استهلاك الكهرباء ؟

[Deshahcoka]

رجالة :)

الواحد جاب تاكيف يونيون اير 1.5 حصان قسط و الدنيا فله :)

بس دلوقتي ايه الكلام في الكهرباء ؟ حنتحاسب ازاي ؟

و ايه احسن وضع نشغل التاكيف فيه في الصيف ؟ الواحد ينام و هوا مروحة ؟ عشان لو شغلة بارد حيستهلك كهربا كتير ؟

الف شكر

[احمد المصرى]

احسن حاجه انك تظبته على درجه حراه مثلا 25 علشان يقدر يفصل علشان يقلل استهلاك الكهرباء وفى نفس الوقت الجو يبق تمام بس بيستهلك قد ايه معرفش بالظبط وكنت بسال نفسى السؤال دا انبارح علشان من يومين شغلت التكييف حوالى 10 ساعات فى اليوم وربنا يستر

[superb]

احنا فى مصر بنتسرق فى فواتير الكهربا من سنيت فاتت .. هههههههه
عاوز تتكيف .. نقط بفلوسك .. و المصيبه فى موضوع الشرائح اللى عاملينها دى .. يعنى لو استهلاكك زاد كام شهر ورا بعضه يعلو عليك الفاتوره على اساس انك مرفه .. عجبت لك يا زمن ... بس ندى الغاز لأسرائيل ببلاش عشان ندعم اقتصادهم .. غلايه مش لاقين يشترو اسلحه متطوره يقتلونا و يقتلو الفلسطنيين بيها ....

انا هسكت احشن عشان مشضربليش عرق ههههههههههههه ربنا معانا و يروق علينا الجو جميعا فى الصيف الحلو دا انشاء الله

[AhMeD EzZ]

التكييف ... الاختراع الملعون .... الي شافطلي جيوبي

عندي تكيفيين واحد شغال علي الاقل 15 ساعة في اليوم 7 حصان
و التاني 1.5 بيشتغل حوالي 9 ساعات

و الفاتورة مقلكش :(

[tameraast]

عندنا انين شارب 1.5 حصان واحد فيهم مبيطفيش الا لما انزل من البيت و على درجه 20 الجو حر شغل التكيف اكيد مش جايبه زينه اعلى رقم وصلتله كان 400 فى الشهر :)

[ramy87]

زي ما الأخوة قالولك ظبطه على 22-25 علشان ما يشتغلش كتير و يوفرلك في الكهرباء
و كل فترة يستحست تكلم الشركة تعمل صيانة و بينضفوا الفلاتر

[Gelgel2004]

ضبط استهلاك كهرباء مكيف هواء المنزل..

السلام عليكم

الحقيقه لازم نعرف شويه حاجات بسيطه كده عن جهاز مكيف الهواء ( بننطقها غلط تكييف الهواء ) المهم ندخل فى الموضوع :

اى جهاز حديث الصنع من الخمس سنوات السابقه نلاقيه بيحتوى على فى الريموت او لوحه التحكم بتاعته على :-

1/ رمز او زر مروحه فقط - وده فى الغالب محش بيستخدمه.
2/ رمز المود - وده اللى فيه بنختار احنا عاوزين نشغله مروحه او تبريد او دفايه او جاف ( dry ) او نوم ( sleep ) و هنا بيت القصيد-

يعنى الفترة اللى الحراره فيها تبقى مستلزمه نشغله نضبطه على الوضع التبريد ( cool ) و نضبط درجه الحراره على 24 لو محدش فى المكان اكثر من شخصين او نضبط على درجه 22 لو المكان به اكثر من 3 اشخاص و السبب اننا درجه حرارتنا فى الصيف بتبقى من 37 الى 39 يعنى لو شخصين جلسوا فى غرفه جنب بعض يبقى اكنهم بيشعوا حراره من 37 الى 39 * 2 .
- نضبط المروحه عند اول التشغيل على سرعه عاليه و نخلى موجهات الهواء للاعلى علشان نقلب الهواء الساخن اللى فى الغرفه بسرعه - زى ما بنعمل فى تكييف العربيه ) و بعدين نقلل درجه سرعه المروحه الى اقل درجه و طبعا الهوايات للاعلى لو الجهاز من النوع الشباك او الموجهات ( swing ) لو الجهاز من النوع السبليت.
علشان الهواء الساخن بيصعد لاعلى و البارد الى تحت .
ويا سلام لو المكان واسع و حطيت مروحه بوكس صغيره علشان تساعد فى تقليب الهواء - هيبقى ثلاجه ...

