بداية فوضى الامن

[devilishtigers]

وهل من حق المتظاهرين قفل مجمع التحرير
وقفل الطرق المؤدية للميدان
وقفل طريق العين السخنة
يعني ايه الطلب بالغاء قانون تجريم التظاهر الذي يؤدي الى ايقاف عجلة العمل
اللي عايز يتظاهر يتظاهر بس ما تخليش التظاهر بتاعك يعتدي على حرية حد وتكون مطالب عقلانية ومطالب تخصك وتخص قضيتك انت دون فرض وصايتك على حد والطلب بقرارات تلمس وتخص باقي الناس
طيب ما تخلوا الناس تخش وتشتغل في المجمع والناس اللي شغالة في المصانع في السخنة تروح تشتغل
بصراحة سياسة لوي الذراع بقت بايخخخخخخخخخخخخخخخة اوي وطعمها ماسخ والمفروض اللي ليه حق بس هو اللي يتكلم
يعني انا اخويا مات في المظاهرات اروح اتكلم واطلب ده دون التعدي على حرية الاخرين وارضى بالحكم (ده رائي) وانتظر حساب يوم القيامة الذي لا يظلم فيه شخص
وفعلا والله كنت بسأل نفسي سؤال هو لو انا في مظاهرة وفي واحد جنبي اتقتل هعرف اسم الظابط اللي قتله ازاي.؟؟؟؟؟؟؟؟؟؟
ولو بعد كدا في مظاهرات حصلت وحبوا يفرقوها ويفضوها وواحد اتصاب مش مات يا ترى ايه اللي هيحصل.؟؟؟؟؟؟؟؟؟؟
ربنا يستر ويعدي اليومين دول على خير

[A.Saad]

اعمل برقيات
اعمل مظاهرات وفضها
ابعت التماسات وتظلمات
علق يفط
ان شاء الله تقف بالكلاكسات تحت بيته
مش هنغلب
لكن اللى بيحصل دلوقتى كتير على بلدنا

[otefa]

بسيطة جدا و في ايديهم
نفس مطالب اهل السويس و نفس مطالب الناس اللي في التحرير يا باشمهندس , و بالمناسبة الموضوع ولا مجلس رئاسي ولا دستور جديد , لا انكر ان فيه ناس بيقولوا كده لكنهم قلة ضئيلة, و طبعا اللي عايز يشوه بيروح حاطط الكاميرا عليهم و هما دول اللي في الميدان

طيب ياهندسة وليه ما نضفش الثورة الأول من القلة دي
وياترى مين أصحاب الكاميرات وألي ليهم مصلحة مباشرة من تضخيم الأقلية
في نظري همى دول الثورة المضادة ألي لازم تبتر قبل ماتلوث الثورة وده دورنا كلنا نوعي الناس بيهم قبل مانطالب بتحقيق أي حقوق لأنها شبكة مش أفراد في الشارع والسلام دي ملايين من الدولارات بتحركهم وفي ناس مازالت في النظام السياسي بتدعمهم وبدعم من بعض رجال أعمال +رجال أعمال محرمة(تجار سلاح+تجار مخدرات+عملاء للغرب)
العدالة ألي بنطلبها كلنا مش هاتتحقق غير أذا بقى عندنا مجلس شعب منتخب من الشعب وحكومة دائمة نعرف نحاسبها
وهمى دول ألي هايعيدو هيكلة الدولة وكشف مواطن الفساد في أجهزة الدولة ويتم كويها في خطة ممنهجة وليس بطريقة مفاجئة ممكن تهدم الدولة بسهولة جداااااا

[sara2001]

اقول لحضرتك حكاية القصاص دي ما لهاش معني ليه

دلوقتي لو كنت حضرتك زيي من الناس اللي نزلت يوم 28 و اتضربت رصاصة و استشهدت...اهل حضرتك هايعرفوا منين اسم الظابط اللي ضرب النار؟يا جماعة ما كلنا نزلنا المظاهرات انا مش متخيل اني لو كنت اتقتلت في ميدان الجلاء ولا ميدان التحرير يوم 28 يناير والدي هايعرف اسم الظابط ولا المجند اللي ضرب النار في وسط الزحمة و يطالب بالقصاص..و اللي المفروض يتحاسب في الحالة دي هو وزير الداخلية و مساعديه و دول كلهم مرميين في السجن دلوقتي

