لــمــن لا يــعــرف الاحــكــام الــعــرفــيــة فـي مــصــر

[Amr Axel]

موضوع قديم ..... اتعمل كذا مرة فى المنتدى

الغريب ان ترى من ينادى بالعنف و القمع و تقييد الحريات و كبت الأصوات و انتهاك حقوق الأنسان ...... طريقا للأصلاح و الشفافية و التطهير و العدالة و الحرية

فى تناقض عجيب ...... يجعلنا امام حالة من الميتافيزيقية العقلية و الفكرية ..... شديدة الغرابة !!!!!!!

فاقد الشىء لا يعطيه يا سادة

مكنتش اعرف انه مكرر لأني مقرتوش قبل كده :)

بالنسبة لكلام حضرتك فردي كان هيكون زي رد الاستاذ احمد و هو

العنف هو طريق من يدعى الثورة الان
لانه اصبح الوسيلة للانتقام من الشرطة واصبحت المظاهرات فرصة لظهور البلطجية
كبت الاصوات
رايناه عدة مرات فى اتهام من يخالفهم الرأى بإنهم فلول وعملا وخونة .................... الخ
إنتهاك حقوق الانسان
يظهر فى اعتراضهم على احكام القضاء
حتى لو القضاء غير نزيه
يمكن الاعتراض عليه بطرق متحضرة وليس بالعنف

[Amr Axel]

شكرا على الموضوع وعلى الله مانلاقيش نفسنا رجعنا لعصر عبد الناصر وكبت الحريات وتأميم خلق الله لصالحهم قبل صالح الشعب

شكل حضرتك متابع تاريخ :)

بس ع فكرة عمر ما الجيش يعمل حاجة يخنق بيها الناس مهما حصل ع سبيل المثال الحظر
الحظر في اي دولة حظر بمعني الكلمة متلقيش فرد في الشارع لكن الجيش كان سايبها و الناس كمان كانت بتنزل بليل عشان تتصور مع الدبابات و المدرعات هههههه و احلي حاجة ان الناس بالرغم البلطجية و البلاوي كانوا بينزلوا بعد الساعة 12 ساعة الحظر وسط الجيش و محدش قالهم حاجة ده ابسط مثل يعني

[otefa]

مش محب للتاريخ قوي ولكني ملزم أخاك لابطل كان لازم أضطلع أكثر على التاريخ علشان الظروف ألي بنمر بيها
الجيش والشعب أيد واحدة.............بجد
الجيش لو عايز يلعب بديله كان عملها من الأول وسلمها للي بيطالبو بمجلس رئاسي معين وكانو هما ألي هايعينوه بنفسهم برضه وكانو ظبطو الشعب صح أنما كل الشواهد بتقول أن الجيش غير طامع في السلطة وألا ماكنش أتمسك بالأنتخابات في موعدها وهو ده أسرع وأقوى حل لمحاسبة الفاسدين عن طريق حكومة ومجلس شعب منتخب يعرف يعيد بناء النظام
تحياتي

[Amr Axel]

مش محب للتاريخ قوي ولكني ملزم أخاك لابطل كان لازم أضطلع أكثر على التاريخ علشان الظروف ألي بنمر بيها
الجيش والشعب أيد واحدة.............بجد
الجيش لو عايز يلعب بديله كان عملها من الأول وسلمها للي بيطالبو بمجلس رئاسي معين وكانو هما ألي هايعينوه بنفسهم برضه وكانو ظبطو الشعب صح أنما كل الشواهد بتقول أن الجيش غير طامع في السلطة وألا ماكنش أتمسك بالأنتخابات في موعدها وهو ده أسرع وأقوى حل لمحاسبة الفاسدين عن طريق حكومة ومجلس شعب منتخب يعرف يعيد بناء النظام
تحياتي

طب كويس ان حضرتك عملت كده في غيرك و الله و لا ليه دعوة
زميلك بقي مجنون تاريخ ههههه

و فعلا زي مقولت الجيش لو كان عايز يعمل حاجة كان عملها
و كل الشواهد بتدل ان الجيش اللي يهمه هي المصلحة العامة مصلحة البلد
مش داخل في حوار صراع ع السلطة و مين يمسك و مين ميمسكش
و الحل للقضاء ع كل ده اجراء الانتخابات في مواعيدها

و ربنا يعدي اليومين دول ع خير

[Abo_Lina]

أنا مقتنع إنه لا قوة تعادل قوة الشعب
أحكام عرفية و بتنجان ده ماياكلش مع شعب ثائر
كان نفع الطغاة في أي مكان
الشعب هاينتصر هاينتصر ، إنسى تماما إن القمع أو العتف هايرجع الشعب المصري .. تبقى بتضيع وقتك و وقتنا بصراحة

[AshTurbo]

وأيه الجديد ؟؟ ما أحنا عايشين في نفس الحال من 30 سنة عاوز تغير المسمى يعني من قانون الطواريء للأحكام عرفية وماله بس لو كان نفع النظام الفاسد القديم كان نفع مع أي نظام تاني من بعده .

