مسلسلات رمضان . بعد الثوره

[احمد المصرى]

السلام عليكم


حاليا كل ما افتح التلفزيون الاقى اعلان عن مسلسلات رمضان واول لما الثوره قامت قلت اكيد المسلسلات هتكون محترمه ومفهاش اى اعمل رقص وكلام ذى دا احتراما للشهر المبارك ولكن برضوا لقيت حوالى 10 مسلسلات وبعضهم برضوا فيهم رقص وكلام مش طبيعى خالص هل الثوره مغيرتش تفكير الناس دول ولسه برضوا نفس طريقه التفكير فى الاعمال الدراميه وعلى فكره الاعلام ماثر جدااااااااااااااااااا فى اى مجتمع فى العالم


والله حاجه تحزن

[م.احمد زكريا]

بالعكس الناس فاكرة ان الثورة قامت يبقى انفتاااااااااااح على البحري ونلغي الرقابة

وكله واخد راحته بقى وهانبقى امريكا

ورجع اقول مصر قبل 25 هي هي مصر بعد 25

[AmAhmed]

التغيير الثقافي و الفكري بيحتاج عدة سنوات و اكتر من تجربة

[احمد المصرى]

احنا مش محتاجين سنوات علشان نرجه محترمين ومش لازم رمضان يبق اغلبه مسلسلات لازم نساعد الشعب انه يقرب من ربنا ومش لازم المسلسلات يبق فيها عاهرات وكاباريهات وحجات قله ادب علشان اقدر اسوقها


الاعلام كله عايز ثوره علشان نبق دوله احسن من الشكل السئ دا

[Bassem Taha]

بالعكس الناس فاكرة ان الثورة قامت يبقى انفتاااااااااااح على البحري ونلغي الرقابة

وكله واخد راحته بقى وهانبقى امريكا

ورجع اقول مصر قبل 25 هي هي مصر بعد 25

حضرتك جبت من الاخر فعلاً مفيش أي حاجه اتغيرت غير الرئيس و الحاشية اللي حواليه للأسف
وده نتيجة غياب الوعي الاجتماعي و الديني
محدش بيعمل حساب لحد والحياة فوضوية جداً هو اه فعلاً التغيير مش هيبقى فجأة لكن علي الأقل يكون ليه بداية نبدأ نعمل تغييرات صغيرة علشان تكبر بعد كده
قلنا منظمة التعليم بايظة وكلنا عارفين ده لكن ومع ذلك محدش اتحرك و السنة الجاية هتيجي و لسه في ثانوية عامة هو الناس دي مبتفهمشششششششششششششششششششششششششششششششششششششششششششش شششش

ما تشوفوا بيعملوا ايه بره ونعمل زيهم
عمرو أديب قال كلمه وفعلاً صدق قال ( لو جت السنة الجاية ولسه فيه ثانوية عامه لم هدومك و امشي من البلد )
انا بقولها بقالي 5 سنين والله بس الحمد لله ان في حد يقدر صوته يوصل للناس قالها ويا رب نلغي النظام المتخلفففف ده بقى

[Ghosts]

حضرتك عايز مسلسل يبقى فية غادة عبد الرازق و لوسى ....
ويبقى محترم ....
طب أزاااااااااااااااااااى ؟

[hossam_elwani]

السلوك الاجتماعى مش حيتغير بين يوم وليله لازم وقت وضوابط بس البدايه مهمه وده الى عملته الثوره وان شاء الله الى الامام

[احمد المصرى]

وليه كل دا ميتغيرش احنا لسه هنتكلم خلاص شبعنا من الكلامن عايزين كل حاجه تتغير على الاقل نجرب مش هتخسر اكتر من ال خسرناه طول عمرنا

[medododo]

يعني بعد الغاء الرقابة ممكن نشوف زهرة وأزواجها 2564
ههههههههههههههههههههههههههه

[Bassem Taha]

وليه كل دا ميتغيرش احنا لسه هنتكلم خلاص شبعنا من الكلامن عايزين كل حاجه تتغير على الاقل نجرب مش هتخسر اكتر من ال خسرناه طول عمرنا

اقل حاجه ممكن نعملها ان احنا نقاطع المسلسلات دي كلها ونفوق لشهر رمضان المبارك احسن
وربنا يهدي الناس دي

[احمد المصرى]

اقل حاجه ممكن نعملها ان احنا نقاطع المسلسلات دي كلها ونفوق لشهر رمضان المبارك احسن
وربنا يهدي الناس دي

كل سنه بنقول كدا واغلب الناس بتتلهى فى التلفزيون وتنسى رمضان لازم بجد الاعلام يكون نظيف ويكون هادف

[Bassem Taha]

كل سنه بنقول كدا واغلب الناس بتتلهى فى التلفزيون وتنسى رمضان لازم بجد الاعلام يكون نظيف ويكون هادف

انا عن نفسي مش بتفرج

[azmeralda]

زى القصة اللى بتتحكى ان واحد عاش كام سنة يحاول يغير اهل بلده بعدين عاش كام سنة يحاول يغير اهل منطقته بعدين كام سنة يحاول يغير جيرانه بعدين كام سنة يحاول يغير عيلته
بعدين ابنه الصغير قطع له الجرنان وعرف يلزق الصفحة تانى مع انها رسمة الكرة الرضية
قال عرفت تصلح ازاى قال له فى الظهر كان مرسوم وجه انسان
فعرف ان عشان تغير العالم لازم تغير نفسك الأول

فاللى مش عاجبه ان المسلسلات كده لازم يحاول ميتفرجش وبعدين الموضوع اسهل كتير فى رمضان لأن بيبقى فى برامج دينية جميلة وتحفة بيبقوا محضرين حاجات برضه كتير والجو كله مساعد

كنت عايزة اعرف هم اصحاب القناة بقى بيعرفوا نسبة المشاهدة منين يعنى بيعرفوا مثلا لو الناس متفرجتش على المسلسل لو كده ده هيفرق