ان شالله عنكم ما طبقتم العدل فى البلد..طظ فيكوا يا شعب!!!

[wesam_salom]

يوم 24 يناير بالليل

كلمنى

صديقى ايمن السحار

من الامارات وقاللى ماتنزلش عشان حيبقى العدد قليل وحتتلموا

قلتلوا والله لاول مرة فى حياتى احس انى كفاية رغى عالنت وحنزل

وكلمنى صديقى احمد عبد المجيد

وقاللى انت بقيت مسئول عن اسرة وبيت ومحتاجينك

قولتلو نفس الكلام حنزل

كنت نايم ومراتى جنبى حاسس بقلقها

لكن قلتلها مش عاوز يوم من الايام اتكسف من نفسى وانا بقول لعيالى الناس نزلت وانا لأ



ونزلت

وكنت راجع مش مصدق العدد اللى كان فى الشارع

ونزلنا يوم 28 يناير

عشان نعرف معنى الموت وقنابل الغاز



بينى وبين نفسى وبعد ما شفت اللى استشهدوا ونالوا الشرف ده

اول مرة اغير انى ماستشهدتش

والناس يمكن تسجل قصتى وتتكلم عنى

والناس تعلق صورى

وابقى نلت شرف ربنا سبحانه وتعالى خلاه شرف انه يدخله جناته

والله اعلم حيتقبلنا وقته شهيد عنده أم لا



كنت فاكر ان بطاقة المصريين اللى اتشحنوا 18 يوم

كان جواهم طاقة التعمير

وشفتها فى كل النفوس

حسيت انى عشان مانلتش شرف الشهادة

يمكن انول شرف التعمير

وفات شهور مش كتيرة

يعنى لسه الثورة ماتنسيتش



وصلنا للنهاردة

5 يوليو

لقينا كلاب السلطة

اللى نهبوا وسرقوا

واتسببوا فى تشريد الاف الاسر

واللى اتسببوا فى فقدنا الانتماء



بياخدوا براءه

وعشان الحق يقال

اللى هرب خد حكم..بس واضح انه بعد ما اداهم ميسد كوول انه فى النعيم



استخسروا فينا 18 يوم

عرفنا قيمة اغانى الوطنية

وجسمنا قشعر

استخسروا فينا مصريتنا

فبيدمرونا وبيدوا اللى دمرنا براءة



السؤال

ليه

بتقتلوا فينا الروح ليه

اللى بيقولولنا الريس زى ابوكم

ماهو عشان زى ابونا بنحاكمه



مش زى اى ثورة رحنا قتلناه



انتوا ليه مش عايزين تبردوا قلب الامهات

انا بعد ما كنت عاوز استشهد

قولت يعنى احرم امى ومراتى وابويا واهلى منى عشان الكلاب دول تعيش

ودمى يتحول ذكرى على ورق

رجعت اقول لأ

لازم اصرخ



البلد ديه اللى بيحصل فيها تهريج

ليه

ليه مش عارف

ليه بتموتوها

ليه يا بلد لو العدل ساد فيكى

حتبقى احسن من اى دولة

ليه



كلاب بتاخد براءة وبيحكموا عالهربان

كلاب نهبوا سرقوا

عايزينهم دلوقتى ياخدوا الفلوس ويتمتعوا بيها بدم الشهده



احنا ليه مش لينا قيمة



ياما اتعرض عليه اسافر اشتغل

بس خايف حد يعاملنى انى مصرى

ده مش حاجة استعر منها

بس بمنطق الشحات الجعان اللى ساب اهله عشان الفلوس..فنديله على دماغه ونعامله بمزاجنا



