بداية فوضى الامن

[A.Saad]

هههه موضوعاتك دائما تأتي بنتيجة عكسية
تفتكر ده ليه ?

لو السؤال ده ليا انا
اعرف ان الموضوع لسه فى اوله وهيكون متجدد بإذن الله
ولو تابعت مشاركاتى من 25 يناير
الحمد لله
حاجات كتير منه صح
تحياتى

[A.Saad]

الميدان أثبت إنه واعي و فاهم و قادر على تمييز الخبيث من الطيب و لا خوف عليهم إن شاء الله

المشكلة مش اللى فاهم
المشكلة اللى بيمشى ورا الكلام وميفكرش فيه
ده اللى تلاقى واحد بيدور على مصلحته ويلعب عليه ويستغله

[yyy]

طب معلش تعالوا نتكلم بصراحة
انا شايف ان الموضوع دلوقتي لا يقع ع عاتق الشرطة بس او المتظاهرين بس بل ع عاتقهما هم الاتنين

بالنسبة الشرطة :

فعلا هم منسحبين و المفروض ينتشروا عن كده لكن ايه السبب ؟؟؟ عجز في الافراد
بدليل انك لو دخلت اي قسم هتلاقي الموجودين يتعدوا ع الصوابع معلش يعنى ممكن تفهمنى الافراد دول راحو فين (استشهدوا فى الثورة مثلا)
و اللي شوفته ان بيحاولوا يتم توزيعهم قدر الامكان و الدوريات اليومين اللي فاتوا نزلوا تمام فعلا نزلو وكانوا شغالين كويس
لكن انسحبوا تاني مش زي ما نزلوا من ساعة ما اعلنوا حركة التنقلات والتطهير بتاعة الداخلية وهما اختفوا
و بالتالي في ناس بتستغرب لما واحد يقول دور ع عربيتك انتو اصحابك و منقدرش ندخل الحتت ديه فعلا ازاي هيدخل هو و 4-5 في منطقة عاملة زي الباطنية المفروض بيتعمل كوردون امني حوالين المنطقة و ده بتحتاج لاعداد فيه و بتبقي مجزرة كمان و خاصة ان دلوقتي مفيش حد من الاشكال ديه الا و معاه اسلحة بانواعها دة على اساس ان قبل كدة كانوا بيجيبوا حاجة ..فى عربية واحد اتسرقت من سنتين وبلغ وعرف مكانها وطلبوا منة عشر تلاف جنية وياخد العربية ..الشرطة ولا عملتلو حاجة فمش جديدة يعنى
فشايف انهم ينتشروا قدر الامكان في الاماكن اللي بعيدة عن المظاهرات و بالتالي اماكن المظاهرات اللي يتولي حماية المكان المتاظهرين من خلال اللجان و غير كده الشرطة و الجيش طبعا معاهم

طيب بالنسبة للمظاهرات :
هم عليهم الذنب الاكبر ...ليه ؟؟؟
هديكوا مثل بسيط لمجرد ان امين شرطي و مفصول من الدخلية عدي من هناكالدنيا اتقلبت عليه و اتمسك و عشرات مسكوا فيه كأنهم مسكوا ارهابي
قبلها يوم 28-6 برده امين شرطة عدي من هناك مسكوه و نزلوا فيه ضرب و مفيش غير قلة خلصوه بالعافيه ودوه للاسعاف بعد ما اضرب

فالطبيعي ان الشرطة تنسحب من اماكن الاعتصامات و غير ده في ناس هتيجي تولعها تفتعل مشكلة مع الشرطة عشان كله يضرب في الشرطة و العكس و نعيد الكرة تاني و الناس اللي بتقومها كتيير
و اقرب مثل فيديو اتنشر ع المنتدي هنا فيه واحدة من حركة و لا حزب مش عارف ايه فضلت تستفز ظابط لحد ما زقها و الموضوع مقصود و تم تصويره و تقولها صورتي اللي حصل يعني مترتبة
فتخيل بقي اللي هيزيطوا في الزيطة و برده الجيش انسحب اللي نزلوا التحرير ايام الثورة هيلاقوا ناس كانت بتتلكك للجيش عشان يمسكوا في بعض و بالتالي انت مش عايز تدي اي فرصة لأي حد ان يتلكك لك

