اعمل ايه مع فودافون

[sara2001]

في رقم فودافون اتقفل وعايزه اشغله اعمل ايه؟
اتصلت بخدمة العملاء ردت علي بنت في منتهى الإستفزاز وطلبت بيانات صاحب الخط
وقبل ما اقولها البيانات سألتني معاكي الشريحه
قلتلها لأ صاحب الشريحه في الخارج وعاملها تجوال علشان اهله يتصلوا عليه هناك
قالت لازم صاحب الشريحه نفسه يتصل من الشريحه
طب هيتصل ازاي من الشريحه وانتوا قافلينها
هو السيستم كده
خليه لما يرجع يتصل منها ويدخل بياناته من جديد
قفلت معاها ونزلت لفرع فودافون
اول ما قلت اسم صاحب الشريحه الموظفه قالت لي لأ خلاص الرقم ده موجود بإسم حد تاني
يعني اتباع خليه يشتري خط تاني لما ينزل
هو عادي كده يقفلوا الخط ويبيعوه لحد تاني من غير اخطار صاحب الخط
وإذا كان الخط اتباع فعلاً لحد تاني ليه لما بنتصل بالرقم بنسمع رسالة ان الرقم غير موجود بالخدمه

[Nistelrooy]

اه فعلا الخط بيتقفل بعد 3شهور لو ماشتراش صلاحية او عمل اي مكالمة ..

[Qmax]

الشركه كلامها صح
لأن الخط له صلاحيه 3 شهور وتقريبا 5 أيام سماح وبعدها ترجع ملكية الخط للشركه ولا يحق للعميل المطالبه بعودته مره أخرى
سبب وقف الخط عدم إجراء مكالمه مدتها ثلاث دقائق خلال تلك الفتره أو الشحن

طبعا كان الأول صلاحيه 6 شهور وفترة سماح ثلاثة أشهر ده كان في موبينيل وفودافون كانت أقل منهم شويه
والنظام الجديد ده استهبال المفروض لو في رصيد يتم مثلا خصم 3 جنيه كل ثلاث شهور في حالة عدم اجراء مكالمات حتى لا يتم فقد الرقم والتنبيه برساله نصيه تفيد بذلك

[aminibrahim]

هما مش غلطانين حصل مع صاحبي قبل كده--- عادي

[matrix_it]

نفس الكلام دة حصل معايا و اتصلت على نمرتى غير موجود بالخدمة و خدمة العملاء قالولى الخط رجعت ملكيته للشركة

[sayed911]

نفس اللي حصل معايا !!! مرة واحدة لقيت الخط مش شغال بتصل بيه الاقي واحد تاني بيرد عليا ويقولي انا لسة شاريه من يومين اتصلت بخدمة العملاء الو قالولي اقرء عقدك معانا كويس حضرتك اخليت بشروط التعاقد ومستخدمتش الخط يبقى اتسحب منك ونزل السوق واشتراه واحد تاني !!
قولتله وهوة اصلا الخط مش بتاعي ده بتاع اخويا وهة عايش برة مصر وبيجي مرة كل سنة بيستخدموا منتوا مش عاملين فكرة الدياكتيفيت !! قالي مليش فيه قولتله شكرا يا سيدي !!! وقولتلهم اتصالات قبل ما تعملها كانت بتبعت رسالة او بيكلمك حد من خدمة العملة او بيضربوا كلكس حتى مش منهم لنفسهم بيسحبوا الحط وكمان بينزلوه الماركت والعملين يخبط دماغه في اتخن حيط !!

[DISCOVER]

الشركة مش غلطانة بالمرة

[sara2001]

متشكره جداً لتفاعلكم في الموضوع
بس هل الكلام ده مكتوب في التعاقد انه يرجع للشركه لو لم يتم استخدامه لمدة 3 شهور
وبعدين هو كان فيه رصيد حوالي 100 جنيه وكان ممكن يبعتوا رساله لشراء صلاحيه من جديد
ويخصموها من الرصيد او رساله تطلب منه يجدد الصلاحيه بنفسه او تحذير حتى بإغلاق الخط

