إعـــــــلان

Collapse

.

,
See more
See less

استاذ كريم منير عمل حادثة امبارح

Collapse
X
 
  • Filter
  • الوقت
  • Show
Clear All
new posts

  • ربنا يعوض عليك يا استاذ كريم والحمد لله انك بخير وقدر الله وما شاء فعل

    Comment


    • المشاركة الأصلية كتبت بواسطة karim_monir مشاهدة المشاركة
      السلام عليكم ورحمه الله
      شكرا ليكم جميعا على اطمئنانكم عليا وربنا يديم المعروف
      وشكرا انسة دينا على تبليغك الزملاء بس انا حقيقي مش فاكر اني رديت عليكي امبارح
      بفضل الله عليا وعلى اولادي ان لسه في عمري بقية بعد اللي حصل امبارح
      ومعذرة قبل اي شيئ اني قافل تليفوني لانه في الحادث اتدلق عليه نسكافية والميكروفون باظ والهاند فري في العربية ومش جايلي شجاعة انزل اشوف منظرها كدة
      الاحداث بتروح وتيجي في دماغي مشاهد وتختفي
      لاني اخدت خبطة في دماغي في الازاز اللي جنبي كسرت نضارة الشمس ولقيتها مكسورة بعدين في العربية
      والحمد لله اني كنت رابط الحزام واما كنت طلعت من الازاز من عنف الصدمة
      كنت ماشي على الدائري في مكان مش قادر افتكره
      وكان في نقل تقيل قديمة راكنة على الدائري بتصلح كاوتش
      وصاحبها مش مكتفي بالحارة اللي شاغلها لاء حاطط اقفاص فاضية في الحارة اللي جنبه
      كانت ماشية قدامي لانسر حمرا وشاف الاقفاص فرمل جامد جدا
      حسيت اني مش هاقدر اقف من غير مالبس فيه
      رميت يمين شوية في الحارة اللي واقفة فيها النقل عشان المسافة للتوقف اطول شوية
      وفرملت كنت هاقف ورا النقل وبلمح في المرايه الوسطي والجانبية لقيت صاروخ جاي عليا بسرعة رهيبة مش اقل من 120 مثلا
      سبحان الله رميت شمال تاني في الحارة اللي فيها اللانسر لانها كانت بعدت شوية
      وسمعت اقوى ارتطام سمعته في حياتي والعربية اتحدفت حدفة رهيبة
      كانها اترفعت شوية من على الارض واتهبدت تاني ورغم اني كنت قافل الازاز ومشغل التكيف لقيت كل حاجة جوة العربية اتقلبت
      وعفرة غريبة جوة العربية
      بس العربية لسه في نفس الحارة وماشية سلانسية بعوجة
      بحاول اركز لقتني عديت النقل اللي واقفة دي ووقفت بعدها بشوية بحاول اجمع في ايه
      ونزلت اقف رجلي مش شايلاني كان مفيش ركب في ساقي
      قعدت على السور الاسمنتي وشوية لقيت اصوات كتير ورا
      جريت عليها
      لقيت عربية شيفروليه دبابة رشقت تحت النقل
      البية كان بياخد غرزة يمين فوق ال 100 كم عالدائري رغم ان النقل واقفة وعالية لازم تتشاف
      عربيتة لغاية الكابينة رشق تحت النقل من ورا
      وبيحاولو يطلعوهم
      اعصابي سايبة ومتخيل لو مكنتش جيت شمال شوية كان زمانه دعكني في النقل وكان زماني انا اللي تحت النقل
      (وما رميت إذ رميت ولكن الله رمى وليبلي المؤمنين منه بلاء حسنا إن الله سميع عليم)
      لما شيفرولية الدبابة بعافيتها حصل فيا كدة
      امال الملاكي بتاعنا الورق لما تيجي بين مطرقة وسندان بالشكل ده كان حصل فيهم ايه
      طلعو السواق واللي جنبه بس متبهدلين
      ورجعت لقيت عربيتي الجنب كله ضايع
      الخبطة جت في الجنط الخلفي عوجتة وعوجت القنطرة كلها
      والجنط الامامي برضه اتعوج
      الاكصدام الخلفي بالباب بالرفر الخلفة بقو لوحة سيرالية
      وبقيت جنب العربية كله راح في داهية
      الحمد لله
      مشاهد كتير لناس بتجبلي كف الراية وناس بتلم فلوسي اللي واقعة تديهالي
      مشاهد متداخلة لحاجات كتير برتوح وتيجي
      موبايلي وناس بتتصل وناس تسمع ومش فاكر برد وبقول ايه
      زوج اختي كلمني هو واحمد قدورة مدير الورشة مين كلمني وجه خدني منين وانا العربة سوقتها و مشيت ازاي بالمنظر ده
      تفاصيل كتير مش قادر اجمعها
      الحمد لله انا بخير
      وشكرا على اتصالاتكم ونعم الاخوة
      اللهم لكم الحمد والشكر حمدا كثيرا طيبا