وبعد الثورة

مستعد بمصريتى احط صباعى فى عين التخين



انا مش مصدق الاحكام

مش مصدق ان ممكن ناس تطلع الحرامية براءة

مش مصدق انهم مش عايزين يصوروا العادلى بالبدلة ليه

ليه ما يخلوناش ننبسط



كان نفسى نثور على طباعنا

كان نفسى يستغلوا طاقة 18 يوم عشان يصلحوا سلوكيتنا

بس هما بيعاملونا زى الطفل اللى بتأكله وتقولوا كل يا نوغه

بس الطفل كبر فجاة

ولسه بيقولوا يا نوغة



فيه ايه

انتوا بتطلعوا اللى بوظوا البلد براءة

وبتكيدوا الشعب

ولبستوه فى بعضيه



خليتوا الناس الكويسة اللى دافعت عن القضية زمان

كافرين وملحدين و و و و



خليتوا اللى بيصلح فى المجتمع بأية

انسان دلوقتى غبى وساذج ولبستوه فى الكويس

والبلد بقت



يا ليبرالى علمانى ملحد مايعرفش ربنا..ده تصنيفهم هما



يا سلفى اخوانى مدخل الدين فى كل حاجة وهو الصح



يا مسيحى بتقهروا ان اللى جى اسوء عليك وعلى اللى خلفوك



لا ده صح مية مية

ولا ده

ولا ده



بس لو سيبتوا التلاته يقعدوا فى مناخ صح

حيصلحوا بلدهم

هما بمزاجهم قعدوا كلهم فى ميدان كيلو فى كيلو

وقدروا يطلعوا بقرار امشى يا نظام



لما سيتبهم فى ارض الله الواسعة

بتلبسهم كلهم فى بعض



مين بيعمل كده فى مصر

مين مصلحته ان عصام شرف مايعينش الناس الصح



مين اللى مش عايز مصر يبقى فيها وزراء منا

ومحافظين منا

وضباط شرفا من اهالينا ومن اصحابنا وحبيابنا



مين مصلحته مصر ماتقومش



ليه بنروح نصرخ مش عاجبكم

نسكت تجلدونا

نصرخ

يترمى علينا قنابل



نحترم نفسنا تهملونا

نقولكم قصاص ..تزبلونا



ايه الحكاية

عايزين منا ايه بالظبط



البلد ديه بلدنا

والثورة ديه ثورتنا



بص ياللى مختلف عالثورة

بص ياللى متفق مع الثورة

بص يا مسلم سلفى

اخوانى

صنف نفسك زى ما انت عايز

يا مسيحى

يا ليبرالى

يا علمانى

يا شيوعى حتى



اقولك

بص يا مصرى



انا مصرى

مسلم



مش بصنف نفسى

ولا احب حد يضمنى لحزب

ولا يتحكم فى ارائى



بس اللى حصلت ديه كاميرا خفية

يا فيلم ترومان شو



وناس بتتحكم فينا



بجد

حسبى الله ونعم الوكيل فى كل واحد عاشق لتعطيل البلد ديه



البلد ديه لو حصل فيها احكام عادلة

ودم الشهدا تم القصاص له



بكره مصر حتبقى بلد جبارة

عارفين ليه



عشان فيها رجالة اقسم بالله لولا القهر اللى فيها

كنا زمانا بلد غير طبيعية



كفاية خفت دمنا رغم القهر والقرف اللى شايفينه



من الاخر

وكلمة اخيرة



العـــــــــــــــــــــــــــــــــدل

حينما يعود

سيتم الاصلاح



واعلموا ياللى ماسكين السلطة دلوقتى



فيه رب اسمه كبير

ومن اسمائه

العــــــــــــــــــــدل



لو ماعرفتوش تطبقوا العدل اللى مش عارفين ليه مكسوفين تطبقوه لغاية دلوقتى

اعرفوا ان العدل اللى بتهربوا منه عشان افراد



ليكم رب يوم القيامة عدله مالوش حدود

هو وحده لا اله الا هو

سمى نفسه من اسماؤه الـ99



العدل



ساعتها

اعرفوا ان فيه ناس دعت عليكم جامد اوى

وانا منهم

حسبنا الله ونعم الوكيل فيكم





علاء عطا
Facebook

رغم تحفظى على جزئيات معينه لكن مقال يستحق القراءه

[A.Saad]

شكرا على احترامك لشعبك اللى انت منهم والعنوان موجه ليه وليك

[Everlasting]

صرخة مقهور.
ما تفهموا بقى!!!!!!!!!!!!!!!!!!!!!!!!!!!!!!!!

[M.Mostafa80]

القهر والأحساس بالظلم يتثبب فى ثوره
التمادى فى التجاهل بعد الثوره وعدم الأحساس بالتغير يولد الأنفجار
وربنا يستر عليكى يامصر ويعدى يوم الجمعه على خير
يارب انت اعزيت شعب مصر وعززت مصر وخصتها بالأمن والأمان فى كتابك العزيز فأكمل نعمتك عليها واجعل مرساها لبر الأمان ولما تحبه وترضاه

[wesam_salom]

شكرا على احترامك لشعبك اللى انت منهم والعنوان موجه ليه وليك

حضرتك قريت المقاله

حضرتك عرفت ايه المقصود بالعنوان وان المفروض الكلام ده موجه من مين لمين

[A.Saad]

حضرتك قريت المقاله

حضرتك عرفت ايه المقصود بالعنوان وان المفروض الكلام ده موجه من مين لمين

عارف ان العنوان مش من عند حضرتك وديما انا بتنقاش معاك فى اطار محترم، لكن مش مقبول ان حضرتك تنقله بحذافيره فى العنوان
واعتقد ان ده معروف فى المنتدى يا استاذى حتى الفيديو لو فيه الفاظ سيئة يا بنحذف الصوت يا مش بنحطه

[medododo]

الراجل بيتكلم في قضية قوية يعني خلاص نسيب الاصل ونمسك في الفرع
ويوقلك البلد بتبوظ ليه

[A.Saad]

بتبوظ علشان كل واحد عامل نفسه الوطنى الاوحد والباقيين خونة وعملا
وكل واحد ليه مصلحة شخصية عامل انه بريء وغلبان وان الباقى مش بيفهموا حاجة
ياريت كل واحد يصلح نفسه الاول وبعدها هنلاقى البلد ابتدت تصلح

