وحشتووووووووووني

[islamnabil]

اسلام باشا
انا اقدر افيدك في موضوع اللاب توب ان شاء الله
قوللى انت بس الماركة و المواصفات و انا اقولك سعره في مصر ان شاء الله
على فكرة انا جاي قطر زيارة عمل سريعة قريب
لو عايز حاجة من مصر قوللى

[knightmido]

ربنا يوفقك ويسرلك حالك ان شاء الله

[اسلام المصرى]

إسلام يا مصري وحشنني والله ، العربية أنا ركنتها تحت البيت وبعد كورسات مكثفة للمدام قبل السفر سيبتهالها وكل جمعه بس بتدورها ساعه زمن وتلفها لفه وتركنها ثاني بصراحه ما لقيتش حل أحسن من كده مؤقتا لحين استقرار الأوضاع .

الأكل هنا يا حبيبي حدث ولا حرج يعني أنا لغاية دلوقتي منزلني في فندق أربع نجوم بس إيه حاجه فخمه وفل بورد أوبن بوفيه طبعا ومش قادر أقولك بقه أشكال وألوان لدجه والله إني باكل حاجات وما بعرفهاش غير من طعمها .

بسم الله الرحمن الرحيم
أنت كمان وحشنى يا سولوم :) خير ما فعلت فى العربية , هى كده فى أيد أمينة , و ان شاء الله لما ترجع تلاقيها مستنياك و تركب فيها كل حاجة جايبها معاك من قطر ;)
يا سيدى بالهناء و الشفاء :) ألف هناء.

[احمد عبدالله]

الف حمد الله على السلامة يا اسلام باشا وترجع بالسلامة ان شاء الله

[إسلام شاهين]

اسلام باشا
انا اقدر افيدك في موضوع اللاب توب ان شاء الله
قوللى انت بس الماركة و المواصفات و انا اقولك سعره في مصر ان شاء الله
على فكرة انا جاي قطر زيارة عمل سريعة قريب
لو عايز حاجة من مصر قوللى

ربنا يخليك يا باشا ومستنيك في الدوحة إن شاء الله ضروري طبعا

طييب بما إن حضرتك بتعرف فيهم أنا محتار ما بين الديل والتوشيبا والاتش بي ، ناس بتشكر في كل نوع ، وفيه كمان السوني الفايو بس الناس كلها هنا قالتلي إن فيه مشكلة فب بطاريته ما تقعدش وغير متوفرة كمان أنا بس عايز جهاز محترم للاستخدام الشخصي ومش هشتغل عليه كثير يعني وفي نفس الوقت عايز إمكانيات كويسه ما تخلنيش أغيره بعد فترة

شكرا جزيلا ودره رقمي في قطر 6843192

[Karim_Monir]

يا حبي ما قولتلك خليك في التوشيبا ستالايت وبعتلك كذا موديل
هو احسن من ديل واداء عاللي وقوة تحمل بشعة
هو الجهاز المعتمد في شركتنا للغل في المشروعات يعني حر وتراب وهوا ومطر وتنقل في ايدين مهندسين وعمال وحاجة نيلة
وبيستحمل
ديل مشاكلة كتير ومقدرش اقول وحش لانه نمرة واحد في امريكا هو جيت واي
لكن توشيبا ممتاز خاصة في الحر بتاعتنا

-------
بالنسبة لل960 ماعرفتش اللي هنا عادي من I
هو تمنة هنا 4200 بسماعة بلو توث
ومعرفش الريال القطري بكام عشان اترجم السعر اللي انت باعتة

[إسلام شاهين]

الريال ب 1.5 جنيه وكمان أنا جبت سعر أحين وهو 2250 ريال يعني 3375 جنيه ومعاهوش سماعة بلوتوث بس كده برضه فرق شاسع في السعر صح ولا إيه ؟

[إسلام شاهين]

آدي يا كريم أسعار التوشيبا هنا :-
satellite L40 - 18X (3090 )R.Q

SATELLITE A200 - 1SL (3890)R.Q

SATELLITE L40 - 17T (2690) R.Q

SATELLITE A200 - 1Z3 (4690) R.Q

SATELLITE A200 -24A (3290)R.Q

SATELLITE U300 - 153 (3690) R.Q

SATELLITE U 300 151 ( 5190) R.Q

SATELLITE U300 - 150 (5390)R.Q

المودلين اللي قولتلي عليهم امبارح موجودين وسعرهم أعتقد من 3500 ريال ل 4000 حاجه زي كده مش متذكر بصراحه

[islamnabil]

اسلام ابعد عن السوني خالص
مش اعتمادي بالمرة
و التوشيبا طبعا احسن منه بكتير
انا مش عايز اشتتك و اقولك hp بس business مش multimedia
لكن طالما انت مشيت مع التوشيبا و جمعت معلومات مافيش فروق كبيرة مابينهم
بتفرق حسب الموديل
يعني في موديلات HP اعلى من توشيبا و العكس طبعا
بس اهم حاجة وانت بتختار خلي بالك من الكاش ميموري
دلوقتي الكويس 4 mega cash احسن بكتير من ال 2 mega
ركز في النقطة دي كويس و انت بتختار

[Karim_Monir]

شوف يا عم اسلام
بعد التدوير وافحص واختلاف الموديلات من بلد لبلد
خليك في التوشيبا وبس وتكون ستالايت
وركز في الحاجات اللي بقولها دي
يكون بوسيور كور تو ديو 1.8 او 2 جيجا ويكون جيل ال T7
يعني يكون حرف ال T جيل ال 7 مش ال 5
يكون هارد 160 على الاقل ورامات جيجا وممكن تحطيلها انت جيجا كمان
شاشة برايت كلير
يكون فيه TV out يعني مخرج تليفزيون وده مهم جدا جدا ليك
يكون ال باص 800 Front Side Bus 800MHz
وكارت شاشة 128 مايكون شيرد ميموري يعني مش واخد من ارامات يكون منفصل
وشاشة مش اقل من 15 سيبك من ال 14
التزم بشوية الحاجات دي وماتزودش عن 4 الالاف ابدا في الجهاز يبقي معاك جهاز زي الفل ان شاء الله
لو في حاجات حاسسها فنية وديها للبياع وهو يفهمها
وبعدين اشتري من حتت رخيصة يا عم في اماكن رخيصة برضه عندكم وابعد عن المولات الغالية

سعر الموبيال كدة حلو عندك ويمكن اقوللك هاتلي واحد قريب بس لما يبقي فية فلوس

[ahm177]

ربنا معاك

اوعى ترجع مصر تانى

[TAG_Turbo0]

ألف حمده على السلامة يا اسلام
ليك وحشة والله
مستنينك تانى معانا فى المنتدى
وكويس بأه لينا مراسل جديد فى الدوحه