ايه رأيك فى ماتش الزمالك والأهلى...؟؟

[M7amD_7amDy]

انا هتكلم من منطلق انى مشجع زملكاوى

مش عاجبنى اولا اللى حصل والهرجلة وحسام حسن واللى عمله

مش عاجبنى التغير اللى عمله ومفروض شيكابالا مكنش يطلع خالص

مش عاجبنى اللى حصل فى جون التعادل التانى للأهلى لما كانوا شايفين لاعب الزمالك مرمى على الأرض وكملوا عادى

وده اللى سبب الهرجلة والفوضى

مش عاجبنى الحكم لما مكملش الوقت بدل الضايع ال 10 دقايق وصفر على الدقيقة 7

فى المجمل مبروك للأهلى الدورى وربنا يتولانا على حسام حسن اللى جاب الزمالك ورا ولسه كمان الموسم الجاى ربنا يصبرنا عليه

حد عنده كلام؟

[Mahmode]

أنا رأيي نفكنا من الكورة بلا قرف ونفكر في شغلنا ومستقبلنا وبلدنا

[korkor]

انا مش عاجبنى الماتش من منطلق انى اهلاوى التشكيل كان عجيب من جوزيه بس حسام ساعدوا هو ولاعيبه الزمالك بدفاعهم العجيب وتغييرات حسام الاغرب ولو على سلوك حسام بقى مش جديد عليه

[FunnyMickey]

هوا انا شايف انها حركه واطيه انهم يكملوا لعب واللعيب واقع خصوصا انه كان علي خط الاوت
بس بردو لازم نعرف انه كان فاضل 3 دقايق
والفرقه مغلوبه
يعني الطبيعي انهم يكملوا اصلا
ومودرن سبورت جابوا جون عبد الشافي السيسوزن الاول دلوقتي
والجون ابتدا بردو بخبطه في وش بركات وكملوا وجت جون

بس استغربت اوي من رد فعل حسام حسن
يعني هوا ماله جوزيه
الجون اتحسب ياعم الحج
بتجري عالراجل تزقه ليه
:)
هوا مدرب كويس بس عيبه انه عصبي اوي اوي
ومعتقدش انه حيعمر في فرقه بسبب عصبيته دي
وبردو الدوري لسه في الملعب يارجاله
انا مش عارف الناس بتقول الدوري للاهلي ليه
مش لسه فاضل 3 ماتشات باين ولا 4

[dr.hazem]

انا مش شايف ان لو اي لاعب رمى نفسه علارض او حتى جاله شد عضلي لازم المتش يقف الا لو اللاعب ده حارس المرمى
وحسام حسن تطاول جدا وحق جوزيه يقاضيه
حسام حسن تصرف بصبيانيه واللعيبه مش مقدره وضع البلد وقد ايه لازم يهدو الاوضاع مش يولعوها
تغيير شيكابالا خاطئ ووضع احمد فتحي في الشمال كان غلط

بغض النظر عن المتش بعد جول التعادل
لحد لحظة التعادل كان المتش جميل جدا...


مش فاهم حسام عاشور اتطرد ليه؟؟؟ انا مشفتش الحقيقه

[korkor]

أنا رأيي نفكنا من الكورة بلا قرف ونفكر في شغلنا ومستقبلنا وبلدنا

عندك حق طبعا بس مافيش مانع اننا نخلى جزء ترفيهى من حياتنا مايحتلش كل تفكيرنا وبالنسبه لبلدنا مستقبلها فى ايدى شباب الثوره وائتلاف شباب الثوره وحركه 6 ابريل ومعتصمين ومتظاهرى ميدان التحرير احنا مالناش لازمه ولامؤاخذه وصوتنا حتى لما ادلينا بيه له لازمه

[hugan]

حسام مدرب ولا يفهم في الكوره كبيره يشتغل فتوه
اي واحد مالوش في الكوره عمره ماكن ها يدافع شوط بطوله
فكرني بالجو هري في ما تش ايرلندا
مع السلامه واهلا بحسن شحاته
هو اللي ها يظبط الفريق

[Eng.Geo]

الفرقتين ملعبوش قد المستوي
الزمالك كان بيهاجم حلو شوية وشوية كتير مبيعملش حاجة خالص
الأهلي عمل عرضيات حلوة بس كان في كور من نص الملعب وحشة جدا
جون الأهلي التاني : كان من الزوق ان الورة تطلع برة عشان اللعيب اللي واقع .. ( مش مبرر للتكملة ) لاعيبة الزمالك كبسوا
جون الزمالك التاني .. أوف سايد


حسام حسن : انسان مش محترم وميستحق اسم مدرب
وحرام انه يترشح لمنتخب مصر
ده أقل كلام يتقال عن اللي عمله

[FunnyMickey]

انا اهلاوي ياجو
والكوره دي مش اوفسايد علي فكره
الصوره ملقوطه غلط
لسه شيكا مشاطش
لو كملت ثانيتين كمان حتلاقي لعيب الاهلي رجع لورا
اصل طاهر ابو زيد كان علي نايل سبورت وبيقول اوفسايد
وبعدين قالوا لا
لعيب الاهلي رجع خطوه بقي علي الخط مع حسين ياسر

[Mahmoud Nagieb]

