الفقراء أولاً ياولاد ال....

[misoalex]

استاذ تامر
السنترالات والمستشفيات واى اماكن جنب الاقسام
نهبت وسرقت
البعيد عنها اغلبه سليم
يعنى اللى هاجم القسم
عدى على المبنى المجاور بالمرة
يبقى فيه ناس دمرت القسم كنوع من الانتقام مش اكتر
واسال استاذ خميس لانه اسكندرانى عن موقع قسم رمل 2 فين
هتلاقيه بعيد عن اماكن التظاهر

يوم 28 مكنش فيه فى اسكندريه مكان بعيد عن التظارهر واللى من اسكندريه عارف كده لانهم كانو بيتجمعو ويفضلو ماشين يهتفو عشان يجمعو اكبر عددد ممكن من الناس

اللى حصل وانا شاهد عليه يوم 25 قبل سقوط الداخليه بيومين ان منطقه ابو سليمان اللى فيها قسم رمل 2 الناس اتجمعت وقالت اشمعنى القاهره ويلا بينا احنا كمان (على فكره المنطقه دى معقل الاخوان وبها سلفين كتير يعنى مش منطقه مهمشه ولا اللى فيها بلطجيه بس )
المهم الناس اتجمعت وابتدى عددهم يزيد والشرطه طبعا والامن المركزى ضرب عليهم نار وفرقهم واعتقل منهم ناس وخلاص على كده كل لما يتجمعو يفرقوهم فى الساعه او فى ابو سليمان وغيره

يوم الجمعه 28 السيناريو اتكرر بس مكانش فيه امن مركذى كفايه يسيطر على الموقف ويفرقهم فالشرطه قررت تضرب فى المليان
هووووووووووووب الناس بقت تموت والناس التانيه بقت تتلم وتحدف بالطوب وتباعا تم الهجوم على القسم والظباط عملو بعض البلطجيه اللى كانو بداخل القسم وفى الحجز حائط لهم عشان يهربو وبعد كده البلطجيه طلعو من القسم وانضمو للناس اللى بره وتم التخريب والانتقام لان الناس دخلت القسم تنتقم وتجيب دم الناس اللى ماتت

طب حد يقوللى اشمعنى رمل تانى متضربش منه ظباط والظابط اللى موت الناس لسه حى لحد دلوقتى ومتحاكمش ؟؟؟؟؟؟؟
مع العلم ان فيه ناس ماتت كانت داخل منازلهم زى الطفله اللى مات من رصاصه دختلت من البلكونه وماتت جوه شقتهم
ولا دى بلطجيه هى كمان

حسبى الله ونعم الوكيل

بلاش نخلط الامور بببعض ونشوه صوره كل الناس اللى ماتت ونقول عليهم بلطجيه عشان بعض البلطجيه كانو معاهم سواء مدسوسين من الداخليه الى كانو بتوع الانتخابات او جاين ينتقمو من الظباط اللى عزبوهم او موتو اهليهم

والناس لما تحب تعمل مظاهرات المره الجايه تبقى بعد كده متعديش من ادام اقسام عشان لو اتقتلو ميتقالش عليهم بلطجيه

[A.Saad]

يوم 28 مكنش فيه فى اسكندريه مكان بعيد عن التظارهر واللى من اسكندريه عارف كده لانهم كانو بيتجمعو ويفضلو ماشين يهتفو عشان يجمعو اكبر عددد ممكن من الناس

اللى حصل وانا شاهد عليه يوم 25 قبل سقوط الداخليه بيومين ان منطقه ابو سليمان اللى فيها قسم رمل 2 الناس اتجمعت وقالت اشمعنى القاهره ويلا بينا احنا كمان (على فكره المنطقه دى معقل الاخوان وبها سلفين كتير يعنى مش منطقه مهمشه ولا اللى فيها بلطجيه بس )
المهم الناس اتجمعت وابتدى عددهم يزيد والشرطه طبعا والامن المركزى ضرب عليهم نار وفرقهم واعتقل منهم ناس وخلاص على كده كل لما يتجمعو يفرقوهم فى الساعه او فى ابو سليمان وغيره

يوم الجمعه 28 السيناريو اتكرر بس مكانش فيه امن مركذى كفايه يسيطر على الموقف ويفرقهم فالشرطه قررت تضرب فى المليان
هووووووووووووب الناس بقت تموت والناس التانيه بقت تتلم وتحدف بالطوب وتباعا تم الهجوم على القسم والظباط عملو بعض البلطجيه اللى كانو بداخل القسم وفى الحجز حائط لهم عشان يهربو وبعد كده البلطجيه طلعو من القسم وانضمو للناس اللى بره وتم التخريب والانتقام لان الناس دخلت القسم تنتقم وتجيب دم الناس اللى ماتت