ومش عارفه انا مش مقتنعه انه اتباع أصلاً لأن لما بنتصل بالرقم بيقول انه غير موجود بالخدمه
معنى كده انه لسه غير مباع
وكمان الرقم رقم عادي ومش مميز ولا حاجه بس هو مميز معنوياً بالنسبه لصاحبه
لأن والده الله يرحمه كان بيكلمه عليه والرقم ده مع كل اهله ومعارفه هنا
وهو طلب حتى انه يدفع لهم ثمن رجوع تشغيل الخط

[sayed911]

مش ها ينفع للأسف ولكن لو كان فيه رصيد جربي اتصلي بخدمة العملاء وقولي الخط من حقكم ماشي ولكن الفلوس اللي في الخط كانت جنيه اوكانت الف فكرة مبدأ مش من حقك تصادرها !! انتا من حقك تصادر الخط بتاعك ولكن فلوسي مش بتيجي اوفر مع الخط بتاعك يا سيدي الفاضل !!! ده السكة الوحيدة تاخدي فيها حقك ولكن للأسف العقد منصوص فيه على الكلام ده ولكن مين فينا بيقرأ عقود بقى ههههههه ولكن الفكرة انه مش عشان مميز ولا عشان حاجة عشان وندرة في استخدام الأرقام الجديدة بيدورا على القديم :s :s

[أحمد كمال]

ومش عارفه انا مش مقتنعه انه اتباع أصلاً لأن لما بنتصل بالرقم بيقول انه غير موجود بالخدمه
معنى كده انه لسه غير مباع

مش بالضرورة

ممكن يكون اللي اشتراه ما عمللوش first call activation أو بمعنى أصح ماحطوش في موبايل لسه .....

او ممكن الشركة عملت له recycle و خلاص الخط في مخزنها او مخزن احد التجار او الموزعين و في الحالة دي برضه ما ينفعش يرجعوه ليكم لان كده اللي هيروح يشتريه هيلاقيه مش شغال

[sara2001]

حاجه مستفزه بصراحه
حادور على العقد بتاعي القديم واشوف كان مكتوب فيه حاجه زي كده ولا لأ
وحضرتك معاك حق هو مش من حقه يصادر الرصيد من غير رسالة تحذير
وبما ان الصلاحيه تم تخفيضها من 6 شهور الى 3 شهور كان المفروض يخطروه برساله تحذيريه على الأقل

[أحمد كمال]

حاجه مستفزه بصراحه
حادور على العقد بتاعي القديم واشوف كان مكتوب فيه حاجه زي كده ولا لأ
وحضرتك معاك حق هو مش من حقه يصادر الرصيد من غير رسالة تحذير
وبما ان الصلاحيه تم تخفيضها من 6 شهور الى 3 شهور كان المفروض يخطروه برساله تحذيريه على الأقل

العقد فيه بند بيقول ان للشركة الحق في تغيير البنود دون سابق انذار

و موضوع 3 شهور بدل 6 ده معمول من سنة 2004 او 2005 تقريبا و الشركتين - وقتها فودافون و موبينيل - عملوا اعلانات في كل الجرائد القومية

[sara2001]

مش بالضرورة

ممكن يكون اللي اشتراه ما عمللوش first call activation أو بمعنى أصح ماحطوش في موبايل لسه .....

او ممكن الشركة عملت له recycle و خلاص الخط في مخزنها او مخزن احد التجار او الموزعين و في الحالة دي برضه ما ينفعش يرجعوه ليكم لان كده اللي هيروح يشتريه هيلاقيه مش شغال

ممكن فعلاً
بس كلامهم المتضارب مخليني أشك انهم سحبوا الخط لما سألت عليه وانه كان ممكن يتشغل
لأن البنت في خدمة العملاء كان كلامها في الأول مختلف وهو انه يجدد ادخال بياناته بنفسه فقط

[sara2001]

العقد فيه بند بيقول ان للشركة الحق في تغيير البنود دون سابق انذار

و موضوع 3 شهور بدل 6 ده معمول من سنة 2004 او 2005 تقريبا و الشركتين - وقتها فودافون و موبينيل - عملوا اعلانات في كل الجرائد القومية

شكررراً
كده خلاص مفيش فايده

[أحمد كمال]

شكررراً
كده خلاص مفيش فايده

هو ممكن كل يومين تلاتة يتصل بالنمرة لحد ما تشتغل و يحاول يشتريها من المشتري الجديد