البرادعى ام العوا ام ابو اسماعيل ام ابو الفتوح .. اختار مين؟؟؟

[CryptonX]

البرادعي و يمكن العوا ...

تعديل : بس بصراحة ... بمنتهى الصراحة ..

لو اي حد من ال 4 دول كسبوا ... طبعا مش حكون سعيد زي ماكون سعيد لو البرادعي كسب ... بس على الاقل حبقى شبه مطمن ..

انما الباقي " شفيق - موسى - الخ الخ " ربنا يستر علينا !

[amro1965]

اللى يقدر يدير بلد مثل مصر يجب ان يمتاز بالادارة ليدير اكبر بلد عربى سواء اقتصاديا او زراعيا او حربيا او هندسيا من خلال وضع الرجال المناسبين فى الاماكن الصحيحة
والادارة = البرادعى
شكرا

[ahmed2y]

الكلام التالى كان بتاريخ 13 ابرايل 2010 من احد الذين احتكوا مباشرة بالبرادعى لنعرف رأية فى هذا الوقت
و هو مايكل نبيل سند الذى اعتقل مؤخرا بسبب سبه الجيش و بغض النظر عن جريمته الا انه كان احد القريبين من البرادعى و انتقده و اليكم كوبى من صفحته كما هو و ارجو سعة الصدر من انصار البرادعى لان الكلام الاتى ليس كلامى بل هو كلام احد الذين احتكوا به و الموجود فى الصورة معه
(( تقييمى للبرادعى
النقطة دى حساسة أوى ، لأنى عارف أن الناس عندها أمل فى البرادعى ، و أنا محبش أبقى الشخص اللى بيقتل الأمل فى قلوب الناس ، و خصوصا أنى أنا شخصيا كنت أتمنى أن البرادعى يعمل حاجة ... لكن للأسف ، خرجت من عندة بتصور أعمق ، يخلينى أستمر فى أختلافى معاة ، و خصوصا لسببين رئيسيين

1- أن البرادعى بيعوم على عوم الكل - معندهوش أيديولوجية ولا أفكار
و دة كان واضح اوى من أسلوب فى الوكالة الدولية للطاقة الذرية ... كانت كل تقاريرة كلام مايع متعرفش تمسك فية حقيقة واحدة ... يعنى فى كلامة عن وجود أسلحة نووية فى العراق ، قال أنة مفيش دليل على وجود أسلحة نووية فى العراق ، لكن دة ماينفيش أحتمالية وجودها ... يعنى يمكن فية ، و يمكن لأ ... لو طلعت فية ، هيقول أنة قالنا أنة يمكن فية .. و لو طلع مفيش ، هيقول أنة قالنا أنا مفيش دليل على وجود أسلحة ... كلام مايع مايديش الفرصة لأى حد تنفيذى انة ياخد قرار ، علشان كدة أمريكا نفضتلة و راحت حاربت من غير الشرعية الدولية ... نفس الشئ قالة فى تقريرة عن السلاح النووى الأسرائيلى ، يمكن فية و يمكن مفيش
من أسبوعين ، كنت موجود مع مجموعة من البرادعاوية فى الحزب عندنا ، على رأسهم عبد المنعم إمام ، و كانوا بيهاجمونى بضراوة لمجرد أنى مش من مؤيدى البرادعى ، و بيزايدوا عليا ... المهم أنى قعدت أتريق عليهم ، لأنهم أعضاء فى حزب ليبرالى و مؤيدين للبرادعى اللى بينادى بالأشتراكية الديموقراطية ، ففوجئت بعبد المنعم بيقول أن الأشتراكية الديموقراطية هى الليبرالية الأجتماعية ... فقلتلة أن اللى يقول أن الأشتراكية الديموقراطية هى الليبرالية الأجتماعية يبقى ميفهمش سياسة ، لأن الأتنين مختلفين تماما ، دة غير أنة أكاديميا مفيش حاجة أسمها أشتراكية ديموقراطية ... بصيت لقيت عبد المنعم بيقول على البرادعى " دة ملكي ( يعنى من أنصار عودة الملكية ) " ... طبعا فطست من الضحك ، يعنى ملكية على ليبرالية أجتماعية على أشتراكية ديموقراطية ، أية الكوكتيل اللذيذ دة ؟
حالة الميوعة الأيديولوجية ، و محاولة كسب الجميع ، كانت واضحة جدا فى كلام البرادعى ، يعنى الراجل بيدافع عن الأشتراكية و سكت لما حد قال علية أنة ليبرالى ... و قال أنة هينشر فيديو يؤيد فية العمال بعد ما الجرايد هاجمتة بعد تصريحاتة ضد ال 50% عمال و فلاحين ... و لأن الجرايد هاجمتة علشان كلامة عن مدنية الدولة ، فقال أنة هينزل فيديو يؤكد فية أنة مسلم و أن الشعب المصرى 90% منة مسلمين ، و ان الأسلام هيفضل المصدر الرئيسى للتشريع ، لكن هيبقى فية خطوط حمرا تحمى الأقليات الدينية ... يعنى بأختصار ، هو معندوش أفكار ثابتة ، لكنة بيحاول يرضى الكل و يكسب الكل ، نفس المحاولة الماسخة و السخيفة اللى عملها أيمن نور قبلة ، و بيعملها كتير من السياسيين ، و كلهم فى الآخر بيفقدوا مصداقيتهم و بينتهوا سياسيا