طب نيجى بقى لتوفير الاستهلاك :-

بعض اجراءات بسيطه لما بنقوم بيها بتوفر الاستهلاك زى :-

- لو هنشغل اكثر من جهاز فى وقت واححد يبقى بالتتابع - موش مره واحده علشان ميحصلش صدمه للعداد و يلف بسرعه جداا ( قراءه كاذبه ) و يعلى الاستهلاك.
- نتجنب الاماكن اللى فيها تسريب ( باب مفتوح - شباك موارب - مصدر تسخين او حراره ( مكواه - ثلاجه - غلايه مياه .او اى من مصادر مشعه للحراره )خصوصا اللمبات الفتيل ( التنجستين ) بلاعه استهلاك و بتخلى المكيف بيفصل متاخر و ده بيعلى الاستهلاك جدا - ممكن نغيرها باللمبات الموفره للطاقه و فى منا الابيض و الدافء ( لون لمبات الفتيل ) و علشان تعرف الوات بتاعه تضرب الرقم اللى عليها 15 وات مثلا * 5. = 75 وات .
- نجيب الاجهزه بتاعتنا من الانواع المضمونه و المشهود ليها بالكفاءه علشان بيبقى فى معظمها دوائر و دارات كهربيه لضبط ثبات التيار الكهربى الداخل للجهاز و بالتالى تحسين استهلاك الكهرباء-
اهم بند غايب علينا - و هو توصيلات الاجهزه وده موضوعه طويل بس الخصه كما يلى :
1- نختار سلك معتمد و اوعى تخلى الكهربائى يشتريه بنفسه - هات انت السلك بمعرفتك من مكان معتمد و مشهود ليه بالكفاءه و السعر
2- افضل الانواع بحكم خبرتى فى اعمال التشطيب و الديكورات الداخليه هو السويدى و السويدكس و فيه انواع جيده اخرى زى السمكتين / سيمون ....الخ بس الاضمن السويدى و سويدكس.
3- اوعى تعمل مفتاح فصل ( البيتشينو ) جنب المكيف ( معظم الكهربائيه بيركبوه علشان يزود المصنعيه - المفتاح تركيبه ب من 30 الى50 جم متوسط ) و الاصح الكابل يمشى من مكان تركيب الجهاز بزياده 50 سم مثلا الى مفتاح الاوتوماتيك اللى فى علبه الكهرباء الرئيسيه - علشان كتر القطع فى سلك التغذيه بيولد مقاومه تضعف قوه التيار و بالتالى الجهاز يستهلك كهرباء اعلى ناهيك عن مشاكل الصيانه المتعدده.
4- نراعى قطرسلك التغذيه من مكان تركيب الجهاز الى مكان تركيب مفتاح الاوتوماتيك باللوحه الرئيسيه .
يعنى لو جهاز 2.25 حصان شباك او سبلت و مكان تركيب اللوحه الرئيسيه من 15 متر يبقى قطر السلك 3 ملم و لو المسافه الى 20 م مثلا يبقى 4 ملم قطر السلك مناسب تماما. و هكذا لان القطر لما بيزيد و كمان المسافه بتتولد مقاومه و ضعف فى التغذيه.
5- بالنسبه للجهاز الشباك و احنا بنجهز الاعمال الكهربيه فى البدايه بنعمل مكان التغذيه على شكل بريزه قوى ( بعلبه ماجيك عاديه ) و الكابل اللى نازل من الجهاز بنركب عليه فيشه قوى معتمدة ( المانى - ايطالى - يليهم التركى ) و ده احسن فى عمليات الصيانه و خصوصا عند سحب الجهاز و غسله فى الحمام - الزملاء بالمنتدى المقيمين بالخليج هتلاقى النظام ده عندهم .
- الاهتمام بصيانه الفلاتر و دى سهله نعملها بنفسينا
- غلق البوابه الخارجيه للاجهزه الشباك علشان الهواء الخارجى ميدخلش و يخلى الكباس يشتغل مدد اكثر.
1- تنظيف الوحده الخارجيه ( السبليت ) بالمياه موش بضاغط الهواء - البلاور - كالتالى :-
2- نفك وش الوحده الخارجيه من الاعلى بمفك صليبه قصير ( حوالى 15 الى 20 مسمار ) نجد الوحده مقسمه الى 1/3 به الدواير الكهربيه و ده بنغطيها بكيس بلاستيك كويس جدا مع فصل التيار الكهربى طبعا و 2/3 الباقى عباره عن الكباس ووحده المبخر ( السربنتينه و امامها او خلفها المروحه ) و دى بيت القصيد عامله زى رادياتير العربيه لما بيتوسخ التبريد بيقل والاستهلاك يزيد وعلشان ننضفها خرطوم ميا محترم و نرش من فوق او الجنب علشان ريش وزعانف المبخر ماتتعوجش - طب ليه مبنستخدمش البلاور - علشان بيزعبب التراب على الللى حواليك و الجيران بتشتكى من الصوت و الغسيل اللى اتبهدل - مافيش اجمل من المياه - و لو الخرطوم صعب - يبقى رشاش الزرع اللى بالضغط بس الانواع الكبيره طبعا.


