وابتدي المشوار ياتجار الثوره

[FunnyMickey]

قالها عمرو قطامش

يامعشر تجار الثوره .... لم يبق مكان لغبي
احترموا ثورتنا كانت .... تشبه معجزه لنبي
احترموا الثوره واحترموا .... شهداء الوطن العربي

وها قد بدأت اسواق الثوره
وعلي من يريد بيع الوطن التقدم للامام :( :(


صورت الصوره دي وانا رايح شغلي انهارده
من رحم الثوره







هوا كل من مسك علم في ميدان التحرير كان بطل ؟
مش الكرش ده بيفكرنا بالحزب الوطني
نفس الستايل بتاع رجال الاعمال اللي حافظينهم
كرش وسيجار وسلسله
حسبي الله ونعم الوكيل
حسبي الله ونعم الوكيل
محتاجين الالالف الثورات عشان ننضف البلد
انا اعتقد والله العظيم لو شاء ربنا واخترعنا جهاز يبين نوايا البشر
مصر حيبقي فيها مليون بني ادم بس نيتهم نضيفه وعاوزين البلد تتقدم لقدام
نفسي اعرف ليه ثوره مات فيها مئات
يتاجروا بيهم التجاره القذره دي ؟
ليه بنتعامل علي اننا اغبياء مبنفهمش حاجه ؟
نعمل ايه تاني
كنا فاكرين انه مبارك
طلع وسطينا الالاف مبارك
والالاف زكريا عزمي
وملالاين صفوت الشريف
ليه كله باصص تحت رجله ومبيفكرش في اي حاجه غير في نفسه
كله عاوز يسرق وبس
كله عاوز كرسي وبس
طب كنا بنلوم ليه علي حسني مبارك بقي وبنمشيه
ماكان فضل قاعد طالما كده كده حنتسرق ونتنهب تاني
الله يلعن الفلوس اللي تعمل كده في الناس
كل البلاد فيها فساد وسرقه بس بينجحوا
اشمعني احنا؟
هوا احنا بقينا 85 مليون حرامي ؟

[otefa]

مين أسامة خيري؟
أسامة خيري رمز الصمود........

[تامر.محمد]

لا تسودها يا رجل بهذا الشكل

وجود الاشكال اللي زي دي متوقع
خصوصا انهم بعد ما دخلوا الجحور كلهم
لقوا اللي بيفرش لهم الأرض ورد عشان يطلعوا تاني و يرجعوا زي زمان بالظبط
تحية للمجلس العسكري طبعا


تخيل لو كل مطالب التطهير اتنفذت
ولا كلب كان هايستجري يرفع راسه لأنهم كانوا هايفهموا ان الدنيا اتغيرت

دلوقت اللي حاصل انهم فهموا ان اللي بيحكم تبعهم

زي الأول بالظبط

يا ريت تقرا ده يا باشا

http://www.nilemotors.net/Nile/227964-a.html

[FunnyMickey]

ماخلاص ياتامر الناس بقي عندها انطباع عن الثوره دي
كأنها الشئ اللي جاب الخراب للبلد
زي ما يكون كانوا عايشين في جنه الاول
عاوزين يصحوا الصبح يلاقوا كل حاجه اتغيرت
والعيش بقي متوفر
والشقق رخصت
والمواصلات فضيت
كده يبقي نجاح الثوره
انما غير كده لا
عاوزين همومهم ومشاكلهم تتحل بالريموت كنترول
من غير ما يشتغلوا

هوا احنا لقينا مصباح علاء الدين؟
ايه الغباء ده
دي ثوره
يعني انقلاب اوضاع
ده الواحد اما بيقوم زلزال ولا يعمل حادثه ويتقلب
كل حاجه بتتشقلب
بياخد وقت علي ما يرجع كل حاجه زي ما كانت
واحنا عاوزين البلد تتظبط في اسبوع

كل واحد بقي يعلق شماعه همومه ومشاكله علي الثوره
الثوره عملت الثوره سوت
وطبعا ما شاء الله امثال هذا الرجل ماصدقوا
كل واحد راح ماسك علم
ونزل ميدان التحرير
زي ما يكون راح للنبي علي حوض الكوثر
بقي من اولياء الله الصالحين

