محل اكسسوارات سيارات

[besso]

ازيكم يا رحاله

كنت عايز استفسر عن محلات اكسسوارات السيارات
اولا: المكان ؟
محتاج اى مكان ولافى حته زى سوق او شارع رئيسى (احنا عندنا محل فى بيتنا والشارع متفرع من شارع تجارىومن الناحيه التانيه لشارعنا طريق وتجارى برضه بس اقل شويه ينفع)
هو المحل مش هيبقى حاجه جامده يعنى بس هيبقى مثلا شاريط ليدات واكسسوارات من بتتلزق على العربيات وممكن اجيب قطاعه استيكرات(اه صحيح سعرها كام)يعنى الحكايه كلها فى الشكل الخارجى للسياره
وممكن فيما بعد اجيب اطقم سماعات وكده ووحده وحده يكبر وتبقى سلسله محلات وانشاء الله اوصل لتعديل العربيات كمان قولوا يارب

ثانيا:البضاعه؟
المفروض البضاعه دى بتيجى منين وازاى الجار ميضحكوش عليا فى الاسعار

ثالثا :الميزانيه؟ عايز اعرف اقل ميزانيه كام
والقطاعه تعملها كام وانواعها ايه

وعايز بقى شويه نصايح منكم

[besso]

ايه للدرجه دى محدش عارف حاجه!!!!!!!!!!!!!!!!!!!!!!

[HeMa_LanCeR]

التوفيقيه ياباشا
فيها من الأبره للصاروخ
وشرايط الليدات بتبتدي من جنيه
والأستيكرات بيبتدي من 25 قرش وانت طالع

[mohamed_rhem]

ازيكم يا رحاله

كنت عايز استفسر عن محلات اكسسوارات السيارات
اولا: المكان ؟
محتاج اى مكان ولافى حته زى سوق او شارع رئيسى (احنا عندنا محل فى بيتنا والشارع متفرع من شارع تجارىومن الناحيه التانيه لشارعنا طريق وتجارى برضه بس اقل شويه ينفع)
هو المحل مش هيبقى حاجه جامده يعنى بس هيبقى مثلا شاريط ليدات واكسسوارات من بتتلزق على العربيات وممكن اجيب قطاعه استيكرات(اه صحيح سعرها كام)يعنى الحكايه كلها فى الشكل الخارجى للسياره
وممكن فيما بعد اجيب اطقم سماعات وكده ووحده وحده يكبر وتبقى سلسله محلات وان شاء الله اوصل لتعديل العربيات كمان قولوا يارب

ثانيا:البضاعه؟
المفروض البضاعه دى بتيجى منين وازاى الجار ميضحكوش عليا فى الاسعار

ثالثا :الميزانيه؟ عايز اعرف اقل ميزانيه كام
والقطاعه تعملها كام وانواعها ايه

وعايز بقى شويه نصايح منكم

انا معلوماتي علي قدي بس هحاول اساعدك

الاكسسوارت ليست كقطع الغيار يعني ممكن في اي مكان شرط يكون تجاري وعليه رجل

وربتا يوفقك وتبقي اكبر المحلات

البضاعة بتجيلك لحد عندك عن طريق تجار جملة بيجبوها بدورهم من المستوردين وطبعا حتجيلك البضاعة لحد عندك

ممكن تتسوقها بنفسك في الاول من التوفيقيه بس حيضحك عليك لانك متعرفش المستورد من التاجر

تاخد اللي علي كيفك واللي ميعجبكش متاخدوش وفيها مرتجع وبالاجل

الميزانيه لو بضاعتك بالكامل نقول حتحتاج حوالي 20 الف تقريبا

[besso]

طيب وسعر القطاعه بتاعه الاستيركات اللى هى دى

[besso]

وعايز اسال سؤال ايه اقرب محطه مترو انا ساكن فى شبرا الخيمه للتوفيقيه اصلى اول مره اروحها

[HeMa_LanCeR]

طيب وسعر القطاعه بتاعه الاستيركات اللى هى دى

جديده من 4000 الي 5000 وقدامي واحده مستعمله يعتبر مشتغلتش نضيفه جدا علي 3000 او اقل حاجات بسيطه

