أخبار العصيان المدني

[MaZaGAngeE]

مع الفجر بدء العصيان المدني في السويس بالتنسيق مع القوات المسلحة
و من 10 دقايق دخلت اسكندرية في عصيان مدني

هل العصيان المدني هيحقق مالم تحققه الحوارات في الغرف المغلقة المكيفة ؟

[MaZaGAngeE]

في السويس تم غلق طريق بورتوفيق المؤدي الى الميناء و منع السيارات النقل من المرور و السماح للملاكي فقط
في اسكندرية تم غلق الكورنيش عند القائد ابراهيم و تم منع ضباط البحرية من الوصول للقاعدة و بدء اضراب عن الطعام بفرد واحد حتى الآن

[abou_ruqi]

تطور خطير ولكن لابد منه

[cyborg_ift]

الله المستعان

[raedegypt]

مثل هذة الامور للاسف ما هى الا بدايه الفوضى . الناس عمرها ما يجمعها هدف واحد وانما مجموعات لها مصالح مختلفه فى الفوضى دة ال ما كانش عارف يسرق فى الهيصه بقى بيسرق وال شغال براحته فى مخالفات البناء والتعدى على الاراضى عاوزين الدوله ليه . ال قاعد يهرب فى بضائع ومخدرات عاوز البلد ليه ... كل دول داخلين فى الخط ولهم مصالح. وبعدين احنا عايزين نفهم انتوا عايزين دوله بالكامل تنهار من اصغرها موظف الى اكبرها ويروحوا بما فيهم الجيش وبعدين نفكر نعمل ايه علشان نبنى الهرم دة كله تانى. ياجماعه ماينغع الكلام دة فى اى دوله فى الدنيا التغيير تدريجى وبياخد وقت وعلى سبيل المثال ال بيسيب شغله بيقعد شهرين وثلاثه يسلمه لغيره فما بالك دوله وكل كرسى له اسرارة واموال انفقت للتدريب والهيكله ماتقدر بقدرة قادر تهدها وتبنيها تانى فى يوم وليله خلوا الناس تشتغتل والتغيير ماشى بس وحدة وحدة علشان الدنيا ما تقع وبعدين ال قاعدين يقولوا مش عايزين شرطه ومجلس عسكرى ودول اخر اتنين البلد واقفه عليهم والا تروح البلد فى مهب الريح اصحوا اصحوا احنا فى خطر لو الاستمرار فى الدلع دة

[م.احمد زكريا]

في السويس تم غلق طريق بورتوفيق المؤدي الى الميناء و منع السيارات النقل من المرور و السماح للملاكي فقط
في اسكندرية تم غلق الكورنيش عند القائد ابراهيم و تم منع ضباط البحرية من الوصول للقاعدة و بدء اضراب عن الطعام بفرد واحد حتى الآن

[mohamedbook]

بما انهم لا يحترمون رائ الشعب
وبما انهم يكيلون بمكيالين في الاحكام علي الناس
وبما ان الفساد متفشي في القضاة
لازم البلد تنضف

[MaZaGAngeE]

العيسوي وافق على تعيين 10 آلاف محامي ظباط شرطة بالأقسام


و لسه

[mohamedbook]

العيسوي وافق على تعيين 10 آلاف محامي ظباط شرطة بالأقسام


و لسه

يقصد باية محامين
هل حديثي التخريخ من كليات الحقوق
ام خريجي كلية حقوق يعمل بالمحاماة من فترة (واعتقد اغلبهم اسفل واضل سبيل من الشرطة )
احنا عيزين عناصر لم تتلوث بالافكار والمعاملات السابقة القزرة

[Amr Axel]

اذن انها بداية النهاية
بداية الفوضي
الناس هتضيع البلد عشان بعضهم مش بيفكروا غير في المحاكمات و الفلوس اللي برة كل واحد فاكر انه هياخدله كام مليون و يهيص
الناس بره بقت تبص دلوقتي للشعب المصري ع انه متخلف و مش بيفكر في مستقبل بلده اكتر ما بيفكر في المحاكمات.....و عجبي!!
و ناس غيرهم بيبصوا للتغيير لكن عايزين عصاية سحرية تحقق لهم ده في يوم

العيسوي وافق على تعيين 10 آلاف محامي ظباط شرطة بالأقسام

حضرتك جبت الخبر ده منين يا ريت المصدر لأني معتقدش ان العيسوي يعمل كده
لأنه طلع قال مفيش نية لالحاق خريجي حقوق بالشرطة بالاضافة ان دول مش هيتعينوا مباشرة في الاقسام لازم يكون ليهم تدريب 6 شهور - لسنة ع الاقل
و بالنسبة الفكرة في حد ذاتها حلوة نظرا لأننا في حقوق بندرس القوانين و اطلاع ع الدستور و عارفين ازاي نتعامل مع الناس و عارفين حقوقهم و واجباتهم و عارفين حقوقنا و واجبتنا
فلو تم الحاقهم في الاقسام فقط و المرور مش الادارات الاخري هيكون كويس
ديه وجهة نظري

[mazagngi2010]

في ردود ترفع الضغط للاسف

[raedegypt]

العيسوي وافق على تعيين 10 آلاف محامي ظباط شرطة بالأقسام


و لسه

لاء وانت الصادق الوضع دة عايز انضمام المليون بلطجي للشرطه وتتلم الناس والبلد وخلونا نلم الموضوع قبل فوات الاوان

محاكمات ايه ولم فلوس انت هو المواضيع دة مش بالسهوله دة وعندك السعوديه والامارات عندهم مليارات البهاوات مش ها يطلعوا الفلوس دة والمضحك بيهددوا بطرد المصريين من اراضيهم اذا ضغط عليهم الحكومه المصريه . ياعم عندك مخزون قمح يكفيك لست شهور جايه ولا سولار ولا ولا ..... ولا دخل قناه السويس ال قاعد يقع كل يوم لمصلحه مين خلوا الناس تشتغل وحدة وحدة الاصلاح يجى

ولا السويس داخلين بخط دارفور فى السودان وعايزن يعلنوا الاستقلال ياجماعه فى مثل الاوضاع بتقبى اجندات قاعدة تتحرك ومحدش فاهم حاجه

[korkor]

مع الفجر بدء العصيان المدني في السويس بالتنسيق مع القوات المسلحة
و من 10 دقايق دخلت اسكندرية في عصيان مدني

هل العصيان المدني هيحقق مالم تحققه الحوارات في الغرف المغلقة المكيفة ؟

القوى السياسية بالسويس: لن نلجأ للعصيان المدنى بالمحافظة



اليوم السابع | القوى السياسية بالسويس: لن نلجأ للعصيان المدنى بالمحافظة

[Amr Axel]

في ردود ترفع الضغط للاسف

مفيش ضغط ان شاء الله و لا سكر
قولي بس مين اللي زعلك و انا اشكره....احم قصدي ... اوضبه :) ههههه

[abou_ruqi]

كلمت الاهل في اسكندرية بيقولوا الوضع طبيعي ومفيش لا عصيان ولا قطع طرق