هو فيه استدعاءات كتير في الجيش اليومين دول ؟

[Dr_Smart]

قريبي بيشتغل بره مصر .. هو خلص جيشه خلاص كان عسكري

وعايز ينزل اجازه بس خايف عشان سمع ان فيه استدعاءات كتير من الجيش الفتره دي

فخايف ييجي مايعرفش يرجع شغله .. ولا الكلام ده اشاعات


يا ريت لو حد سمع عن حاجه بخصوص الموضوع ده يقولي عشان يبقى في ال safe side

[raedegypt]

يمكن حرب ؟؟؟؟

[medododo]

يارب يكون في استدعئات
بس ما يخدوش قريبك يخدوا واحد معرفة نفسي ارتاح منه شوية

[medododo]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[م/مصطفى محمود]

مفيش حاجة ، الحياة عادية جدا ، الأعداد بتزيد بس ، يعني اللى داخل جديد هو اللى يقلق ، لكن مفيش إستدعائات ومفيش تمديد والحياة طبيعية (يعني حتى لو في إستدعائات هتكون عادية في الأسلحة زي الإشارة وكده ودي نادرة برضوا)

[mohamedmostafa]

انتوا بتدعوا على الناس ان الجيش يستدعيهم يا شباب على كدة لو البلد دخلت حرب مفيش نية للتطوع الإرادى ولا ايه ؟؟؟؟؟

[Eng_AmrAllam]

لو يعرف حد في الوحده اللي كان فيها يتصل بيهم قبل ما ينزل ويقوله السلاح دة بيعمل تعبئة ولا لا لو بيعمل يبقي مينزلش

عشان لو نزل واستدعوه هتبقي مشكله كبيرة ومينفعش يطنش الاستدعاء

[A.Saad]

منتهى الوطنية

[ahmedsamir79]

منتهى الوطنية

+1

[Dr_Smart]

منتهى الوطنية

انا مش عارف حضرتك الرد ده على سؤالي ولا على حد تاني .. اعتقد انك بتهزر على اي حال

بس عموما فيه فرق بين ان يكون فيه استدعاء للحرب وان يكون فيه استدعاء " كده وخلاص "

لما يعملو استدعاء لواحد بدون داعي حقيقي ويعطلوه عن شغله .. القطاع الخاص بره مصر مش هيستناه .. ويلاقي نفسه في الشارع .. هل الجيش ولا اي حد في البلد هيأكل مراته وعياله ؟؟؟

[hazoom2006]

انا فى الجيش مفيش استدعاء زياده غير الطبيعى

ميقلقش خالص وهما يعنى مش مستنين لما يرجع مصر علشان يستدعوه

اى حد بيقدم فى الجيش مفيش ارجا التقديم دلوقتى بقا اتجاه واحد لابس

[A.Saad]

انا مش عارف حضرتك الرد ده على سؤالي ولا على حد تاني .. اعتقد انك بتهزر على اي حال

بس عموما فيه فرق بين ان يكون فيه استدعاء للحرب وان يكون فيه استدعاء " كده وخلاص "

لما يعملو استدعاء لواحد بدون داعي حقيقي ويعطلوه عن شغله .. القطاع الخاص بره مصر مش هيستناه .. ويلاقي نفسه في الشارع .. هل الجيش ولا اي حد في البلد هيأكل مراته وعياله ؟؟؟

الرد على كل المشاركات مش مشاركة بعينها
لان البلد اعتقد لو استدعت اى انسان فى الظروف دى هيكون ليها حق

[wael17]

معلش انا عندي سؤال بره الموضوع شوية
هو لو حد من المعتصمين في التحرير دلوقتي جاله استدعاء في الجيش....هايعمل ايه؟
و لا كلهم معفيين من الخدمة العسكرية؟
باعتذر تاني لصاحب الموضوع بس الفكرة خطرت علي بالي قلت اشوف رأيكم ايه

[devilishtigers]

انا فى الجيش مفيش استدعاء زياده غير الطبيعى

ميقلقش خالص وهما يعنى مش مستنين لما يرجع مصر علشان يستدعوه

اى حد بيقدم فى الجيش مفيش ارجا التقديم دلوقتى بقا اتجاه واحد لابس

ربنا يطمنك

[Nistelrooy]

انتا بتقول خلص عسكري يعني خلاص مالوش جيش تاني ؟ الا لو حصل تعبئة عامة وحصلت حرب !


وانا اخويا معاة تاجيل 3 سنين وجه مصر .. واخد تصريح سفر هيسافر بيه كمان اسبوع ان شاء الله .. حتي الي متاجل مش يقلق الا لو تاجيلة خلص