لابد أن نعترف بالبوذية

[yahyanaabil]

مبدئيا أنا مش مؤيد طبعا العقائد الأخرى بس الناس فاهمه الديمقراطيه غلط الديمقراطيه هيه ان رأى الأغلبيه هوه اللى يتنفذ مع احترام حقوق الأقليه ما هوه لو الاغلبيه مثلا طلعت قانون بنبذ الاقليه بسبب اختلافهم فى الدين فا هيه ديه الدكتاتوريه بعينها
انا بقى عاوز احط الناس فى موقف عكسى تخيل المسلمين اقليه زى سويسرا او السويد مثلا لما طلعوا قانون بحكم الاغلبيه بعدم بناء مئاذن لللجوامع او من الاذان من الاساس المسلمين اضايقوا جدا مش كده ولا ايه

[yahyanaabil]

مع الإحترام للجميع, فالإحتلاف فى الرأى لا يفسد للود قضية, بس بالنسبة للناس اللى بتقول إن ده تخلف وبجاحة وسماجه وجاهلية, يبقى احنا زعلانبن ليه بقى لما يعملو على دينا ورسولنا كاركاتيرات مسيئة ويطضهدونا ويبهدلو اقليتنا فى الغرب!!, نيجى للفيديو, تفتكرو ان الراجل بيدور على حقوق البوذيين والكنفوشيسين اللى موجودين فى مصر (اللى هما اصلا مش موجودين) ولا بيدور على حقوق المسلمين الأقليه اللى هم على سبيل المثال 20 مليون مسلم فى الصين ونسبتهم ما بين 1-2% من تعداد السكان فى الصين, يعنى بمنتهى البساطه كلمة بسيطة فى التشريع هتدى حق للمسلمين الأقلية فى الصين مثلا ان هم يبنوا مساجد وان لو فى بوذيين او كونفيشوسيين فى مصر (و طبعا مفيش) و حتى لو فى يبقى فعلا من حقهم يبنو لنفسهم دور عباده, يعنى هم مش هيبنو حاجة لان هم مش موجودين بس احنا هنبنى مساجد بمبدأ المعامله بالمثل, ياريت نحاول نفهم ونستوعب الأخرين عشان هما كمان يفهمونا ويستوعبونا مش نسخر منهم ونسفهم ونشتم اللى يحترم الإختلاف فى الرأى والدين و نرجع نشتكى ونقلب الدنيا لما حد فيهم يعمل معانا كده

كلام جامد جدا فمنزعلش بقى لما نلاقى الغرب بيعاملنا معامله زى الزفت فى بلادهم بحكم انهم اغلبيه

[araberphilosoph]

طب نتكلم شرعا
تفتكروا لما المسلمون دخلوا فارس وكانوا مجوس يعبدوا النار عملو ايه
(سنوا بهم سنه اهل الكتاب)
والمسلمون في الهند عملو ايه
والمسلمون في افريقيه
وخلافه
مش احنا عايزين دوله بمرجعيه اسلاميه
خلاص يبقي نشوف المسلمين عملوا ايه مع الناس دي زمان
ولكن للاسف بنقرا من الاسلام اللي علي مزاجنا وبس

[human]

بسم الله الرحمن الرحيم
وَإِذْ قَالَ إِبْرَاهِيمُ رَبِّ اجْعَلْ هَذَا الْبَلَدَ آَمِنًا وَاجْنُبْنِي وَبَنِيَّ أَنْ نَعْبُدَ الْأَصْنَامَ (35) رَبِّ إِنَّهُنَّ أَضْلَلْنَ كَثِيرًا مِنَ النَّاسِ فَمَنْ تَبِعَنِي فَإِنَّهُ مِنِّي وَمَنْ عَصَانِي فَإِنَّكَ غَفُورٌ رَحِيمٌ (36)

صدق الله العظيم


يا ريت نتعلم من القران اللى بنقراه ازاى تختلف حتى مع الكفار

[w-m-a]

يا استاذ الحريه ليها مفاهيم اخرى
والا اعطى للشواذ حقهم فى الزواج المثلى
واتيح البغاء
وعبده الشيطان
ومتعاطى المخدرات
حريه بقى هيصه..........
مش دى الحريه يا بهوات
ولا حتى فى اوروبا كده كتير من مناطق اوروبا لا يقبلوا الحريات المتعارضه مع المعتقدات
ورأى الاغلبيه هو اساس اى قانون
يا راجل ده البرتوستانت والكاثوليك مبهدلين بعض فى انجلترا وايرلندا تقولى كونفشيوس وبودا

[araberphilosoph]

مش احنا بنقوا اوربا وحشه ومنتبعهاش
طب نتبع اسلامنا
مش ده الاصل والمرجعيه
عمل ايه المسلمين مع المجوس
ومع عباد الاصنام
ومع عباد البقر
وغيرهم
وايه اللي دخل الشذوذ مع البوذيه مع البغاء في قائمه واحده
نشوف المسلمين عملوا ايه في الاول وفقهاء الهند والفرس قالوا ايه ونمشي علي اساسه
ولا نخالف الاسلام هنا