طب حد يقوللى اشمعنى رمل تانى متضربش منه ظباط والظابط اللى موت الناس لسه حى لحد دلوقتى ومتحاكمش ؟؟؟؟؟؟؟
مع العلم ان فيه ناس ماتت كانت داخل منازلهم زى الطفله اللى مات من رصاصه دختلت من البلكونه وماتت جوه شقتهم
ولا دى بلطجيه هى كمان

حسبى الله ونعم الوكيل

بلاش نخلط الامور بببعض ونشوه صوره كل الناس اللى ماتت ونقول عليهم بلطجيه عشان بعض البلطجيه كانو معاهم سواء مدسوسين من الداخليه الى كانو بتوع الانتخابات او جاين ينتقمو من الظباط اللى عزبوهم او موتو اهليهم

والناس لما تحب تعمل مظاهرات المره الجايه تبقى بعد كده متعديش من ادام اقسام عشان لو اتقتلو ميتقالش عليهم بلطجيه

ده مش كلامى
ده كلام العضوة s a m a وهيا من اسكندرية برده وعلى فكرة منطقة رمل 2 انا رحتها كتير مش بعيد عنها

على فكرة بغض النظر عن الرأى فى وائل الكومى
لكن كل الفيديوهات اللى شوفتها عاليوتيوب
انا ضد محاكمة وائل الكومى واى من ظباط القسم
بالعكس ده يحترم هو ومن كان معه لانهم لم يتخلوا عن مواقعهم واضطروا يدافعوا عن انفسهم وعن القسم لحد انتهاء الذخيرة
معلش اسمحولى وانا من اشد مؤيدين الثورة وكنت فى كل المظاهرات وشوفت كتير بعينى
بس فى حالة قسم رمل ثان بالذات
معنديش مبرر واحد يخلى الناس تروح تهجم عالقسم او تتجمهر عنده
لا هو مكان مناسب للتظاهر ولا اللى كانوا موجودين ناس تحمل لافتات ولا بتهتف ولا كانوا رايحين فى مظاهرة سلمية للاسقاط النظام

ودى شهادة شنورى

بس انا حقول رايي الشخصي
قسم الرمل ثاني ماسك منطقه من اسود مناطق اسكندريه
السيوف وابوسليمان والعوايد والعزب والاراضي المحيطه بيهم
ومليانه بالمسجلين خطر سواء فرض سيطره او جرايم نفس وكل ما تتخيلوه من بلاوي موجوده في المناطق دي
بجانب ان القسم مش موجود بجواره اي شوارع حيويه
او بمعني تاني موجود في حته مقطوعه من مجاهل اسكندريه قليل جدا لما حد بيمشي فيها علي رجله
والعادي بتاع القسم ده ان كل يوم يجيله عشرات البلاغات سواء ناس ضاربين بعض بمطاوي
او ناس بيشتكوا من واحد مجرم بيتلف ممتلكاتهم وبيبيع مخدرات
او ماسكين ناس شايله مطاوي وخناجر وسيوف
وده حصل قدامي مره لما كنت قاعد هناك
الناس زي ما شوفت في الفيديوهات مكانوش رايحين يتظاهرو
لا دول كانو رايحين مخصوص يولعوا في القسم

ودى مشاركة لحضرتك شخصيا

محدش قال اللى راح هناك راح شان مظاهره

واللى راحو اقتحمو امن الدوله مش عشان مظاهره برضه

الى راحو عند القسم دول راحو ينتقمو من رموز الفساد
ناس عاديه كانت بتتجر وتتسحل فى الشارع ولو فكرت تدخل القسم حتى عشان تطلع ورقه كانت بتتشتم من اوسخ شتيمه وتتهان اشد اهانه

سؤال يا استاز احمد حضرتك دخلت قسم رمل تانى قبل كده ؟؟؟؟؟؟

لما تدخله وتشوف واحد اد والدك وافق فى الطابور عشان يخلص ورقه ويتشتم ويتهان عشان مش واقف فى الطابور كويس او عشان بيدافع عن دوره اللى واحد بلطجى عاوز ياخده بالعافيه كنت حتعرف الناس دى راحت تكسر القسم ده بالذات ليه

