إعـــــــلان

Collapse

.

,
See more
See less

يرضي مين الحال ده؟؟؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    يرضي مين الحال ده؟؟؟

    امبارح بالليل
    كنت قاعد بحسب استهلاكي المادي
    وخصوصا مع الغلاء وارتفاع اسعار السلع عشان اظبط الميزانيه بتاعة الشهر...

    انا طبيب امتياز في القصر العيني
    اعمل يوميا لمدة 8 - 12 ساعه
    اتقاضى مرتب قدره 240 جنيه!!!
    مصروف بنزيني الشهري للمستشفى 277 جنيه
    النواب بيعاملونا معاملة سيئه
    اما عن التعليم فحدث ولا حرج
    ولما لقيت الموضوع كده


    قررت اني اغيب النهارده
    انا حاسس اني متهان جدا جدا
    نفسي نطور تعليم اطباء الامتياز
    او يدونا شهادتنا ويخلونا نتصرف نتعلم بره في اي حته في العالم

    ده حتى مدير عام المستشفيات (الله يسامحه) جبتله موافقة اني اعمل امتيازي خارج مصر حيث يتواجد اهلي اللي متغرب عنهم اكتر من 7 سنين وكان الرفض التام

    اكيد في حكمة ربانيه من كده والحمد لله الواحد صابر بس مش لدرجة اني اتهان

    انا ماسك نفسي ومش عايز احكي عالمهازل اللي بشوفها يوميا في المستشفى سواءا من تعامل النواب او الاهانه من فنيين وعمال في المستشفى


    ماعلينا
    حبيت افضفض شويه لاني مخنوق جدا جدا جدا


    تحياتي
    don't judge a car unless you have driven it

    hm414 سابقا
    الكلمات الدلالية (Tags): الحال, ده؟؟؟, مين, يرضي
  • #2
    روق روق تشرب عناب او كركدية ؟؟؟؟؟؟؟

    اتفرج علي ده وقولي فهمت ايه

    https://www.youtube.com/watch?v=jGEQacmjNts&feature=player_embedded
    انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

    Comment

    • #3
      المشاركة الأصلية كتبت بواسطة mrwho1982 مشاهدة المشاركة
      روق روق تشرب عناب او كركدية ؟؟؟؟؟؟؟

      اتفرج علي ده وقولي فهمت ايه

      https://www.youtube.com/watch?v=jGEQ...layer_embedded
      ههههههههههههههههه
      اضحكك اكتر
      لو قررت اني اروح المستشفى مواصلات هتكلفني 120 جنيه لكن مش هقبض حاجه لاني مش هلحق امضي وهتاخد غياب ومش بس كده دنا هتمرمط كل يوم في مواصلتين عالاقل والادهى انهم هيعيدوني المده اللي بتأخرها بدون مقابل
      don't judge a car unless you have driven it

      hm414 سابقا

      Comment

      • #4
        حضرتك امتباز وبتاخد في بداية تعيينك 240 ج
        انا مهندس واول ماتعينت من 9 سنوات اخدت راتب 112ج ومتنساش عليهم نص جنية كمان عشان مبقاش كداب
        والله جلي زهول اول معرفت الراتب
        شغل الحكومه شغل فاشل من الدرجة اللاول ووالله هتفضل شحات طول عمرك لو اعتمدت علية
        في اقرب فرصة اخلع من مكانك باي طريقة ولا اقلك استني المفاجئة الخاصة بزيادة المرتبات في شهر 7 القادم
        علي العموم انا مش متفائل عشان فكر الحكومة الجديدة هو هو فكر الحكومة السابقة مع تغيير في الاسماء القزرة الي كانت بتحكم سالفا
        [CENTER][rmade]http://img215.imageshack.us/img215/3925/23438488.jpg[/rmade][/CENTER]

        Comment

        • #5
          المشاركة الأصلية كتبت بواسطة mohamedbook مشاهدة المشاركة
          حضرتك امتباز وبتاخد في بداية تعيينك 240 ج
          انا مهندس واول ماتعينت من 9 سنوات اخدت راتب 112ج ومتنساش عليهم نص جنية كمان عشان مبقاش كداب
          والله جلي زهول اول معرفت الراتب
          شغل الحكومه شغل فاشل من الدرجة اللاول ووالله هتفضل شحات طول عمرك لو اعتمدت علية
          في اقرب فرصة اخلع من مكانك باي طريقة ولا اقلك استني المفاجئة الخاصة بزيادة المرتبات في شهر 7 القادم
          علي العموم انا مش متفائل عشان فكر الحكومة الجديدة هو هو فكر الحكومة السابقة مع تغيير في الاسماء القزرة الي كانت بتحكم سابفا
          والله ياهندسه خايف عليك من الصدمه
          بس الحقيقه ان انا كده مش متعين
          واول اما هخلص الامتياز
          او بالاحرى الابتزاز
          هيرموني بره القصر بعد اما اخد شهادتي من بق الكلب