طيب الظباط الي بيتحاكموا دول الناس جابت اسمائهم منين؟ دول ظباط الاقسام اللي الاهالي و البلطجية حاولوا يقتحموا اقسامهم و يطلعوا المساجين و يسرقوا سلاح و ينتقموا منهم و دول بيبقوا معروفين بالاسم للسكان و للمسجلين خطر في دائرة القسم...يعني انا مثلا دكتور ساكن في 6 اكتوبر...اسألني اسم مأمور قسم اكتوبر ايه...ولا أعرف...لكن انزل منطقة شعبية و اسأل الناس في دايره القسم هتلاقيهم عارفين اسم المامور و الظباط و الأمناء...و بالتالي اهالي البلطجية و اهالي الناس اللي ماتت بالصدفة و هي واقفة تتفرج هما دول اللي عاملين القلق ده كله و بيتاجروا بكلمة شهداء و البعض بينساق ورائهم عن جهل او عن سوء نيه بقصد استغلالهم لتمرير مطالب و اهداف اخري

متفقه مع حضرتك تماماً فيما عدا نقطتين
النقطه الأولى ان مش كل اللي ماتوا في الأقسام ولا بجوارها ولا حولها من البلطجيه
لأ في منهم كتير مظلومين في منهم صادف انه معدي في المكان ده وفي منهم كان بينقذ مصاب
وبالتالي من حقهم يطالبوا بحقوقهم هما كمان
النقطه التانيه ان في بعض المحافظات الناس بتكون عارفه بعض جداً بالإسم والعائله ووارد يكون في بعض المناطق الشعبيه كده زي في بعض المحافظات
لكن سؤالي كان على اللي اتقتلوا في الميادين في السويس او القاهره او الإسكندريه مش ممكن الأهل يعرفوا اسم القناص او الضابط اللي قتل الشهداء زي ما حضرتك ذكرت
المتهم الأساسي في قتل الشهداء هو من أعطى الأوامر بالقتل سواء كان مبارك او العادلي او مساعديه

[heshamzaky]

....... منقول ........


الأحد - 10 يوليو - 2011 7:10:17 مساء
الأشعل: يدين الإتجار بدماء الشهداء ويرفض الدية

الأسبوع أونلاين
أدان السفير عبدالله الأشعل المرشح المحتمل لرئاسة الجمهورية كل محاولات الإتجار بدماء الشهداء راجيا من التيارات الدينيه التي تتدخل في مسائل الدية وغيرها أن تنظر إلي مجمل الأهداف مشيرا إلي أن قتلة الثوارهم موظفون استخدموا سلاحهم الميري وبتعليمات من قيادتهم لإطفاء نار الثورة السلمية بالقتل والإرهاب؛ ولذلك لا تجوز الدية في هذه الجريمة الشنعاء، ولا تجوز النظرة الضيقة في جريمة نالت الوطن كله، ولا يجوز استخدم مال الشعب للإفلات من العقاب،

وأعلن الاشعل في بيان له الأحد أنه بصدد إعداد مشروع قانون لحماية الثورة يساعد في توفير الأساس القانوني لتجريم أفعال النظام السابق وطالب بتجديد الثورة وتحقيق أهدافها بوجود حكومة الانقاذ الوطني وتطهير جسد الدولة من رموز النظام البائد وأجراء محاكمات علنية في دوائر متخصصة ومتفرغة وإعلان هذه التشكيلات القضائية فورا والوقف الفوري لتصدير الغاز المصري لإسرائيل.

وأكد الأشعل أن خطاب رئيس الوزاراء يمثل محاولة للتهدئة وليس للعلاج خاصة وأن الثوار يشكون في قدرته علي تنفيذ مطالب الثورة.

[amro1965]

ليه بشوف تعليقات بتجيب اللوم على المتظاهرين من حيث
تعطيل الانتاج
رجوع مستوى مصر الاقتصادى
طب ليه لا يوجههوا لومهم لمن تباطى فى القصاص من المجرمين
لماذا التباطؤا فى محاسبه البلطجية اللى لو تتبعتهم تجد اخرهم جهاز الشرطة
اقول لحضراتكم ليه بمثال بسيط
لو اتقتل اخيك امامك
نسبه قتل قاتل اخيك بتكون 150 فى المائه هاتقتله لو واقف امامك
لكن لو مر يوم على القتل تنزل نسبه قصاصك من القاتل
لكن لو عدا شهر بجعل القضاء ياخذ مجراه بتنزل النسبه
لكن لو عدى شهور يبدا يفاوضوك على الديه
وهكذا تمر الشهور ويرجع اخوك عند ابوك والقاتل حر طليق وبيكون مثال يحتذى به باقى القتله
فهمتوا حاجة
شكرا

[A.Saad]