لو رحت تطلع فيش وتشبييه عشان شغلك او جيشك وانت داخل القسم تبقى عمال تدعى انك تطلع منه سليم او على الاقل من غير متتشتم او تتزق من امين شرطه لامؤاخذه

الناس البسيطه او حتى الصايعه بالنسبالها القسم ده مركذ تعزيب وهى رايحه تهده وتاخد حقها الى اتهدر سنيييييييييين ومحد فكر يجيبلها حقها
واللى كان بيتكلم كان بيتسحل
لما لقو فرصه انطلقو

الظلم وحش

[A.Saad]

وعلشان النقاش ما يبقاش على قسم رمل 2
سؤال مهم : -
ليه الاقسام متحرقتش يوم 25
26
27
لأن المسجلين هما اللى عملوا كدة
يا ترى كام عضو من اللى اشركوا فى المظاهرات معانا فى المنتدى حرق قسم ولا سيارة شرطة ولا قتل ظابط او عسكرى

[A.Saad]

على فكرة انا مش شايف وجه الخلاف , ما انا عارف اللي بتقوله
الفكرة اني باقول نص الكلام بالتفصيل و النص التاني اجمالا , و حضرتك بتقول العكس , فهي هي

فيه اقسام تم اقتحامها بسبب تعدي الشرطة على الناس , و فيه اقسام تم اقتحامها بصورة انتقامية
بس كده
:)

تصدق اول مرة نتفق ههههههههههههه

[wael17]

يا ترى كام عضو من اللى اشركوا فى المظاهرات معانا فى المنتدى حرق قسم ولا سيارة شرطة ولا قتل ظابط او عسكرى

ولا واحد لأن اعضاء المنتدي مش بلطجية ولا مسجلين
اللي أعرفه عن المنطقة اللي كنت فيها( الدقي )ان كل المتظاهرين كانوا سلميين في بداية التظاهر بعد صلاة الجمعة و لما ناس كانت بتحاول تحتك بالشرطة كنا بنمنعهم...و بصراحة و ده كلام انا مسؤل عنه...في ظباط كتير في الامن المركزي كانوا متعاطفين مع المظاهرات و كانوا بيحاولوا يتجنبوا استخدام العنف مع المتظاهرين...يعني مثلا كان في كوردون امن مركزي قافل الشارع قدام سينما التحرير و وقفنا قدامهم و بدأنا نهتف و طبعا بدا البعض من الخلف يدفع الناس الموجودة في الصف الامامي عشان تصطدم بالجنود و يبدأ الضرب و يحصل هرج و مرج و نكسر الكوردون...انا كنت في الصف الاول قدام الظابط و ناس عمالة تزق عشان نخبط في العساكر و احنا نقول سلمية مفيش فايدة...و الظابط كان متوتر جدا و عايز يسيطر علي الموقف من غير عنف و في نفس الوقت مش قادر يخالف الاوامر و يفتح الشارع و قال لمجموعة من الناس...ماقدرش اعديكم يا جماعة عندي أوامر..لو عايزين توصلوا ميدان الجلاء ادخلوا من الشوارع الجانبية!!!!!!!! و فعلا المظاهرة راحت داخلة شارع جانبي و طلعت من الناحية التانية بعد الكوردون من غير ضرب ولا حاجة...و في ميدان الجلاء ضربوا شوية قنابل مسيلة و طبعا الناس كانت بتجري تمسكها و تحدفها عليهم و في الاخر انسحبوا...قسم الدقي لم يتدخل في المظاهرات بأي صورة رغم ان المظاهرة كانت امامه...و علي الساعة 4 العصر لما الشرطة انسحبت و سابوا عربيات الامن المركزي لقينا ناس اشكلها زي المجرمين رايحين يولعوا في العربيات...نتكلم معاهم يا جماعة بتحرقوا أم العربيات ليه ما هم خلاص انسحبوا و الجيش نزل...تحس انك بتكلم بهيم و مش فاهم انت زعلان ليه علي عربية أمن مركزي!!!! و للاسف الناس دي بدات اعدادها تزيد مع حلول المساء و بقت هي المسيطرة علي المشهد في الشارع و ناس كتير محترمة من اللي بدات المظاهرة الصبح لما لقت الشارع اتملي ناس همج و بدأ التخريب راحت مروحة علي بيوتها و انا منهم...انا فاكر قبل ما أروح بدات اشعر باستفزاز من الناس اللي عمالة تكسر و تخرب بدون سبب رغم ان ماحدش بيعتدي عليهم...وشفت عيل بتاع 13 سنة حافي ما عرفش طلع منين واقف علي كوبري قصر النيل ماسك درع امن مركزي و عمال يحدف طوب علي عواميد النور لحد ما يكسر اللمبة...شخطت فيه و قلت له انت بتعمل كده ليه...راح باصص لي بمنتهي البلاهة و ابتسم ابتسامة غبية و ماردش علي و كمل طريقه يكسر في عواميد النور