موقفنا مش اوحش من اليابان اللى اضربت بالقنابل الذرية

[زينة الله]

مين اللى بيقول طظ فى الشعب !! عارفين مين :)

كل مسئول بيظلم ويستغل منصبه ويسرق الشعب .. هو دا اللى بيقول طظ فيكو يا شعب

كل موظف بيبتزك وأنت رايح تخلص مصلحتك ،، يا إما يلففك حوالين نفسك السبع لفات ويعطلك ..هو دا اللى بيقول طظ فيكو يا شعب

كل من له سلطة مشروعة بيستغلها فى غير مكانها وممكن يعذبك لمجرد إنك ملتحى لحد ما تفطس فى ايده .. هو دا اللى بيقول طظ فيكو يا شعب

كل قاضى او حكم المفروض فيه العدل ,, يخضع للضغوط أو الاغراءات ويعطل العدالة أو يكيل بمكيالين ..هو دا اللى بيقول طظ فيكو يا شعب

كل مسئول مش مهتم يرشد الناس ويفهمهم اللى بيحصل واللى هيحل لهم , وكأنهم قطيع من الغنم .. هو دا اللى بيقول طظ فيكو يا شعب

يااااااه كتير قوى اللى بيقولوا طظ فيكو يا شعب :) حسبنا الله ونعم الوكيل

[fepsceasar]

يا اما المحكمة مقتنعة ان اللى ممسوكين دول مش القتلة الحقيقيين وما فيش أدلة تدينهم وفى الحالة دى لازم يتم تكليف النيابة والشرطة بالقبض على القتلة الحقيقيين
يا اما دول القتلة الحقيقيين وفى الحالة دى لازم يتوقفوا عن شغلهم طول فترة نظر القضية ويتحبسوا احتياطيا لعدم طمس الادلة والتاثير على الشهود
غير كده تبقى مياصة

[sakrouz]

بتبوظ علشان كل واحد عامل نفسه الوطنى الاوحد والباقيين خونة وعملا
وكل واحد ليه مصلحة شخصية عامل انه بريء وغلبان وان الباقى مش بيفهموا حاجة
ياريت كل واحد يصلح نفسه الاول وبعدها هنلاقى البلد ابتدت تصلح

موقفنا مش اوحش من اليابان اللى اضربت بالقنابل الذرية

جبيت من الاخر وكلام نفسى اقوله لناس كتيرر

[medododo]

بتبوظ علشان كل واحد عامل نفسه الوطنى الاوحد والباقيين خونة وعملا
وكل واحد ليه مصلحة شخصية عامل انه بريء وغلبان وان الباقى مش بيفهموا حاجة
ياريت كل واحد يصلح نفسه الاول وبعدها هنلاقى البلد ابتدت تصلح

موقفنا مش اوحش من اليابان اللى اضربت بالقنابل الذرية

[hossam165]

بتبوظ علشان كل واحد عامل نفسه الوطنى الاوحد والباقيين خونة وعملا
وكل واحد ليه مصلحة شخصية عامل انه بريء وغلبان وان الباقى مش بيفهموا حاجة
ياريت كل واحد يصلح نفسه الاول وبعدها هنلاقى البلد ابتدت تصلح

موقفنا مش اوحش من اليابان اللى اضربت بالقنابل الذرية

يا اما المحكمة مقتنعة ان اللى ممسوكين دول مش القتلة الحقيقيين وما فيش أدلة تدينهم وفى الحالة دى لازم يتم تكليف النيابة والشرطة بالقبض على القتلة الحقيقيين
يا اما دول القتلة الحقيقيين وفى الحالة دى لازم يتوقفوا عن شغلهم طول فترة نظر القضية ويتحبسوا احتياطيا لعدم طمس الادلة والتاثير على الشهود
غير كده تبقى مياصة

الله عليكم جبتو من الاخر

[wael17]

بتبوظ علشان كل واحد عامل نفسه الوطنى الاوحد والباقيين خونة وعملا
وكل واحد ليه مصلحة شخصية عامل انه بريء وغلبان وان الباقى مش بيفهموا حاجة
ياريت كل واحد يصلح نفسه الاول وبعدها هنلاقى البلد ابتدت تصلح

+1111111111

موقفنا مش اوحش من اليابان اللى اضربت بالقنابل الذرية

أختلف معك في النقطة دي
احنا موقفنا اوحش من اليابان بمراحل...هناك الناس عارفة قيمة العمل و بيحبوا بلدهم و لما تحصل كارثة في البلد سواء قنبلة ذرية او زلزال مدمر كل واحد ببشتغل اكتر عشان يعوض لبلده الخسارة
احنا بقي عندنا حب البلد و الوطنية بتتقاس بالنزول لميدان التحرير و الاشتباك مع الشرطة....لكن تيجي تتكلم عن الشغل و التعب تلاقي ماحدش عايز يسمعك

[wesam_salom]

(ولكم فى القصاص حياة يا اولى الالباب)