و الطبيعي لو انت اضربت مش هتسكت يعني لو انت واقف انت و اصحابك و جيه واحد حادف طوبة عليكم اول حاجة هتعملوها ايه ؟؟هتروحوا تطبطبوا عليه ؟؟؟ لأ هتجيبوه من شعره و يتسحل ضرب و ده غير الشتيمة
فتجنبا لأي حاجة تحصل بينسحبوا من اماكن الاعتصامات و المظاهرات
عشان محدش يتلكك

بالاضافة ان كل ما الشرطة تنزل تطلع المظاهرات تضرب الشرطة الشرطة ترجع تاني تنسحب
و كل يوم و التاني ظابط يموت او يتصاب او واحد عادي يتعدي ع ظابط يبقي عايز الشرطة تنزل ازاي و انت مش مديهم فرصة حتة ينزلوا
ده يبقي كويس لو ناس اتقدمت لكلية الشرطة السنة ديه
واحد مش عاجبه ان الشرطي بيكلمه ان داخل غلط راح نازل ضاربه يا فرحتي ماشى دة يستاهل ضرب الجزمة
انهاردة قدام عيني في اشارة واقف طريقنا عشان الناحية التانية تعدي سواق تاكس راح مزعق فيه و عايز ينزل يضربه عشان يفتح الاشارة
هل التاكسي ده كان يقدر يعمل كده قبل كده ؟؟؟ و دة برضة يستاهل ضرب الجزمة


و فيه عضو قال ان تأمين المتحف ع اللجان الشعبية بس من اللي قالك كده ؟؟؟؟ هل نزلت شوفت ؟؟ انزل شوف
سيادتك فيه افراد جيش و شرطة جوة المتحف و معاهم 20-25 شاب بيأمنوا بالتنسيق معاهم لكن جوة بس يعني محدش ليه دعوة باللي برة غير اللي واقفين برة
الجيش بيأمن المنشأت الهامة و الحيوية فقط و ما حوالها دلوقتي و لا حضرتك بتكلم ان الجيش يوقفلك ع كل عمارة في مصر وحدة ؟؟؟

و اخيرا صدقوني يا جماعة احنا اللي نقدر نخلي اللي يجي يتعامل معانا زي ما احنا عايزين باسلوبنا و احترمنا للقوانين احنا اللي نجبر اللي قدمنا المحترم منهم بيبان علطول وهو اللى بيجبر اللى قدامة انة يحترم القوانين و يحترمة هو شخصيا ..انما النوع التانى وهو دة اللى الناس بتعترض علية وهو اللى مبوظ سمعة الشرطة تبقى ماشى محترم وملتزم ودة يطلعلك ولازم يدفعك اى مخالفة وخلاص وغالبا فى لجان الردار (ولما تكلمة حد تلاقية اتقلب واخر احترام وسلملى على الباشا واتفضل حضرتك )وزى اللى يعمل كمين باليل ويمسك كام واحد بلطجى ولا محترم مش مشكلة المهم يبقى عمل شغل
زي لما بتتعامل مع واحد لو انت اتعاملت معاه بطريقة غير محترمة هو هيتعامل معاك بنفس الطريقتك او يعني اللي تنفع معاك زي سواقين الميكروباصات عالم عايزة الحرق هل هتروح تتكلم معاه و تطبطب عليه لأ اول حاجة هتنزل تديله في وشه عالطول
هو الموضوع زي كده بالظبط

انما تجبلي واحد معندوس استعداد يلتزم بابسط القوانين و جاي يقولك أصل الشرطة مش ملتزمة يا عم طب اتلهي ع عينك التزم انت الاول و بعدين اتكلم

[Mzeid]

للأسف دة اللي كنت متوقعه بعد 25 يناير
مشكلتنا كمصريين بناخد المواضيع بقلبنا مش بعقلنا يعني عاطفيين زيادة عن اللزوم