ليه بشوف تعليقات بتجيب اللوم على المتظاهرين من حيث
تعطيل الانتاج
رجوع مستوى مصر الاقتصادى
طب ليه لا يوجههوا لومهم لمن تباطى فى القصاص من المجرمين
لماذا التباطؤا فى محاسبه البلطجية اللى لو تتبعتهم تجد اخرهم جهاز الشرطة
اقول لحضراتكم ليه بمثال بسيط
لو اتقتل اخيك امامك
نسبه قتل قاتل اخيك بتكون 150 فى المائه هاتقتله لو واقف امامك
لكن لو مر يوم على القتل تنزل نسبه قصاصك من القاتل
لكن لو عدا شهر بجعل القضاء ياخذ مجراه بتنزل النسبه
لكن لو عدى شهور يبدا يفاوضوك على الديه
وهكذا تمر الشهور ويرجع اخوك عند ابوك والقاتل حر طليق وبيكون مثال يحتذى به باقى القتله
فهمتوا حاجة
شكرا

وهما ليه ميحترموش القضاء ويطالبوا بحقهم فى العدل بعدل
لازم واحد يتحبس
ولو بريء
حضرتك هتتحمل وزر ذنب ظلمه

وعلى فكرة فيه مواضيع كتير جدا فى المنتدى اتعملت
وناس كتير قدمت شهادتها
ان فيه ناس ماتت بعيد عن المظاهرات
وناس ماتت عند الاقسام
بقم شهداء
وبعدين ايه الشهادة مدفوعة الاجر دى
مسمعتش عن شهيد طالب بالقصاص او طلب اجر على شهادته
الشهادة بتكون فى سبيل الله
سبحانه من يجازى عنها

[zaza_lanos]

حقهم لو شايفين رجالة ماكانوش عملوا كده

[zegzaag]

شكلها باظت

[misoalex]

هو الخبر عن نقطة الشرطة وحضرتك كاتب القسم فياريت الايضاح
فى حالة عدم الصحة سيتم طلب الحذف من الادارة
وتتمة الخبر من موقع اخر انه لم يحدث اشتباك وحصلت تهدئة من الشرطة والمقتحمين

وانا معرفش غير قسم المنتزه النقطه دى تلاقيها شقه دور ارضى فى اى حته

[م.احمد زكريا]

اضف الى مكتبتك هذا ( الخبر )

تمكنت القوات المسلحة
بالمنطقة الغربية العسكرية من إحباط محاولة تهريب أسلحة ثقيلة وخفيفة وذخائر متنوعة قبل دخولها الأراضي المصرية عبر أحد الدروب الصحراوية على الحدود المصرية الليبية 90 كيلو جنوب منفذ السلوم البري ، بحوزة أحد الليبيين كان يحاول تهريبها إلى داخل مصر .
وقد تمكن رجال حرس الحدود بالمنطقة الغربية تحت إشراف العقيد علي عشماوي قائد مكاتب الحدود ، وبمشاركة الرائد أحمد سمير نور الدين والنقيب كريم محمد علي من مكتب حرس الحدود بمطروح ، من رصد دخول سيارة "تويوتا لاند كروزر" بدون لوحات معدنية للأرضي المصرية قادمة من ليبيا جنوب منفذ السلوم البري ( بمنطقة الرابضة )وتم تتبعها ومحاصرتها بمعرفة قوات حرس الحدود وإطلاق الأعيرة النارية باتجاه السيارة ، والتي تمكن قائدها من الفرار والعودة للأراضي الليبية تاركا السيارة خلفه .
وبتفتيش السيارة وجد بها 16 بندقية قناصة و3 صواريخ جراد و5 قاذفات مضادة للدبابات و 4 قاذفات آر بي جي و10 بندقية آلية و3 رشاش جرينوف ورشاش واحد إم 59 و450 ، وكمية كبيرة من الذخائر متنوعة العيار بلغت 48 ألف و800 طلقة خزنة بندقية آلية و120 خزنة بندقية قناصة و3 خزنة رشاش و7 دانات آر بي جي .
وبعرض الواقعة على اللواء أركان حرب مدحت النحاس قائد المنطقة الغربية العسكرية قرر إحالة المضبوطات إلى نيابة مطروح العسكرية الكلية برئاسة العقيد خالد عبد الرحمن لمباشرة التحقيق.