[tamer_a7]

طي انا بس حابب اسال سؤال صغير ونرجع نكمل الكلام يعني اللي حرق الاقسام دول مش بلطجيه الداخليه (التهمه السابقه للداخليه بانها السبب)
ولكن هما الثوار (بشكل او باخر) يعني اللي قدام مظاهرات اتحرق من الثوار واللي مش قدمها اتحرق من اللي بيقلدو الثوار
انا بس حابب اشارك معاكم لحظه من لحظات يوم السبت
النقطه بتاعت وادي حوف بتشتعل العربيات بتجري في الشارع بسرعات غير طبيعيه
امي الست الكبيره حاضنه ابني الاكبر كريم المكالمات علي تليفون البيت زي الرز من كل قريبنا وكل معارفنا الاقسام بتولع والبلطجيه مالين الشارع
خالي اللي ساكن قدام سجن طره عربيته اللانسر اتحرقت
قسم شبرا اللي قلت قل كده في مشاركه اني شفت الظابط وهو بيترمي من فوق السطح بتاعه
يعني الناس اللي ارعبتنا دي وحرقو ممتلكات ناس كتير غلبان ما لهاش ذنب دول ثوار وشهدء
وانا اللي كنت فاكر انهم بلطجيه الداخليه طلعنا ظلمنها والله

طيب معلش انا حابب حد (يكون عنده قدره اعلي مني في البحث) يراجع مشاركات المنتدي كلها في الايام اللي تلت عوده النت واللي كانت كلها بتتنصل من حرق الاقسام وبتعتبره عمل الغوغاء وكنا كلنا متقين انهم بلطجيه
النهارده في ناس في المنتدي بتعترف انها كانت مع الناس اللي تولع في الاقسام ووقفين بيتفرجو
مشاركه الزميل misoalex موجوده قبلي اهيه
الكلام دا اخر كلام ليه في الموضوع ده بس بجد ممكن اكون مذهول شويه

[wael17]

انا بس حابب اشارك معاكم لحظه من لحظات يوم السبت
النقطه بتاعت وادي حوف بتشتعل العربيات بتجري في الشارع بسرعات غير طبيعيه
امي الست الكبيره حاضنه ابني الاكبر كريم المكالمات علي تليفون البيت زي الرز من كل قريبنا وكل معارفنا الاقسام بتولع والبلطجيه مالين الشارع
خالي اللي ساكن قدام سجن طره عربيته اللانسر اتحرقت
قسم شبرا اللي قلت قل كده في مشاركه اني شفت الظابط وهو بيترمي من فوق السطح بتاعه
يعني الناس اللي ارعبتنا دي وحرقو ممتلكات ناس كتير غلبان ما لهاش ذنب دول ثوار وشهدء
وانا اللي كنت فاكر انهم بلطجيه الداخليه طلعنا ظلمنها والله

المشكلة يا استاذ تامر ان في خلط كبير للحقائق و تزييف حصل تحت غطاء الثورة...يعني الاقسام الي اتحرقت دي اتحرقت باسم الثورة و الظابط اللي اترمي من فوق السطح برده باسم الثورة...للاسف في ناس هتقول انه أكيد كان بيعامل المجرمين بقسوة و يستاهل اللي الموت
من هم الثوار؟ لا يوجد تعريف محدد لهذه الكلمة رغم اننا بنسمعها كل يوم مليون مرة
المقال بيتكلم عن شباب معاهم مطاوي كانوا " بيغزوا" العساكر...اعتبر دول ثوار؟ طب و اللي طلع منهم بعد كده سرق و نهب و اغتصب؟المقال بيتكلم عن المدمنين و المبرشمين الشجعان اللي كانوا بيهاجموا المدرعات...دول ثوار؟!...طب اللي نزل في ايام الثورة الاولي و بعدين قعد في بيته لما لقي الحكاية قلبت صراع بين الاحزاب و التيارات المختلفة و تصفية حسابات مع النظام السابق...طب اللي ما نزلش خالص في اول اسبوع و بعدين من بعد التنحي بقي راشق كل جمعة في ميدان التحرير...مش عارف من ينطبق عليه شرف ان يحمل لقب " ثائر" و اصلا من له الحق في تصنيف الناس بانهم ثوار او غير ثوار؟
في تدليس و استغلال لكلمات عظيمة زي الثورة و الشهداء و الحرية
يعني ممكن تصحي الصبح تسمع خبر زي ده
جنازة مهيبة لشهداء الثورة مجهولي الهوية

