بورتو السخنه

[rov]

السلام عليكم
هوه موضوع مش كبير بس انا عاوز اجابات لاسئله كتيره
انا قرات مواضيع كبيره في المنتدي عن العين السخنه بس ملقيتش اجابات وافيه لاسئلتي
ملخص الموضوع اني حجزت 5 ليالي في بورتو السخنه (شقه)
ومش عارف اي حاجه تانيه عن بورتو

الاسئله:
هل يوجد هايبرات زي كارفور او مترو في بورتو ممكن اجيب منها اكل ؟
هل يوجد شاطئ بحر في بورتو ممكن انزل فيه انا واسرتي
ايه اللي حعمله طول النهار غير الشقه والبسين؟ يعني بمعني اوضح ايه مميزات ووسائل الترفيه في بورتو السخنه
هل فيه فائده للعربيه اني اخدها معايا ولا ااجر عربيه واكبر دماي؟ يعني هل ساستخدمها هناك
التلفريك ده مجاني ولا فيه رحلات بفلوس؟
هل يوجد حفلات ليليه كل يوم داخل بورتو ولا الدنيا بتبقي عامله ايه بالضبط

اسئله كتيره ومش حيجاوبها غير واحد راح هناك
ارجو الرد سريعا

وشكرا جزيلا

واستودعكواااااااااااا الله

[m000dy]

ياباشا فى هناك هايبر ماركت المحمل \ه بخلاف مطاعم وكافيهات التوكيلات زى تشيليز ولو نوتر
مش عارف همه ظبطوا الشط ولا لسه بس الاغلب هناك البسين واقربلك
وسائل الترفيه الاخرى ان ساعات ايام الجمع بيجيبوا مطربين ساعه ولا اتنين وكان اخرهم رامى جمال من اسبوعين تقريبا
وبعدين هو فى ترفيه اكتر من انك تغسل عنيك وتشوف اشكال نضيفه شويه
ماعرفش نظام التليفريك لانى ما جربتوش اساسا
القعده فى الكافيهات او على البسين اصلا بالليل جميله بس اهم حاجه الصحبه

[محمد المصرى]

السلام عليكم
وعليك السلام
هوه موضوع مش كبير بس انا عاوز اجابات لاسئله كتيره
انا قرات مواضيع كبيره في المنتدي عن العين السخنه بس ملقيتش اجابات وافيه لاسئلتي
ملخص الموضوع اني حجزت 5 ليالي في بورتو السخنه (شقه)
ومش عارف اي حاجه تانيه عن بورتو

الاسئله:
هل يوجد هايبرات زي كارفور او مترو في بورتو ممكن اجيب منها اكل ؟
نعم يوجد المحمل

هل يوجد شاطئ بحر في بورتو ممكن انزل فيه انا واسرتي
نعم يوجد
ايه اللي حعمله طول النهار غير الشقه والبسين؟ يعني بمعني اوضح ايه مميزات ووسائل الترفيه في بورتو السخنه
فيه شوية محلات قليلة جدا ولكن بالنسبة للطفال فى العاب زى البلايستيشن وايجار موتسيكات بالشحن وشوية
هل فيه فائده للعربيه اني اخدها معايا ولا ااجر عربيه واكبر دماي؟ يعني هل ساستخدمها هناك
لا ملهاش فايدة غير انها توصلك لهناك وهتفضل مركونة فى الشمس
التلفريك ده مجاني ولا فيه رحلات بفلوس؟
50 جنيه للفرد و 25 جنيه للطفل
هل يوجد حفلات ليليه كل يوم داخل بورتو ولا الدنيا بتبقي عامله ايه بالضبط
تقريبا يوم الخميس والجمعة بس كانت حفلة تعبانه واجل تعبان بيغنى

اسئله كتيره ومش حيجاوبها غير واحد راح هناك
ارجو الرد سريعا

وشكرا جزيلا

واستودعكواااااااااااا الله

[rov]

شكرا يا جماعه علي الرد الجميل ده
وفي انتظار باقي الردود وشكرا

[rov]

ايه يا حبايب
عندي سؤال بالاضافه للاسئله
انا حاجز شقه اربع افراد

ياتري هيه حتبقي في المجمع الهرمي ولا في بالضبط
وايه الفرق بين الفندق والشقه والشاليه؟؟؟؟؟؟؟؟؟

ارجو الافاده

[mxz911]

السلام عليكم يا باشا .. انا هجاوبك على كل حاجه أعرفها وكل حاجه فاكرها كويس من ساعت اخر مره رحت هناك ..

السلام عليكم
هوه موضوع مش كبير بس انا عاوز اجابات لاسئله كتيره
انا قرات مواضيع كبيره في المنتدي عن العين السخنه بس ملقيتش اجابات وافيه لاسئلتي
ملخص الموضوع اني حجزت 5 ليالي في بورتو السخنه (شقه)
ومش عارف اي حاجه تانيه عن بورتو

الاسئله:
هل يوجد هايبرات زي كارفور او مترو في بورتو ممكن اجيب منها اكل ؟

أيوه فيه المحمل زى ما قال الاخوه وفيها كذا سوبر ماركت تانى .. بس المحمل هناك دورين ( دور أرضى وتحت أرضى وهتلاقى فيه كل حاجه انت عاوزها من أول الاكل لحد اغراض البحر )

هل يوجد شاطئ بحر في بورتو ممكن انزل فيه انا واسرتي

نعم يوجد شاطئ ولكنه بره بورتو يعنى عشان تروحوا هتعدى الشارع الناحيه التانيه ومش قدامها على طول كمان يعنى على الجنب مسافه صغيره .