[alynubira]

شكرا على الموضوع وعلى الله مانلاقيش نفسنا رجعنا لعصر عبد الناصر وكبت الحريات وتأميم خلق الله لصالحهم قبل صالح الشعب

+111111111111111111

[Amr Axel]

معرفش فيه ايه يا جماعة مال الدنيا داخلة في بعض معاكم كده ليه

الاحكام العرفية لما تطبق المقصود بيها اي مخرب او بلطجي و ما يوازيهم من حرامية ناس بتقومها يعني من الاخر للامن و الاستقرار
مالها و مال الشعب و قوة الشعب و الطغاة و شعب ثائر و شعب فاير
مش عارف ليه الدنيا داخلة في بعض معاكم

انا منزل الموضوع للافادة انه يعرف الناس يعني ايه احكام عرفية مش موضوع بيقول الاحكام العرفية تطبق

لو كنت اعرف ان كل ده هيحصل مكنتش نزلت الموضوع اساسا

[blazer]

معرفش فيه ايه يا جماعة مال الدنيا داخلة في بعض معاكم كده ليه

الاحكام العرفية لما تطبق المقصود بيها اي مخرب او بلطجي و ما يوازيهم من حرامية ناس بتقومها يعني من الاخر للامن و الاستقرار
مالها و مال الشعب و قوة الشعب و الطغاة و شعب ثائر و شعب فاير
مش عارف ليه الدنيا داخلة في بعض معاكم

انا منزل الموضوع للافادة انه يعرف الناس يعني ايه احكام عرفية مش موضوع بيقول الاحكام العرفية تطبق

لو كنت اعرف ان كل ده هيحصل مكنتش نزلت الموضوع اساسا

للاسف فى بلدنا القوانين مش بتتطبق بما هو مكتوب فيها
انما القوانين بتتطبق على مزاج اصحاب السلطه والسطوه اللى بيطبقوها
و المحلس العسكرى ليه وعليه
وبكره نسمع الفضايح بتاعتهم
مهماش ملايكه ولا نزلوا من السما
كلهم اتعينوا ووصلوا لمناصبهم ومبارك ماسك الحكم ولو لم يكن راضى عنهم ومتبعين سياسته مليون % مكانوش بقوا فى مناصبهم ديه

[رزق]

مظبوط و هم 2 معروف فسادهم - أو وجود فساد فيهم - لكن لايمكن تتكلم عنهم على الملأ الا كذبا وتقول النزيه والوطني ومش عارف إيه
القضاء والجيش
اللي عايز يعرف ليه ماينفعش يسأل عصمت السادات

ده حتى منطقيا لازم يكون فيهم فساد والا نبقى ملايكة

[blazer]

مظبوط و هم 2 معروف فسادهم - أو وجود فساد فيهم - لكن لايمكن تتكلم عنهم على الملأ الا كذبا وتقول النزيه والوطني ومش عارف إيه
القضاء والجيش
اللي عايز يعرف ليه ماينفعش يسأل عصمت السادات

ده حتى منطقيا لازم يكون فيهم فساد والا نبقى ملايكة

بالضبط كدا
هو يعنى وكلاء النيابه واللى اترقوا وبقوا مناصب اللى عينهم امثال كمال الشاذلى هيروحوا فين يعنى؟
و النائب العام
ما لو كان فعلا عاوز يحقق العدل
كان اول يوم تنحى مبارك اصدر قرار بتشميع جميع مكاتب المسئولين والوزراء وكل المشكوك فى امرهم بالشمع الاحمر والتحفظ على جميع الاوراق الخاصه بيهم
انما نقول ايه بس! حسبى الله ونعم الوكيل

[Amr Axel]

احنا يا جماعة عايزين بقي نبطل نفكر في الماضي سواء صح او غلط او مشكوك فيه و نبص للمستقبل
خلاص الماضي نرميه ورا ضهرنا و نبص لمستقبلنا