      انا بقرأ كلامك ومش مصدق الحمد لله انك بخير ربنا كتبلك عمر جديد فعلا انا لسه شايف الموضوع حالا

      وحاله الذاكره دى حتقعد يومين وتروح ان شاء الله لانى اتحطيت فيها قبل كده ربنا ميكتبها على حد بس ممكن تحلم باليل بحاجات من اللى حصلت
      بجد الحمد لله انك بخير وان شاء الله العربيه ترجع زى الاول
      [CENTER][SIZE=5][COLOR=sienna]القطه بتاكل اولادها ........ ياترا الدور على مين ؟[/COLOR][/SIZE][/CENTER]
      [CENTER][SIZE=6][FONT=Courier New][COLOR=#ff8c00]الحمد لله[/COLOR][/FONT][/SIZE][/CENTER]
      [CENTER][SIZE=4][COLOR=#ff8c00][URL="http://www.qorankarim.com/"]القرأن الكريم كامل[/URL][/COLOR][/SIZE][/CENTER]

      Comment


      • الف سلامة عليك يا استاذ كريم .... وحمد لله على سلامتك

        قدر الله ما شاء فعل ..... الحمد لله على كل شئ ...

        فداك العربية وربنا يعوضك خير عنها .....
        [CENTER][FONT=Tahoma][COLOR=darkorchid][FONT=Tahoma][SIZE=4][COLOR=darkorchid][shfaf2]http://img810.imageshack.us/img810/3041/image003002.gif[/shfaf2][/COLOR][/SIZE][/FONT][/COLOR][/FONT][/CENTER]
        [CENTER][SIZE=4][COLOR=#9932cc][/COLOR][/SIZE] [/CENTER]
        [CENTER][SIZE=4][COLOR=#9932cc]يا لذيذ يا رايق[/COLOR][/SIZE][/CENTER]

        Comment


        • [frame="10 80"]
          لا حول و لا قوة الا بالله , ان شاء الله يكون بخير و كل حاجة تتعوض ان شاء الله
          [/frame]

          Comment


          • الف سلامة عليه و ربنا يعوضه خير

            يا ريت لو حد اتصل به يطمنا
            [justify][CENTER][IMG]http://a4.sphotos.ak.fbcdn.net/hphotos-ak-ash4/218070_1900970253805_1528143011_32044969_2322091_n.jpg[/IMG]
            [/CENTER]
            [/justify]

            [CENTER]
            [/CENTER]

            Comment


            • قدر الله و ما شاء فعل يا استاذ كريم
              و الحمد لله ان حضرتك بخير
              [IMG]http://img542.imageshack.us/img542/2454/tempraswpnel.jpg[/IMG]

              .................. سبحان الله و بحمده ,, سبحان الله العظيم ....................