وكده باقى من اجراءات توفير الاستهلاك 2 زرار هما الاهم :-

1/ الدراى او الجاف ( dry )وده بنشغله لما الحر يكون شديد و محتاجين الجو البارد يبقى جاف تماما مع ملاحظه اننا لما بنشغل الخاصيه دى هنلاقى الجهاز بعد مايشتغل شويه يفصل ذاتيا خالص لما يوصل لدرجه البروده المطلوبه و يشتغل مثلا بعد 10 دقائق او 1/4 ساعه و ده بيقلل استهلاك الكهرباء لدرجه كبيره.
2/ زر سليب او النوم (sleep ) و الزر ده وظيفته لما نيجى ننام بليل نشغله عند درجه 23 مثلا وده بيعمل على تاخير تشغيل الكباس عن الفترات العاديه علشان منبردش و احنا نايمن خصوصا و احنا بنتقلب علشان المكان بتاع حضرتك دافى و لما تتقلب على جنب مختلف ممكن ناخد برد .

اخيرا ان تشغيل المؤقت ( timer ) التشغيل خصوصا بليل من 11 مساء الى السادسه صباحا يعمل على توفير للاستهلاك و بيخلى الغرفه بارده و تتجه للحراره بالتدريج علشان تخش تاخد حمام الصبح الدافى و بالتالى متبردش من صدمه جو الغرفه البارد الى الحمام الدافئ.



اسف طولت عليكم --

و انا فى خدمه اعضاء المنتدى لاى افكار بخصوص التركيبات الداخليه

دمتم بود

[Deshahcoka]

gelgel2004 ايه الكلام الكبير ده ياباشا :) الله ينور عليك و يكرمك :)

دلوقتي انا عامل كل الي حضرتك كله الاسلام و الفصل الهنجر :)

بس انا معنديش sleep في الريموت :( انام ازاي بقى عليه ؟ هيا الاوضة 10 متر و فيها دولاب كبير و سرير و مكتب فيعني ميه ميه ال 1.5 بس الواحد يتعامل مع الدرجات ازاي انا لحد 24 بيجيب هوا ساقع و مش بيفصل زي العربية :) العربية لازم على اقل حاجة :)

يعني ازاي اخليه يفصل و يشتغل ؟ و هل ده يوفر كهرباء بدل مايفضل شغال على درجة واحدة ؟

[Deshahcoka]

انا ظبط 25 ساقع قوي و انا متلج عن بقية الشقة اصلاً بس مبيفصلش و الكمبريسور شغال !

وانا لقيت زرار ال sleep اكاتلوج بيقول انوا فيدتوه يرفع 2 درجة بعد ساعتين تشغيل!

يعني ال 25 تبقى 27 و عيش ولعة يا معلم :( مش فاهم !!!

