افيدونا في شهر عسل في تركيا

[FunnyMickey]

سنغافوره وحشه
امال تركيا عامله ازاي
:)

ياخوفي لتكون حصل فيها زي حزلقوم
نط ياحزلقوم اليونان قربت
:)
ممكن صباع محشي ياحاجه


انا والله دماغي خلاص
مش عارف اعمل ايه

دلوقتي العروض اللي قدامي كلها غير شامله الفسح
يعني حدفع 7500
فندق 3 نجوم فطار بس شامل الانتقالات من الفندق للمطار
واي فسح عليا

طب حد يعرف الفسح دي تتكلف كام
وياريت كده نصايح بالفنادق
ايه احسن مكان انزل فيه يبقي قريب

حاجه كمان انا سمعت ان التاكسي والاكل هناك غالي اوي
هل ده صحيح؟

[Ramy_2R]

خدلك بصه على دول كده
‫ ظ„ظ‚ط·ط© - ط¹ط±ظˆط¶ ظˆطھط®ظپظٹط¶ط§طھ ط³ظٹط§طط© ط®ط§ط±ط¬ظٹط© - طھط±ظƒظٹط§ - ظ…طµط±
‫ ظ„ظ‚ط·ط© - ط¹ط±ظˆط¶ ظˆطھط®ظپظٹط¶ط§طھ ط³ظٹط§طط© ط®ط§ط±ط¬ظٹط© - ط´ظ‡ط± ط§ظ„ط¹ط³ظ„ - ظ…طµط±

[ghazy12]

الفسح على حد علمي مش غاليه بالشكل اللي انت متخيله.. بس لو فيها شوبينج يبقى هتدفع كتير يا زعيم :))

المفروض ان البرنامج شامل التنقلات, غير من الفندق للمطار و العكس علشان ده طبيعي, لكن بيكون
البرنامج شامل بعض الفسح زي رحلة في البحر بياخت مثلاً, مزارات و معالم سياحيه, كده

الزياده عن كده بتدفع عليه, و ده اللي انا اعرفه, لان مش طبيعي اكون بدفع فلوس زياده علشان
بس شركة السياحه تحجزلي تذكرة الطيران و الفندق, و انا اروح اتصرف هناك بمعرفتي... اكيد لأ,
اصل لو هي كده... يبقى من اسهل ما يكون تحجز لنفسك فندق و طيران و تاخد اوفر كويس و لا
الحوجه لشركة السياحه او غيرها !!!! لكن الفكره انهم بيعملوا برنامج شامل الفسح و بيكون معاك مرشد
و السعر بيكون اقل علشان انت بتطلع مع جروب مش لوحدك, و ده بيقلل السعر لان الفندق بيعمل
سعر خاص للمجموعات و شركات السياحه بشكل عام اصلاً... يعني هو كده كده كسبان يا باشا :))

لو قررت تركيا, و هي ارخص و اجمل مكان ممكن تروحه بره مصر, اسأل في شركات سياحه كتييير
عن برامجهم لرحلات تركيا و خصوصاً لشهر العسل, و صدقني هتلاقي اوفر يناسبك و سعره كويس...

لو هتفكر في مكان تاني, و بردو معروف انه لشهر العسل, و مش غالي, بس داخل مصر.. يبقى سهل حشيش

شوف شركة سياحه زي توماس كوك مثلاً, انا اعرف انهم كويسين لكن عمري ما تعاملت معاهم,
فلو في حد يعرفهم او تعامل معاهم يا ريت يدلنا, و يا ريت اي حد يعرف شركات سياحه محترمه يفيدنا بيها...

تحياتي يا صبحي بك...

