بداية فوضى الامن

[A.Saad]

يعنى لو افترضنا ان اللى راحو عند الاقسام كانو مجرمين وده مش صحيح - لانهم فى اغلب المناطق مش كلها كانو اهالى ناس متاخده فى الاقسام بدون ورق ومرميين بقالهم سنين -
فمش من حق اى ظابط اعطاء الامر باطلاق النار الا فى حالة ان المجرمين بدئو باطلاق النار وده محصلش لان اللى راحو عند الاقسام مكنش معاهم سلاح

M.Elwan
امال الاقسام اتحرقت ازاى غير من ناس متعمدة تعمل كدة ومعاها ادوات واسلحة
لو لفيت فى البلد 29 الصبح فى الهدؤ وشفت الاقسام وعربيات الشرطة المدمرة كنت هتعرف ان تدميرها عمداً

[wael17]

ايام البلطجية اللي نزلوا ليا جاري ظابط
حكالي ع اللي حصل في قسم مش فاكر و الله انهي قسم
فجاة لقوا هجوم ع القسم من اعداد ضخمة و محاولة للاقتحام و ضرب نار عليهم و مولوتوف و الظباط طلعوا جريوا فوق السطح و متعملوش و انتظروا الاوامر ع الجهاز
و المأمور قالهم هروح اجيب مساعدة و المأمور بلغ بالحالة جالهم الامر ع الجهاز بحماية انفسهم ضد اي اعتداء و ياخدوا الاسلحة اللي يقدروا عليها عشان متتسرقش و نزلوا من الناحية التانية
ده حسب رواية الظابط و اللي أكدها جار تاني كان في المنطقة هناك و ليه صديق ظابط جوة القسم

انا برده سمعت حكايات مشابهة
السؤال بقي ليه الاعلام التييييييت بتاعنا مش بيقول القصص دي؟ لأن الاعلام دلوقتي اتحول لنفاق الثورة و الثوار...امبارح كان مع النظام و دلوقتي بقي مع الثورة...مات الملك عاش الملك...لكن الحقيقة ايه؟ مش مهم!!

[M.Elwan]

حضرتك لما بيبقي في محاولة اقتحام لقسم الناس مش بتبقي واقفة صفين...البلطجية شمال و الناس العادية يمين...بتبقي زحمة و ضرب نار من الطرفيين و ماحدش يقولي ان الاقسام مانضربش عليها نار...يعني في وسط الزحمة في ناس بتضرب نار و مولوتوف علي القسم و حواليهم ناس مغطيين عليهم عن جهل او عمد

اه فى اقسام كتير منضربش عليها نار والظباط فيها انسحبو وده فى منطقتنا بالتحديد فى احد احياء مصر الجديدة
وفى اقسام الظباط جواها خرجو المساجين ومتصوره فيديو

تانى حاجة هما البلطجية دول مين بلانا بيهم مش برده الداخليه هى اللى كانت بتشغلهم بشكل مباشر او غير مباشر وخصوصا وقت الانتخابات

يعني حضرتك شايف ان المأمور او الظابط لما يجيله أمر عادي ما ينفذهوش و يتحول لمحاكمة عسكرية...و كأن المحاكمة العسكرية دي حاجة بسيطة و هايتخصم له 3 ايام عشان مانفذش الأمر

يعنى المفروض انه يخاف من المحاكمة العسكرية وينفذ الامر ويقتل ابرياء لكن ميخافش من ربنا وحساب الاخره وانه حيشيل فى رقبته دم شخص برىء طول عمره لحد ما يموت بس طبعا اهم حاجة ينفذ الاوامر ويهرب من المحاكمة العسكرية