كلهم افاقين وكذابين
حاجه بقت تقرف
كله دلوقتي علي القنوات بقي سوق وسويقه
اي بتاع دلوقتي ميسواش بقي بيتكلم عالثوره
وهناء وسيد رجعوا تاني
شويه الزباله اللي كانوا بيلحسوا جزمه مبارك وخدوا بالجزمه لما مشي
رجعوا تاني
ده معناه ايه
؟
الناس دي فاكره خلاص الثور راحت وحترجع ريما لعادتها القديمه
وللاسف الشئ اللي كان موحد كل الشعب وكانوا ايد واحده
عرفوا يفرقوه بالفتنه الطائفيه ومسيحي ومسلم واخواني وسلفي وسلفي ولا صوفي وعلماني ولا ليبرالي
عملوا بالمبدأ الشهير فرق تسد
واحنا زي القطيع مشينا وراهم
شعب بحاله ماشي ورا جهاز اعلامي فاسد
احنا الغلطانين
ولازم نفوق
يااما نسيب البلد دي ونروح بلد تانيه

[تامر.محمد]

انا معاك في كل كلمة
و اللي عايز يخربها علينا تاني بيلعب على كده على فكرة
بيستغل احقر طباع البشر و يغذيها

في المقابل فيه ناس كويسين و الله

[AshTurbo]

تصدق وتأمن بالله أنا النهاردة كنت بفكر نفس التفكير وقلت لنفسي أن يوم 25 و28 يناير الشرفاء من هذا الشعب واجهو الطاغية الأكبر حسني مبارك بينما حالياً علينا أن نواجهة آلاف الطغاة اللي رباهم نظام حسني مبارك الفاسد ودي مش معركة سهلة أنت بتحارب فكر ونظام تغلغل في أعماق سحيقة من مجتمعنا بتواجه عادات وتقاليد تعودنا عليها لأكثر من نصف قرن .... أيام الكلية أتذكر في دراستي لكتاب عن أحد علماء ومؤسسي علم الأجتماع قوله أن تغيير العادات والتقاليد أمر صعب للغاية وغالباً ما يقابل برد شديد وعنيف من الجماعات المراد تغيير عاداتهم وتقاليدهم عشان كدة مش منطقي ولا عقلاني أنك تغير شعب بأكمله في 5 شهور بس ولا حتى خمس سنين الحكاية لازم تاخد وقتها نفس اللي بيحصل لقطع الدومينو المرصوصة أول واحدة بتقع بتوقع كل اللي واقفين وراها بس مش بتوقعهم في نفس اللحظة .

أحنا مش محتاجين آلاف الثورات زي ما ناس كتير فاكرين ولا محتاجين ثورة تانية حتى كل اللي محتاجينه أننا نبني على ثورتنا دي بس بناء صلب على أساس جديد يستحمل وميتزعزعش بيننا تاني ومحدش يقدر يهد فيه ويرجعنا لوراء بالظبط كدة زي قيادة معركة عسكرية مينفع تنتقل من موقع لآخر الا بعد ما تكون أمنت المكان دة بشكل كامل وتسيب فيه جنود يحرسوه ويحافظوا على تقدمك مع دفاعات قوية حتى لا يباغتك العدو من الوراء .

[otefa]

انا معاك في كل كلمة
و اللي عايز يخربها علينا تاني بيلعب على كده على فكرة
بيستغل احقر طباع البشر و يغذيها

في المقابل فيه ناس كويسين و الله

في ضرب للقواعد المهنية "تخديمًا" على مصالح ملاكها.. ساويرس وصلاح دياب يجندان محرري"المصري اليوم" لجمع توقيعات وضع الدستور أولاً