          يعني عالاقل لو كنت متعين كنت هضمن شغلانه
          انما انا مش متعين
          ولا بيعلمونا كويس ده لو علمونا اصلا
          وكل اللي واخد ان اسمي دكتور

          السيط ولا الغنى.......

          تحياتي
          don't judge a car unless you have driven it

          hm414 سابقا

          Comment

          • #6
            ان بعد العسر يسرا

            Comment

            • #7
              نفس المشكلة والله .. و لو اقولك كاااااام مرة اقدم طلب على موضوع اني اكمل امتيازي بره و يترفض ... طبعا عالمهازل ( انا مستشفى الميري في اسكندرية) حدث ولا حرج ...
              وصلنا لحال 3 مرضى عالسرير ؟! و ياريتهم نفس المرض كنا قلنا ماشي نعديها لكن كل واحد مرض شكل يعني معرضين انهم بسهولة جدا يعدوا بعض ... !
              العيان بيتخانق مع الممرضة عشان يدخل الحمام؟؟
              السرنجات المستعملة بتترمى عاااادي جدا في الزبالة العادية مش المخلفات الطبية (قال ايه .. الشركة مش بتيجي كتير تلم الادوات المستعملة دي .. نوديها فين؟؟)
              طبعا القطط اللي جوه العنابر و اوض العمليات دي اكييييد حضرتك شفت منها كتييير و الحشرات طبعا ...
              و لسه مبنى قسم السموم واقع عندنا امبارح لوحده لأسباب غير معروفة ؟! الحمد لله محدش مات ..
              و النواب حدث ولا حرج ...
              حنقول ايه حسبي الله و نعم الوكيل .....
              [img2]http://i945.photobucket.com/albums/ad291/BLOODY_STONE_2010/isamuIsamu.jpg[/img2]

              Comment

              • #8
                السلام عليكم و رحمة الله و بركاته




                بص يا أخى العزيز, أنا على حسب مافهمت من كلامك, أنك لسه سنك صغير بدليل أنك طبيب امتياز و القرار و الpathway اللى أنت هتتبعه دلوقتى, هو اللى هيحدد حياتك الجااااااااااااااية كووووووووووولها هيكون شكلها ايه كطبيب.

                أنا من رأيى أنك -لو كانت الأمور المادية معاك متيسرة بعض الشئ- أنك تبدأ تذاكر أى معادلة, بتاع أميركا و لا كندا و لا استراليا, بحيث, أنك على ماتخلص الامتياز و تمرمطلك شوية هنا سواء فى الجامعة و لا فى الصحة, تكون خلصتها و يكون ان شاء الله, ليك مكان كويس كطبيب مبتدئ فى دولة من دول, مع الأخذ فى الاعتبار -و أنت سيد العارفين- أن الطريق مش مفروش بالورود, لكن أديك شوفت الوضع هنا عامل ازاى و لو سألت, آلاف من شباب الأطباء هيحكولك على حاجات يندى لها الجبين خجلا, لكن لو ذاكرت المعادلة و ربنا يسرلك و كملت حياتك كطبيب بره فى بلد من دول, أنت عارف هتبقى عيشتك شكلها ايه و وضعك عامل ازاى و أكيد الفرق كبير جداااااااااااا و بالتالى , الفرق ده أنت لازم تدفع قصاده فلوس و مجهود و تعب.

                أنت لسه فى أول الطريق و أمامك الاختيارين واضحين وضوح الشمس و أنت عليك أنك تستخير ربنا -سبحانه و تعالى- و تختار, بس خلى بالك, اذا فضلت أنك تفضل فى مصر و رضيت بالوضع بتاع مصر, اياك, أنك تيجى بعد 7 - 8 سنين و تلعن اليوم اللى بقيت فيه طبيب فى مصر و تشتكى, لأن, تذكر دائما, أنك و أنت فى أول الطريق (دلوقتى يعنى), كانت أودامك الفرصة أنك تغير كووووووووووووووووووول القرف ده و أنت اللى ماعملتش.