طب و هم يضمنوا منين انهم ما ينفذوش الاوامر و بعدين الثورة تفشل و ساعتها المأمور اللي ساب قسمه و سلاحه يتسرق هايبقي متهم و يترمي في السجن...لما الاوامر وصلت لهم كانت جاية من النظام الشرعي القائم في الوقت ده (حتي لو فاسد و بنكرهه) بس كان هو السلطة الي بتصدر اوامر و تحاسب في حالة عدم تنفيذها...بعد كده النظام ده فقد شرعيته بنجاح الثورة و دلوقتي اللي من حقه يصدر اوامر و يحاكم في حالة عدم تنفيذها هو المجلس العسكري
لو كانت الثورة فشلت كان المأمور اللي هايدافع عن قسمه و يحافظ عليه هايبقي بطل و المأمور اللي يسيب قسمه و يهرب هايتحاكم و يتسجن
لكن لأن الثورة نجحت بقي المأمور الي ساب قسمه و هرب في السليم و اللي دافع عن قسمه متهم و مدان حتي من غير محاكمة

ده مكنش كلامى خالص لانى مجبتش سيرة الثورة اساسا لا نجاحها او فشلها
قرار الظابط اى كان رتبته يجب ان يكون ثابت بغض النظر عن النظام الحاكم او الظروف حكمه بيكون نابع من ضميره واخلاقياته ودينه وانه يكون عارف ان افعاله حيحاسب عليها امام ربنا

انا مع محاكمة القيادات اللي كانت أمامها الصورة كاملة و بتحمي النظام رغم فساده (وزير الداخلية و مساعديه) لكن محاكمة الظباط اللي علي الارض و بينفذوا اوامر هي مجرد نوع من التشفي و الرغبة في الانتقام

القيادات اللى اعطت الاوامر فى النهاية تهمتهم تحريض وومكن ياخده عقوبة الفاعل الاساسى لكن اللى نفذ الامر ولغى عقله وضميره ونسى دينه ونسى ربنا وقتل وايدىه محملة بدم الابرياء ياخد برائة !!!!

و بعدين لو افترضنا ان في ناس بتتهم ظابط بعينه ان مجنون و طلع ضربهم بالنار من غير سبب...الناس دي تروح تشتكي و تجيب شهودها و الظابط برده يجيب شهوده و القاضي يحكم و لو حكم بالبراءة ماحدش يعترض لكن تلاقي القاضي جوة قاعة المحكمة و بره مظاهرات و هتافات و محاولات اقتحام للمحكمة ...بقي اسمه قضاء و محاكمة عادلة؟؟؟؟؟ قاضي ايه ده اللي هايحكم حكم عادل و فيه ناس واقفة بره المحكمة حالفة تولع فيها لو الحكم مش علي هواها

حصل يا فندم بس ينفع حضرتك ظابط متهم بالقتل يفضل فى شغله ولا يتم ايقافه عن العمل لحين الانتهاء من المحاكمة ويمارس كل انواع الارهاب على الشهود لاجبارهم على تغيير شهادتهم مستخدم نفوذه وسلطته

[M.Elwan]

m.elwan
امال الاقسام اتحرقت ازاى غير من ناس متعمدة تعمل كدة ومعاها ادوات واسلحة
لو لفيت فى البلد 29 الصبح فى الهدؤ وشفت الاقسام وعربيات الشرطة المدمرة كنت هتعرف ان تدميرها عمداً

انا ملفتش يوم 29 لانى كنت موجود من 25
كلامك منطقى جدا بس تفسيرة عند الداخلية مش عندى
الموضوع فعلا كان شكله موضوع منظم ومترتب كأن ناس بتنفذ خطة لاشاعة الفوضى
تبدأ بحرق الاقسام لاثارة الذعر والفوضى
وبكده تجد الداخلية مبرر قوى لتنفيذ خطة الانسحاب الشامل من مواقعها
وبعدها تبدأ الخطوة التالتة باخراج المسجلين من السجون لبدأ السرقات واشاعة الرعب والفوضى
مع حملة اعلامية لبث الرعب على قنوات التليفزيون