و اتنين من فاعلي الخير اتبرعوا ليتم دفنهم في مقابرهم و اتخانقوا من الي له الشرف انهم يدفنوا عنده و اتعملت لجنة لفحص المدفنين و اختيار الاصلح لدفن " الشهداء"
و علي اخر اليوم تكتشف انهم سجناء و بعضهم كان ببدلة الاعدام!!!!

الحرية بالنسبة لبعض الناس اني اقفل شارع قدام العربيات عشان اطالب بعلاوة و لما ناس تحاول تعدي اكسر لها عربياتها
أو اقطع السكة الحديد بسبب خلاف بين عائلتين علي ارض مقام عليها برج اتصالات
الثورة تم تشويهها من قبل قطاعات واسعة من الناس و الكلام ده بدأ من يوم 28 يناير
المشكلة انك لما تتكلم عن السلبيات دي تفاجأ ان في ناس بتهاجمك بشراسة و تتهمك انك عدو الثورة!!! و انك مش بتتحترم الناس اللي ماتت و هي بتجيبلك حقك...حتي لو كانوا لابسين بدل سجن!!!

المقال اللي مكتوب عن شباب المناطق الشعبية اللي لولاهم الثورة كانت هاتفشل بيقول في جزأ منه
الواد منهم يضرب الترامادول - أقراص مخدرة - وينط فوق المدرعة يجيب العسكري اللي فيها وينزل بيه
ده علي اساس ان المدمنين عندهم وعي سياسي مثلا و كانوا بيطالبوا بالحرية و التغير السياسي.
و قصة تانية
مسكوا امين شرطه و ثبتوه على الارض
و قالوا له هات سلاحك
اداهم السلاح
هات اللاسلكى
اعطاهم اياه
و فر هاربا
فما كان من الصبى الذى استولى على اللاسلكى
الا ان فتحه و قال بالحرف
(يا حكومه يا وسـ..ه احنا مسكنا البلد)

و بعد الكلام الجميل و البطولات و التضحيات دي ايه اللي حصل؟ من اللي طلع علي كارفور و اركاديا و البنوك و المحلات و سرقهم و حرقهم...الرد الجاهز بلطجية الداخلية عشان يخوفوا الناس...طب ما نتفرج علي الفيديوهات و نشوف من كان بينهب كارفور اسكندرية...هتلاقي ناس عادية فيهم ستات و عيال صغيرة دول برده تبع الداخلية؟!! و برده لما تتكلم و ترصد الاحداث المؤسفة اللي حصلت يبقي انت بتعيب في الثورة!!!!
المقال ده هو أكبر اساءة للثورة لما ينسب جزأ من الفضل في نجاح الثورة "لعيال ضاربة ترامادول"

الكلام ده اتكلمنا فيه كتيييييير و في النهاية الواحد بياخد اللي فيه النصيب و يسكت...مرة يتقال فلول..و مرة يتقال خاين للثورة
بس انا شايف ان الوقت كفيل باظهار الحقيقة
كلمة اخيرة
الثورة (من وجهة نظري) لم يكن هدفها حرق شوية اقسام او القضاء علي الداخلية او مجرد اسقاط النظام و محاكمة بعض الاشخاص....و لكن الثورة هدفها الاسمي في النهاية هو الانتقال بمصر الي وضع افضل و النهوض بها في كافة المجالات و جعلها بلدا يفخر مواطنيه بحمل جنسيته و لا يتسابقون للهجرة منه ....لو لم نصل الي هذا الهدف في يوم من الايام فستكون الثورة فشلت....بالنسبة لي

[yousef1978]

مقالة جيدة وتنبه الجميع إلى أخذ دوره في خدمة الناس

وأنا حبيت أوضح فقط أن التيار الإسلامي يحاول فعل ذلك بقدر الإمكان وله في ذلك أيادي بيضاء

والنقطة الأخيرة هي رفاهية ما بعد الثورة
فلا توجد ثورة في التاريخ أثمرت رفاهية فورية

