حد يقول لعصام شرف يقعد في البيت

[aminibrahim]

حرام انا مش طايقه الجرايم زادت كمين في العريش وملثمين --اليوم السابع

بلطجه ونهب -- سرقه واغتصاب --خراب


100 يوم ما عملش حاجه غير انه عمال بيلف ولا حد معبره


حقيقي انا شوفته امبارح علي دريم واتخنقت منه

مع احترامي للناس الي بتحبه بس بصراحه شخصيه ضعيفه


يا جماعه البلد عايزه واحد قوي قوي

حد يعر صفحته ع الفيس بوك عايز ابعتله اقوله كفايه

[mohmdomar]

دي معادلة صعب جدا انها تحقق مع انسان مصري ان الشخص يبقي قوي وفي نفس الوقت ديموقراطي
لو كانت شحصيته قوية كان حيفرض رأيه علي اللي حواليه وكان حيستفرد باتخاذ القرارات
هي دي طبيعة المصريين يا كدا يا كدا
بصراحة احنا محتاجين حد اجنبي يمسكنا دا الحل الوحيد
لو دورت في التاريخ حتلاقي ان ايام المجد بتاعة مصر كان حاكم اجبني هو اللي كان متولينا
محمد علي وصلاح الدين

[Everlasting]

د. عصام شـــــو!!
د. عصام شرف بيلعب على مشاعر عواطف الشعب المصري ابتداءً من خطبته الشهيرة في ميدان التحرير مروراً بذهابه إلى مطعم الفول والفلافل في المهندسين، وحتى حمله حذاء سيده خلعته على باب مكتبه، نهاية بصورته وهو يتقدم رؤساء الدول العظمي، بالإضافة لكاريزمته، وشكله المريح ووجه الطيب والبشوش كل دا زاد من شعبيته وسط معظم الطبقات (وهي دي طبيعة الشعب المصري). للدرجة التي طالب البعض بترشحه لرئاسة الجمهورية (ممكن ليه لا! ومش بعيد ينجح باكتساح بنفس طريقة الاستفتاء!!!)
للأسف عصام شرف خيب ظني وظن الكثيرين مثلي!!، نجح نجاحاً باهراً في الاستعراض وفشل فشل ذريعاً في إدارة أمور البلاد أو على الأقل المساهمة في إدارتها. المحصلة النهائية (صفــــــــر) وعليه أن يتذكر وعده بنزوله وسط الجماهير مجدداً في حال فشلت حكومته في مهمتها.

[human]

انا مش شايف مشكله بصراحه

طبيعى الشرطة تنضرب و هو مش هينزل يمسك عصايه و يضرب الناس

[aminibrahim]

انا مش شايف مشكله بصراحه

طبيعى الشرطة تنضرب و هو مش هينزل يمسك عصايه و يضرب الناس

لأ لأ لأ مش طبيعي حضرتك لأن ده هجوم مسلح

لازم يكون راجل بفكر لن كده البلد بتغرق ولازم يكون في اتخاز قرارت مهمه ومناقشات مع المجلس العسكر ي


بانه يتم تنزيل قوات خاصه --لأن الي هجم علي كمين ويقتل نقيب و2 عساكر وقدام بنك اسكندريه



عايز ايه بعد كده -- دي امور مافيش فيها تفاهم دي فيها تمشيط واعدام


مش قاعد في البيت وعمال يلعب علي مشاعرنا


هو انت حضرتك مستني علي ما تحصل حاجه في شارعكو

[otefa]

ربنا يوفقه ويكون ضميره على مصلحة البلد بجد
وهانت كلها شهرين ومجلس شعب وحكومة جديدة ويبقى فيه محاسبة

[Karim_Monir]

البلد في حالة فوضى عارمة
لا شرف ولا غيره هاينجخ بدون مايكون فيه مقومات ادارة
مفيش كادر سياسي ينفع
مفيش شرطة ولا كوادر شرطة تنفع تمسك
هانقعد سنين على مانعدي الازمة

[memo_p910]

وذنبه ايه عصام شرف ؟؟؟؟
الجيش هو المسؤول عن الأمن حاليا مع الشرطه

[maka]

الراجل بيحاول

و كل واحد يعمل اللى عليه و يبداء بنفسه

[Mzeid]

طيب و دكتور عصام شرف معاه عصاية سحرية بيعرف بيها الجرايم قبل ما تحصل ؟؟؟؟؟؟؟

[eng.m7md.ali]

الدليل على صحة كلامك ان الشرطة لسة بتستعين ببلطجية
وده اللي حصل في عين شمس عندنا امبارح

[Mzeid]

الدليل على صحة كلامك ان الشرطة لسة بتستعين ببلطجية
وده اللي حصل في عين شمس عندنا امبارح

ايه اللي حصل ؟؟؟؟

[mazagngi2010]

للاسف شرف ماشى فى نفس سكه نظيف الاهتمام بالاستثمارات بس والتنفيض لاى حاجه تانيه
كانت محتاجه الجنزورى مش شرف

[تامر.محمد]

بصراحة لو قلت كده من فترة كنت هاعارضك

لكن حاليا , بصراحة انا ما تلزمنيش وزارة شغالة دمية في يد المجلس العسكري , و وزرائها اغلبهم بيحاولوا باستماتة حماية الفاسدين من النظام القديم و الابقاء عليهم في اماكنهم بلا حساب

[aminibrahim]

وذنبه ايه عصام شرف ؟؟؟؟
الجيش هو المسؤول عن الأمن حاليا مع الشرطه

زنبه انه نايم

زنبه انه قاعد لحد د الوقتي ادام ما فيش تحسن

زنبه انه مخلي واحد زي يحي الجمل---- والا دي مش كفايه

اقول ايه وال ايه