مباراة الأهلى والزمالك ستقام فى موعدها اليوم مساءاً

[AshTurbo]

صرح مصدر أمنى مسئول بوزارة الداخلية، بأن مباراة كرة القدم بين فريقى الزمالك والأهلى سوف تقام فى موعدها المحدد مساء اليوم الأربعاء الموافق 29 يونيو الجارى.

وتناشد وزارة الداخلية الجماهير المصرية والأجهزة الرياضية المعنية وإدارات الأندية التعاون مع أجهزة الأمن بوزارة الداخلية التى حرصت على إقامة المباراة فى موعدها مراعاةً لرغبات الجماهير الرياضية وحرصاً منها على سمعة الرياضة المصرية، وحفاظاً على صورة البلاد أمام الرأى العام العالمى، وما حققته ثورة 25 يناير من مكتسبات.

[eng/muhamad]

قلة ادب
و على جثتى بقى الماتش ده يتلعب النهارده
النادى الاهلى لغى التدريب بتاعه و اللاعيبه خدوا النهارده اجازه و روحوا
و عيب قوى تكون البلد مولعه و مش فاهمين فى ايه و لا فهمين اى حاجه و نروح نلعب ماتش كوره

[M.Yahia]

قلة ادب
و على جثتى بقى الماتش ده يتلعب النهارده
النادى الاهلى لغى التدريب بتاعه و اللاعيبه خدوا النهارده اجازه و روحوا
و عيب قوى تكون البلد مولعه و مش فاهمين فى ايه و لا فهمين اى حاجه و نروح نلعب ماتش كوره

يا باشا مفيش تمرين يوم الماتش ولا حاجة و بعدين المفروض نفرح ان الماتش حيتلعب عشان صورة مصر برة متتهزش احنا داخلين على موسم سياحة من الدول العربية و الخليج و مش عايزين السياحة تضرب و بعدين البورصة انهاردة خسرت جامد من اللى حصل فى التحرير امبارح مفروض الماتش يتلعب بس الفريقين يلعبوا بروح رياضية و الالتراس يفهم كويس ان الماتش مش اهلى و زمالك لا دا سمعة مصر و يبهرونا بتشجيع مثالى .

[أبو إياد]

تدريبات ايه ياباشمهندس فى يوم المباره مافيش الكلام ده وبعدين الالتراس اهلاوى وزمالكاوى كانوا فى اتجاههم لميدان التحرير ولك ان تتخيل

[medododo]

لعب عيال وكل لحظة قرار ونعم البتنجان

[AshTurbo]

يا باشا مفيش تمرين يوم الماتش ولا حاجة و بعدين المفروض نفرح ان الماتش حيتلعب عشان صورة مصر برة متتهزش احنا داخلين على موسم سياحة من الدول العربية و الخليج و مش عايزين السياحة تضرب و بعدين البورصة انهاردة خسرت جامد من اللى حصل فى التحرير امبارح مفروض الماتش يتلعب بس الفريقين يلعبوا بروح رياضية و الالتراس يفهم كويس ان الماتش مش اهلى و زمالك لا دا سمعة مصر و يبهرونا بتشجيع مثالى .

عين العقل ...... لما ماتش القمة بين أكبر فرقتين في مصر يتأجل لأسباب أمنية معناها أننا بنرجع للخلف مش بنتقدم وده لا يمنع من التحقيق في الأحداث اللي حصلت أمبارح والأعلان عن المتسبب الحقيقي في حدوثها بأسرع وقت .

تحية لرجال الشرطة الشرفاء في مصر واللي حصل ده معروف مين اللي عمله وأيه الهدف منه وأحترمت جداً قرار وزير الداخلية بسحب قوات الشرطة مع أنه غلط ويهز صورة الشرطة بعد ما بدأت تستعيد هيبتها بشكل محترم وحضاري ولكن الوزير فضل مصلحة المواطنين وتصرف بحكمة .

لو حد يتخيل معايا شوية فاسدين وبلطجية ومأجورين خرجوا وراحوا عند أول حاجز شرطة وضربوا نار ولا حدفوا طوب ووقع من الشرطة مصابين بالعشرات مفروض الشرطة تتضرب وتسكت ؟ لأ طبعاً لمصلحة الوطن الشرطة لازم تكون ليها هيبة وترد على الضرب وطبعاً الكلاب المندسين بيضربوا من وسط المتظاهربن المطالبين بحقوقهم وهنا غلطة وقع فيها جهاز الشرطة بأستخدام نفس التكتيكات القديمة اللي أول ما شم ريحتها الناس العاديين اللي مكانش ليهم فيها أصلاً فبدأو يضربوا الشرطة لأنهم شايفين الشرطة بترد على متظاهرين وهوبا التليفونات والتويتات والفيسبوك أشتغل ألحقوا في ضرب الشرطة بتضربنا تاني وطبعاً بسرعة البرق الأعداد بتزيد عشان يحاربوا رجال الشرطة اللي بيعتدوا على المتظاهرين يعقب ذلك ألغاء لماتش القمة وتبدو مصر بمظهر عدم الأستقرار وأنعدام الأمان فهل دة لمصلحتنا ؟

قد أيه نفسي الماتش يتلعب النهاردة مش عشان نتفرج على الكورة لأ علشان العالم كله يتفرج على مصر بلدنا بلد الأمان والحضارة مع أني حاسس أن كفة الخبثاء والفاسدين أعداء الوطن ممكن تنجح في مخططها ... ربنا يستر .