وأي واحدة ست بتولد لابد أن تعاني أثناء الولادة لكن ترقبها للمولود الجديد وأمانيها العريضة بتهون عليها أي عناء وألم

فلابد للأمة من ميلاد ولابد للميلاد من مخاض ولابد للمخاض من آلام

وبغير تحمل المعاناه فلابد أن ننسى الأمل والأمن ونرضى بحكم مبارك وأحفاد مبارك

[A.Saad]

ايه نتيجة تعمد ضرب الشرطة وتدميرها غير غياب القانون اللى يعتبر ركن هام لاى ديمقراطية
وايه فايدة اللى حصل لاى مواطن محترم

[devilishtigers]

ايه نتيجة تعمد ضرب الشرطة وتدميرها غير غياب القانون اللى يعتبر ركن هام لاى ديمقراطية
وايه فايدة اللى حصل لاى مواطن محترم

+999999999999999999
انا عايز اقول حاجة ومتأسف لو كلامي هيضايق حد
انا لغاية دلوقتي مش مقتنع بالثورة لاسباب كثيرة منها
1- لما الناس تغير نفسها الاول تروح تعمل ثورة (كنا الاول بنقول وبنشتكي من سواقين الميكروباص انهم بيمشوا عكس وبيوقفوا في اي مكان و.... و...... تعالى دلوقتي شوف الملاكي بيعمل ايه
راكن صف 3 وبيمشي عكس - كام زاحد ملاكي راح فيم - كام واحد غير النمر واللي لزق بتاعة 25 )
اقسم بالله العظيم انا ولا فيمت ولا زينون ولا ستاير وكنت باستعمل حزام الامان ايام الحظر وقبل التنحي رغم ان ما حدش ليه عندي حاجة كان نفسي اشوف الكلام دا بعد الثورة ولكن.......
2- مفيش حاجة لغاية دلوقتي اتغيرت عن الاول وبقت احسن
3- انا ما كنتش عايز حسني يمشي دلوقتي ويكما لنهاية الفترة لسبب واحد بس (ان لو حاجة زي دي حصلت بالمظاهرات كل حاجة بعد كدا هتبقى بالمظاهرات زي ما حصل مظاهرات فئوية واعتصامات عند ماسبيرو وهو دا بقى حل كل واحد عايز حاجة)
4- لو لقدر الله حد مننا والدته او اخته او اخوه او ابنه حصله حاجة وهو ماشي بسبب الغياب الامني ياتر ساعتها هنقول يلا كله يهون علشان خاطر الثورة ومفيش ثورة ملهاش عواقب.
5- كفاية ان كل واحد بقي يخون اللي قدامه ومحدش بقى عنده ثقة في حد
6- انا ضد اي تطاول على الشرطة رغم اللي عملته قبل كدا لسبب واحد تخيل الشخص اللي المفروض يحميك مش عارف يحمي نفسه!!!!!!!
ولغاية دلوقتي الرشوة شغالة والامناء بردو عايشين حياتهم وبيلموا والغلط مش عليهم الغلط على اللي عايز يقف في الممنوع وينزل يجيب حاجة وبدل ما ياخد مخالفة يروح بدب لأمين الشرطة 10 جنيه علشان يقف وما يتاخدش مخالفة.
وفي كذا حاجة تاني.
انما لو الناس غيرت نفسها في الاول وبعدين عملوا الثورة انا كنت هشارك فيها واقتنع بيها علشان في اية بتقول ( إن الله لا يغير ما بقوم حتى يغيروا ما بأنفسهم )
وانا اسف لو كلامي ضايق حد او اختلف معاه في رأيه ولكن هذا رائي ولا افرضه على احد

[samoevil911]

مقال رائع

يا رب تقبلهم في عداد الشهداء واغفر لهم


وانصر مصر

واخرجنا مما نحن فيه إلى خير حال

وولي علينا خيارنا

[tamer_a7]