وبكده الناس تقتنع ان الدولة بدون مبارك حتنتهى فالناس تخاف وتنتهى الثورة على كده ليبقى مبارك فى مكانه

[sara2001]

+111111
هو ده اللي انا باقوله...الظباط نفذوا اوامر قيادتهم...اللي في الاقسام جاتلهم اوامر باطلاق رصاص حي لمنع اقتحام الاقسام و مات بلطجية و ناس عادية تصادف وجودها في المكان ده امام الاقسام (مع ملاحظة ان الاقسام لم تكن ضمن اماكن التظاهرات التي تم الاعلان عنها قبل يوم 28 يناير...حد فيكم قبل يوم 28 لما كنا بنستعد للنزول سمع اي كلام عن تظاهر امام اقسام و محاولة اقتحامها؟ الكلام كله كان عن مساجد كبيرة بعد صلاة الجمعة و يتم التحرك الي الميادين...و في ظباط امن مركزي برده جاتلهم اوامر منع المتظاهرين من الوصول للميادين الرئيسية و اطلاق الرصاص عليهم و هم نفذوا الاوامر و طبعا الامر مش بيتقال " اقتلوا المتظاهرين الابرياء" لأ الامر بيبقي " منع العناصر المخربة و مثيري الشغب من الوصول للميادين"...ظابط الشرطة و الجيش مش شغلته يناقش اوامر قيادته و ينفذ اللي يعجبه و ما ينفذش اللي مش عاجبه...القيادة هي اللي بتبقي شايفة كل حاجة و كل المعلومات عندها و الظباط و العساكر بينفذوا الاوامر و بس....لما ينتج ضحايا ابرياء نتيجة تنفيذ الاوامر يبقي نحاسب القيادات (وزير الداخلية و مساعديه) و كلهم مرميين في السجن...لما العادلي ياخد براءة انا اول واحد هانزل الميدان

كلهم مسئولين ولكن كل واحد بقدر
لكن المقصود ان القيادات معروفه تماماً والباقي مجهولين للناس
الوحيد اللي ما اقدرش احاسبه العسكري الغلبان الجاهل اللى زي النموذج الموجود في فيلم البريء
والأقسام لم تكن ضمن نطاق التظاهرات فعلاً بس في بعضها كتير في اماكن سكنيه كثيفه
وحقيقة اللي حصل في الأقسام والسجون لغاية دلوقتي غير معروف وواضح لكنه بالتأكيد متعمد
متعمد من الداخليه والقياده السياسيه ومتعمد من بعض الخارجين على القانون
وفي كل الأحوال نتج عنهم قتلى مظلومين او غير مظلومين لا نعلم
وليس معنى ان واحد تم قتله بالخطأ أمام او في محيط القسم ولم يكن من المتظاهرين يبقى حلال فيه القتل ومش من حق أهله انهم يطالبوا بالقصاص !!!

[A.Saad]

هو ممكن ايضاح لجزئية التواجد بالخطأ امام الاقسام

يعنى انا عارف انه وقت مظاهرات
ووقت معارك مع الشرطة
ومشيت قرب قسم لقيت فيه ضرب وطلقات نارية ومولتوف وتجمهر
اروح اشترى سجاير من الكشك اللى جنبه ولا ابعد عنه

[otefa]

هو ممكن ايضاح لجزئية التواجد بالخطأ امام الاقسام

يعنى انا عارف انه وقت مظاهرات
ووقت معارك مع الشرطة
ومشيت قرب قسم لقيت فيه ضرب وطلقات نارية ومولتوف وتجمهر
اروح اشترى سجاير من الكشك اللى جنبه ولا ابعد عنه

أروح أشتري...... ألا السجاير أنت عارف السجائر لما تحكم

[A.Saad]

طب ولو هشترى ليان تشكلتس ولا كلورتس

[CryptonX]

طب ولو هشترى ليان تشكلتس ولا كلورتس

منتجات امريكية و اجنبية
يبقى حضرتك معاك اجندة اجنبيه و جاي تصور و تتجسس على القسم