ليه مكنش سقوط النظام الحاكم و الحكومة شرارة البدء علشان نتنقل لمرحلة النهضة زي ما حصل في اليابان بعد الحرب العالمية و زي النهضة اللي بداتها ماليزيا
ليه مصرين نقف مكنا
ليه مصرين نقعد نقول دة اللي غلطان لا دة اللي غلطان لا التاني اللي غلطان
ليه لو سمعنا ان فيه اعتداء على الشرطة نقول ما هو بسبب اللي كانوا بيعملوه في الناس
ليه ايام 25 يناير اقتحمنا الاقسام و والله أعرف ناس محترمة و مش بلطجية ولا حاجة فرحانين انهم دخلوا و سرقوا ورق المحاضر من الاقسام ورق محاضر لمجرمين ممكن اي حد فيهم يأذيني انا او غيري
ليه احنا جايين نقول نقفل قناة السويس لو الكلام دة صح
لو لي أخ او صديق شهيد في 25 يناير و اللي قتله طلع براءة مش هزعل لا بالعكس هفرح لأنه رايح لمحاكمة اكبر و اعلى بكتير من محاكماتنا الدنيوية محاكمة الله عز و جل و عقابهم هيكون اشد
ليه كل واحد شايف ان مصلحتنا بطريقة مختلفة

كفاية بقى يا مصريين كفاية
دلوقتي الوقت اللي نزق البلد لقدام

و اعذرني يا استاذ احمد لو كنت طولت بس انا موافقك تماما

[تامر.محمد]

ليك وحشة
ا / تامر انا بكلم على اهالى محبوسين فى اقسام حولوا يخرجوهم

و حضرتك يا استاذ احمد و لو اني عاتب على حضرتك عتاب :(
بالنسبة للموضوع , طب لما دول اهالي محبوسين لا علاقة لهم بالمتظاهرين , و احنا اصلا في بلد فيها اكبر تعداد قوات امن في العالم , و التحرير اساسا مافيهوش امن , و السويس كذلك , يبقى ليه ندخل اهالي المحبوسين دول في الناس اللي بيدوروا على حقوقهم و حقوق غيرهم و حقوق بلدهم ؟

مظلومين !!!!!!!!
يعنى كل اللى فى الحبس مظلومين ولا ده لمجرد ان الشرطة هيا اللى قبضت عليهم
اعتقد ان فيه نيابة ومحاكمة لرفع الظلم
لكن لو دى طريقة رفع الظلم
فمن حق اى شخص انه اما يشوف ان الثوار مخطئين يتعامل معاهم بالعنف برده
لانهم من وجهة نظره مخطئين

يا ستاذ احمد , النيابة و المحاكم اللي بيرفعوا الظلم دول طريق ثبت فساده و لو حضرت محاكمة اي مدير امن هاتشوف ده بعينك , حط نفسك مكان واحد شاف بعينه الظابط فلان بيقتل ابنه ( وهما في الاقاليم عارفين بعض) و تيجي النيابة و المحاكم تبرأه

يا استاذ احمد انا عارف ان حضرتك عايز البلد تستقر و تتحرك , بس حضرتك زي اللي بيقول لاصحاب الحق اسكتوا عشان البلد تتحرك ( او مش قادر تتحرى و تدقق و تتحرى الموضوعية اكتر عشان تشوف ان فيه اصحاب حق مش الكل مدعين , مش عارف بصراحة) و في المقابل ما قلتش لأ خليني مع دول عشان لما ينتصروا في معركتهم مع الظلم البلد ترجع مستقرة و نضيفة و تتحرك بجد , مش تتحرك لصالح الحيتان

[A.Saad]

و حضرتك يا استاذ احمد و لو اني عاتب على حضرتك عتاب :(
بالنسبة للموضوع , طب لما دول اهالي محبوسين لا علاقة لهم بالمتظاهرين , و احنا اصلا في بلد فيها اكبر تعداد قوات امن في العالم , و التحرير اساسا مافيهوش امن , و السويس كذلك , يبقى ليه ندخل اهالي المحبوسين دول في الناس اللي بيدوروا على حقوقهم و حقوق غيرهم و حقوق بلدهم ؟