                شكرا و آسف للاطالة و ربنا يوفقك.
                [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
                [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
                [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
                [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

                Comment

                • #9
                  المشاركة الأصلية كتبت بواسطة bloody_stone مشاهدة المشاركة
                  نفس المشكلة والله .. و لو اقولك كاااااام مرة اقدم طلب على موضوع اني اكمل امتيازي بره و يترفض ... طبعا عالمهازل ( انا مستشفى الميري في اسكندرية) حدث ولا حرج ...
                  وصلنا لحال 3 مرضى عالسرير ؟! و ياريتهم نفس المرض كنا قلنا ماشي نعديها لكن كل واحد مرض شكل يعني معرضين انهم بسهولة جدا يعدوا بعض ... !
                  العيان بيتخانق مع الممرضة عشان يدخل الحمام؟؟
                  السرنجات المستعملة بتترمى عاااادي جدا في الزبالة العادية مش المخلفات الطبية (قال ايه .. الشركة مش بتيجي كتير تلم الادوات المستعملة دي .. نوديها فين؟؟)
                  طبعا القطط اللي جوه العنابر و اوض العمليات دي اكييييد حضرتك شفت منها كتييير و الحشرات طبعا ...
                  و لسه مبنى قسم السموم واقع عندنا امبارح لوحده لأسباب غير معروفة ؟! الحمد لله محدش مات ..
                  و النواب حدث ولا حرج ...
                  حنقول ايه حسبي الله و نعم الوكيل .....
                  لا من ده كتير والواحد زي مقلت يسكت احسن........

                  المشاركة الأصلية كتبت بواسطة maserati مشاهدة المشاركة
                  السلام عليكم و رحمة الله و بركاته




                  بص يا أخى العزيز, أنا على حسب مافهمت من كلامك, أنك لسه سنك صغير بدليل أنك طبيب امتياز و القرار و الpathway اللى أنت هتتبعه دلوقتى, هو اللى هيحدد حياتك الجااااااااااااااية كووووووووووولها هيكون شكلها ايه كطبيب.

                  أنا من رأيى أنك -لو كانت الأمور المادية معاك متيسرة بعض الشئ- أنك تبدأ تذاكر أى معادلة, بتاع أميركا و لا كندا و لا استراليا, بحيث, أنك على ماتخلص الامتياز و تمرمطلك شوية هنا سواء فى الجامعة و لا فى الصحة, تكون خلصتها و يكون ان شاء الله, ليك مكان كويس كطبيب مبتدئ فى دولة من دول, مع الأخذ فى الاعتبار -و أنت سيد العارفين- أن الطريق مش مفروش بالورود, لكن أديك شوفت الوضع هنا عامل ازاى و لو سألت, آلاف من شباب الأطباء هيحكولك على حاجات يندى لها الجبين خجلا, لكن لو ذاكرت المعادلة و ربنا يسرلك و كملت حياتك كطبيب بره فى بلد من دول, أنت عارف هتبقى عيشتك شكلها ايه و وضعك عامل ازاى و أكيد الفرق كبير جداااااااااااا و بالتالى , الفرق ده أنت لازم تدفع قصاده فلوس و مجهود و تعب.

                  أنت لسه فى أول الطريق و أمامك الاختيارين واضحين وضوح الشمس و أنت عليك أنك تستخير ربنا -سبحانه و تعالى- و تختار, بس خلى بالك, اذا فضلت أنك تفضل فى مصر و رضيت بالوضع بتاع مصر, اياك, أنك تيجى بعد 7 - 8 سنين و تلعن اليوم اللى بقيت فيه طبيب فى مصر و تشتكى, لأن, تذكر دائما, أنك و أنت فى أول الطريق (دلوقتى يعنى), كانت أودامك الفرصة أنك تغير كووووووووووووووووووول القرف ده و أنت اللى ماعملتش.

                  شكرا و آسف للاطالة و ربنا يوفقك.
                  شكرا ياعزيزي لردك الجميل ده
                  انا بحاول اذاكر فعلا
                  لكن لو انا مش من ميسوري الحال يبقى اقعد اعيط واندب حظي بقا وانتحر احسن؟؟

                  خليها على ربنا...


                  تحياتي
                  don't judge a car unless you have driven it

                  hm414 سابقا

                  Comment

                  • #10
                    المشاركة الأصلية كتبت بواسطة hm414 مشاهدة المشاركة
                    لا من ده كتير والواحد زي مقلت يسكت احسن........



