طلب من كل مسلم

[lada2010]

الطلب هو تحويل شريحة موبايلك لو كانت موبينيل الى اتصالات او فوادفون وعلى فكرة اتصالات فاتحة التحويل من

اسبوع ما عليك الى الذهاب لاقرب فرع واستبدال الشريحة بنفس رصيدك دون خصم قرش وذلك لما فعلة نجيب

ساويرس من رسم

صورة على شكل ميكى ماوس اساءة لاسلام والمسلمين ونحن كمسلمين لا نوقف على ذلك ومش هنعمل

مظاهرات زى ماهم عملوا احنا هنحربهم اقتصاديا

[tameraast]

I am a muslim and i will not change my number !

[jotime]

اخى تامر اشكرك على حسن تفكيرك لانك انسان واعى زى كل الاخوة فىI am a muslim and i will not change my number مصر بارك الله فيك ويحميك لمصر ولشبابك

[m3_dolphen]

طيب واللى هيغير خطه يبقى انسان مش واعى ؟ مجرد سؤال

[eng.m7md.ali]

i am a muslim and i will not change my number !

يافندم هيفضل بنفس الرقم بالظبط
كل الحكاية هتشحن بكروت اتصالات او فودافون

[م. حاتم السباعي]

طبعا مع الحملة الي النهاية
و لا نحزن علي اي ضرر سيصيب احد يا جماعة
اليكم اللي هيحصل
الناس اللي في موبينيل اصلا لو حدث ان الشركة بدأت في الخسارة و التصفية مثلا
اكيد سيجدو فرص كثيرة في اتصالات او فودافون و معظم العاملين في اتصالات اصلا كانو خبرات في موبينل
و اللي مش واخد باله الشركات دي بتكسب ازاي
يشوف الحملة الاعلامية المتوقعة قريبا جدا من موبينيل الايام القادمة و العروض التخفيضية المتوقعة ايضا حتي يستغلو جذب شريحة كبيرة بتبحث دائما عن الارخص حتي لو جاي من الصهاينة انفسهم
بلاش نأخذ الامور بحنية
يجب ان يعلم هذا المنافق انه غلط غلط كبير جدا و انه بيستخف بما ليس له
لو كان عاوز يهزر يتنيل يهزر في دينه بلاش يتغابي
و ان شاء الله كل مسلم يقاطع هذه الشركة
و ليه يبقي فيه 3 شركات بس
ما يتفتح الباب ل 5 شركات او 7 شركات
الشركات دي بتحقق مكاسب وهمية من دم الشعب
معا لمقاطعة ساويرس اينما كان و طبعا هي حرية شخصية للجميع
بس انا عاوز افكر الغير موافق علي المقاطعة انه لو عز مثلا صاحب شركة الاتصالات
و علشان هو فاسد كان يمكن للرافضين يقاطعوه انما انسان علي غير الديانة بتاعتك و بيسئ لشكل من اشكال مظهر الاسلام فعادي و لا يهمك ده في شئ عادي طبعا حرية شخصية و ان شاء الله ينكشف امام اخواننا المدافعين عن عدم المقاطعة قريبا جدا
.................................................. ............................................
ربنا يورينا فيه يوم هو و من معه حتي يدرك الناس حقيقة هؤلاء المنافقين
و انا متأكد ان المسيحيين ايضا الكثير منهم سوف يقاطع هذا المعتوه

م.حاتم السباعي

[jotime]

اخوانى الكرام انا مقدر مشاعركم ومش هالومالى هاتعملوه بس ياريت نفكر شوية ان كل مشكلة هاتحصل زى دى هانعمل كده ونقوم ونغير كل حاجة عندنا يبقى نغير تلفوناتنا وخطوطنا وعربيتنا وبيوتنا لان صاحب الشركة عمل خطاء بقصد او بدون قصد خلاص اتفقنا يبقى كل واحد يغير اى حاجة فى بيته من منتجات الراجل ده لانه اخطاء وطبعا الى عايز يغير رقمه يغيره بس الوعى الى بتكلم عليه هو التفكير الصح مايبقاش فى شركة مسلمة وشركة مسيحية وشركة يهودية ده كلام فاضى كل واحد يغير الى هو عايزه وبالنسبة للاخ الكريم الى بيقول لما الشركة تفلس او تخسر الناس الى هاتتضر من كده هايروحو شغل فى الشركات التانية اسف انى بقولك انتا غلطان فى دى مكانش بقى دى حال سباب مصر الى قاعد فى البيت لاحول ولا قوة او قاعدين على القهوة مش لاقين شغلانة حتى يعملوها اخى الكريم بلاش دعاوى وحشة زى الى قلتها لان ربنا سبحانه وتعالى لايقبل دعوات بهذه الشكل وانتا تعرف ذلك بل ادعو الى تهدئة النفوس والعقاب للمخطىء والثواب للمحسن

