لا بقى دى مهزله

[alynubira]

انا دمى محروق من الفيديو وعايز ابلغ على الضابط ده حد يدلنا ممكن نعمل ايه
YouTube - ‫ط§ظ„ط´ط±ط·ظ‡ طھط¹طھط¯ظ‰ ط¹ظ„ظ‰ ظ…طھط¶ط§ظ…ظ† ظ…ط¹ ط£ظ‡ط§ظ„ظ‰ ط§ظ„ط´ظ‡ط¯ط§ط،‬‎

[ahmedfoud]

المقطع مش واضح اوي و ميستاهلش انك تحرق دمك
و بخصوص المهذله هيا فعلا مهزله بس الفيديو دا ميدنش الضابط في اي حاجه

[amado ibrahim]

هل ده محمد اخو احمد عبد العزيز احد الذين قتلو يوم 28 يناير

[meza]

نفس المنهج و الطريقة القديمة من الشرطة .. لم يتغير شىء!
إحساسهم إن الثورة دى كانت ضدهم و كانت هزيمة ليهم أكبر عقبة فى طريق إصلاح جهاز الشرطة ...

[Amr Axel]

المقطع مش واضح اوي و ميستاهلش انك تحرق دمك
و بخصوص المهذله هيا فعلا مهزله بس الفيديو دا ميدنش الضابط في اي حاجه

بالظبط زي ما استاذ احمد فؤاد قالك مش دليل ان الظابط هو اللي ظالم
حضرتك محضرتش الاحداث ما يمكن الواد عمل حاجة غلط او شتم او عمل اي حاجة تخليهم يقبضوا علي
فيا ريت مناخدش بالمظاهر طالما مش متاكدين من حاجة
و الاخ الفاضل اللي بيقول ده محمد اخو احمد عبد العزيز هل للدرجة ديه الملامح واضحة لو هي واضحة اوي كده اروح البس نضارة هههه و مفيش حتي مجال للسؤال لأن ملامح الشخص غير واضحة تماما

[amado ibrahim]

بالظبط زي ما استاذ احمد فؤاد قالك مش دليل ان الظابط هو اللي ظالم
حضرتك محضرتش الاحداث ما يمكن الواد عمل حاجة غلط او شتم او عمل اي حاجة تخليهم يقبضوا علي
فيا ريت مناخدش بالمظاهر طالما مش متاكدين من حاجة
و الاخ الفاضل اللي بيقول ده محمد اخو احمد عبد العزيز هل للدرجة ديه الملامح واضحة لو هي واضحة اوي كده اروح البس نضارة هههه و مفيش حتي مجال للسؤال لأن ملامح الشخص غير واضحة تماما

يمكن لو حضرتك كنت عديت على ماسبيرو كنت عرفت محمد و والدته
من الثانية 14 الى 19 الوجه بيبان
للاسف و هو بيتصعق
يمكن اخوه احسن منه حالا
ربنا يصبر والدتهم
ابن اتقتل
و ابن اتصعق و اتسجن
و ام بتضرب
ما علينا
متشغلوش نفسيكم
دول شوية بلطجية

[Amr Axel]

لا حول و لا قوة الا بالله مفيش فايدة
معلش يا باااشا انا نظري ع ادي حضرتك نظرك بسم الله ما شاء الله قوي للدرجة ديه يا ريت حضرتك تاخد برينت سكرين للوجه اللي حضرتك بتقول باين في الثانية 14-19 و الملامح واضحة لدرجة انك تتعرف عليه و توريهاني

[misoalex]

عادى محدش يحط فى دماغه دول بلطجيه

بس الشاطر اللى يفهم مين البلطجيه بالظبط

[alynubira]

يا جماعه انا مش عامل الموضوع علشان نقع فى بعض على فكره انا اكثر اصدقائى ضباط شرطه وفيهم اخى وصديق عمرى
بس واضح اوى ان الشاب مش بطجى وده للاسباب الاتيه
1-هو لو بلطجى والله ما كانوا عرفوا يمسكوا لا ده كان قعد يشتم ويبهدل فيهم يمين وشمال
2-هو شايل يافطه ومش شايل سلاح الا كان بان من ضهره وهو بيقع
واخيرا لما الناس تغلط نقول غلطوا ولما الضباط يغلطوا بردوا نقول غلطوا
انا عامل الموضوع عايز حد يدلنى ايه اللى ممكن نعمله ونشتكى الضابط ده ازاااى

[amado ibrahim]

لا حول و لا قوة الا بالله مفيش فايدة
معلش يا باااشا انا نظري ع ادي حضرتك نظرك بسم الله ما شاء الله قوي للدرجة ديه يا ريت حضرتك تاخد برينت سكرين للوجه اللي حضرتك بتقول باين في الثانية 14-19 و الملامح واضحة لدرجة انك تتعرف عليه و توريهاني

حضرتك عاوز تاخد برنت سكرين عندك الثانية 14

لكن السؤال

هل حضرتك تعرف محمد فين دلوقتى عشان تقارن صورته بصاحب الفيديو

اللى يبدو انه بيشكل خطر شديد على الامن بالصورة التى يحملها



تقبل تحياتى

[dr_magdi2009]

نفس المنهج و الطريقة القديمة من الشرطة .. لم يتغير شىء!
إحساسهم إن الثورة دى كانت ضدهم و كانت هزيمة ليهم أكبر عقبة فى طريق إصلاح جهاز الشرطة ...