انا مش قصدى ان المتظاهرين مجرمين
غرض الموضوع
ان الاعتصامات واستمرار المظاهرات بيدى فرصة للبعض انه يستغلها فى اثارة الفوضى
وبيدى فرصة للبلطجية فى ضرب المتظاهرين واثارتهم على الدولة
واتاريك شوفت اللى اتقبض عليهم يوم الجمعة من اللجان الشعبية فى التحرير
هل هيكون شيء كويس اما تلاقى ضرب ومولوتوف فى التحرير دلوقت
انا مش مع تأجيل المحاكمات
لكن مثلا موضوع السويس
هل تقبل استمرار حبس المتهمين لو فيهم واحد طلع بعد 3 شهور بريء ، معتقدش انك هتوافق ، فى نفس الوقت انا بقر ان الموضوع طول بدون اسباب واضحة ، غير راغبة القضاة انهم ينقلوا المواضيع لدوائر جديدة


يا ستاذ احمد , النيابة و المحاكم اللي بيرفعوا الظلم دول طريق ثبت فساده و لو حضرت محاكمة اي مدير امن هاتشوف ده بعينك , حط نفسك مكان واحد شاف بعينه الظابط فلان بيقتل ابنه ( وهما في الاقاليم عارفين بعض) و تيجي النيابة و المحاكم تبرأه
بالطريقة دى يبقى هنشكك فى كل حاجة ومش هنطمن لحد
هيا دى المشكلة

يا استاذ احمد انا عارف ان حضرتك عايز البلد تستقر و تتحرك , بس حضرتك زي اللي بيقول لاصحاب الحق اسكتوا عشان البلد تتحرك ( او مش قادر تتحرى و تدقق و تتحرى الموضوعية اكتر عشان تشوف ان فيه اصحاب حق مش الكل مدعين , مش عارف بصراحة) و في المقابل ما قلتش لأ خليني مع دول عشان لما ينتصروا في معركتهم مع الظلم البلد ترجع مستقرة و نضيفة و تتحرك بجد , مش تتحرك لصالح الحيتان

ممكن تطلب حقك
لكن بلاش تدمر وتخرب
اعمل مظاهرة
مش لازم اعتصم
مش لازم احتك بالداخلية واحاول اقتحمها زى ما حصل قبل كدة
مش لازم اطالب بمجلس مدنى واقيل المشير والمجلس
لان اصلا طول ما فيه مظاهرات كدة يبقى مفيش انتخابات يبيقى مفيش استقرار

جزئية عدم موضوعيتى
ممكن تكون ظاهر ليك ان انا من انصار النظام البائد او بترحم عليه
والسؤال ده skynbird لسه سائله ليا برده
الحمد لله
قبل ما اقول راي بحاول على قد مقدر اعرف الحقيقة او الدافع ورا الاحداث
ومقدرش انحاز لطرف لمجرد انه يبان انه مظلوم
لازم تعرف هو فعلا وحقيقة مظلوم ولا بيدعى
واعرف ان الانحياز الاول والاخير ليا
بلدى واهلها وبس
لا حركة ولا حزب بتمناه

[amado ibrahim]

تسلم يا دون امادو
للأسف بعد ما قريت الموضوع التنموي الرهيب بتاعك اتوقفت قبل ما اعلق عليه :(
عموما بعد كده ثبت لي ان وقت التنمية ما جاش للأسف , اي محاولة للتنمية هايتم افشالها زي زمان بالظبط :(



تسلم يا باشا :)


هو انا تعليقي كان على اول مشاركة في الموضوع لأني ما كنتش قريت الباقي

و لما قريته بصراحة جملة واحدة ضربت في دماغي
باتعجب بشدة من الناس اللي بتجري تدين بسرعة اي حاجة فيها و لو شبهة غلط (او حتى مافيهاش) يعملها الاهالي المظلومين بهدف رفع الظلم عنهم
و في نفس الوقت ما يطرفش لهم جفن لما السلطة تسرق او تقتل او تنتهك او تظلم او تنحرف , بييييييييييييييس ولا كأن الواحد فيهم شاف حاجة , بيبقى من بنها