التاكيف ده معقد و مش مريح غفي التشغيل ! اكيد مش حفطس يعني عشان مشغلوش ! ولا اتلج و انا مشغله! مفيش حل وسط زي العربية يعني! 5 سرعات و تختار و فلة تاكيف العربية :0 الواحد ينقل يعيش في العربية احسن :(

اصلا اخر حرارة في الريموت 30 و ديه معناها انو حيطلع هوا بيشوي !

[Gelgel2004]

انا ظبط 25 ساقع قوي و انا متلج عن بقية الشقة اصلاً بس مبيفصلش و الكمبريسور شغال !

وانا لقيت زرار ال sleep اكاتلوج بيقول انوا فيدتوه يرفع 2 درجة بعد ساعتين تشغيل!

يعني ال 25 تبقى 27 و عيش ولعة يا معلم :( مش فاهم !!!

التاكيف ده معقد و مش مريح غفي التشغيل ! اكيد مش حفطس يعني عشان مشغلوش ! ولا اتلج و انا مشغله! مفيش حل وسط زي العربية يعني! 5 سرعات و تختار و فلة تاكيف العربية :0 الواحد ينقل يعيش في العربية احسن :(

اصلا اخر حرارة في الريموت 30 و ديه معناها انو حيطلع هوا بيشوي !

السلام عليكم

شكرا لحضرتك و انا فى الخدمه
بس عاوز اعرف
المكيف نوعه ايه و كام حصان
لو تقدر تبعتلى صوره الريموت
--العادى انه يفصل اذا كانت الغرفه او المكان اللى بيتم التشغيل فيه محكم الغلق و ده مهم ( زى الثلاجه كده ) طول ماهو الباب مقفول محافظه على البروده اللى الثرموستات انته ضبطه عليها و لما تفتح الباب علشان تطلع علبه الكمبوت الكيلو تقزقز فيها ادام التلفزيون زى ما بعمل كده - البروده تخرج و الكباس ياخد امر التشغيل و هكذا.
-- لو مكنش بيفصل بعد كل اللى قلناه - يبقى ثرموستات الجهاز محتاج يتغير و يتكشف عليه كويس عند حد مؤتمن او تعرفه .
-- خاصيه السليب علشان النوم يعنى تضبط درجه البروده على 23 و تنام ودى مناسبه- لان الكباس هيشتغل على فترات قصيره و متبردش و طبعا فى معظم الاحوال سرعه المروحه على السرعه الاولى



دمت بود

[Deshahcoka]

السلام عليكم

شكرا لحضرتك و انا فى الخدمه
بس عاوز اعرف
المكيف نوعه ايه و كام حصان
لو تقدر تبعتلى صوره الريموت
--العادى انه يفصل اذا كانت الغرفه او المكان اللى بيتم التشغيل فيه محكم الغلق و ده مهم ( زى الثلاجه كده ) طول ماهو الباب مقفول محافظه على البروده اللى الثرموستات انته ضبطه عليها و لما تفتح الباب علشان تطلع علبه الكمبوت الكيلو تقزقز فيها ادام التلفزيون زى ما بعمل كده - البروده تخرج و الكباس ياخد امر التشغيل و هكذا.
-- لو مكنش بيفصل بعد كل اللى قلناه - يبقى ثرموستات الجهاز محتاج يتغير و يتكشف عليه كويس عند حد مؤتمن او تعرفه .
-- خاصيه السليب علشان النوم يعنى تضبط درجه البروده على 23 و تنام ودى مناسبه- لان الكباس هيشتغل على فترات قصيره و متبردش و طبعا فى معظم الاحوال سرعه المروحه على السرعه الاولى



دمت بود

هوا ينونيون اير 1.5 حصان بارد سخن بيريفاي :) ابيض ههههههههههههههه :)

انا لقيت زرار السليب يا معلم بس لسه مجربتش انام عليه قلقان :(

انا ظبته 27 دلوقتي و قاعد بتاع نص ساعة الاوضة سقعت و فصل بس تحس انو مش حيشتغل تاني ... :( يعني هوا 27 عالي قوي ؟ بس تحس انوا جو معتدل ... انا مش انتا قصدك 23 ازاي ! ديه تلج ياراجل والله :)