[wael17]

متفقه مع حضرتك تماماً فيما عدا نقطتين
النقطه الأولى ان مش كل اللي ماتوا في الأقسام ولا بجوارها ولا حولها من البلطجيه
لأ في منهم كتير مظلومين في منهم صادف انه معدي في المكان ده وفي منهم كان بينقذ مصاب

بالتالي اهالي البلطجية و اهالي الناس اللي ماتت بالصدفة و هي واقفة تتفرج هما دول اللي عاملين القلق ده كله و بيتاجروا بكلمة شهداء و البعض بينساق ورائهم عن جهل او عن سوء نيه بقصد استغلالهم لتمرير مطالب و اهداف اخري

المتهم الأساسي في قتل الشهداء هو من أعطى الأوامر بالقتل سواء كان مبارك او العادلي او مساعديه

+111111
هو ده اللي انا باقوله...الظباط نفذوا اوامر قيادتهم...اللي في الاقسام جاتلهم اوامر باطلاق رصاص حي لمنع اقتحام الاقسام و مات بلطجية و ناس عادية تصادف وجودها في المكان ده امام الاقسام (مع ملاحظة ان الاقسام لم تكن ضمن اماكن التظاهرات التي تم الاعلان عنها قبل يوم 28 يناير...حد فيكم قبل يوم 28 لما كنا بنستعد للنزول سمع اي كلام عن تظاهر امام اقسام و محاولة اقتحامها؟ الكلام كله كان عن مساجد كبيرة بعد صلاة الجمعة و يتم التحرك الي الميادين...و في ظباط امن مركزي برده جاتلهم اوامر منع المتظاهرين من الوصول للميادين الرئيسية و اطلاق الرصاص عليهم و هم نفذوا الاوامر و طبعا الامر مش بيتقال " اقتلوا المتظاهرين الابرياء" لأ الامر بيبقي " منع العناصر المخربة و مثيري الشغب من الوصول للميادين"...ظابط الشرطة و الجيش مش شغلته يناقش اوامر قيادته و ينفذ اللي يعجبه و ما ينفذش اللي مش عاجبه...القيادة هي اللي بتبقي شايفة كل حاجة و كل المعلومات عندها و الظباط و العساكر بينفذوا الاوامر و بس....لما ينتج ضحايا ابرياء نتيجة تنفيذ الاوامر يبقي نحاسب القيادات (وزير الداخلية و مساعديه) و كلهم مرميين في السجن...لما العادلي ياخد براءة انا اول واحد هانزل الميدان

[M.Elwan]

+111111
...ظابط الشرطة و الجيش مش شغلته يناقش اوامر قيادته و ينفذ اللي يعجبه و ما ينفذش اللي مش عاجبه...القيادة هي اللي بتبقي شايفة كل حاجة و كل المعلومات عندها و الظباط و العساكر بينفذوا الاوامر و بس....لما ينتج ضحايا ابرياء نتيجة تنفيذ الاوامر يبقي نحاسب القيادات (وزير الداخلية و مساعديه) و كلهم مرميين في السجن...لما العادلي ياخد براءة انا اول واحد هانزل الميدان

هو حضرتك بتتكلم عن روبوتات بتتحرك بالريموت كنترول ولا عن بنى ادمين زىى وزيك يعنى يضربو نار بعشوائية وناس ملهاش ذنب تموت عشان غباء ناس ما بتفكرش

بالنسبة لتسلسل القيادة الاوامر تبلغ لرتبة قائد فى موقع زى مأمور القسم مثلا ومن حقه المناقشة ومن حقه يرفض التنفيذ لو هو مقتنع ان قراره صح وفى الحالة دى القيادة تلتزم بقراره وبعد مرور الظرف الاستثنائى يتم ايقافه عن العمل وتحويله لمحاكمة عسكرية لرفضة تنفيذ اوامر قيادة عليا ولو كان قراره صحيح حيقدر يثبت حقه ويتم محاسبة القيادة وهو يعود للعمل

لكن لو نفذ القرار والقرار كان خطأ ومات ناس ابرياء يكون مشترك فى الجريمة كفاعل اساسى والقيادة العليا تهمتها التحريض والاتنين يحاكمو امام محاكمة عسكرية مش مدنية زى اللى بيحصل دلوقتى

فى نقطة تانية صغيرة هى ان لو ظابط رايح يقبض على مجرم خطير والظابط قتله وثبت ان المجرم مكنش معاه سلاح ولم يكن يشكل تهديد على حياة الظابط يتم محاكمة الظابط بتهمة القتل العمد امام محكمة عسكرية

يعنى لو افترضنا ان اللى راحو عند الاقسام كانو مجرمين وده مش صحيح - لانهم فى اغلب المناطق مش كلها كانو اهالى ناس متاخده فى الاقسام بدون ورق ومرميين بقالهم سنين -
فمش من حق اى ظابط اعطاء الامر باطلاق النار الا فى حالة ان المجرمين بدئو باطلاق النار وده محصلش لان اللى راحو عند الاقسام مكنش معاهم سلاح