[amro1965]

مش عارف رايحين فين ولا هنبدا من منين الله اعلم

[wael17]

هو ممكن ايضاح لجزئية التواجد بالخطأ امام الاقسام

يعنى انا عارف انه وقت مظاهرات
ووقت معارك مع الشرطة
ومشيت قرب قسم لقيت فيه ضرب وطلقات نارية ومولتوف وتجمهر
اروح اشترى سجاير من الكشك اللى جنبه ولا ابعد عنه

أروح طبعا اعدي قدام القسم يمكن ربنا يكرمني و اموت شهيد و لو ما موتش شهيد اصور شوية صور بالموبايل عشان افرجها لاصحابي

[otefa]

طب ولو هشترى ليان تشكلتس ولا كلورتس

تبقى أجندة أجنبية صحيح وأمن قومي ههههههههه

[A.Saad]

النداء الأخير"، هكذا قرر شباب الثورة أن يكون اليوم الثلاثاء ندائهم أخيراً للنظام بمجلسيه العسكري والوزاري, القوى السياسية الشبابية أعدت ليوم الثلاثاء خطة تصعيديه للاحتجاجات، وعلى رأسها مسيرة مليونية بميدان التحرير ستبدأ في تمام الساعة السادسة.

وقال الدكتور شادي الغزالي - عضو ائتلاف شباب الثورة – أن المسيرة ستنتهي باعتصام أمام مجلس الوزراء وتعتبر محاولة من جانب الشباب للتصعيد لرفض أي محاوله للتهدائة التي قد يصدرها مجلس الوزراء خلال الساعات المقبلة.

من جانبه، ذكر مصطفى شوقي – عضو المكتب التنفيذي لائتلاف شباب الثورة - للتحرير أن القوى الشبابية ستقوم بالإعداد لمسيرة تخرج من منطقة ناهيا ببولاق الدكرور متجهة صوب ميدان التحرير – وذلك في إطار الإعداد لمظاهرات اليوم الثلاثاء، التي ستنطلق من عدة مناطق شعبية صوب الميدان، مشيرا إلى أن هذه المسيرات هي محاولة لإحياء الميدان مرة أخرى، وتعريف الرأي العام في الشارع المصري بأهداف الثورة والاعتصام في ميدان التحرير.



اقتباس



تنظم القوى السياسية - المعادية للوطن - سلسلة من المسيرات الاحتجاجية على مدار 3 أيام متتالية للضغط من أجل تحقيق مطالب الثورة كاملة- المقصود مطالبهم الخاصة - ، تبدأ من المناطق الشعبية المختلفة باتجاه ميدان التحرير لحشد الجماهير مع الضغط على القائمين بإدارة شئون البلاد لتحقيق المطالب العاجلة المتفق عليها مع تحديد جدول زمنى واضح بباقى المطالب.
- طبعا الاماكن الشعبية علشان الجيش لو ضربهم يبقى البلد تولع كمان واعتقد انهم هيعملوا زى النظام السابق ويأجروا البلطجية -
المسيرة الأولى تنطلق اليوم الاثنين ناهيا ببولاق الدكرور باتجاه ميدان التحرير الساعة السادسة، أما المسيرة الثانية مع الاعتصام أمام مجلس الوزراء يوم الثلاثاء، أما المسيرة الثالثة يوم الأربعاء فتنطلق تمام السادسة من بإمبابة باتجاه التحرير.

[dr_magdi2009]

كدا يبقى الثورة هاتروح ......... علية العوض و منه العوض ......... يافرحة مرتضى منصور فينا كان بيقول مش ثورة دة انتفاضة

[M.Elwan]

العربية عاجل : الاعلان عن تغيير وزارى خلال ساعات فى مصر


اخييرا بدئو يستجيبو للثورة خصوصا مع الاعلان عن مظاهرات الثلاثاء