                    شكرا ياعزيزي لردك الجميل ده
                    انا بحاول اذاكر فعلا
                    لكن لو انا مش من ميسوري الحال يبقى اقعد اعيط واندب حظي بقا وانتحر احسن؟؟

                    خليها على ربنا...


                    تحياتي

                    السلام عليكم و رحمة الله و بركاته




                    لأ طبعا, لو أت مش من ميسورى الحال, مش هتنتحر بعد الشر و لا حاجة, لكن حاول أنك تكون من ميسورى الحال بالقدر اللى يدوب يخليك تحقق الهدف ده و تبدأ فى المشوار ده و زى ماقلتلك, الموضوع محتاج ايييييييييه؟؟ فلوس و مجهود و تعب, لو أنت أصلا من ميسورى الحال, يبقى أنت وفرت على نفسك الخطوة الأولانية و تخش فى التانية عالطول, و على فكرة, ميسورى الحال, مش معناه أنك يكون عندك العزب و الأطيان, لأ, لكن تكون ماديا, يدوب, مكن تحقق الهدف ده.

                    بالتوفيق ان شاء الله.
                    [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
                    [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
                    [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
                    [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

                    Comment

                    • #11
                      انا كنت طبيب امتياز سنة 2003 و كنا بناخد في الوقت ده 150 جنيه...بس طبعا 150 جنيه سنة 2003 أحسن من 240 دلوقتي

                      واضح من كلامك انك مش هاتتعين في الجامعة و بالتالي امامك سكتين
                      1- بعد انتهاء التعيين يتم تعيينك عن طريق وزارة الصحة و بيبقي في زي تنسيق ممكن تتعين في مستشفيات داخل القاهرة و ممكن تروح وحدات صحية في اماكن نائية....اللي لازم تعرفه انك مش هتلاقي شغل كويس غير لو عملت ماجيستير (لازم تبقي اخصائي عشان تعرف تشتغل)....هاتسجل ماجيستير في القصر العيني او عين شمس او اي جامعة حسب مكان اقامتك و طبعا الحكاية دي هتاخد منك علي الاقل 5 سنين و بعد كده هتلاقي شغل معقول....انت لسه امتياز و طبعا لازم تختار التخصص بتاعك كويس....يعني في تخصصات مش هاتأكلك عيش خالص....و في تخصاصات هتأكلك عيش و انت عندك 40 سنة و في تخصاصات هاتجيبلك دخل معقول و انت لسه صغير....يعني ما تروحش تتخصص جراحة مخ و اعصاب الا اذا كنت مرتاح ماديا و اهلك هايساعدوك عشان تاخد ماجستير و كمان دكتوراه و ده محتاج 10-15 سنة...لان مفيش عيان هايجيلك و يسيبك تعمله عملية في المخ من غير ما يكون معاك دكتوراه علي الاقل....بعكس تخصص زي النساء و الولادة...ممكن ممارس عام يفتح عيادة في منطقة شعبية و يكسب كويس....الناس مش هاتبطل خلفة و مش محتاجة استشاري عشان واحدة ست تولد...أكيد انت و زمايلك بتتكلموا مع اللي أكبر منكم و عارفين الكلام ده كويس...يعني اختيار التخصص مهم جدا في تحديد شكل مستقبلك

                      2- السكة التانية انك تبدأ في عمل معادلة او زمالة و انت و شطارتك و ممكن في سنتين او تلاته يبقي معاك شهادة معترف بيها في امريكا او انجلترا و احسن من الدكتوراه المصرية بس برده محتاج دعم مالي من الاهل لزوم الامتحانات و الكتب و السفر...و ما تسمعش كلام الناس اللي بتقولك امريكا و انجلترا مش عايزين دكاترة زي زمان...في اماكن كتير محتاجة دكاترة يعني في بعض الاماكن في كندا بتبقي بعيدة شوية في الشمال و طبعا جوها بارد جدا بس فيها نقص شديد في الدكاترة....استراليا برده محتاجة...و علي فكرة مش لازم لما تاخد شهادة اجنبية تشتغل بيها في امريكا و اوروبا...ممكن تلاقي بها شغل كويس في الخليج لانهم بيقدروا الشهادات دي و ممكن تاخد راتب احسن من اللي معاه دكتوراه مصرية لانهم في الخليج عارفين نظام الكوسة اللي عندنا في الجامعات و فاهمين ان مش كل واحد معاه دكتوراه يبقي دكنور شاطر