انا مش فاهم واحد زى حسام حسن ده مدرب ازاى .... المدرب يعنى قدوة ... واحد زى جوزيه اتخد قرار انه ميشربش سجاير فى المباريات علشان يبقى قدوة للشباب واللعيبة .... شايفين الفرق ... حاجة تانية بصوا على حسام عاشور لما خد كارت احمر خرج وانجر وطلع ورا الاعلانات .. مقعدتش يهلل وازاى ومينفعش وحرام والكلام ده

معلش المفروض يكون فيه مسؤلية اكتر من كده فى الزمالك ... اسف على اللفظ بس اعذرونى ... انا بحس الفريق ده عصابة اكتر من فريق كورة برئاسة حسام حسن

[korkor]

الفرقتين ملعبوش قد المستوي
الزمالك كان بيهاجم حلو شوية وشوية كتير مبيعملش حاجة خالص
الأهلي عمل عرضيات حلوة بس كان في كور من نص الملعب وحشة جدا
جون الأهلي التاني : كان من الزوق ان الورة تطلع برة عشان اللعيب اللي واقع .. ( مش مبرر للتكملة ) لاعيبة الزمالك كبسوا
جون الزمالك التاني .. أوف سايد


حسام حسن : انسان مش محترم وميستحق اسم مدرب
وحرام انه يترشح لمنتخب مصر
ده أقل كلام يتقال عن اللي عمله

اوفسايد صعب اوى

[elpasha1]

أنا رأيي نفكنا من الكورة بلا قرف ونفكر في شغلنا ومستقبلنا وبلدنا

+++1111

[abogogo]

حسام فلول عمال يعك في المؤتمر الصحفي ...!!! على قناة الاهلي الان

[Eng.Geo]

انا اهلاوي ياجو
والكوره دي مش اوفسايد علي فكره
الصوره ملقوطه غلط
لسه شيكا مشاطش
لو كملت ثانيتين كمان حتلاقي لعيب الاهلي رجع لورا
اصل طاهر ابو زيد كان علي نايل سبورت وبيقول اوفسايد
وبعدين قالوا لا
لعيب الاهلي رجع خطوه بقي علي الخط مع حسين ياسر

YouTube - ‫ظ‡ط¯ظپ ط§ظ„ط²ظ…ط§ظ„ظƒ ط§ظ„ط«ط§ظ†ظ‰ ظپظ‰ ط£ظ„ط§ظ‡ظ„ظ‰ 29/6/2011 طط³ظٹظ† ظٹط§ط³ط±‬‎
الثانية 34:30
الكورة كانت في نص المسافة بين شيكا وياسر
وكان شريف خد الخطوة لورا
يعني الكورة كانت طلعت من شيكا

بص .. لو انا شايفها جون هقول .. انا معنديش تعصب ولا بقفل دماغي .. لو اقتنعت هقول انها جون ومش هصر علي غلطي

[ghazy12]

يعني يبقى للأهلي هجمه و عند الـ 18 بتاع الزمالك, و عاشور الأدهم يتدلع و يقع على الأرض بدون
سبب علشان يضيع وقت و يبوظ الهجمه على الأهلي... و المطلوب مننا نطلع الكوره بره علشان خاطر سعادته !!!

مين يقول كده !!!!!!!!!!!! لو حد فاكر ان ده Fair Play او لأ يبقى فاهم غلط لان ده مالهوش علاقه اصلاً

ده غير ان الجوووول التاني بتاع حسين ياسر اووف سااايد لانه راجع من اوف سايد واضح زي الشمس

ماحدش مننا اتكلم عن التحكيم او قال الحكم بيجامل و بيحابي و الكلام ده... مع ان الحكم يعتبر
اهدى الزمالك جووول غير مستحق, و بردو مش عاجب, و بردو ماحدش اتكلم عن الموضوع ده

الحكم كان المفروض يطرد هاني سعيد لانه ضرب دومينيك بدون كوره, و ادى لكل واحد انذار و خلاص

و طرد حسام عاشور علشان اتضرب الاول, و لما زق لاعيب الزمالك, الحكم طرده... و طلع بكل احترام !!!

حسام حسن و شيكابالا اتهجموا على جوزيه و الجهاز الفني... و ماحدش كلمهم و لا حتى حسام اتطرد من الملعب !!!!

حسام حسن بيدافع من أول الشوط التاني كله (45 دقيقه) دفاااااع تاااام, و كان عايز يكسب... طيب ازاي !!!!!!


باختصار... جوزيه كان حاتط تشكيل سئ, قدر يتدارك نفسه و يعدل التشكيل الشوط التاني, و الأهلي
كان أفضل الشوط التاني... و الزمالك كان افضل الشوط الأول, حسام حسن غلط في انه دافع زون ديفينس
بدري جداااااا جدااااااااااا جداااااااااااا, و كان ممكن الأهلي بعد التعادل يخطف جوول تاني و الماتش كله,
بس الهرجله و التوتر و التشتيت اللي عمله حسام و ابراهيم و شيكابالا خوفاً من ان الماتش يضيع منه خرجه متعادل...

عموماً مبروووك على الزمالك و على الأهلي التعادل الايجابي... و الماتش خلص و خلص معاه الكلام

بالتوفيق لكل الفرق في الماتشات المتبقيه, و ان شاء الله الدوري للأهلي بردو :))

تحياتي يا محمد بك...