تسلم يا دون امادو
للأسف بعد ما قريت الموضوع التنموي الرهيب بتاعك اتوقفت قبل ما اعلق عليه :(
عموما بعد كده ثبت لي ان وقت التنمية ما جاش للأسف , اي محاولة للتنمية هايتم افشالها زي زمان بالظبط :(

يا فندم ربنا يكرمك

واضح فعلا ان وقت التنمية لسة مجاش

والا نبقى بنضحك على نفسنا

اهم من الشغل

ايه

تضبيط الشغل

جارى الضبط

و التضبيط

تقبل تحياتى

[زهير فكري]

اولا ردا علي السيد ( تامر.محمد) ذكر سيادته ان الناس بتبقي عارفه ضباط الأقسام في الأقاليم , هذا الكلام غير صحيح علي الاطلاق فمن يعرف ضابط معين بأسمه في القسم فهؤلاء من معتادي ارتياد الأقسام او من المسجلين او دائما في حاله صدام مع الشرطه و بيفسحوه هناك كتير فطبيعي يكون عارف بعضهم او احدهم تحديدا , حتي في القري والتي تكون اقل عددا من المدن ممكن تلاقي النقطه ودي نادرا ما تجد بها ضباط اساسا كبيرهم ممكن صول . ثانيا
التظاهر و التعبير عن الرأي حق لكل مواطن , ولكننا الآن نتكلم عن
الاعتصام في الميدان حتي تتحقق المطالب فلا مانع من التظاهر بشرط عدم الاخلال بأمن البلاد والعوده لنقطه الصفر , فحق الشهداء الأبرياء اللذين قتلوا غدرا بالميدان او في اي مكان آخر ...يجب فيه القصاص ولا خيار آخر , اما جزئيه الافراج عن المتهمين من الوزراء في قضيه واحده فمن الممكن استدعاؤهم في قضايا اخري و يثبت التورط فيها زي ما حصل مع زكريا عزمي لما افرجوا عنه و رجعوا حبسوه تاني , يبقي كده احنا بنقول لأحكام القضاء انها ما لهاش لازمه , يعني احنا عايزين حكمنا احنا يتنفذ و طبعا القاضي ليه بالورق و ضميره و طبعا النيابه والنائب العام في صف الشعب لكن لعبه الورق و المحامين معروفه , يبقي السؤال هل احنا يبقي عندنا صبر الصيادين ونعرف نكتف الفريسه صح و لا نجعلها تخرج من الشبكه خصوصا ان دول مش اي فرائس و لا الغضب يعمي ونطالب بتعليق المقاصل والتشكيك في كل شيء طالما مش علي كيفنا , مما يفتح ابواب كثيره علينا و يجعل بعض من الحمقي يستغل هذه الظروف و يحاول ان يزيد النيران و يستثمر غضب الناس و يوجهه كما يريد كوسيله ضغط لتحقيق مصالح شخصيه , بالاضافه ان القضاه سوف يرفضون و يعارضون ان تتم ضغوط عليهم مما يضع الجميع في حرج بالغ , ويدفعنا دفعا لا اراديا الي ان نجعل القائمين علي شؤون البلاد والمسؤولين عن امنها يخضعون لاراده الشعب و يقومون بفرض الحكم العسكري بدلا من ان يتحول كل فرد من الشعب لقاضي و جلاد وتعم الفوضي العارمه , والتي لن يتركها اولي الأمر الآن تسير في هذا الاتجاه ليس من دافع الوصايه علي الشعب بل من دافع المسؤوليه والواجب وانهم من الشعب ايضا و دورهم يلزمهم بهذا , طبعا جميعنا يعلم جيدا الثمن الفادح من جراء فرض الأحكام العسكريه علي البلاد و سيكون وقتها و بعد ان يفيق الجميع من نوبه الغضب سيجد نفسه كمثل الدب الذي قتل صاحبه ظنا منه انه يضرب الذبابه التي علي انفه !! .

