نظارة بوليس حتطلع من عينى

[MohaMed_Refaat]

من كام يوم كنت فى سيتى ستارز انا والعيلة
بنتسوق المهم وانا ماشى فى امان الله بتفرج على محل نظارات
خطفت نظرى نظارة بوليس اوريجنال 2011 (على حسب كلام البايع)
دخلت اتفرجت وسالت عليها وكنت خلاص حخلص فيها بسال على سعرها
فوجؤت انة 1450 جم

المهم دلوقتى انا حجبها حجبها بس اخويا قاللى اسال عليها برة سيتى ستارز حتكون ارخص الكلام دة صحيح ولا حتبقى نفس السعر وممكن الاقيها فين ارخص شوية لو ب 800 لحد الف يبقى حلو انما كدة غااااالية

اهية التحفة بس على الحقيقة احلى :::

[totaman]

شكلها تحفة بصراحة ولونها جامد

بس مالها ام 15 جنيه زى الفل لا تقولى فترينة ولا اضواء هوة لوح فلين ابيض زى الفل ووترشق فيه النضارة ونقى يا سيدى

[aminibrahim]

اكيد ارخص بره سيتي ستارز

[AhMeD EzZ]

شكلها تحفة بصراحة ولونها جامد

بس مالها ام 15 جنيه زى الفل لا تقولى فترينة ولا اضواء هوة لوح فلين ابيض زى الفل ووترشق فيه النضارة ونقى يا سيدى

النضارات دي من اخطر ما يمكن علي العين لا قدر الله بتعمل مشاكل علي المدي البعيد كتيييير جدااا
لانها كل الي بتعملة مجرد لون فبيخلي الضوء الي داخل للعين اقل و العين معروف ان الحدقة بتوسع في الضلمة مما يسمح بدخول كمية اكبر من الاشعة الضارة للعين

[MohaMed_Refaat]

اكيد ارخص بره سيتي ستارز

طيب فين بقى ممكن الاقيها ؟؟؟؟؟؟؟؟
يا ريت الاماكن بس التفصيل لانى مش قوى فى كايرو

[medo_2060]

مشكله نظارات الشمس ان فيها غش كتير اوى ..هتلاقى ناس تقلك اوريجينال وكوبى وهاى كوبى و90% من الى بيبيعوا بيغشوا
المهم انت لو تعرف تجيبها من بره افضل لاما هتشتريها بالسعر دا لان للاسف الى بيبيعها بالسعر دا نصاب صحيح فى المكسب بس تقريبا الوحيد الى مش هيغش وهتبقى اوريجينال

[yassin_samir]

95% من النظارات الموجودة فى السوق المصرى مضروبة
سواء فى توكيل او غيرة و مش ممكن هاتعرفتفرق بينهم

[د.محمود صلاح]

أنا دوخت في حوار النظارات ده والخلاصة :-

النظارات الأصلية لماركة ريبان بوليس بيرسول لن تقل عن 1200 ج

النظارت يفضل تشتتريها من التوكيل وهو نبيل نصيف على ما أذكر

اشتري البولارايزد افضل لو بتسوق في الشمس الساطعة

اشتري ال 100 % حماية من الأشعة الفوق بنفسجية

راجع الفيديوهات في اليوتيوب عن كيفية اكتشاف المقلد

موقع ريبان عامل مراية حلوة تخيلية ممكن تلبس عليها النظارات وتختار منه اللي يعجبك ثم تحفظ رقم الموديل وتدور عليه بالرقم وده افضل ضمان انك هتشتري أصلية

[azmeralda]

اشترى كوبى مفيش حل غير كده

[mido_soliman]

مش دى نضارة المدعوق تامر حسنى اللى لابسها فى البوستر الجديد بتاعة
نصيحة منى لو عايزها تجيبها من توكيلها افضل شىء

[MohaMed_Refaat]

اشترى كوبى مفيش حل غير كده

من فين طيب
يا ريت لو تدلنى على المكان بالعنوان

مش دى نضارة المدعوق تامر حسنى اللى لابسها فى البوستر الجديد بتاعة
نصيحة منى لو عايزها تجيبها من توكيلها افضل شىء

اة هية بتاع تمورة بس والله انا عجبتنى من المحل مش من الكليب ولا الاعلان
انا بعد كدة عرفت ان تمورة لابسها علطول
ايوة منين بقى التوكيل وفين عنوانة


وشكرا لكل من شارك وحاول المساعدة