التوقيع!!!!

[Sharky]

رغم اني بطيئ التغيير في حياتي الا ان توقيعي بيعكس حالتى المزاجية دايما

مين دا على أساس إن العربيات بره حياتك :D


أنا توقيعى بيعبر عن حبى للسيارة الرائعة ريــــنو ميـــــــــــجان إللى بيزيد كل يوم

[turboman]

والله شكرا يا عم كاسبر طلعتها في دماغي بالموضوع بتاعك وتعبت على ما عملت توقيع ........بس ايه رايكوا في الواد؟حد عنده عروسه؟؟؟؟:d

[Mzeid]

أنا بقى متناقض جداَ .. لأن أنا بحب التجديد دائماَ و بزهق بسرعة بس برضه في حاجات مقدرش أغيرها و باخد عليها عشرة و بتضايق لو إتغيرت ..
أنا توقيعي في حاجتين ..
أولاَ ذكر الله اللي أنا كاتبه لأني بحب أخرتي و نفسي آخد ثواب و حسنات كل ما حد دخل و قرأ الذكر الجميل دة ..
ثاني حاجة العربية ال CAMARO دي هي سيلرة أحلامي اللي نفسي أجبها خصوصاَ إن سعرها هيبقى 380.000LE للنسخة الرخيصة ال 3.7L بالجمرك ..
:):)

[Chicco]

موضوع جميل يا باشا ألف شكر....أنا فعلا توقيعي بيبقى إنعكاس لحالتي المزاجية أو تأكيد على رأي قلته ....بالذات في نقاش أو بالاحرى جدال ....و غالبا بيبقى ليه علاقة بتويوتا ;)

توقيعي الحالي ليه حكاية ....الجملة مقتبسة من أغنية لمغني أمريكاني إسمه مضحك = Meatloaf (رغيف لحمة أو حواوشي:D) الاغنية اسمها Objects in the rear view mirror ....شكل الاخ حواوشي ده بيحب العربيات زاي حالتنا.... و مغزى الاغنية إن إسترجاع الذكريات أشبه بالنظر في مرآة السيارة ...الأجسام المرئية تبدو قريبة برغم بعدها .....زاي الذكريات بعيدة لكن تبان قريبة و ليها تأثير على الحاضر
الجملة بقى بتشبه الحياه بطريق سفر سريع و الأرواح مثل السيارات في هذا الطريق و الصورة بتعبر عن الأرواح المتسارعة في سباق الحياة
على فكرة مش دايما توقيعي معقد كده:D:D:D

[محمد المشد]

التوقيع قد يكون امر مزاجى مؤقت 00 البعض يحب تغيرة بين الحين والاخر والبعض يرى انه جزء من شخصيتة وحالتة المزاجية فى وقت التوقيع ، واخرين يرون ان التوقيع ما هو إلا مزحة يجب تغيرها لانها لاتعبر عن شخصيتهم بقدر ما تعبر عن واقع اليم يمرون به بصفة مؤقتة !
ويرى البعض ان التوقيع يجب ان يكون معبر عن شخصيتهم وما بداخلهم ! وبالنسبة لى التوقيع ما هو إلا تعبير صادق للاخرين بأن رأى ليس مقدس بالنسبة لى و يحتمل الصواب والخطأ لاننا فى النهاية بشر نخطىء ونصيب !

[hazem_khidr]

انا توقيعي بيعكس التحدي اللي دايما بعيشه بمزاجي :)

[airbus320]

انا توقيعى شقين شق بيوضح حزنى على البلد وشق حبى للطيران على الفكرة الصورة ده فوق شرم الشيخ 30000 قدم

[YoussefMostafa]

انا بقي حاطط صورة العربية اللي عايز اجبها ان شاء الله

[Mido80]

اكيد يا مان

[mada121977]

توقيعى جزء من مناجاه الرسول عليه افضل الصلاه والسلام لربنا سبحانه وتعالى عندما ضاقت به السبل عند دعوه اهل الطائف للاسلام وانا بحب جدااا الدعاء ده بحس انه قريب من شخصيتى (يعنى انا بطبعى بحب الصراحه والجديه ومابحبش اللف والدوران والنفاق وبرضه وبفضل الله مفيش فى العيله اى حد ماسك منصب كبير علشان اللى يقابلنى اقوله انت مش عارف بتكلم مين :) يعنى ماعندناش حتى عسكرى شطرنج والحمد لله الواحد ربنا بيسترها معاه

[sab3aawy]

توقيعى يعبر بصورة ساخرة عن ما اصبحت امر به من حالة انفصال عن مفردات المجتمع وعدم رغبة فى الإتصال، لذلك تعمدت اختيار بيت من الشعر لا يفهمه احد بما فيهم انا شخصيا

[ahmedateya]

توقيعي فيه شكر للراجل اللي بيهز عربيتي بمزيكته كل يوم و بيروق دماغي من اول 6الصبح لغاية 12بالليل