و احساس ليه ...ماهو فعلا الثورة قامت ضد الشرطة فقط و حولت هدم كل مؤسااتها و اخيرها اللى حصل امام وزرة الدالية الثلاثاء الماضى ...

[amado ibrahim]

و ادى كمان توضيح

بس المرة دى من الاستاذ فهمى هويدى

فى الشهر الماضى تلقيت اتصالا هاتفيا من بنى سويف، من شخص قال لى إنه أب لأحد الشهداء الذين قتلتهم الشرطة أثناء الثورة، ولأنه يعرف اسم ضابط أمن الدولة المسئول عن قتله، فقد قدم بلاغا ضده إلى النيابة العامة، ولكنه فوجئ بمن يطرق بابه ويعرض عليه 50 ألف جنيه إن هو تنازل عن بلاغه أو غير فى أقواله. ومما قاله أيضا إنه يعرف آخرين من أمثاله تعرضوا للإغراء الذى تعرض له، وبعضهم قبل المبلغ الذى بدا أنه مرشح للزيادة إلى مائة ألف جنيه. وإن المسألة لا تقف عند حد الإغراء المادى، وإنما حين يأتى العرض من طرف يمثل ضابط أمن الدولة فإن «الجزرة» تكون فى يد، فى حين تظهر العصا فى اليد الأخرى.

كان حامل رسالة العرض يقول. لا تنس أنها من ضابط أمن الدولة الذى يستطيع أن يفعل بك الكثير إذا لم تستجب، وباب تلفيق القضايا مفتوح على مصراعيه، بدءا من الاتهام بالاتجار فى المخدرات وانتهاء بقضايا الدعارة مرورا بالاعتداء على المال العام وسرقة وتسميم الماشية.

لم يكن لدى وسيلة للتثبت من صحة الكلام. فسجلته فى أوراقى واحتفظت به حتى يتاح لى ذلك. إلا أننى وقعت فى جريدة «الشروق» الصادرة فى 19/6 على خبر بالصفحة الأولى كان عنوانه كالتالى: تغيير أقوال الشهود فى محاكمة الضباط المتهمين بقتل الثوار (أمام محكمة جنايات الجيزة). وتحت العنوان ذكرت الصحيفة ان شهود الإثبات فجروا مفاجأة، حيث غيروا أقوالهم الواردة بتحقيقات النيابة. حيث نفى عيد محمد يوسف سائق «ميكروباص» مشاهدته للمتهمين (الضابطان) هانى شعراوى ومعتصم سالم أثناء اطلاقهما النار على المتظاهرين أمام قسم بولاق الدكرور. فيما أكد مشاهدة المتظاهرين وهم يحاولون إضرام النار فى قسم الشرطة وضرب الضباط وأفراد الشرطة الموجودين بداخله. وأنه نقل صديقه الذى لقى حتفه برصاصة فى رأسه إلى المستشفى، دون أن يحدد هوية من أطلق الرصاص.

لفت نظرى فى التقرير المنشور ان محامى الدفاع سأل الشاهد عن سبب تأخره فى الإدلاء بشهادته من 28 يناير حتى 14 فبراير، فرد على السؤال قائلا انه كان مسافرا إلى بلدته دشنا بمحافظة بنى سويف(!!).

فى التقرير أن شاهدا آخر يعمل سائقا أيضا ذكر أنه كان معه ابن خالته، الذى أصيب برصاصة حين كان بالقرب من قسم الشرطة، فنقله إلى المستشفى. وهناك أخبره عدد من الموجودين باتهام الضابطين اللذين سبق ذكرهما بأنهما من أطلقا الرصاص وقتلا ابن خالته، وان أولئك الأشخاص أجبروه على اتهام الضابطين حتى يحصل على حقه من الحكومة ولا يذهب دم قريبه هدرا. وأضاف فى شهادته أنه فوجئ بالمتظاهرين يلقون الطوب على مقر قسم الشرطة ويحاولون حرقه. وهو ما أثار غضب أهالى الضحايا الذين اتهموا الشاهدين بتغيير أقوالهما والتواطؤ مع الضباط المتهمين.

