الباشوات خدوا افراج برضه

[sara2001]

تأجيلات كلها لشهر سبتمبر

يا ترى ايه اللى هايحصل فى شهر سبتمبر و يشغل الناس عن المحاكمات

الانتخابات ستكون فى شهر سبتمبر

يا ترى فيه علاقة

لا أعتقد ان في حاجه ممكن تشغل الناس عن المحاكمات حتى لو كانت الإنتخابات
انا اعتقدت المقصود تغيير القضاه لصالح المتهمين

أنتم متأكدين أن كل ألي ماتو في الثورة كانو في الميادين؟!

حمدا لله على السلامه أولاً
ردي على السؤال بالتأكيد لأ
بس هأعكس السؤال
انتم متأكدين ان كل اللي ماتوا عند الأقسام وحولها من البلطجيه؟!!!!!!!
طب هل في شك في اللي ماتوا امام اعيننا في الميادين دهساً بالعربيات او برصاص القناصه من المتظاهرين
القضايا بتاعة الأقسام فيها بعض الشكوك والحكم والإثبات فيها صعب و علشان كده شاغلين الناس بيها
طب القضايا الواضحه والعالم كله شافها على شاشات التليفزيون بيماطلوا فيها ليه؟!!!!!
لسه مش عارفين مين قتلة المتظاهرين وبيدوروا عليهم
ولا عندهم شك ان المتظاهرين هما اللي كانوا بيقتلوا نفسهم!!!!!!

تأكيدا لكلامك يا hobiko ودية شهاده حق هتحاسب عليها يوم القيامه يوم 28 رجعت الساعه 4 اي قبل الأحداث بتاعة الشرطه وضرب الناس بالرصاص وترك الأقسام وعلي فكره بيتي جنب القسم وكان فيه افراد شرطه واقفه علي سطح القسم مسلحين والذي حدث كالتالي الناس في الشارع واقفه في سلام ومفيش اي مظاهرات او تجمعات وحركة البيع والشراء ماشيه واذا نفاجأ بسرينة الشرطه وقنبلة غاز تحدف علي الناس العادين ثم اتبعها اكثر من قنبله وبعدين جه اتنين من الأمن المركزي يحملون بنادق شوت جن ويضربون النار علي الناس ويصبوهم مما ادي ذلك الي استفزاز الناس بشده بعد ماوقع اول قتيل وبدأ الناس يتجمعون ويحدفنوهم بالطوب وبدأ جنود الأمن المركزي ينسحبون الي الوراء ويستدرجون الناس الي القسم وبدأ افراد الشرطه الموجودون علي السطح بأطلاق النار علي الناس ثم مره واحده بدأت الشرطه بالأنسحاب وترك الأسلحه واخراج المساجين اقسم بالله هذا ماحدث بالضبط

وفي ناس كتير كتبت شهادات مشابهه لشهادة حضرتك
ومنها الضرب عشوائي من فوق القسم دون ان يحدث اي هجوم عليه
مثلما حدث في قسم المعادي

[Frozen_Pain]

طيب بما ان السادة الضباط أخدوا افراج من تهمة قتل المتظاهرين
وبما ان السادة الوزراء أخدوا افراج من تهمة الفساد المالى
وبما ان مصر خلاص طلع مفيش فيها ولا حرامى ( امال مين اللى كان بيسرق)

يبقى كل واحد غلط او اتريق على السيد الرئيس يرجع يقوله انا اسف ياريس كنا بنهزر واحنا غلطانين وادى راسك ابوسها اهى،،، احسن امن الدول شكله هيرجع تانى وهيشعلقنا على الفلكة

حسبى الله ونعم الوكيل شباب زى الورد استشهد وناس بتطلع براءة

ربنا بيقول فى حديثه القدسى وعزتى وجلالى لانصرنك ولو بعد حين

خليهم يتمتعوا فى الدنيا وحسابنا على الصراط المستقيم ان شاء الله

[azmeralda]

عندك حق فعلا

فقد قال تعالى فى سورة الحج

{ أُذن للذين يُقاتَلون بأنهم ظلموا وإن الله على نصرهم لقدير } (الحج:39) .

