طالع عمرة خلال اسبوع ان شاء الله-وصيتكم المنتدى

[zago]

عمره مقبوله ان شاء الله
نصيحتي ليك تدعيلي متوقفش
والجو مولع بجد انا والدتي لسه راجعه الاسبوع اللي فات وقالت كده ( حريقه )
خد نضاره شمس ده اساسي
واعمل اكتر من عمره
عقبال الحج ان شاء الله

[Hussein_Emara]

وصيتك الدعاء يا هندسة

[HOSSAM99]

و عليكم السلام و رحمة الله
عمرة مقبولة بإذن الله
أبقي إدعي لنا بالهدايه
و إدعي لمصر بكل الخير و زود الدعاء لمصر أوي و أهلها
و أبقي طمنا علي عليك من وقت للثاني
الله معك يا أستاذ كريم

[M.Alaa92]

ادعيلنا يا ريس
و متنساش الهدايا :) مش عايزين سبح عايزين حاجة كويسة كدة :)

[SaberMan]

عمره مقبوله ان شاء الله يا باشمهندس كريم أوصيك بالدعاء لحفظ بلاد المسلمين و الدعاء لمصر .

[M7amD_7amDy]

تروح وتيجى بألف سلامة يا أستاذ كريم

ولا تنسانا من الدعاء

وعمرة مقبولة بإذن الله

[mmffor]

الف سلامة على الحادث الاليم - و الحمدلله على السلامة

ادعو الله ان يعينك على العمرة و ان يتقبل عملك

تذكرنا بالدعاء لنا و لمصر ان ربنا يهدي ولاة امورنا و يوفق ابناء مصر للخير لها و للدين

YouTube - ‫ظ†ط´ظٹط¯ ط§ظ„طط¬(space toon)‬‎

[kar!m]

ربنا يتقبل منك.

و بما انها أول زيارة ليك .. فأحب أبشرك انك هترجع انسان تانى خالص .. للأفضل طبعا ان شاء الله .. يعنى هتكون فاهم حاجات كتير محدش فهمها ولا شافها الا اللى راح هناك .. و هتشوف أمور كتير بنظرة تانية خالص.

أنا عارف انك هتنبسط جدا ان شاء الله عشان انت فى الأصل رجل نحسبك على خير .. فان شاء المولى هتتمتع بجد.

و ربنا يتقبل منك و يرزقنا زيارة بيتة الحرام.

[age]

عمره مقبوله بأذن الله لا تنسانا من دعائك ولا تنسى الدعاء لمصر بالامن والسلام والرخاء وان يصلح الله احوالنا واحوال بلاد المسلمين

[Abo_Abdullah]

تقبل الله منا ومنك ، ولا تشغل نفسك بكتب الأدعيه الغير وارده

ادعو الله بما شئت وأكثر من النوافل وأنت في الحرم المكي لعظم ما فيها من أجر وثواب مضاعف

احتساب أنك ما إلا لله ولا تريد إلا أن يرضى عنك ويعفو عنك
والفرح بفضل الله وكرمه عليك أن وفقك لمثل هذا (قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِمَّا يَجْمَعُونَ )

راجع المناسك جيدا
[youtube]8dZpWc-Gl6s[/youtube]

omraa مناسك العمرة

ولا تنسانا من دعائك
وترجع بالسلامه

[kar!m]

هقول لك على حاجات فرقت معايا كتير برضه:

أولا لازم تعرف ان العمرة دى رزق و شرف و اختيار من ربنا انك تروح بيتة .. و أكيد انت تعرف ناس معاها فلوس كتير و مقدرة مالية و جسدية و كل حاجة ميسرة و غافلين عن موضوع العمرة ده .. و ناس تانية مش قادرة تسافر لأى سبب .. و ناس تانية بتحاول تروح من سنين لكن التأشيرة مبتجيلهاش أو بيحصل حاجة بتمنع سفرها .. فاشكر ربنا على النعمة دى.

أنصحك بقراءة كتاب رحلة المشتاق للحج و العمرة .. للدكتور خالد أبو شادى .. كتاب صغير بس و الله فرق كبير العمرة من غيرة و بيه .. هيقول لك على حاجات كتير تحول لك العمرة من مجرد مناسك لمشاعر و روحانيات جامدة جدا.

فى برضه مطوية صغيرة اسمها "مناجاة" للدكتور محمد اسماعيل المقدم .. برضه من الحاجات الجامدة جدا .. هتفرق معاك كتير جدا خصوصا لما تقرأها فى الحرم.

الصلاة فى المسجد الحرام بمائة الف صلاة و الصلاة فى المسجد النبوى بألف صلاة .. فأكثر من قيام الليل و النوافل.

و أخيرا أذكرك انك تحاول تكثر من الطواف .. عشان دى العبادة اللى مش هتعرف تعملها الا هناك ..وهتلاقى ناس كتير بعد ما خلصت العمرة مبتطوفش ولا مرة .. و بيقغدوا فى الحرم يتأملوا فى الكعبة أو يقرأو قران .. و لما ترجع مصر هيبقى نفسك تطوف لك مرة كده .. بس للأسف مش هتعرف .. خلاص مفيش كعبة عشان تطوف حواليها .. حاول تطوف 3 مرات فى اليوم .. ووقت الظهر بتكون الدنيا رايقة عشان الحر .. فا ممكن تخلص السبع أشواط فى ربع ساعة بالكتير.

لو افتكرت حاجة تانية هقول لك .. تقبل الله منك .. لا تنسانا من صالح دعائك.

[SaberMan]

أستاذ كريم متنساش تدعيلنا ربنا يرزقنا بعمره و ان شاء الله نرتب عمره من اعضاء نايل موتورز الكرام .

[ahmed-moga]

تقبلها الله منك ان شاء الله وعمره مقبوله وذنب مغفور بأذن الله ولاتنسانا وتنسي مصر بخالص الدعاء ودعواتك ان تكون مصرنا الحبيبه الغاليه في احسن حال وان تتطهر ونتطهر من الفساد وجميع الفاسدين
تروح وترجعلنا بألف سلامه

[misoalex]

تروح وترجع بالسلامه وابقا ادعى للاجتماعى :)

[M.Mostafa80]

تقبل الله ياكيمو
اوصيك بالدعاء ليا ياكيمو
بأنى ازور بيت الله
ومن حيث الأجتماعى متقلقش هترجع هتلاقينى مولع حريقه والفاعل ماس كهربائى ههههههههههههههههههههههه