[Gelgel2004]

هوا ينونيون اير 1.5 حصان بارد سخن بيريفاي :) ابيض ههههههههههههههه :)

انا لقيت زرار السليب يا معلم بس لسه مجربتش انام عليه قلقان :(

انا ظبته 27 دلوقتي و قاعد بتاع نص ساعة الاوضة سقعت و فصل بس تحس انو مش حيشتغل تاني ... :( يعني هوا 27 عالي قوي ؟ بس تحس انوا جو معتدل ... انا مش انتا قصدك 23 ازاي ! ديه تلج ياراجل والله :)

السلام عليكم



المهم
الغرفه لو مغلقه وانت ضابط الحراره على 27 وبرضه الكباس مبيفصلش و الجهاز جديد والدنيا برد يبقى كده فيه حاجه غلط - الثرموستات بيفصل متاخر - او حضرتك بتبرد بسرعه ؟
يبقى محتاج حضرتك ترجع للصيانه خصوصا ان حضرتك فى فتره الضمان. و جرب sleep و اضبط على 25

واذا محتاج حاجه من يونيون اير كلمنى

دمت بود

[Deshahcoka]

السلام عليكم



المهم
الغرفه لو مغلقه وانت ضابط الحراره على 27 وبرضه الكباس مبيفصلش و الجهاز جديد والدنيا برد يبقى كده فيه حاجه غلط - الثرموستات بيفصل متاخر - او حضرتك بتبرد بسرعه ؟
يبقى محتاج حضرتك ترجع للصيانه خصوصا ان حضرتك فى فتره الضمان. و جرب sleep و اضبط على 25

واذا محتاج حاجه من يونيون اير كلمنى

دمت بود

باشا معلش تاعب حضرتك انا عارف بس استحملني :)

فعلا هوا بيفصل بس متاخر شوية و الفصلة الي بعد الفصلة الاولي بتبقى بسرعة عادي ...

انا ظبطته على 26 و كان بيفصل و يشتغل قبل ما انام و انا عامله sleep لما صحيت دلوقتي لقيت نفسي معرق شوية بس احسن من الصهد الي من غير تاكيف :) بس لو كدة يبقى انسب حاجة ال 25 عن تجربة حضرتك :)

يمكن انا ببرد بسرعة اه و بضايق منه :(

[Gelgel2004]

باشا معلش تاعب حضرتك انا عارف بس استحملني :)

فعلا هوا بيفصل بس متاخر شوية و الفصلة الي بعد الفصلة الاولي بتبقى بسرعة عادي ...

انا ظبطته على 26 و كان بيفصل و يشتغل قبل ما انام و انا عامله sleep لما صحيت دلوقتي لقيت نفسي معرق شوية بس احسن من الصهد الي من غير تاكيف :) بس لو كدة يبقى انسب حاجة ال 25 عن تجربة حضرتك :)

يمكن انا ببرد بسرعة اه و بضايق منه :(

السلام عليكم

زى ما حضرتك قلت
لما بنشغل خاصيه سليب بترفع درجه الحراره درجتين على فتره علشان محدش يبرد و بالتالى لما ضبطته على 26 درجه ارتفع اثناء النوم الى 28 و دى تقريبا درجه مروحه يعنى الكباس مبيشتغلش كتير
جرب اللى قولت لحضرتك عليه عند النوم من 23 الى 24 ودى مناسبه ليا جدا

دمت بود

[Deshahcoka]

السلام عليكم

زى ما حضرتك قلت
لما بنشغل خاصيه سليب بترفع درجه الحراره درجتين على فتره علشان محدش يبرد و بالتالى لما ضبطته على 26 درجه ارتفع اثناء النوم الى 28 و دى تقريبا درجه مروحه يعنى الكباس مبيشتغلش كتير
جرب اللى قولت لحضرتك عليه عند النوم من 23 الى 24 ودى مناسبه ليا جدا

دمت بود

حلوة دمت بود الي مش فاهمها ديه :)

خلاص ان شاء الله اجرب على 24 مع ان 24 ديه فله معايا في عز الظهر الساعة 2 مش عارف حستحملها ازاي بليل :)