+999999999999999999
انا عايز اقول حاجة ومتأسف لو كلامي هيضايق حد
انا لغاية دلوقتي مش مقتنع بالثورة لاسباب كثيرة منها
1- لما الناس تغير نفسها الاول تروح تعمل ثورة (كنا الاول بنقول وبنشتكي من سواقين الميكروباص انهم بيمشوا عكس وبيوقفوا في اي مكان و.... و...... تعالى دلوقتي شوف الملاكي بيعمل ايه
راكن صف 3 وبيمشي عكس - كام زاحد ملاكي راح فيم - كام واحد غير النمر واللي لزق بتاعة 25 )
اقسم بالله العظيم انا ولا فيمت ولا زينون ولا ستاير وكنت باستعمل حزام الامان ايام الحظر وقبل التنحي رغم ان ما حدش ليه عندي حاجة كان نفسي اشوف الكلام دا بعد الثورة ولكن.......
2- مفيش حاجة لغاية دلوقتي اتغيرت عن الاول وبقت احسن
3- انا ما كنتش عايز حسني يمشي دلوقتي ويكما لنهاية الفترة لسبب واحد بس (ان لو حاجة زي دي حصلت بالمظاهرات كل حاجة بعد كدا هتبقى بالمظاهرات زي ما حصل مظاهرات فئوية واعتصامات عند ماسبيرو وهو دا بقى حل كل واحد عايز حاجة)
4- لو لقدر الله حد مننا والدته او اخته او اخوه او ابنه حصله حاجة وهو ماشي بسبب الغياب الامني ياتر ساعتها هنقول يلا كله يهون علشان خاطر الثورة ومفيش ثورة ملهاش عواقب.
5- كفاية ان كل واحد بقي يخون اللي قدامه ومحدش بقى عنده ثقة في حد
6- انا ضد اي تطاول على الشرطة رغم اللي عملته قبل كدا لسبب واحد تخيل الشخص اللي المفروض يحميك مش عارف يحمي نفسه!!!!!!!
ولغاية دلوقتي الرشوة شغالة والامناء بردو عايشين حياتهم وبيلموا والغلط مش عليهم الغلط على اللي عايز يقف في الممنوع وينزل يجيب حاجة وبدل ما ياخد مخالفة يروح بدب لأمين الشرطة 10 جنيه علشان يقف وما يتاخدش مخالفة.
وفي كذا حاجة تاني.
انما لو الناس غيرت نفسها في الاول وبعدين عملوا الثورة انا كنت هشارك فيها واقتنع بيها علشان في اية بتقول ( إن الله لا يغير ما بقوم حتى يغيروا ما بأنفسهم )
وانا اسف لو كلامي ضايق حد او اختلف معاه في رأيه ولكن هذا رائي ولا افرضه على احد

انا كنت اخذت عهد علي نفسي اني ما اشاركش في الموضوع بس اتفقت او اختلفت معاك اسمحلي احترم جرائتك وموضعيتك

[تامر.محمد]

سلام عليكم يا ريت حضرتك تسمح لي ببعض التعقيبات

انا عايز اقول حاجة ومتأسف لو كلامي هيضايق حد
انا لغاية دلوقتي مش مقتنع بالثورة
من حقك

لاسباب كثيرة منها
1- لما الناس تغير نفسها الاول تروح تعمل ثورة (كنا الاول بنقول وبنشتكي من سواقين الميكروباص انهم بيمشوا عكس وبيوقفوا في اي مكان و.... و...... تعالى دلوقتي شوف الملاكي بيعمل ايه
راكن صف 3 وبيمشي عكس - كام زاحد ملاكي راح فيم - كام واحد غير النمر واللي لزق بتاعة 25 )
اقسم بالله العظيم انا ولا فيمت ولا زينون ولا ستاير وكنت باستعمل حزام الامان ايام الحظر وقبل التنحي رغم ان ما حدش ليه عندي حاجة كان نفسي اشوف الكلام دا بعد الثورة ولكن.......
طب جميل , انا وحضرتك و استاذ وائل هانغير من نفسنا , هل ده هايمنع استاذ وليد(اي حد ) من انه يعمل اللي بتقول عليه ده ؟ لأ مش هايمنعه بس يمكن يشوفنا يقتدي بينا , شافنا و ما اقتداش بينا, طب ندي له كلمتين في عضمه يمكن يخلي عنده دم , ما عندوش دم (عادي تلاقي فئة من الناس كده ما احنا مش في الجنة), خلاص نضربه بقى عشان يلتزم, لا ما ينفعش لأن ده مش من حقنا , خلاص يبقى بتاع المرور ده هايدي له غرامة حلوة هاتردعه, ظبطه بعشرة جنيه و ماخدش لا مخالفة ولا غرامة, طب نعمل نفس الخطوات السابقة مع بتاع المرور , نفس الكلام , احنا مش في الجنة , طب نشتكيه, ياما ناس اشتكت و مافيش فايدة, طب نعمل نفس الخطوات السابقة مع اللي هانشتكي له , مافيش فايدة , هانفضل نطلع لحد ما نوصل للوزير , ثم للرئيس , للأسف نتيجة التطهير من اسفل محدودة جدا , و غالبا في نظام زي نظام مبارك ما كناش هانلحق نوصل لفوق اوي عشان اصلا كنا هانتقص بدري بدري و الحالات اللي من دي كتير جدا ... اذن اسقاط النظام ليس اصلاح للشعب , لكنه ما يجعل اصلاح الفاسدين من الشعب ممكنا ....