القصة تكررت فى السويس، وفى الإسكندرية حيث ذكر خبر الأهرام (فى 21/6) ان خمسا من أسر الضحايا تنازلوا عن حقهم بعد «تصالحهم» مع ضباط أمن الدولة. (المبلغ الذى دفع لقاء ذلك التصالح لم يذكر!) ولم تكن تلك هى الملاحظة الوحيدة، لأن الملاحظة الأخرى المهمة أن الجلسة تأجلت إلى يوم 17 أكتوبر المقبل أى بعد أربعة أشهر، علما بأن القضية تتعلق بشباب قتلوا أثناء جمعة الغضب يوم 28 يناير الماضى.

سألت الأستاذ جمال عيد مدير الشبكة العربية لمعلومات حقوق الإنسان عن معلوماتهم بخصوص تغيير أقوال الشهود فى قضايا قتل المتظاهرين، فقال إنها شائعة وتكررت فى عدة محافظات أخرى وإن الشبكة قدمت بلاغا إلى النيابة العامة بهذا الخصوص، ولكن أحدا لم يتحرك لحماية الشهود، وأضاف أنه لا يستغرب حدوث ذلك، لكنه يستغرب أمورا عدة، منها أن الضباط المتهمين بالقتل الذين يفترض أن يتم احتجازهم، يذهبون إلى المحاكم فى الصباح كمتهمين ثم يعودون إلى مكاتبهم فى المساء لكى يمارسوا ترهيب الشهود وأهالى الضحايا. منها أيضا أن أولئك الضباط لهم علاقاتهم التاريخية الوثيقة مع بعض وكلاء النيابة الذين يتسترون على ممارساتهم ويتبادلون معهم المجاملات. وهؤلاء هم الذين يسجلون أقوالهم وقد يتلاعبون فيها.

إن كل الشواهد تدل على أن هناك تسويفا فى محاكمة ضباط أمن الدولة المسئولين عن قتل المتظاهرين، كما أن هناك تدليلا لهم غير مبرر. إضافة إلى التلاعب فى شهادات الشهود الذى من شأنه تبرئة القتلة وربما إدانة الضحايا فى تهمة الاعتداء على مقار الشرطة والضباط «الأبرياء» العاملين فيها.

إذا شاعت أمثال تلك الانطباعات فى أوساط أهالى الضحايا، ألا يدعونا ذلك إلى اعذارهم والتعاطف معهم، وتوجيه الاتهام والإدانة إلى الذين سوفوا وتلاعبوا ودللوا القتلة وتستروا عليهم، حتى لا يقال إن «الفلول» هى التى تحاكم أولئك الضباط.


اظن الكلام واضح

و كما يقول المولى عز وجل

( وَلَوْ فَتَحْنَا عَلَيْهِمْ بَاباً مِنْ السَّمَاءِ فَظَلُّوا فِيهِ يَعْرُجُونَ (14) لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ (15))

[meza]

و احساس ليه ...ماهو فعلا الثورة قامت ضد الشرطة فقط و حولت هدم كل مؤسااتها و اخيرها اللى حصل امام وزرة الدالية الثلاثاء الماضى ...

نظرة ظالمة أوى و مختذلة للثورة دى يا دوك.
الثورة و إن كانت فى ظاهرها هدمت أو حرقت مبانى .. ده حصل فعلياً لهدم القمع اللى بداخلها.
الشرطة كانت ممثل قوى جداً للقمع فى ظل ديكتاتورية النظام السابق كما فى أنظمة أخرى عديدة ... مفيش ثورة حصلت و لا هتحصل هتطبطب عليهم فى حالة زى دى.

حضرتك مثلاً معترض على حرق مقر الحزب الوطنى جنب التحرير؟ و لو معترض ايه وجه إعتراضك؟

معلش جاوبنى عشان أفهم وجهة نظرك أكتر.

[misoalex]

نظرة ظالمة أوى و مختذلة للثورة دى يا دوك.
الثورة و إن كانت فى ظاهرها هدمت أو حرقت مبانى .. ده حصل فعلياً لهدم القمع اللى بداخلها.
الشرطة كانت ممثل قوى جداً للقمع فى ظل ديكتاتورية النظام السابق كما فى أنظمة أخرى عديدة ... مفيش ثورة حصلت و لا هتحصل هتطبطب عليهم فى حالة زى دى.

حضرتك مثلاً معترض على حرق مقر الحزب الوطنى جنب التحرير؟ و لو معترض ايه وجه إعتراضك؟

معلش جاوبنى عشان أفهم وجهة نظرك أكتر.

وهو مين اللى حرق مبنى الحزب الوطنى الثوار ؟؟؟؟؟؟؟؟؟؟؟

ارجع لايام الثوره لو تفتكر حتعرف ان كان فيه غرفه فى المبنى ده يوجد بها اهم اسرار الدوله وفضائح كبار الشخصيات والمصائب اللى عملها الحزب من سرقه وتزوير
الهدف من حريق المبنى كان اخفاء كل هذه الادله

كما حصل فى مبانى امن الدوله بالظبط

بس مهما قولت ومهما فهمت فى الناس اللى ضد الثوره من الاول مش حياخدو بكلامك ليه لان الشرطه حلوه ومبارك ابونا