[otefa]

http://www.nilemotors.net/Nile/231815-a.html

[م. عمرو شرف]

ازاي عايزني اقتنع بكلامك و الشرطة و الجيش منسحبين من مناطق الاعتصام في كل المحافظات و عملية تأمين العمارات بل و المتحف المصري تقع علي عاتق اللجان الشعبية

ازاي اقتنع و شرطة مصر و امنها المركزي هم الاكبر عالميا بل ان اسرائيل تشتكي من كثرة اعداد الامن المركزي المحسوب علي قوات الجيش عددا

لأن الجيش عارف أن فيه مجموعه وسط المتظاهرين هتعمل أحتكاك مع الجيش وتهيج المظاهرات عليهم

مصر فيها اماكن كتير غير ميدان التحرير
واللى اعرفه ان الجيش هو اللى بيلبس امن مركزى احيانا فى سيناء
مش العكس

قطاع الامن المركزى فى سينا عباره عن جيش ولبسهم شرطه ومعاهم كارنيهات شرطه علشان اتفاقيه كامب ديفيد

اولا اشكر لك مشاركتك فوق فهى فرصة لكى يعرف الاخر منا طريقته

لا امنى ان تشيع الفوضى فى مصر
ولم اكره الثورة فى بداياتها ولا حتى الان
ولكن كرهت فيها
اصرار البعض على الانتقام ، انتقام من كل ذيول النظام او من مبارك نفسه
لكن لست ضد محاكمة المخطيء وتكون محاكمة عادلة
ليس فيها ظلم لهم او للوطن
كرهت حالة من التخبط وعدم التفكير فى المستقبل
على المستوى الشخصى
افضل ان اسأل :
وماذا بعد
ورد الفعل
يعنى ايام معركة الغاء الدستور كنت من المعارضين
لانى توقعت حالة من التخبط بعد ذلك
ويمكن الرجوع لمشاركاتى
وهو ما تراه الان
بجدالنا وتفرقنا
الدستور ام الانتخابات اولا

كرهت ان البعض يريد ان
يرث ولا يبنى
يبحث عن الاموال المنهوبة
دون ان يعمل ليبنى بلده
ويتحدثون عن نصيب الفرد من الاموال المنهوبة
فاين نصيب البلد من عملهم
كرهت تدمير الشرطة
لانها بنيت فى سنوات عديدة
لا انكر اخطائها الماضية
ولكن يمكن تقويمها بدلا من تدميرها
لم يجب ان تصل المواجهات يوم 28 الى احراق المركبات والاقسام وقتل الظباط والجنود وقتل المتظاهرين
انا كنت فى الشارع يوم 29 الصبح
من اخر الهرم الى وسط البلد
مشاهد غريبة
تدمير ولا شيؤ غيره
طيب
هل بنينا التدمير ده
لا
كرهت كل شوية مليونية واعتصام
كل ما الاقتصاد يقوم
يرجع يقع تانى
البورصة خسرت الاسبوع الماضى
حجوزات الشتاء للسياحة اتلغت فما بالك بحجوزات الصيف
خد بالك حجوزات الشتاء
يعنى لسه اقتصادك مش هيقوم لحد الشتا
كرهت ان انسان كان باين انه وطنى طلع انه ساعى للسلطة - معلش انا عارف انك بتحبه -
كرهت ان مموح حمزة محركه الاساسى هو الانتقام من نظام سابق

نفسى المطالب تتحقق
لكن مش اوقف البلد علشان احققها
انا مبحبش النظام القديم ولا بشكر فيه
لكن بلدى اهم عندى منه
تقبل تحياتى

من أفضل الكلام اللى سمعته

[AmAhmed]

لأن الجيش عارف أن فيه مجموعه وسط المتظاهرين هتعمل أحتكاك مع الجيش وتهيج المظاهرات عليهم

لم اسئل لماذا انسحبوا .. اسئل لماذا اصبح العدد غير كافي الان !
و عموما تم إحالة مأمور «سمسطا» إلى التحقيق ووقفه عن العمل
و ده دليل علي مشكلة في عمل الشرطة كما قلت في مشاركاتي السابقة و نرجوا ان يكون التحقيق منصف حتي نصل لحل للمشكلة