                      كلمة اخيرة...ما تقلقش علي مستقبلك...كلنا مرنا بالفترة دي و المستقبل كان ضباب قدمنا بس في الاخر الرزق بتاع ربنا و ان شاء الله لكل مجتهد نصيب

                      Comment

                      • #12
                        المشاركة الأصلية كتبت بواسطة maserati مشاهدة المشاركة
                        السلام عليكم و رحمة الله و بركاته






                        بص يا أخى العزيز, أنا على حسب مافهمت من كلامك, أنك لسه سنك صغير بدليل أنك طبيب امتياز و القرار و الpathway اللى أنت هتتبعه دلوقتى, هو اللى هيحدد حياتك الجااااااااااااااية كووووووووووولها هيكون شكلها ايه كطبيب.

                        أنا من رأيى أنك -لو كانت الأمور المادية معاك متيسرة بعض الشئ- أنك تبدأ تذاكر أى معادلة, بتاع أميركا و لا كندا و لا استراليا, بحيث, أنك على ماتخلص الامتياز و تمرمطلك شوية هنا سواء فى الجامعة و لا فى الصحة, تكون خلصتها و يكون ان شاء الله, ليك مكان كويس كطبيب مبتدئ فى دولة من دول, مع الأخذ فى الاعتبار -و أنت سيد العارفين- أن الطريق مش مفروش بالورود, لكن أديك شوفت الوضع هنا عامل ازاى و لو سألت, آلاف من شباب الأطباء هيحكولك على حاجات يندى لها الجبين خجلا, لكن لو ذاكرت المعادلة و ربنا يسرلك و كملت حياتك كطبيب بره فى بلد من دول, أنت عارف هتبقى عيشتك شكلها ايه و وضعك عامل ازاى و أكيد الفرق كبير جداااااااااااا و بالتالى , الفرق ده أنت لازم تدفع قصاده فلوس و مجهود و تعب.

                        أنت لسه فى أول الطريق و أمامك الاختيارين واضحين وضوح الشمس و أنت عليك أنك تستخير ربنا -سبحانه و تعالى- و تختار, بس خلى بالك, اذا فضلت أنك تفضل فى مصر و رضيت بالوضع بتاع مصر, اياك, أنك تيجى بعد 7 - 8 سنين و تلعن اليوم اللى بقيت فيه طبيب فى مصر و تشتكى, لأن, تذكر دائما, أنك و أنت فى أول الطريق (دلوقتى يعنى), كانت أودامك الفرصة أنك تغير كووووووووووووووووووول القرف ده و أنت اللى ماعملتش.

                        شكرا و آسف للاطالة و ربنا يوفقك.
                        احيى راْى حضرتك الصحيح والعملى جدا والواقعى .
                        لا ن فعلا هوه ده الحل اللى حضرتك قلت عليه بالطريقة السليمة والصح.
                        بس المساْلة محتاجة تعب ومجهود شويتين .
                        بس مش مهم التعب المهم نوصل للى احنا عاوزينه .
                        وعامة هون على نفسك يا دكتور hm_414 .وربنا يوفقك ان شاء الله
                        [SIGPIC]http://www.nilemotors.net/Nile/signaturepics/sigpic82436_28.gif[/SIGPIC]

                        اللهم انك تعلم سري و علانيتي فاقبل معذرتي و تعلم حاجتي فأعطني سؤالي و تعلم ما في نفسي فاغفر لي ذنوبي،اللهم إني أسالك إيمانا يباشر قلبي و يقينا صادقا حتي اعلم انه لن يصيبني إلا ما كتبته علي و الرضا بما قسمته لي يا ذا الجلال و الإكرام

                        Comment

                        • #13
                          المشاركة الأصلية كتبت بواسطة wael17 مشاهدة المشاركة
                          انا كنت طبيب امتياز سنة 2003 و كنا بناخد في الوقت ده 150 جنيه...بس طبعا 150 جنيه سنة 2003 أحسن من 240 دلوقتي