[jotime]

اخواتى فوافون ووالدى اتصالات ومعايا موتسيكل الى واخد توكيله واحد شيخ مصرى مسلم له كل التقدير والاحترام لو غلط فى حد او عمل حاجة الله اعلم قصد او دون قصد اقوم اغير الموتسيكل بتاعى وقول مش هاركب الموتيسكل بتاعه ولا اغير الخطوط والنمر بتاعت البيت علشان صاحب الشركة عمل حاجة وحشة او اخطاء طيب والغاز الى بنصدره لاسرائيل اشيل الغاز من البيت اعتراضا على التصدير طيب والسلاح الى بناخده من امريكا وروسيا وفرنسا واوكرانيا والصين نبضل ناخده كل واحد فينا عنده مخ بيفكر بيه ويوشوف ايه الى ممكن يعمله . احمد عز فى السجن واخطاء فى حق الشعب لكن الشركة شغالة وبتكسب فى البورصة كمان نبطل ناخد الحديد بتاع عز ونروح ناخده من واحد مسيحى صح كده ولا فى غلط .

[م. حاتم السباعي]

اخوانى الكرام انا مقدر مشاعركم ومش هالومالى هاتعملوه بس ياريت نفكر شوية ان كل مشكلة هاتحصل زى دى هانعمل كده ونقوم ونغير كل حاجة عندنا يبقى نغير تلفوناتنا وخطوطنا وعربيتنا وبيوتنا لان صاحب الشركة عمل خطاء بقصد او بدون قصد خلاص اتفقنا يبقى كل واحد يغير اى حاجة فى بيته من منتجات الراجل ده لانه اخطاء وطبعا الى عايز يغير رقمه يغيره بس الوعى الى بتكلم عليه هو التفكير الصح مايبقاش فى شركة مسلمة وشركة مسيحية وشركة يهودية ده كلام فاضى كل واحد يغير الى هو عايزه وبالنسبة للاخ الكريم الى بيقول لما الشركة تفلس او تخسر الناس الى هاتتضر من كده هايروحو شغل فى الشركات التانية اسف انى بقولك انتا غلطان فى دى مكانش بقى دى حال سباب مصر الى قاعد فى البيت لاحول ولا قوة او قاعدين على القهوة مش لاقين شغلانة حتى يعملوها اخى الكريم بلاش دعاوى وحشة زى الى قلتها لان ربنا سبحانه وتعالى لايقبل دعوات بهذه الشكل وانتا تعرف ذلك بل ادعو الى تهدئة النفوس والعقاب للمخطىء والثواب للمحسن

الاستاذ الفاضل
لن اتجادل مع حضرتك حتي لا يفقد الموضوع قيمته و نشت عن الدعوة للمقاطة
بس فيه كام نقطة صغيرة كده
اولا حضرتك قلت لي اني غلطان حينما اقول ان الذي سيفقد شغله من موبينيل سيذهب للشركات المنافسة
من قال لحضرتك اني غلطان ( هل هناك معلومة تؤكد ذلك ) طبعا لا
يبقي هذا رأيي و هذا رأيك بدون ما حد فينا يبقي غلطان
ثانيا انا قلت ان الشركة هتنزل بحملة دعاية قريبا حتي تجذب اعداد من الشعب لا يهمها سوي التوفير ايا كان من سيقدمه له و لم اخون هؤلاء الناس مثلا و لم اقول عنهم اي شئ سئ لانهم يبحثون عن الاوفر و هذا حقهم لا استطيع ان انكره عليهم
ثالثا بالنسبة للدعوة اخي الكريم من قال لك ان الله لا يقبل ان يدعو احد علي واحد اساء لرمز ديني و علي غير ملتي و سخر من اللحية بأن الله لا يقبل هذا ما هو دليل حضرتك ارجوك
انا لم اسبه اخي الكريم انا دعوت عليه هذا الرجل يا استاذي الفاضل قبل الثورة بفترة كان مستضاف في احد البرامج و ايضا راح داخل كده بدون مقدمات علي انه بقي يتخض لما يمشي في الشارع الان
فسأل ليه كده . فقال اصل النقاب انتشر كأننا في ايران مثلا مع ان زمان و اعد بقي يقول اصل كان اللبس عادي يعني و مش عارف ايه و اي كلام فاضي
بالله عليك ماله هوه و مال اللي تنتقب و الا تتحجب
الله و حده يعلم ما تواريه الصدور اخي الكريم و لذا دعوت الله وحده ان يكشفه لنا
فأن كان طاهر عفيف ترد علي الدعوة و ان كان غير ذلك لا ينخدع فيه الناس
و شكرا