2- أن البرادعى معندوش أى أستعداد للدخول فى صراع مع النظام
البرادعى بيعاملنا بمبدأ "روحوا انتوا واجهوا النظام ، و أنا قاعد هنا فى الفيلا بتاعتى مستنيكم " ... فى تقييمى ، البرادعى لقى الشعب كلة بيديلة الرئاسة على طبق من فضة ، فحب يستغل الفرصة ، لكنة معندوش أستعداد يدفع تمن التغيير ... و هو نفسة قال أكتر من مرة أن أذا الشعب مستجابش الأستجابة المطلوبة ، هيسيب كل حاجة و يرجع يشوف مصالحة و أهتماماتة ... و طلب من الدكتور أسامة الغزالى ، أن الدكتور أسامة هو اللى يتكلم مع الإعلام عن الأجتماع دة ، و بعد الإجتماع جة صحفى بيسأل البرادعى عن تصريح لية فى جريدة أجنبية ، فالبرادعى انكر أنة قال التصريح دة ... يعنى من الآخر بيصدرنا حتى للصحافة
نفس الشئ لما أكد انة مش هينزل مظاهرات ، و مش هيزور محافظات ألا لو فية أعداد كبيرة ، و مش هينزل لو الأعداد قليلة علشان الأمن ميستغلش الفرصة ... عايزينى أقارن دة بالأسود اللى كانوا موجودين فى التحرير يوم 6 أبريل ؟

بس كدة ... )) تم

بالنسبة للاخوة اللى بيقولوا انهم اول مرة يسمعوا عن تقرب البرادعى للاخوان فسوف اضع لكم ما يثبت هذا و الزيارات التى وفرها الاخوان له للقرى المصرية ثم بعد ذلك غير مساره

كلام كل الى مكتوب دة كلام وممكن انا اكتب اى موضوع عن اى حد عادى جدا


ثانيا حضرتك بتستشهد بكلام واحد انت عارف هو نفسة قال اية وعمل اية وهو فين دالوقتى

[nouranwar]

مش عارف تقصد مين بأسود 6 ابريل اللي كانوا في التحرير بس هما كانوا فين الاسود يوم 13 ابريل 2010 يوم ما كان البرادعي هو الوحيد اللي بيناضل للتغيير !!!