ايه اللي حعمله طول النهار غير الشقه والبسين؟ يعني بمعني اوضح ايه مميزات ووسائل الترفيه في بورتو السخنه

بالنسبه لبورتو نفسها :

( عندك زى ما حضرتك قلت البسين و حاجه تانيه انا بحبها وهيه ال Water Ball ودى بتخش جوه كوره كبيره كده وتقعد تمشى بيها على الميه يعنى أو بمعنى أصح تحاول تقف جواها وتمشى بيها على الميه وهتفهم أصدى اما تروح .. ودى صوره عشان توضحلك أصدى .. صوره أحنا فيها انا وواحد صحبى :
وهيه سعرها عموما كان ال 10 دقايق ب 20 جنيه .





بالنسبه للشاطئ بتاع لبورتو :

فى رياضات مائيه كتير بس بصراحه من وجهه نظرى أسعار مبالغ فيها جدا ودى الاسعار اللى كانت ايام ما رحت :
Banana ب 80 جنيه الفرد
ال مركب البدال ب 80 جنيه 4 افراد للساعه
ال Water Ski ب 200 جنيه الساعه والتعليم ب 230 جنيه
ال Tube ودى حاجه عامله زى المرتبه منفوخه بتنام عليها على بطنك ومركب يشدك الفرد ب 120 .. والفردين ب 150 و ال 3 افراد ب 180 جنيه .. ومعرفش وقت أد ايه
ف حاجه اسمها Speed boat وده لانش سريع ال 4 افراد ب 800 جنيه
وعندك ال Jet Ski ال ربع ساعه ب 150 جنيه
وال Canoe glass ب 80 جنيه للفرد و 120 للفردين

ومن وجهه نظرى كل الاسعار دى مبالغ فيها بغباء لانى بروح شرم وبعمل الحاجات دى بأقل من نص تمن دول وحاجات أحسن كمان زى ال Parasailing !



هل فيه فائده للعربيه اني اخدها معايا ولا ااجر عربيه واكبر دماي؟ يعني هل ساستخدمها هناك

العربيه هناك فى العين السخنه ملهاش أى لزمه .. يعنى وانت قاعد هناك تقريبا مش هتحتاجها ف أى حاجه .. بس انا واحد من الناس أحب اما أسافر أسافر بعربيتى الخاصه او عربيه حد من صحابى .. وهيه فعلا هتفضل مركونه ف الشمس والباركنج هيبقى ببلاش طالما حضرتك حاجز ( ده كان على حسب أخر مره رحنا فيها )

التلفريك ده مجاني ولا فيه رحلات بفلوس؟

ب 50 جنيه ال ربع ساعه ( اللى هوه وقت رحلته تقريبا )

هل يوجد حفلات ليليه كل يوم داخل بورتو ولا الدنيا بتبقي عامله ايه بالضبط

معرفش ايه نظام الحفلات لكن الصيف داخل وأكيد هتلاقى قريب

اسئله كتيره ومش حيجاوبها غير واحد راح هناك
ارجو الرد سريعا

وشكرا جزيلا

واستودعكواااااااااااا الله

ايه يا حبايب
عندي سؤال بالاضافه للاسئله
انا حاجز شقه اربع افراد

ياتري هيه حتبقي في المجمع الهرمي ولا في بالضبط
وايه الفرق بين الفندق والشقه والشاليه؟؟؟؟؟؟؟؟؟

ارجو الافاده

ايوه كل الشقق المفروض انها ف المجمع الهرمى .. والفرق بصراحه معرفش بس الشقه أوسع طبعا


باقى بقى الحاجات اللى عندك هناك ف مطعم Chili's وحلقه السمك .. دول من انظف المطاعم اللى هناك

وعلى فكره قبل بورتو السخنه بشويه وانت جاى كده من ناحيه القاهره ف قريه على نصيتها جامع ( مش كبير ) الجامع ده بجد انا وصحابى دخلناه ومشوفناش حاجه زى كده ابدا ف التصميم . الجامع عامله صاحب القريه اصلا وتصميمه فظيع والله تحس انك داخل حاجه اثريه معماريه بطريقه غريبه .. ابقى بوص بصه عليه هيعجبك جدا ..

دى تقريبا كل حاجه اعرفها عن بورتو السخنه ولو ف اى اسئله تانى انا تحت أمرك

[rov]

انا فعلا متشكر جدا .........معلومات حلوه ومفصله
طيب فيه حاجه انا قرات انه فيه 5 نوادي صحيه موجوده في بورتو
يعني هل فيه مثلا جاكوزي كبير وساونا مجمعه
يعني الحاجات ديه بتبقي بفلوس ولا ايه الكلام

[mxz911]

ولا يهم حضرتك احنا فى الخدمه

بصراحه معرفش حاجه عن النوادى بس أقدر أقولك حاجه واحده انا متأكد منها 100% .. ان طالما الحاجات دى مش موجوده ف ال Package اللى حضرتك واخدها يبقى أكيد بفلوس .. :)

[rov]

شاكرين لكا من ساعدني في الحصول علي المعلومات ولو فيه اي ضافه من اي صديق ..........نرحب بالمعلومات

[rov]

ايه يا جماعه هوه الموضوع ادفن ولا ايه
انا كل شويه اروح اجيبه من الصفحه السادسه
خلاص مفيش حد تاني راح بورتو السخنه يضيف ليه بعض الخبرات
سلامووووووو عليكم