[w-m-a]

يا استاذ مفيش اختلاف
فى اغلبيه وفى اقليه
لكن مش علشان واحد امشى قبيله
ده لو خمسه اصحاب خارجين يتعشوا
واتفق اربعه على اكله وواحد اعترض
هيمشوا كلامهم عليه

[araberphilosoph]

بس الكلام اللي حضرتك بنقوله ده مش شرعي اطلاقا
ده كلام الغرب وحجته علي موضوع المسلمين واندماجهم في المجتمع
الاسلام صريح في هذا الموضوع
(سنوا بهم سنه اهل الكتاب) ولا النقطه دي نخالف فيها الاسلام عشام مش علي هوانا

[w-m-a]

بس الكلام اللي حضرتك بنقوله ده مش شرعي اطلاقا
ده كلام الغرب وحجته علي موضوع المسلمين واندماجهم في المجتمع
الاسلام صريح في هذا الموضوع
(سنوا بهم سنه اهل الكتاب) ولا النقطه دي نخالف فيها الاسلام عشام مش علي هوانا

هدئ اسلوب حضرتك شويه
شرع ايه الى انا ممشيه على هوايا؟
بالراحه كده
اظن ان اكبر عدد من البوذيون والهندوس والكونفشيوسيون متواجد بالسعوديه
واظن برضه انهم بيطبقوا شرع الله والشريعه الاسلاميه
واظن اننا مشفناش هناك معبد
وكذلك كل دول الخليج
والمجوس مازال موجودين فى ايران التى تتطبق الشريعه
وبرضه مشفناش معبد
والوثنيون موجودون بالسودان وبرضه بتطبق الشريعه ومشفناش معابد
وباكستان وبرضه مفيش معابد
وممكن سيادتك تقولى عدد المعابد للديانات الوثنيه فى اوروبا وامريكا

[otefa]

مبدئيا أنا مش مؤيد طبعا العقائد الأخرى بس الناس فاهمه الديمقراطيه غلط الديمقراطيه هيه ان رأى الأغلبيه هوه اللى يتنفذ مع احترام حقوق الأقليه ما هوه لو الاغلبيه مثلا طلعت قانون بنبذ الاقليه بسبب اختلافهم فى الدين فا هيه ديه الدكتاتوريه بعينها
انا بقى عاوز احط الناس فى موقف عكسى تخيل المسلمين اقليه زى سويسرا او السويد مثلا لما طلعوا قانون بحكم الاغلبيه بعدم بناء مئاذن لللجوامع او من الاذان من الاساس المسلمين اضايقوا جدا مش كده ولا ايه

الله يخليكم بلاش خلط الأوراق مين جاب سيرة أضطهاد أقلية
رفضو بناء مأذن في سويسرا براحتهم طالما قوانينهم الديمقراطية(العلمانية) سمحتلهم بكده
عموما في الأسلام موضوع دور العبادة غير جوهري بالمرة في عبادات المسلم بمعنى لا يوجد مسجد فالأرض كلها مسجد
يصبرو لما يبقو أغلبية عددية مسلمة وساعتها ماحدش هايقف قصادهم وهما هايقيمو العدل ويسمحو بأقامة دور عبادة للأقلية
أحنا كمسلمين لا نعرف ولا نعترف بالديانات غير الأسلام والمسيحية واليهودية غير كده دي عقائد تخص من يعتقدها ولن يجبرني أي ماكان على الأعتراف بها كديانة
أنا عارف أنك مش مع قانون عبادات يعترف بغير الديانات السماوية
تقبل تحياتي

[otefa]

مش احنا بنقوا اوربا وحشه ومنتبعهاش
طب نتبع اسلامنا
مش ده الاصل والمرجعيه
عمل ايه المسلمين مع المجوس
ومع عباد الاصنام
ومع عباد البقر
وغيرهم
وايه اللي دخل الشذوذ مع البوذيه مع البغاء في قائمه واحده
نشوف المسلمين عملوا ايه في الاول وفقهاء الهند والفرس قالوا ايه ونمشي علي اساسه
ولا نخالف الاسلام هنا

دينا عمل أيه يافيلسوف؟

[otefa]

بس الكلام اللي حضرتك بنقوله ده مش شرعي اطلاقا
ده كلام الغرب وحجته علي موضوع المسلمين واندماجهم في المجتمع
الاسلام صريح في هذا الموضوع
(سنوا بهم سنه اهل الكتاب) ولا النقطه دي نخالف فيها الاسلام عشام مش علي هوانا

أهل الكتاب مش عبدة الأصنام والمجوس؟
ياريت توضح أكثر ياباشا علشان أنا مش لاقط قصدك حقيقي

[araberphilosoph]