[م/مصطفى محمود]

بصراحة انا كنت تركت ترشيح البرادعي وكنت برشح العوا ، بس بدأت أرجع لترشيح البرادعي تاني ، يكفي إن كلهم عمالين يطلعوا يتكلموا عن برامج ويطلعوا تصريحات وهو الوحيد اللي كان بيطالب بتأجيل الدعاية الإنتخابية وعمال يشتغل فى وثيقة توافقية للدستور ويعرضها على الناس ، بجد فرق عقلية كبير برضوا

الشيخ حازم صلاح شايف إنة كاريزما أكثر منة رئيس يقود مصر للمستقبل ،

[fepsceasar]

هبقى مبسوط لو البرادعى كسب ومش زعلا لو العوا أو ابو الفتوح كسب وقلقان لو ابو اسماعيل كسب، والله يرحم الثورة لو سليمان او شفيق كسب

[ahmed1981]

البرادعي ظاهرة إنترنتية

-

[m3_dolphen]

البرادعي ظاهرة إنترنتية

-

الى حد ما

[Nor_Eldeen]

من وجهة نظرى البرادعي مش بتاع انتخابات .. البرادعي بتاع فيس بوك و بس
البرادعي ممكن يطلع الاول في كل مواقع النت والفيس بوك لكن في الصناديق هيروح بدري بدري
نفس اللي حصل بين نعم ولا في الاستفتاء

[abou_ruqi]

لاحظوا ان في كل انتخابات على النت (اللي هي ملعب انصار البردعي) لو جمعت اصوات العوا وابو الفتوح واسماعيل حتلاقيها دائما وابدا تتفوق على البردعي
وبما ان ابو الفتوح قال حينسحب لو العوا نزل وانا اعتقد ان ابو اسماعيل والعوا حيختاروا واحد منهم واعتقد انه العوا لانه بيحظى بتأييد الاحوان والشارع المصري
فانا اعتقد انه حتى بالنسبة للطبقة اللي بتدخل على النت فالغلبة للعوا ، فما بالك بمن ليس من اهتمامتهم المنتديات وتويتر والفيسبوك?

[abou_ruqi]

وعليه فإذا لم يحدث مفاجأت
فالسيد الدكتور محمد سليم العو رئيس جمهورية مصر العربية

[Nor_Eldeen]

وعليه فإذا لم يحدث مفاجأت
فالسيد الدكتور محمد سليم العو رئيس جمهورية مصر العربية

اوافقك الرأى مع العلم ان العوا منذ ثلاث ايام صرح بأنه لا ينتمى لاى حزب او تيار دينى فى مصر و انه مستقل
بالاضافة الى ان الاخ المسؤول عن حملته الانتخابية صرح ان العوا لن يتنازل لابو اسماعيل و ان الصفح التى تنادى بذلك هى اجتهادات فردية ليس لهم علاقة بها

[abou_ruqi]

طبعا العوا لا ينتمي لاي تيار ديني ولكنه يحظى باحترام كبير لدى الاخوان المسلمين وكذلك السلفيين ما لم ييكن امامه مرشح سلفي انا متأكد انهم سيدعموه
اما موضوع التنازلات فالايام القادمة فيها كثير من الامور

[eng.m7md.ali]

الصناديق بنا يارجالة
عن نفسي البرادعي شايف فيه كل حاجة بس برده قلقان لان شعبيته مش كبيرة زي العوا

[Nor_Eldeen]

وعليه فإذا لم يحدث مفاجأت
فالسيد الدكتور محمد سليم العو رئيس جمهورية مصر العربية

بعد تفكير عميق و مقارنات استقريت على الدكتور سليم العوا و اراه اقرب شخص لعامة الناس فى مصر
اكثر من البرادعى و ابو اسماعيل و له شعبية و احترام فى الداخل و الخارج
و لكن العقبة الوحيدة امامه هم الاقباط فمنذ ان اعلن ترشيحه هاجت كل المواقع القبطية و الاحزاب اللبرالية المواليه لهم بالسب و اللعن على الرجل و بدأوا يكثفوا جهودهم لاصطياد زلاته و توعدوا
بتوحيد صفوفهم لرفضه و لا ادرى لماذا كل هذا العداء للرجل رغم انى اعلم جيدا انه سيتقى الله فيهم و يراعيهم