              Comment


              • الف سلامة عليك يا كريم باشا قدر الله وماشاء فعل
                الحمد لله على كل شىء وربنا يعوضك خير ان شاء الله
                [CENTER][FONT=Comic Sans MS]Mohamed Nasr
                [/FONT] [/CENTER]

                Comment


                • ان شاء الله يكون بخير
                  [CENTER][COLOR=royalblue][URL="http://www.postimage.org/image.php?v=gx27Yct0"][SIZE=1][COLOR=royalblue]لا[/COLOR][/SIZE][/URL][URL="http://www.postimage.org/image.php?v=gx27Yct0"][SIZE=1][COLOR=royalblue] اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتك[/COLOR][/SIZE][/URL][/COLOR][/CENTER]
                  [CENTER][B][SIZE=6][COLOR=darkorange]لو أن ابن آدم هرب من رزقه كما يهرب من الموت لأدركه رزقه كما يدركه الموت[/COLOR][/SIZE][/B][/CENTER]
                  [CENTER][SIZE=3][COLOR=black]محمد الطنانى[/COLOR][/SIZE][/CENTER]

                  Comment


                  • انا مشيت في الطريق الدائري 3 مرات الاسبوع دة
                    حاجة بشعة
                    ربنا يكون في عون اللي دة طريقه يوميا
                    انا اعصابي باظت
                    النقل التقيل بكميات رهيبة وبيمشي بسرعة فظيعة وتقريبا بيسابقوا بعض
                    فين المرور اللي كان محدد وقت السير من 8 مساء ل 8 صباحا
                    يا رب اكفنا جميعا شر الطريق
                    [CENTER][shfaf]http://img140.imageshack.us/img140/9236/nile5th2resize.jpg[/shfaf][/CENTER]

                    Comment


                    • الحمدلله انها جت سليمه
                      اللهم أجره في مصيبته و اخلفه خيرا منها

                      Comment


                      • الف سلامه عليك يا كريم ,,, ولو حلفتلك ان فى حاجة غريبه فى المنتدى مش هاتصدق كل يوم واحد يظلع يقول انا علمت حادثه ونكلاوى وانت اخر 2 ,,, وانا قبليكم على طول ,,, ربنا يسترها علينا ,, وليك عندى سمكرى كويس فى الحرفيين ,,, اضحك ومتشلش هم الحمد لله انك كويس
                        [CENTER][COLOR=Blue][SIZE=4]مفيش توقيع
                        عشان تتبسط :D
                        [/SIZE][/COLOR][/CENTER]

                        Comment


                        • الف حمد والف شكر ليك يارب علي سلامتك ياكريم والمؤمن ديما مصاب وربنا يعينك و يصبرك علي مابلاك وفداك مليون عربيه يا كريم

                          Comment


                          • الحمد لله انه بخير
                            ان شاء الله لما الدنيا تهدى ييجي يطمنا
                            انا و الله كنت هعمل حادثة انا كمان لما لقيت فجأة نقل قدامي بس ربنا ستر

                            يا ريت كله يخلي باله على الدائري و يسوق براحته بس لو جه جنب نقل يهدي و ياخد باله
                            [CENTER][sor2]https://fbcdn-sphotos-a.akamaihd.net/hphotos-ak-snc7/s720x720/383343_10150399086056436_522826435_8822245_2011049740_n.jpg[/sor2][/CENTER]

                            Comment


                            • الف سلامة أ.كريم وكويس انك طنمتنا عليك وقدر الله ماشاء فعل

                              ولا حول ولا قوة الا بالله على البيحصل فى الطرق وخاصة الدائرى !!!
                              [img3]http://s11.postimg.org/5u651o4eb/bsmlhe41104899dnj0zx5.gif[/img3]

                              Comment


                              • لا حول ولا قوة إلا بالله العلي العظيم

                                أهم حاجه انك بخير فداك 100 عربيه ، ربنا يأجرك في مصيبتك ويخلفك خيرا منها
                                [RIGHT][B][I]Mohamed Samir[/I][/B]
                                :sleeping:
                                [CENTER]'
                                [/CENTER]
                                [/RIGHT]

                                Comment

                                Working...
                                X