[wael17]

هو حضرتك بتتكلم عن روبوتات بتتحرك بالريموت كنترول ولا عن بنى ادمين زىى وزيك يعنى يضربو نار بعشوائية وناس ملهاش ذنب تموت عشان غباء ناس ما بتفكرش

حضرتك لما بيبقي في محاولة اقتحام لقسم الناس مش بتبقي واقفة صفين...البلطجية شمال و الناس العادية يمين...بتبقي زحمة و ضرب نار من الطرفيين و ماحدش يقولي ان الاقسام مانضربش عليها نار...يعني في وسط الزحمة في ناس بتضرب نار و مولوتوف علي القسم و حواليهم ناس مغطيين عليهم عن جهل او عمد

بالنسبة لتسلسل القيادة الاوامر تبلغ لرتبة قائد فى موقع زى مأمور القسم مثلا ومن حقه المناقشة ومن حقه يرفض التنفيذ لو هو مقتنع ان قراره صح وفى الحالة دى القيادة تلتزم بقراره وبعد مرور الظرف الاستثنائى يتم ايقافه عن العمل وتحويله لمحاكمة عسكرية لرفضة تنفيذ اوامر قيادة عليا ولو كان قراره صحيح حيقدر يثبت حقه ويتم محاسبة القيادة وهو يعود للعمل

يعني حضرتك شايف ان المأمور او الظابط لما يجيله أمر عادي ما ينفذهوش و يتحول لمحاكمة عسكرية...و كأن المحاكمة العسكرية دي حاجة بسيطة و هايتخصم له 3 ايام عشان مانفذش الأمر
طب و هم يضمنوا منين انهم ما ينفذوش الاوامر و بعدين الثورة تفشل و ساعتها المأمور اللي ساب قسمه و سلاحه يتسرق هايبقي متهم و يترمي في السجن...لما الاوامر وصلت لهم كانت جاية من النظام الشرعي القائم في الوقت ده (حتي لو فاسد و بنكرهه) بس كان هو السلطة الي بتصدر اوامر و تحاسب في حالة عدم تنفيذها...بعد كده النظام ده فقد شرعيته بنجاح الثورة و دلوقتي اللي من حقه يصدر اوامر و يحاكم في حالة عدم تنفيذها هو المجلس العسكري
لو كانت الثورة فشلت كان المأمور اللي هايدافع عن قسمه و يحافظ عليه هايبقي بطل و المأمور اللي يسيب قسمه و يهرب هايتحاكم و يتسجن
لكن لأن الثورة نجحت بقي المأمور الي ساب قسمه و هرب في السليم و اللي دافع عن قسمه متهم و مدان حتي من غير محاكمة

انا مع محاكمة القيادات اللي كانت أمامها الصورة كاملة و بتحمي النظام رغم فساده (وزير الداخلية و مساعديه) لكن محاكمة الظباط اللي علي الارض و بينفذوا اوامر هي مجرد نوع من التشفي و الرغبة في الانتقام

و بعدين لو افترضنا ان في ناس بتتهم ظابط بعينه ان مجنون و طلع ضربهم بالنار من غير سبب...الناس دي تروح تشتكي و تجيب شهودها و الظابط برده يجيب شهوده و القاضي يحكم و لو حكم بالبراءة ماحدش يعترض لكن تلاقي القاضي جوة قاعة المحكمة و بره مظاهرات و هتافات و محاولات اقتحام للمحكمة ...بقي اسمه قضاء و محاكمة عادلة؟؟؟؟؟ قاضي ايه ده اللي هايحكم حكم عادل و فيه ناس واقفة بره المحكمة حالفة تولع فيها لو الحكم مش علي هواها

[Amr Axel]

ايام البلطجية اللي نزلوا ليا جاري ظابط
حكالي ع اللي حصل في قسم مش فاكر و الله انهي قسم
فجاة لقوا هجوم ع القسم من اعداد ضخمة و محاولة للاقتحام و ضرب نار عليهم و مولوتوف و الظباط طلعوا جريوا فوق السطح و متعملوش و انتظروا الاوامر ع الجهاز
و المأمور قالهم هروح اجيب مساعدة و المأمور بلغ بالحالة جالهم الامر ع الجهاز بحماية انفسهم ضد اي اعتداء و ياخدوا الاسلحة اللي يقدروا عليها عشان متتسرقش و نزلوا من الناحية التانية
ده حسب رواية الظابط و اللي أكدها جار تاني كان في المنطقة هناك و ليه صديق ظابط جوة القسم