[FunnyMickey]

سألت عالفسح قالولي 2000 جنيه ياغازي
رحت رديت وقلت تييييييييييييت
:)

[ghazy12]

يعني 7500 جنيه + 2000 جنيه ........ ده للفرد !!!!!!!!!!!!!! ده مستحييييييييييييييييل

اتأكد تاني من السعر ده يا صبحي... لو اللي انا فهمته من كلامك ده صح, يبقى اكييييد في حاجه غلط

[Hany A Fattah]

فيه واحد صاحبى بينظم رحلات ذى دى وكان حاسبهالى ليا انا وزوجتى والبنات حوالى 12000 الاسبوع شامل التذاكر
لوعايز تعرف تفاصيل اكتر قوللى وابعتلك رقمه

[FunnyMickey]

ابعت ياباشا
بس قول له بلاش ال12 الف ده
:)
يشوف حاجه طالعه بري :)

[devilishtigers]

الاكل هناك مش غالي بالعكس والله كويس جدا
التاكسيات هي اللي غالية شوية
احنا بردوا لما روحنا كانت الزيارات علينا وكانت اغلى واحدة 75 دولار للفرد
لف شوية يا صبجي على مكاتب السياحة علشان انا شايف السعر دا غالي من 5500 الى 6000 معقول اوي
وانا حاول اشوف بردو واسالك اي حد

[FunnyMickey]

يعني الاكل تقريبا كام عشان انا قرايبي كلهم قالولي ان الاكل غالي اوي هناك
انا بجد محتار جدا

[hobby10]

مبروك ياباشا كان نفسى اروح معاك والله ههههههههههه

انا اختى كانت دماغها هاففها وعاوزه تسافر تتفسح هناك وبتقولى مصاريف الرحله اسبوع فقط بالطيران بالاقامه 5000 جنيه قولتلها طيب مانتى عاوزه قدهم على الاقل علشان تصرفى هناك وتشترى شوية حاجات كمان لان اللبس هناك تحفه على مااسمع
على فكره شرم الشيخ كانت اغلى من تركيا شوف ازاى بقى جوه مصر اغلى من براها

بس انا رائى انك تروح شرم اليومين دول او مرسى علم لان الاماكن دية برده على مااسمع لانى مروحتهمش جمال جدا ولايقلوا عن تركيا ابدا وخصوصا مرسى علم والاسعار دلوقتى فى الارض يعنى فرصه وانت راجل تاجر وفاهم ازاى تاخد الفرص
الرحله 4 ايام بتذاكر الطيران بالاقامه فى الفندق والاكل والشرب والتقسيط على 6 شهور ب 1450 جنيه وده برنامج عاملاه مصر للطيران وبالمره تشجع وتنشط سياحة بلدك حاكم انا عارف انك راجل وطنى كبير
والف مبروك مره تانيه

معلش ممكن معلومات اكتر عن موضوع ال 1450 ده .. تفاصيل الرحلة نفسها يعنى ..... وشكرا لحضرتك :)

[MOUSTAFA_SAAD]

معلش ممكن معلومات اكتر عن موضوع ال 1450 ده .. تفاصيل الرحلة نفسها يعنى ..... وشكرا لحضرتك :)

انا سمعته فى برنامج العاشره مساء وحيبقى تبع شركة مصر للطيران
اسالى فى المكاتب بتاعتهم

[askoda]

Check This Out
http://www.thomas.....gypt.com/holid...D=109&DeptID=2

Then you'll need around $500 Per person for the Daily Programes

I believe you need to have your Budget not Less than 10000 and around 12500 For best Performance

[FunnyMickey]

مالها راس البر مش فاهم انا
:)
ب200 جنيه تقعد اسبوع هناك باشا وحاطط رجل علي رجل كمان

الف شكر ياباشا
انا امبارح قعدت علي موقع المسافرون العرب وشفت اسعار الاكل
اسعار غربيه بصراحه
يعني اقل حاجه هناك غدا 80 جنيه للفرد
فمش شايف اصلا ان الاكل رخيص
نفسي اعرف ياحوده انتا كنت بتاكل فين
:)

[azmeralda]

راس بر مين اللى ب 200 ده انت طيب قوى يا ميكى


ده شهر 7 اليوم هه اليوم ب 650 ج لسه ناس سائلين !



انا اسمع ان مرسى علم دى تحفة قوى بس معرفش فيها فسح ولا ايه

[FunnyMickey]

اعتقد فنادق بس
مفيهاش فسح
مانا عمال اقنع فيها اقولها نروح الغردقه فندق 5 نجوم وعندي اللي يزبطني هناك
تقولي هوا انا لغيت الفرح عشان اروح الغردقه :)

شفتي استغلال الموارد الاصلي
لازم نخرج عالجنط من الجوازه
:)
بفكر احجز تذكره واحده ذهاب بس هههههههههههههههه