هي النصباية دي لسة شغالة !!

[osama.m]

النهاردة وصل على الموبيل بتاع والدتي الرسالة الشهيرة



هي الحكاية دي لسة شغالة لحد دلوقتي بعد كل الفترة دي !!
الرقم اللي باعت الرسالة شكلة نشيط اوي .. بعتها الساعة 6 الصبح .. ورن الساعة 7 وربع ... هو النصابيين بيصحوا بدري كدا !!

طبعا اتبعتلة رسالة مصريية اصيلة

[Moh.Abdelbaset]

اتبعتلي برضه من 6 شهور كده
و أعضاء المنتدى هنا قالولي إنها نصباية

[human]

المساخيط

[mr_vampire]

الحرامية دول نشطاء اووووووووووووووووي بيصلو الفجر ويقولو يافتاح ياعليم يارزاق ياكريم.

[Ayman-Ahmed]

دول غير بتوع بنى سويف اللى اتمسكوا.

[smartchoice]

طب ممكن تفهمونى نصابية ازاى يعن ى بعد ما انزل البلد أيه اللى هيحصل ؟؟؟؟؟؟؟

[Ayman-Ahmed]

بصوا يا جماعة بحكم شغلى فى السياحة.

النصباية ممكن تكون بطريقة :

واحد برسالة او يتصل وابن عمى لقى ولا هو اللى لقى تمثالين تلاتة واكيد فيه مقبرة مليانة بس الشيخ اللى هيفتحها عاوز فلوس عشان يفتح.

او

نفس السيناريو وفى الاخر يقولك المقبرة فيها زيبق احمر وده جرامه ب 1000000 او مليون وبرده الشيخ عاوز فلوس.

او توصل لحد الحتة المقطوعة عند المقبرة وتتثبت وتروح العربية والفلوس ولو معاك حاجة تانى وممكن لا قدر الله توصل لاكتر من كدة.

وعلى العموم اللى بيتاجر فى الاثار المهربة مبيبعتش رسايل لاى رقم والسلام.