااااااا و نااااااوي و ربنا يعلم, و ان شاء الله يحصل حتى لو على حساب
                        حاجه تانيه ممكن تتأخر شويه او تتأجل فتره, و ربنا ييسر الامور, بس انت ادعيلي يا هندسه...

                        جزاك الله كل خير يا باشمهندس على التذكره و الموضوع الجميل... جيت على الجرح زي ما قال د.عمرو :))
                        [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                        [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                        [CENTER][SIGPIC][/SIGPIC][/CENTER]

                        Comment


                        • #13
                          المشاركة الأصلية كتبت بواسطة dr.amr مشاهدة المشاركة
                          جيت ع الجرح :(

                          اخر مره طلعت من 4 سنين

                          نفسي اعمل عمره تاني

                          بس للاسف مفيش وقت

                          ممتعه جدا لدرجه فوق الوصف

                          الواحد بيبقي مش عايز يمشي

                          ياااااااااه وخصوصا وانت قاعد قدام الكعبه

                          احساس تاني وراحه نفسيه غير

                          يارب ارزقني الزياره عن قريب
                          يا رب يكتبها لك تاني و تالت و احنا معاك يا دكتور عمرو
                          و فعلا الانسان من كثرة انشغاله هناك بالطاعات و بالعبادة بيكون في جو تاني خالص و ده معناه اننا مقصرين في عبادتنا هنا جامد اوي لان السمو الذي ينتاب الواحد هناك كبير جدا و ده معناه اننا نستطيع ببعض الاجتهاد هنا ايضا ان نرتقي بأنفسنا و كيف نكون متلاصقين يكاد تقف علي اطراف اصابعك و انت تنتظر لحظة الدخول للروضة الشريفة و حولك المئات من جميع الجنسيات و لا يكون بينك و بينهم الا التراحم و الابتسامة و التسبيح و العفو عمن خبطك او هرس رجلك ياااااااااااااااااااااااه يااااااااااااااااااااااااااه نحن نحن نفس البشر و لكن هناك النفس بتتغير و تسمو و ترتقي يا رب اوعدنا بها مرات و مرات و علي طاعتك اعنا و انشر اخلاق العمرة و الحج بيننا في بلادنا كما هي هناك

                          المشاركة الأصلية كتبت بواسطة mesaharaty مشاهدة المشاركة
                          خمس مرات عمرة وبرضه عاوز أروح تانى وتالت وعاشر

                          أحاسيس جميلة ومتعة روحية وصفاء نفسى ليس له حدود
                          تنسى نفسك والآخرين ولا تتذكر إلا رب العباد والنبى الكريم صلى الله عليه وسلم

                          النصيحة للناس كلها : روحوا اعتمروا وستشعرون بالتغير النفسى والروحى إلى الأحسن إلى درجة النقاء

                          أنا لما كنت بارجع من العمرة كنت بابص على الناس وهى ماشية فى الشارع الصوت عالى ودوشه ومافيش حد طايق حد كنت باسأل نفسى هى الناس دى بتتعامل كده ليه ؟ هو العيب عندى ولا عند الناس ؟
                          أسبوع كده ولا حاجة وألاقى نفسى بقيت زيهم ( الشحن الروحى والمعنوى بيقل) لدرجة إن الواحد بيفكر يعمل عمرة تانى حتى بعد عودته بشهر واحد
                          يا رب يكرمك اخي الكريم
                          و ما شاء الله علي الخمس عمرات يا رب يبقو خمسين بأذن الله
                          و يمكن كل مسلم من هذا الخير العظيم
                          انتو بس انوو يا احباب رسول الله و الباقي بأذن الله علي الله

                          المشاركة الأصلية كتبت بواسطة شريف مشاهدة المشاركة
                          شكرا للافادة
                          ربنا يكرمك يا استاذ شريف و يكتبها لك و لنا و لكل مسلم بأذن الله
                          سارعو يا اخواني الاعزاء من هذه اللحظة للنية
                          اعمل جمعية ان شالله حتي ب 100 جنية في الشهر بعد 3 دورات للجمعية بأذن الله ستتمكن من قضاء العمرة
                          يالا يا احباب رسول الله
                          كل حاجة هتيجي ( الزواج و العربية و الشقة و الاولاد و و و و و ) كله بأذن الله جي جي بس انوي معاهم بقي للحج او العمرة دي ربنا بيجعلها لك و ييسرها لك بالنية