                          واضح من كلامك انك مش هاتتعين في الجامعة و بالتالي امامك سكتين
                          1- بعد انتهاء التعيين يتم تعيينك عن طريق وزارة الصحة و بيبقي في زي تنسيق ممكن تتعين في مستشفيات داخل القاهرة و ممكن تروح وحدات صحية في اماكن نائية....اللي لازم تعرفه انك مش هتلاقي شغل كويس غير لو عملت ماجيستير (لازم تبقي اخصائي عشان تعرف تشتغل)....هاتسجل ماجيستير في القصر العيني او عين شمس او اي جامعة حسب مكان اقامتك و طبعا الحكاية دي هتاخد منك علي الاقل 5 سنين و بعد كده هتلاقي شغل معقول....انت لسه امتياز و طبعا لازم تختار التخصص بتاعك كويس....يعني في تخصصات مش هاتأكلك عيش خالص....و في تخصاصات هتأكلك عيش و انت عندك 40 سنة و في تخصاصات هاتجيبلك دخل معقول و انت لسه صغير....يعني ما تروحش تتخصص جراحة مخ و اعصاب الا اذا كنت مرتاح ماديا و اهلك هايساعدوك عشان تاخد ماجستير و كمان دكتوراه و ده محتاج 10-15 سنة...لان مفيش عيان هايجيلك و يسيبك تعمله عملية في المخ من غير ما يكون معاك دكتوراه علي الاقل....بعكس تخصص زي النساء و الولادة...ممكن ممارس عام يفتح عيادة في منطقة شعبية و يكسب كويس....الناس مش هاتبطل خلفة و مش محتاجة استشاري عشان واحدة ست تولد...أكيد انت و زمايلك بتتكلموا مع اللي أكبر منكم و عارفين الكلام ده كويس...يعني اختيار التخصص مهم جدا في تحديد شكل مستقبلك

                          2- السكة التانية انك تبدأ في عمل معادلة او زمالة و انت و شطارتك و ممكن في سنتين او تلاته يبقي معاك شهادة معترف بيها في امريكا او انجلترا و احسن من الدكتوراه المصرية بس برده محتاج دعم مالي من الاهل لزوم الامتحانات و الكتب و السفر...و ما تسمعش كلام الناس اللي بتقولك امريكا و انجلترا مش عايزين دكاترة زي زمان...في اماكن كتير محتاجة دكاترة يعني في بعض الاماكن في كندا بتبقي بعيدة شوية في الشمال و طبعا جوها بارد جدا بس فيها نقص شديد في الدكاترة....استراليا برده محتاجة...و علي فكرة مش لازم لما تاخد شهادة اجنبية تشتغل بيها في امريكا و اوروبا...ممكن تلاقي بها شغل كويس في الخليج لانهم بيقدروا الشهادات دي و ممكن تاخد راتب احسن من اللي معاه دكتوراه مصرية لانهم في الخليج عارفين نظام الكوسة اللي عندنا في الجامعات و فاهمين ان مش كل واحد معاه دكتوراه يبقي دكنور شاطر

                          كلمة اخيرة...ما تقلقش علي مستقبلك...كلنا مرنا بالفترة دي و المستقبل كان ضباب قدمنا بس في الاخر الرزق بتاع ربنا و ان شاء الله لكل مجتهد نصيب
                          كلامك هون عليا كتير ياعزيزي
                          موضوع اختيار التخصص معقدني حبتين لكن ربنا ييسر الاحوال ان شاء الله
                          وان شاء الله الضباب ينقشع وكله يبان
                          كنت بفكر اني اشتغللي سنتين بعد ما اخلص في احد دول الخليج لكن واضح ان السكه دي مش سهله خالص

                          الله يعين


                          تحياتي للجميع
                          don't judge a car unless you have driven it

                          hm414 سابقا

                          Comment

                          • #14
                            لا تحزن
                            ربنا معاك وينورلك طريقك
                            وَلِلحُرِّيَّةِ [I]الحَمراءِ بابٌ[/I] بِكُلِّ يَدٍ مُضَرَّجَةٍ يُدَقُّ

                            Comment

                            • #15
                              احنا في عين شمس ميسوري الحال بقي

                              بناخد 254 اول شهرين

                              والشهر التالت خدنا 266

                              والله الواحد بيفكر يسيبهم لأخر السنه وياخدهم لوكشه واحده عشان يحس بيهم

                              المشكله الكبيره في تحديد المستقبل والوجهه

                              يعني الواحد مش عارف يذاكر كندا مثلا وبعدين ميجيلوش مكان

                              او ميلاقيش تخصص هو عايزه

                              ولا اجيب م الاخر واخد زماله واخلص نففسي

                              مش عارف الواحد في مرحله صعبه شويه
                              http://www.fx-arabia.com/vb/showthread.php?t=9654

                              Comment

                              السابق 1 2 template التالي
                              Working...
                              X