وعايز اسال سؤال ايه اقرب محطه مترو انا ساكن فى شبرا الخيمه للتوفيقيه اصلى اول مره اروحها

اقرب محطه جمال عبد الناصر وتطلع من عند القضاء العالي
لو عايز ناس بتبيع جمله قولي وانا اوصفلك ناس من الأخر

[BRAZILI]

ازيكم يا رحاله

كنت عايز استفسر عن محلات اكسسوارات السيارات
اولا: المكان ؟
محتاج اى مكان ولافى حته زى سوق او شارع رئيسى (احنا عندنا محل فى بيتنا والشارع متفرع من شارع تجارىومن الناحيه التانيه لشارعنا طريق وتجارى برضه بس اقل شويه ينفع)
هو المحل مش هيبقى حاجه جامده يعنى بس هيبقى مثلا شاريط ليدات واكسسوارات من بتتلزق على العربيات وممكن اجيب قطاعه استيكرات(اه صحيح سعرها كام)يعنى الحكايه كلها فى الشكل الخارجى للسياره
وممكن فيما بعد اجيب اطقم سماعات وكده ووحده وحده يكبر وتبقى سلسله محلات وان شاء الله اوصل لتعديل العربيات كمان قولوا يارب

ثانيا:البضاعه؟
المفروض البضاعه دى بتيجى منين وازاى الجار ميضحكوش عليا فى الاسعار

ثالثا :الميزانيه؟ عايز اعرف اقل ميزانيه كام
والقطاعه تعملها كام وانواعها ايه

وعايز بقى شويه نصايح منكم

لازم المحل يكون على شارع رئيسى فيه عربيات كتير ماشية .....
و يكون فى قدامه وسع تقدر تركن فيه العربيات

بالنسبة للقطاعة دى اسمها ( كاتر بلوتر ) و انت محتاج اللى عرضها 70 سم
هى سعرها بداية من 4000 من محمد ابراهيم فى التوفيقية ..... بس لازم تجيب اللى معاها ضمان سنة ...... هى كويسة و شغالة معايا بقالها 3 سنين ..... بس عايزة اللى فاهمها ........ لكن احسن كاتر فى السوق هو الرولاند اليابانى و ده حوالى 11 الف جنيه من كيميت فى شارع بيروت مصر الجديدة ( كاتر من الاخر تقدر تحرت عليه براحتك )

لكن قبل الكاتر بلوتر انت لسه فى قدامك مشوار طويل فى التعلم عليها و على برنامج الكوريل درو و لازم يكون عندك داتا لشغل كتير .... خطوط + لوجوهات + صور فيكتور و حاجات كتير لازم تكون موجودة قبل الكاتر بلوتر

بالنسبة للبضاعة من التوفيقية

خش على اى محل كبير بيبيع جملة بس و اطلب حاجات كتير و اعمل نفسك قديم فى الشغلانة .... هات من دى خمسة و من دى اربعة و من دى تلاثة و مشى حالك على بال ما تتعلم

بس نصيحة ..... عشان تختصر الوقت ..... حاول تنزل باى شكل شغل فى محل كماليات ..... و اقعد فيه شهر كده لحد ما تفهم الدنيا ماشية ازاى ........ لان الموضوع بصراحة مش سهل خالص ....و كله تشعبات و تفاصيل و عشان تكسب منه كويس لازم تكون ملم بكل تفاصيله مهما كانت صغيرة .... و اصعب حاجة فيه الكاتر بلوتر .... غير الكاتر دى بضاعة و ممكن اى حد يجيبها ..... طالما معاه فلوس ........ بس الكاتر و الكمبيوتر ده هو الشغل المميز لاى محل كماليات و استيكرات ....... و هو اللى فيه المكسب من الاخر

اهم حاجة فى الموضوع ده كله ( الصناااااااااايعية ) دول اللى بيشغلو لك المحل و من غيرهم الموضوع ده مالوش لازمة


تحياتى و تمنياتى بالتوفيق ان شاء الله