                          م.حاتم السباعي
                          HAGAN سابقا

                          Comment


                          • #14
                            يعنى ينفع كده يا بشمهندس اللى بتعمله فينا ده

                            جسمى كله بيقشعر لما اتخيل الموقف ده وانا واقف قدام الكعبة ( يارب اوعدنا )

                            موضوع جميل ورائع زى العادة تسلم ايديك
                            [SIGPIC][/SIGPIC]

                            Comment


                            • #15
                              المشاركة الأصلية كتبت بواسطة tamatemo مشاهدة المشاركة
                              تسلم ايديك

                              وربنا يكتبهالنا كلنا

                              بس عاوز اسال عن الاسعار لاني لاقيت اسعار خرافية جدا الفترة اللي فاتت

                              وان شاء الله ربنا يكرمنا ونروح كلنا باذن الله

                              علشان الواحد ينضف شوية من الذنوب اللي هوا فيها
                              الله يبارك فيك
                              و زي الاستاذ كريم ما اوضح لحضرتك و كنت نوهت انا في اول مشاركة عن بعض اسعار العام الماضي
                              و معنا هنا في المنتدي شركة تعرض اسعارها
                              و كنت اقترحت ان من لا يملك حق الحج السياحي بدرجاته من فوق ال 35 الف يمكن ان تسارع من الان بالتقدم لحج القرعة او ان تبادر من الان بالاشتراك في الجمعيات المنتشرة في جميع انحاء الجمهورية فيكون لك الحق ان تتقدم لقرعة الجمعيات العام القادم بأذن الله تعالي
                              و ربنا يوفقك بأذن الله

                              المشاركة الأصلية كتبت بواسطة karim_monir مشاهدة المشاركة
                              جزاك الله كل خير على الموضوع القيم
                              اللي بيسئل عن الاسعار هي مش غالية ومعقولة
                              بالنسبة للفنادق ال 3 نجوم بالنسبة لعمرة شعبان اول حاجة ممكن تلحقها من دلوقتي
                              ابتداء من 5 لغاية 8 او 9
                              وعمرة رمضان اقل حاجة 6500 ودي بيكون معاك 5 و 6 ف يالاوضة
                              وكل مايكون الختمة او العشر الاواخر في مكة بتكون اغلى بكتير
                              وبعد رمضان لغاية الحج مفيش عمرات
                              وبعد الحج اول عمرة مولد النبي علية افضل الصلاة والسلام
                              ربنا يبارك فيك و كل القائمين معك علي هذا المنتدي الجميل الذي لولا و جودكم معنا بهذا الشكل ما استطعنا ان نتواصل في محبة الله فاللهم اكرمك و كل من يساهم في اظهار هذا المنتدي بهذه الصورة القيمة المحترمة
                              و يجازيكم عنا خيرا

                              المشاركة الأصلية كتبت بواسطة ghazy12 مشاهدة المشاركة
                              اقسم بالله نفسسسسي جدااااااااا و نااااااوي و ربنا يعلم, و ان شاء الله يحصل حتى لو على حساب
                              حاجه تانيه ممكن تتأخر شويه او تتأجل فتره, و ربنا ييسر الامور, بس انت ادعيلي يا هندسه...

                              جزاك الله كل خير يا باشمهندس على التذكره و الموضوع الجميل... جيت على الجرح زي ما قال د.عمرو :))
                              يا رب يوفقك يا بشمهندس محمد و يارب يكرم كل مسلم
                              و فعلا هو خير عظيم اوي اوي
                              يا مسهل يا رب انوي بقي و ادينا معاك من الثواب ههههههه
                              اللهم اكرمنا جميعا يا رب


                              م.حاتم السباعي
                              HAGAN سابقا

                              Comment

                              Working...
                              X