كتب أحمد سعد البحيري (المصريون): | 23-06-2011 02:06

علمت "المصريون"، أن جريدة "المصري اليوم" وعددًا الصحفيين والمحررين العاملين بها يقومون بإدارة وتنسيق حملة جمع توقيعات من أجل المطالبة بـ "الدستور أولاًَ"، قبل إجراء الانتخابات البرلمانية في سبتمبر، فضلاً عن استقبال منظمات وائتلافات غير قانونية تدعم هذه الفكرة من أجل دعمهم إعلاميا وماديا من جانب الجريدة، وذلك بدعم من صلاح دياب ـ الذي تجرى معه حاليا تحقيقات على خلفية فساد ـ ورجل الأعمال نجيب ساويرس أحد أبرز المساهمين في الصحيفة ، ومن الداعين لتجاوز استحقاقات التعديلات الدستورية.

وأدان صحفيون ونقابيون وسياسيون هذا الأمر باعتباره ضربًا بالمعايير والقواعد المهنية وميثاق الشرف الصحفي، عبر محاولة تشكيل رأي عام مضاد للالتفاف على إرادة الشعب المصري الذي صوت بأغلبية كبيرة لإجراء الانتخابات أولاً، على أن يلي ذلك وضع دستور جديد تقوم على وضعه جمعية تأسيسية يختارها أعضاء البرلمان المنتخب.

وأكد جمال عبد الرحيم عضو مجلس نقابة الصحفيين لـ "المصريون"، أن تورط "المصري اليوم" التي تتبنى حملة وضع "الدستور أولاً" في مثل هذه الحملات يشير إلى عدم التزامها بالمعايير المهنية للعمل الصحفي، مشددًا على أهمية الالتزام بتلك المعايير وميثاق الشرف الصحفي.

وأشار إلى أنه وإن لكل مواطن الحق في حرية التعبير عن الرأي دون قيد، لكن ذلك مشروطًا بألا يكون على حساب المعايير المهنية للعمل الإعلامي، وأن يكون بعيدًا عن المؤسسات الصحفية، التي هي مرآة للحقيقة.

وشاطره الرأي الكاتب الصحفي سليم عزوز، قائلاً إن قيادة "المصري اليوم" لحملة وضع "الدستور" يتنافى مع الادعاء بالاستقلالية من جانب الجريدة، إذ أن الصحف المملوكة لرجال أعمال دائمًا ما تقدم نفسها علي أنها صحف مستقلة، وهذا غير صحيح بالمرة ويتعارض مع الواقع فهي صحف خاصة مملوكة لرجال أعمال يحركونها كيفما شاءوا من أجل مصلحتهم الشخصية.

وأوضح أن مالكي تلك الصحف فتحت شهيتهم بعد الثورة من أجل البحث عن النفوذ والسيطرة، بالرغم من أن الكثير منهم كانوا أصحاب دور كبير في الفساد الذي استشرى في العهد البائد، لكنهم نجحوا في استغلال الآلات الإعلامية التي يمتلكونها لإخراجهم من هذا المأزق، بل وجعلتهم من رموز الثورة والميدان، وأوجدوا لأنفسهم نفوذًا سياسيًا عبر وسائل الإعلام المملوكة لهم.

وتحدث عن تنسيق بين رجال الإعمال هؤلاء ودوائر إعلامية وحكومية غربية، ضاربا المثل بالتدخل الواضح من جانب الحكومة الفرنسية في الشأن التونسي بعد الثورة بدعمها عدد من الأحزاب، وقال إن هذا ما يحدث الآن في مصر بشكل أو بأخر، واصفا تلك القوى التي تقوم بالتنسيق مع الخارج بالجالية الأمريكية في القاهرة والتي تدعو للالتفاف على إرادة الشعب والدعوة لوضع "الدستور أولاً" بغية تأجيل الانتخابات لأجل غير مسمى لتخوفهم من تحقيق فوز كاسح للتيار الإسلامي والذين يقومون بقذفه إعلاميا ليلاً ونهارًا.

