اختراع جديد للقضاء على المطبات

[Car's Sniper]

من ساعة ونص كدة..عالساعة 12 ونص صباحا ...كنت رايح مشوار صد رد وماصدقت فتحوا الطريق بعد الحفر اللى بقاله اكتر من سنة تقريبا وفرحان جدا ان الطريق اتفتح واتفاجئ بمطب من اياهم عالى بطريقة مستفزة ومش هتصدقونى لو قلتلكوا انه ضارب فى 35 سنتى تقريبا وعرضه نص متر مش هيزيد عن كدة وبالاسمنت كمان
فى اللحظة دى رحت راجع بالعربية لانى عارف انى مش هاعرف اعديه والعربية تطلع سليمة ...جيت الف من شارع تانى لاقيته بقى ساحلى كله بالكامل مية رحت راجع للمطب ونزلت من العربية ولسه هانزل اشتم بصوت عالى عشان اصحى اللى النايم ومأنتخ فوق من غير مايحترم البنى ادمين وبعدين قلت عيب خصوصا انى كنت محضر رصة شتايم كانت هتبقى اول مرة انطقها فى حياتى وخت المطب واللى كان كان ووانا راجع جتلى فكرة جامدة طحن
مارضيتش امشى من طريق تانى ورجعت للمطب تانى وتمنيت انه لو يكون اعلى من كدة وعديته على راحتى خاااااالص وكل ماكان اعلى كل ماهياخد وقت...استنوا!!!!! نسيت اقولكوا سر الاختراع.....ايدى عالكلاكس دا كله وبصورة استفزتنى انا شخصيا وبعد ماعديت المطب نزلت من العربية وقلت بصوت عالى "كل يوم من دا لغاية ما المطب دا يتشال" ...وكل يوم هاعمل كدة لغاية مايشيلوه من نفسهم
وكل واحد فى المنطقة شاف المطب دا وهو بيتعمل وسكت يبقى يستاهل اللى يجراله لانه تقريبا اوحش مطب شوفته فى حياتى لدرجة انى خفت ليخبط اكصدام العربية من قدام...بعنى المفروض اللى معندوش عربية يفهم ان ده حاجز اسمنتى مش مطب
انا ممكن اكون جرحت العربية"اللى متجرحة اصلا" من تحت بس ان شاء الله مش هيدوم لانهم يا إما يشيلوه يا إما هيسهروا عشان يعملولى كمين وفى الحالتين يانعيش عيشة فل يانموت احنا الكل

[jotime]

ههههههههه ايه ياعم الحوار ده كبر دماغك كل شوارع مصر مطبات وحفر معلش حقك عليا انا تلاقيهم عملو المطب علشان محدش يجرى فى الشارع انتا هاتخلص من المطب ده هايطله ست تلاف مطف غيره ده فيرس مطبات وملوش حل ههههههه

[pepsi007]

ماهو لتغير المطب لتجيب للناس سماعات

[mido_soliman]

انهى طريق اللى فتحوة يباشا فى الشرقية ؟
وياترى عملوا اى حاجة فى القرف اللى وانت جاى من بلبيس على الزقازيق ولا لسة مدغدغ

[Car's Sniper]

ههههههههه ايه ياعم الحوار ده كبر دماغك كل شوارع مصر مطبات وحفر معلش حقك عليا انا تلاقيهم عملو المطب علشان محدش يجرى فى الشارع انتا هاتخلص من المطب ده هايطله ست تلاف مطف غيره ده فيرس مطبات وملوش حل ههههههه

هههههه مانا مش كل يوم هانزل من العربية...هو امبارح بس عشان يعرفوا السبب وخصوصا ان كان فيه واحد واقف فى البلكونة فهيعرف المنطقة مين الغتت اللى كل يوم يرخم ده
وياريت يكتروا المطبات لانى بدأت انشر الانتى مطبات لكل اصحابى عشان لو الناس فكرت تعمل مطب من اياهم يتحملوا نتيجة العملة السودا دى

ماهو لتغير المطب لتجيب للناس سماعات

يغيروا المطب هما بقى هههه

انهى طريق اللى فتحوة يباشا فى الشرقية ؟
وياترى عملوا اى حاجة فى القرف اللى وانت جاى من بلبيس على الزقازيق ولا لسة مدغدغ

لا دا طريق جوة البلد فى بلبيس
واحب اطمن حضرتك الطريق ماين بلبيس والزقازيق بقى مدغدغ اكتر ماكان مدغدغ وخصوصا اللى فى اتجاه الزقازيق بعد كوبرى بردين اللى وقع من كام شهر ده واللى مبنى مابقالوش خمس ست سنين
انا بدأت احس ان الفساد الادارى كله بينطبق على الطريق ده غش فى مونة الكوبرى والمرصوف اللى كله خطوط طولية هههههههه

[yoko]

بسيطة بلغ البلديه هيجو يشيلوه وقلهم في البلديه هرفع شكوى عليكم إنكم إتبلغتوا وسبتوا مطب مخالف تاني يوم هتلاقيهم شيلينوه وبالتلفون كمان مترحش البلديه بنفسك

[RUN]

نفس الى حصل عندنا كل واحد جنب بيته يعمله خازوء اسمنت

بس الحمد لله المجلس شالها وحط بدلها مطبات آدميه شويه وفى مكانها الصحيح

[micromoud]

والله ياباشا دى قلة أدب وبيكونوا محسسين الواحد ان شارعهم دا بيتعمل فيه سباق .. وحاجه كمان بسترخمها اللى بيطلع خرطوم برا بيته ويفضل يرش الشارع دا عشان يهوى على نفسه...

[Nistelrooy]

ياريت تبقي تصورة

[saadelden]

فكره جامده حوار الكلاكس دا :d

الكلاكس عندي صوته عالي و رخم هيصحي المنطقه كلها :d

[dr_abooody]

صصح كدا مش عمل مطب يستاهل الكلاكسات و الازعاج اللي يشربهم