تقبل تحياتى

الكتب - تفسير الطبري - تفسير سورة الحج - القول في تأويل قوله تعالى " أذن للذين يقاتلون بأنهم ظلموا وإن الله على نصرهم لقدير " - القول في تأويل قوله تعالى " أذن للذين يقاتلون بأنهم ظلموا وإن الله على نصرهم لقدير "- الجزء رقم18

ايه علاقة الآية بالموضوع دى كانت عن الكفار

[Ahmed Nasr]

لا حول ولا قوة الا بالله

[amado ibrahim]

الكتب - تفسير الطبري - تفسير سورة الحج - القول في تأويل قوله تعالى " أذن للذين يقاتلون بأنهم ظلموا وإن الله على نصرهم لقدير " - القول في تأويل قوله تعالى " أذن للذين يقاتلون بأنهم ظلموا وإن الله على نصرهم لقدير "- الجزء رقم18

ايه علاقة الآية بالموضوع دى كانت عن الكفار

سبب نزول الاية الكريمة معروف

لكن حكمها يسرى فى كل وقت و كل زمان

انه كتاب الله الصالح لكل زمان و مكان

تقبلى تحياتى

[heshamzaky]

........... منقول ..........
الجنايات تؤيد إخلاء سبيل الضباط المتهمين بقتل الثوار فى السويس
الأربعاء، 6 يوليو 2011 - 13:31
قضت محكمة جنايات السويس المنعقدة بالتجمع الخامس، اليوم الأربعاء، بعدم جواز نظر الاستئناف المقدم من النيابة العامة على قرار إخلاء سبيل مدير أمن السويس والضباط الـ7 المتهمين بقتل الثوار وتأييد قرار إخلاء سبيلهم.

صدر الحكم برئاسة المستشار أحمد عطية وعضوية المستشارين عادل عبد الهادى وماجد قلدس، بدأت الجلسة فى الثانية عشرة ظهرا داخل غرفة المداولة بحضور ثلاثة متهمين فقط، وهم كل من إسماعيل هاشم وعلاء خطاب وهشام حسين أحمد، حيث قدم ممثل النيابة العامة فى بداية الجلسة مذكرة بأسباب طعن النيابة العامة على قرار محكمة جنايات السويس بإخلاء سبيل المتهمين 7 فى تلك القضية.

[heshamzaky]

.... منقول .......
جنايات التجمع الخامس تأمر بضبط مدير أمن السويس
الأربعاء، 6 يوليو 2011 - 13:52
قال خالد عمر محامى الشهداء ومصابى الثوار بالسويس لـ "اليوم السابع" إن محكمة جنايات التجمع الخامس بالقاهرة أصدرت قراراً بالقبض على مدير أمن السويس الحالى اللواء أسامة الطويل بتهمة تسهيل هروب المتهمين فى قضية قتل المتظاهرين بالسويس، بالإضافة إلى ضبط وإخطار مدير أمن السويس السابق اللواء محمد عبد الهادى حمد، فضلا عن ثلاثة ضباط متهمين بقتل المتظاهرين.

يذكر أن الذين حضروا الجلسة اليوم هم ضباط الأمن المركزى, وبخصوص الطعن المقدم سوف يصدر بعد قليل قرار المحكمة الخاص برفض أو قبول الطعن.

[wesam_salom]

أنباء عن وقفة صامتة لأنصار بن على في تونس مطالبين بمحاكمته أمام القضاء المصرى

[MASERATI]

أنباء عن وقفة صامتة لأنصار بن على في تونس مطالبين بمحاكمته أمام القضاء المصرى

السلام عليكم و رحمة الله و بركاته

ده على أساس أن القضاء عندنا لقطة , ما هما شايفين بعنيهم أهوه, و ممكن كمان أبناء مبارك, يطالبوا أنهم يحاكموا مبارك أمام القضاء التونسى, شغلانة حلوة أوى .