م.حاتم السباعي

[jotime]

اخى الكريم شكرا لحسن ردك وانا مقدر مشاعرك كل الاخوة ايضا حضرتك قولت الموظفين الى فى الشركة لما يشمو من من موبنيل هايروح الشركات التانية او اى شركة اخرى هذا هو كلامك وهذا طبعا ليس يكون مريح او سيكون مربحا للشركات الاخرى لان الحالة الاقتصادية لاتسمح بقبول افراد زيادة لو كان ذلك لكان كل شباب مصر العاطلين اولى بهذا العمل ثانيا قصدى من الدعوى الى الله ليس دعوى المكروب او المظلوم فكل واحد مظلوم يدعو الى الله عز وجل ولكن ليس بالاحرى ان يستجيب الله عز وجل لكى ينصفه على من يدعو عليه وانا اقصد فى دعوتك انك قولت ربنا يورينا فيه يوم وكل من معه ماذا تقصد بهذا من معه لا الومك اخى الكريم فلك الحق ان تقول ماتشاء ولكن ادعو لهداية الناس وعقاب المخطىء وثواب المحسن يعنى الشع المصرى قاعد يدعى على مبارك والنظام بتاعه30 سنة تفتكر الله عز وجل مقبلش الدعوة الى دلوقتى طبعا لا له حكمه فى ذلك لايعلمها الى هو سباحنه وتعالى طبعا انا لست شيخا ولا قسيسا ولا افقه فى الدين شىء سوى ما اعرفه وربنا يصلح الحال ويحمى مصر من كل فكر شيطانى او يسىء الى شعبها الكريم

[ABDULLAH AHMED]

خدت الكود بتاع الرقم
وبكره ان شاء الله حروح اتصالات

(( يا باشا الرزق على الله .. دي ممكن تكون خطوة كويسة لكتيير من الناس اللي بتشتغل في موبينيل وربنا يفتح عليهم في شركات اخرى او عمل اخر))

[aminibrahim]

i am a muslim and i will not change my number !

وانا مش ها غير

امضاء مسلم

[HOSSAM99]

المشكله في العماله اللي شغاله في الشركه
هل لو وقفنا خطوطنا (عندي حوالي 9 خطوط في البيت شغالين أقدر إن شاء الله أقنعهم يحولوا ) أو حولناها نقدر نتوقع مصير العماله اللي في الشركه
يعني هل لما إتصالات و فودافون الضغط يزيد عليهم هايطلبوا عماله تاني و لا اللي شغالين هايتفحتوا في الشغل الزياده و موظفين موبينيل هايقعدوا في البيت
و هل لو راحت العماله دي أي من الشركتين هايكونوا علي نفس الدرجه الوظيفيه و لا أقل
يا ريت إجابات بجد الموضوع مش حملة مقاطعه سلعه مستورده أو شئ ممنوع لا دي مقاطعة سلعة جزء من ربحها فاتح بيوت كتير و شايل إلتزامات كتير
و أنا عارف إن الأرزاق بيد الرزاق .... لكن الأسباب .... لو فيه إجابه مقنعه يا ريت تطلع

و في النهايه هو (بشخصه) لم يراع مشاعري و لا مشاعر المسلمين و لم يلتزم الأدب معنا

أيه الحل.......

[waleedraafat]

انا بجد مستغرب
يعني كل الناس ما اخدتش بالها من ساويرس الا لما علم الصورة دي ، عموما موضوع تحويل الخطوط ده قرصة ودن صغيرة ليه ومش هيا دي الي هتخليه يحترم الاسلام والمسلمين
الي هيخليه بجد يحترم الاسلام والمسلمين هو انهم يحترموا نفسهم (نحن قوم اعزهم الله بالاسلام ، فان ابتغوا العزة في غيره اذلهم الله) وهذا هو حال المسلمين المتقلبين بين الشيوعية والراسمالية واللبرالية والبتجانية ولكن الاسلام ومبادئ العدالة السماوية التي لا تخطئ اخر حاجة بنفكر فيها ، بل بنخاف منها وكأنها قيد نكبل به وليس رحمة بنا من الله

ويوم ما نفوق ونفهم ونبطل سفسطة (الكل عاجبه عقله) هيحترمنا العالم وهيحترمنا ساويرس
بس عموما انا مبسوط ان الناس بطلت سلبية وانهزامية واصبح ليها قرار ولو بسيط بس قرار جماعي موحد

[ahmed2y]

وانا مش ها غير

امضاء مسلم

انا كمان مش هغير لحد ما يثبت فعلا انة عمل كدة


مش هغير

امضاء مسلم

مع انى معايش موبينيل اصلا ههههههههههههههه

بكرة كلة يبان ونشوف اية الحيحصل