من ناحيته، اعتبر الدكتور حمدي حسن، المتحدث الإعلامي باسم كتلة "الإخوان المسلمين" البرلمانية سابقا أن ما تقوم به الجريدة يتنافى مع الدور الذي ينبغي أن تمارسه، واستقلاليتها التي دائما ما تشير إليه، واتهمها بأنها أصبحت تقود التيار المضاد للإرادة الشعبية بشكل دائم وملحوظ من أجل تعطيل المسار الدستوري والبدء بوضع "الدستور أولاً"، متسائلا لماذا هذا الدور "المشبوه"، ولصالح من؟.

وأضاف إن الشعب يلتفت إلى ما وصفه بـ الدور "المشبوه" الذي تقوم به هذه الصحيفة، والذي اعتبره لعبا بالنار من جانبها، لأنها تسير ضد التيار، مطالبا إياها بالعدول عن موقفها هذا وأن تحترم إرادة الشعب، وأن تكف عن التخديم علي الأفكار والمصالح الخاصة، وأن تعيد ترتيب أولويتها وتغلب المصلحة العامة.

[yascro]

ماخلاص ياتامر الناس بقي عندها انطباع عن الثوره دي
كأنها الشئ اللي جاب الخراب للبلد
زي ما يكون كانوا عايشين في جنه الاول
عاوزين يصحوا الصبح يلاقوا كل حاجه اتغيرت
والعيش بقي متوفر
والشقق رخصت
والمواصلات فضيت
كده يبقي نجاح الثوره
انما غير كده لا
عاوزين همومهم ومشاكلهم تتحل بالريموت كنترول
من غير ما يشتغلوا

هوا احنا لقينا مصباح علاء الدين؟
ايه الغباء ده
دي ثوره
يعني انقلاب اوضاع
ده الواحد اما بيقوم زلزال ولا يعمل حادثه ويتقلب
كل حاجه بتتشقلب
بياخد وقت علي ما يرجع كل حاجه زي ما كانت
واحنا عاوزين البلد تتظبط في اسبوع

كل واحد بقي يعلق شماعه همومه ومشاكله علي الثوره
الثوره عملت الثوره سوت
وطبعا ما شاء الله امثال هذا الرجل ماصدقوا
كل واحد راح ماسك علم
ونزل ميدان التحرير
زي ما يكون راح للنبي علي حوض الكوثر
بقي من اولياء الله الصالحين

كلهم افاقين وكذابين
حاجه بقت تقرف
كله دلوقتي علي القنوات بقي سوق وسويقه
اي بتاع دلوقتي ميسواش بقي بيتكلم عالثوره
وهناء وسيد رجعوا تاني
شويه الزباله اللي كانوا بيلحسوا جزمه مبارك وخدوا بالجزمه لما مشي
رجعوا تاني
ده معناه ايه
؟
الناس دي فاكره خلاص الثور راحت وحترجع ريما لعادتها القديمه
وللاسف الشئ اللي كان موحد كل الشعب وكانوا ايد واحده
عرفوا يفرقوه بالفتنه الطائفيه ومسيحي ومسلم واخواني وسلفي وسلفي ولا صوفي وعلماني ولا ليبرالي
عملوا بالمبدأ الشهير فرق تسد
واحنا زي القطيع مشينا وراهم
شعب بحاله ماشي ورا جهاز اعلامي فاسد
احنا الغلطانين
ولازم نفوق
يااما نسيب البلد دي ونروح بلد تانيه

+99999999999999999999

[Egyzizo]

قبل أى كلمة نعرف الأول مين أسامة خيرى.
وبعد كده ننتف ريشه زى ما احنا عايزين.

[maka]

بغض النظر عن اسامة خيرى بقيت بحس ان الكلاب ينهشون فى مكاسب الثورة ناس ماتت و ناس كانت بتضرب و امهات قلبها مخلوعة من فقد الابن و ناس بعاهات و مع ذلك فيه ناس ربع ضميرها مش عاوز يصحى فقدوا حاسة الاحساس و بيتاجروا بدم الشهداء اعوذ بالله من دى بنى ادميين

و يارب عدى الفترة دى على خير و متضيعش دم عبادك

[A.Saad]

والاسواء كمان اللى عمالين يقسموا البلد فئات
والجماعات اللى عمالة تقول دستور اه ودستور لا كل واحد عايز مصلحته الاول