هدئ اسلوب حضرتك شويه
شرع ايه الى انا ممشيه على هوايا؟
بالراحه كده
اظن ان اكبر عدد من البوذيون والهندوس والكونفشيوسيون متواجد بالسعوديه
واظن برضه انهم بيطبقوا شرع الله والشريعه الاسلاميه
واظن اننا مشفناش هناك معبد
وكذلك كل دول الخليج
والمجوس مازال موجودين فى ايران التى تتطبق الشريعه
وبرضه مشفناش معبد
والوثنيون موجودون بالسودان وبرضه بتطبق الشريعه ومشفناش معابد
وباكستان وبرضه مفيش معابد
وممكن سيادتك تقولى عدد المعابد للديانات الوثنيه فى اوروبا وامريكا

اكبر معبد هندوسي خارج الهند موجود في الامارات
بخلاف ان معتقدش ان حضرتك تقصد ان الناس دي بتطبق الشريعه الاسلاميه يعني الخليج مثلا ممثل جيد للشريعه الاسلاميه ماظنش ان حضرتك عايز تقول كده (اقتصاديا او عسكريا علي الاقل)
مفيش معابد مجوسيه في ايران؟؟؟ !!! في يا باشا والي الان بيحتفلوا باعياد النيروز
دوله جنوب السودان فيها معابد وديانات وثنيه كتير بس برده معتقدش ان قصدك ان السودان بتطبق الشريعه
اما باكستان فنسبه المسلمين فيها 99 ومعرفش اذا كان فيها وثنين او هندوس ام لا بس اللي اعرفه ان فيه معبد فعلا في باكستان خاص للرعايا الهنود
ختي كابل فيها معبد يهودي

وبغض النظر عن الكلام ده كله الموضوع ليس في تطبيق الاخرين نحن نتحدث عن قواعد فقهيه لا يهمني من طبق ومن لم يطبق
والقاعده مشهوره وعمل بها اهل السلف قروون طوال
يبقي نقيس نفسنا علي اهل السلف ولا علي ال سعود

[araberphilosoph]

أهل الكتاب مش عبدة الأصنام والمجوس؟
ياريت توضح أكثر ياباشا علشان أنا مش لاقط قصدك حقيقي

اسف يا باشا
قم الحديث: 65
(حديث مرفوع) أنا عُقْبَةُ ، أَخْبَرَنِي مُسْلِمٌ ، عَنْ جَعْفَرِ بْنِ مُحَمَّدٍ ، عَنْ أَبِيهِ ، أَنَّ عُمَرَ بْنَ الْخَطَّابِ رَضِيَ اللَّهُ عَنْهُ ، خَرَجَ إِلَى مَجْلِسٍ فِيهِ عَبْدُ الرَّحْمَنِ بْنُ عَوْفٍ ، وَالزُّبَيْرُ بْنُ الْعَوَّامِ ، وَطَلْحَةُ بْنُ عُبَيْدِ اللَّهِ ، وَعُثْمَانُ بْنُ عَفَّانَ ، فَقَالَ : وَاللَّهِ مَا أَدْرِي مَا أَصْنَعُ بهؤلاء الْقَوْمَ الَّذِينَ لَيْسُوا بِأَهْلِ الْكِتَابِ ، وَهُمْ يَعْنِي مَجُوسَ الْبَحْرَيْنِ . فَقَالَ عَبْدُ الرَّحْمَنِ بْنُ عَوْفٍ : أَشْهَدُ لَسَمِعْتُ رَسُولَ اللَّهِ يَقُولُ : " " سُنُّوا بِهِمْ سُنَّةَ أَهْلِ الْكِتَابِ " " .

[w-m-a]

اسف يا باشا
قم الحديث: 65
(حديث مرفوع) أنا عُقْبَةُ ، أَخْبَرَنِي مُسْلِمٌ ، عَنْ جَعْفَرِ بْنِ مُحَمَّدٍ ، عَنْ أَبِيهِ ، أَنَّ عُمَرَ بْنَ الْخَطَّابِ رَضِيَ اللَّهُ عَنْهُ ، خَرَجَ إِلَى مَجْلِسٍ فِيهِ عَبْدُ الرَّحْمَنِ بْنُ عَوْفٍ ، وَالزُّبَيْرُ بْنُ الْعَوَّامِ ، وَطَلْحَةُ بْنُ عُبَيْدِ اللَّهِ ، وَعُثْمَانُ بْنُ عَفَّانَ ، فَقَالَ : وَاللَّهِ مَا أَدْرِي مَا أَصْنَعُ بهؤلاء الْقَوْمَ الَّذِينَ لَيْسُوا بِأَهْلِ الْكِتَابِ ، وَهُمْ يَعْنِي مَجُوسَ الْبَحْرَيْنِ . فَقَالَ عَبْدُ الرَّحْمَنِ بْنُ عَوْفٍ : أَشْهَدُ لَسَمِعْتُ رَسُولَ اللَّهِ يَقُولُ : " " سُنُّوا بِهِمْ سُنَّةَ أَهْلِ الْكِتَابِ " " .

الجزيه يا فيلسوف العرب
مش انهم يبنوا معابد