ط¥طط§ظ„ط© ظ…ط£ظ…ظˆط± آ«ط³ظ…ط³ط·ط§آ» ط¥ظ„ظ‰ ط§ظ„طھطظ‚ظٹظ‚ ظˆظˆظ‚ظپظ‡ ط¹ظ† ط§ظ„ط¹ظ…ظ„ ط¨ط¹ط¯ ظ‡ط±ظˆط¨ 11 ظ…ط³ط¬ظˆظ†ظ‹ط§ ظ…ظ† ط§ظ„ظ‚ط³ظ… | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±

[م. عمرو شرف]

عارفين أيه اللى كارهين البلد عايزين يعملوه

ممكن يهددوا المجرى الملاحى أو السفارات أو الاجانب أو خطوط الغاز أو أثارة الفتنه الطائفيه أو الأهداف الحيويه أو الهجوم على الأقسام أو التعرض لعناصر الشرطه والجيش

وضيف على كده تهريب الاسلحه والمخدرات من على الحدود

والأهم محاولة البعض ( وشفنا بتوع مصطفى محمود ) عمل جبهه عدم محاكمة مبارك , مش الغرض منها عدم محاكمته , لكن الغرض أن اللى بيطالبوا بمحاكمته ( باقى الشعب ) يحصل عنده أحتقان ويحصل تصادم بين الناس

طب كل ده يحصل أزاى ( فيه أيه لسه ما أتحققش )

لما يحصل فوضى أمنيه

لما يبقى الشرطه مالهاش وجود

لما يبتدى اللى بيهدوا جهاز الشرطه ينادوا بهد الجيش والهتاف ضد المشير وطلب مجلس رئاسى ( رجعت النغمه دى تانى )

أحداث مسرح البالون والهجوم على وزارة الداخليه كان غرضها أيه , ولا فيه حد هيقول أن الداخليه هى اللى راحت ضربت المتظاهرين

الجرايد والأعلام اللى قال بعدها أن الداخليه متغيرتش وأنها راجعه تانى علشان تنتقم من الشعب , الغرض منه أيه

ضابط الشرطه اللى مات علشان بيمنع حرامى يسرق عربيه , الغرض منه أيه

ومعتقدش أن فيه شخص مش مقتنع أن فيه دول ( مش بس أفراد ) مش ممكن تسمح بأنك تقف على رجليك

طب تعمل ده أزاى

مفيش أكتر من اللى بيحصل دلوقت غير بعد الداخليه ما تنهار تماما وبعد كده لما الجيش يقع

مش شرط أنه يقع بطريقه محاولة أيقاع الداخليه

لكن كفايه أن الداخليه تقع والجيش يتورط فى حفظ الأمن داخليا وتزيد الفوضى ويبتدى الناس تهاجم الجيش أنه مش عارف يتصرف ( لأنها مش مهمته التى يتقنها ) , وساعتها الحدود هيحصل فيها خلل , مش شرط ساعتها يحصل هجوم خارجى لكن دخول كل أنواع السلاح و الممنوعات اللى تساعد فى خراب البلد

وبعد كده نشد خط ونبتدى من جديد ونعمل مجلس رئاسى ويحيينا ويحييكم ربنا

نفس سيناريو العراق لو فيه حد ناسى

الداخليه أتفككت لأنها من العهد البائد وبعد كده الجيش أتفكك لأنه برضه من نفس العهد وبعد كده مجلس أنتقالى وبعد كده ..................

الموضوع مش دستور أولا أو محاكمات أو غيره

الموضوع أكبر من كده

طبعا فيه أعضاء هيقولولى أيه علاقة الكلام ده بمظاهرات التحرير

ردى أن كل واحد بيفكر بطريقته

مع تحياتى للجميع

[م. حاتم السباعي]