2- مفيش حاجة لغاية دلوقتي اتغيرت عن الاول وبقت احسن
تاني , اسقاط النظام ليس اصلاح للشعب , لكنه ما يجعل اصلاح الفاسدين من الشعب ممكنا , و للأسف اللي مسك الحكم بعد سقوط مبارك ما عندوش رغبة في الاصلاح و ده سر المشكلة الحالية

3- انا ما كنتش عايز حسني يمشي دلوقتي ويكما لنهاية الفترة لسبب واحد بس (ان لو حاجة زي دي حصلت بالمظاهرات كل حاجة بعد كدا هتبقى بالمظاهرات زي ما حصل مظاهرات فئوية واعتصامات عند ماسبيرو وهو دا بقى حل كل واحد عايز حاجة)
اعتراضك على اسلوب معين يوجب عليك ايجاد البديل , اللهم الا الصبر لحد ما الطاغية يجي له عزرائيل و نكمل الصبر مع ابنه

4- لو لقدر الله حد مننا والدته او اخته او اخوه او ابنه حصله حاجة وهو ماشي بسبب الغياب الامني ياتر ساعتها هنقول يلا كله يهون علشان خاطر الثورة ومفيش ثورة ملهاش عواقب.
طالما بتتكلم في كده يبقى حط نفسك و ابنك و زوجتك كمان مكان اي حد اتعذب في قسم .... ايه النظام ؟

5- كفاية ان كل واحد بقي يخون اللي قدامه ومحدش بقى عنده ثقة في حد
بصراحة , حوش الثقة اللي كانت مالية الدنيا , حضرتك محسسني انك جيت مصر لأول مرة بعد الثورة

6- انا ضد اي تطاول على الشرطة رغم اللي عملته قبل كدا لسبب واحد تخيل الشخص اللي المفروض يحميك مش عارف يحمي نفسه!!!!!!!
في اوربا و الدول المتقدمة المسئول عن الحماية بيحمي الناس و بيحمي نفسه, و مش بيعمل كده بسلطة البلطجة و الرعب و السلطة المطلقة و شريعة الغاب و لكن بسلطة تطبيق القانون

ولغاية دلوقتي الرشوة شغالة والامناء بردو عايشين حياتهم وبيلموا والغلط مش عليهم الغلط على اللي عايز يقف في الممنوع وينزل يجيب حاجة وبدل ما ياخد مخالفة يروح بدب لأمين الشرطة 10 جنيه علشان يقف وما يتاخدش مخالفة.
وفي كذا حاجة تاني.
لا يا باشا الغلط على ده و ده , لو اللي بيدفع مش موجود الأمين مش هايلاقي اللي يدفع له , و لو الامين اللي بيقبل مش موجود اللي بيدفع مش هايلاقي اللي يدفع له , ده handshake من طرفين
و هارجع بيك لنقطة 1 و هاسألك لما انا و حضرتك و استاذ وائل هانصلح نفسنا الاتنين دول هايتصلحوا ازاي ؟

انما لو الناس غيرت نفسها في الاول وبعدين عملوا الثورة انا كنت هشارك فيها واقتنع بيها علشان في اية بتقول ( إن الله لا يغير ما بقوم حتى يغيروا ما بأنفسهم )

تغيير النفس له حدود كمية , و عشان كده فيه اختراع اسمه قواعد و قوانين وعقوبات رادعة و الا كانت الدنيا اتسابت بقى بلا قواعد لحد ما كل الناس تصلح نفسها, و حتى دعوات الاصلاح دي كانت بتتحارب في عصر مبارك بعنف و بشدة , فكان لازم اسقاط النظام , اللي لسه ما سقطش بالمناسبة رغم ان مبارك سقط, اسقاط النظام ليه ؟ عشان يبقى التصليح ممكن , انما التصليح مش هايبقى تلقائي من نفسه

وانا اسف لو كلامي ضايق حد او اختلف معاه في رأيه ولكن هذا رائي ولا افرضه على احد

شكرا للرأي الهادي

[AshTurbo]