دي تمثيلية بقي و لا ايه؟ بين (( رئيس الوزراء و بعض الثوار )) للاسف الشديد

للاسف الشديد دي تمثيلية ماسخة و واضحة اوي
اضربو انتو (( و انا الاقي ))
اعتصمو انتم و انا اقول انكم الشعب و انكم الجماهير
و لما كل مطالبهم كلها خلصت بشوية اصدار كام قرار يا عم شرف يا ثوري
كان ايه اللي معطلك في اتخاذ اللازم نحو التحرك لتحقيق العدل
و ايه هيه السلطة الجامدة دي اللي تخليك ( تنهي خدمة ) كافة الضباط المتهمون قبل ان يصدر قرار المحكمة
و اين هو دور المجلس العسكري من خطابك و انت محسسنا انك ( حاكم مصر كلها كده ايه النشاط ده )
.................................................. ..............
اخيرا و ليس اخرا
الموضوع شكله غبي و مازال البعض بيمارس فرض وصايته علي هذا الشعب
وواضح جدا الاتفاق الفاضح بينك و بين بعض من دعي للتظاهر و الاعتصام
و لن ننخدع بشعارات ( يسقط شرف ) كان نفسي يكون الشكل و المضمون افضل من ذلك بكثير
و لكن لا يسعنا الا ان نتوجه لله الواحد القهار ان يظهر المتأمرون علي هذا الشعب
و ان يفضحهم و ان كنتم تريدون الخير للبلد فاللهم انصركم و يسر لكم
و لو اني اشك كثيراااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااا
في ذلك و المنتظر الان الاتي:-
يرفض المعتصمون القرارات او يهللو لها و لكن لن يفض الاعتصام اليوم
و علي بكره او بعده يعلن جماعة 6 ابريل و الكام ائتلاف عن تحايلهم علي المعتصمين و انهم اقنعوهم لتعليق الاعتصام فقط و ليس الفض حتي يعلن عن محاكمات علنية و حتي يتم اسقاط المحليات و المحافظين و رؤساء الجامعات و رؤساء البنوك و رؤساء غرف خلع الملاعب
ياما في الجراب يا حاوي (( اقصد يا شرف ))
انا بجد مستغرب جداااااااااااااااااااااااااااااااااااااااااااااااا ااا
من السهولة اللي اتخذ بيها القرارات

م.حاتم السباعي

[dr_magdi2009]

للأسف دة اللي كنت متوقعه بعد 25 يناير
مشكلتنا كمصريين بناخد المواضيع بقلبنا مش بعقلنا يعني عاطفيين زيادة عن اللزوم

ليه مكنش سقوط النظام الحاكم و الحكومة شرارة البدء علشان نتنقل لمرحلة النهضة زي ما حصل في اليابان بعد الحرب العالمية و زي النهضة اللي بداتها ماليزيا
ليه مصرين نقف مكنا
ليه مصرين نقعد نقول دة اللي غلطان لا دة اللي غلطان لا التاني اللي غلطان
ليه لو سمعنا ان فيه اعتداء على الشرطة نقول ما هو بسبب اللي كانوا بيعملوه في الناس
ليه ايام 25 يناير اقتحمنا الاقسام و والله أعرف ناس محترمة و مش بلطجية ولا حاجة فرحانين انهم دخلوا و سرقوا ورق المحاضر من الاقسام ورق محاضر لمجرمين ممكن اي حد فيهم يأذيني انا او غيري
ليه احنا جايين نقول نقفل قناة السويس لو الكلام دة صح
لو لي أخ او صديق شهيد في 25 يناير و اللي قتله طلع براءة مش هزعل لا بالعكس هفرح لأنه رايح لمحاكمة اكبر و اعلى بكتير من محاكماتنا الدنيوية محاكمة الله عز و جل و عقابهم هيكون اشد
ليه كل واحد شايف ان مصلحتنا بطريقة مختلفة

كفاية بقى يا مصريين كفاية
دلوقتي الوقت اللي نزق البلد لقدام

و اعذرني يا استاذ احمد لو كنت طولت بس انا موافقك تماما

لو ثورة فعلا كانت بدات تاخد مصر للامام ..........
مافضاتش تدور على الشهيد و حقة و نكريمة
الشهيد .. مش منتظر تكريم من البشر ........و لا عاوز ياخد حقة .........زهو نال الشهادة

يلا بقى ياثائر ابنى بقى ........زز
كل مافتح التلفزيون طلبات و طلبات .....مفيش سقف .......و يظهرو على الاعلام و يشعروك بان لو حققت لهم الطلبات دى الدنيا هاتبقى فلة ............ و للاسف الوضع بيسؤ اكتر

[korkor]

ايه الفلول احتلت المنتدى مافيش ثوار يردوا ولا ايه