البنوك - ياريت تقول تجاربك عايز أعمل حساب اطلع عليه فيزا

[shaddadfalcon1]

Hsbc

[Khaled Online]

أحسن بنك اتعاملت معاه وسمعته ممتازة من ساعة ما طلع حتى الآن hsbc والـatm بتاعه في كل حتة وتعمل كل حاجة على النت
كنت مع nsgb فترة طويلة عشان الشغل القديم وناس تعاملهم كويس لكن تحصل مشكلة تلاقي برود غير طبيعي في مواجهتها وده عن تجربة شخصية وأيضا من خبرات صحابي
nsgb اهرب منه

[رزق]

بما اني في شغلي بتعامل مع بنوك كتير
احسن بنك بالنسبالي hsbc و بالذات لو مرتبك بيتحول علي هتستمتع بالانترنت بانكينج

حساب توفير فى البنك الأهلى

Hsbc

شكرا على ردودكم

بص اولا الفرق ببين ال
انت لما تروح تفتح حساب فى nsgb هيدولك ATM تقدر تسحب بيها من الماكنة وتقدر باردوا تعمل ايداع من الماكينة
لكن لو هطلع فيزا هتستلم من البنك بطاقتين الأولى فيزا إليكترون والثانية فيزا الإنترنت

الفيزا إليكترون :تقدر تسحب بيها عن طريق ماكنية ال ATM أو تحولها لفيزا الإنترنت عشان تدفع بيها على النت

فيزا الإنترنت : هتقدر تدفع بيها أو تشترى بيها من على النت فقط ودى أمان طبعا عشان اللى هتحطه فى فيزا الأنترنت هو اللى هتقدر تتعامل به فقط (يعنى لو انت حاطط فى فيزا النت 100$ مثلا واتسرقت لقدر الله مش هتخسر غير ال100$ بس لكن حسابك زى ماهو)

بس عشان تطلع الفيزا لازم تحول المرتب او يكون ليك وديعة
لكن ال ATM Card بيطلع عادى اول ماتفتح الحساب

ارجو اكون اقدرت افيدك

تمام يعني لو حاطلع فيزا محتاج أحاول مرتب عليهم
إنما لو فتحت حسب حاخد atm كارد بس

سؤالين معلش
1 محتاج أعمل إيه عشان اخد debit card؟
2 الفرق مابين الوديعة والحساب ولا الوديعة ماينفعش ألمسها قبل وقت معيَّن؟

[رزق]

أحسن بنك اتعاملت معاه وسمعته ممتازة من ساعة ما طلع حتى الآن hsbc والـatm بتاعه في كل حتة وتعمل كل حاجة على النت
كنت مع nsgb فترة طويلة عشان الشغل القديم وناس تعاملهم كويس لكن تحصل مشكلة تلاقي برود غير طبيعي في مواجهتها وده عن تجربة شخصية وأيضا من خبرات صحابي
nsgb اهرب منه

شكرا يا باشا
أنا عايز أفتح اكونت بمبلغ أقَل من ال 5 المطلوبين ل hsbc للاسف

بالمناسبة حد يعرف إيه نظام البنك العربي الافريقي؟ أنا معايا فيزا انترنت عليه وممتاز لكن معرفش إيه نظام الحسابات معاهم

[Mostafa.Ismail]

طب في حد تجربته زفت مع بنك معيَّن ابعد عنه؟

CITIBank طبعاً ابعد عنة تماما ... اعتبرة مفتحش فى مصر.

[ShaDy MiGo]

أحسن بنك اتعاملت معاه وسمعته ممتازة من ساعة ما طلع حتى الآن hsbc والـatm بتاعه في كل حتة وتعمل كل حاجة على النت
كنت مع nsgb فترة طويلة عشان الشغل القديم وناس تعاملهم كويس لكن تحصل مشكلة تلاقي برود غير طبيعي في مواجهتها وده عن تجربة شخصية وأيضا من خبرات صحابي
nsgb اهرب منه

فعلا الhsbc هاتشوف فيه احسن معامله عشان كده انا بتعامل معاه والحمدلله مريحنى جدا فى كل حاجة والنس اللى جوه عارف فعلا بتفهم ...مش زى البنوك المصرية (معلش اصل ليه تجربة سيئا مع البنك الأهلى)
وال nsgb باردو كويس وفيه ميزة عن الhsbc انه بيطلعلك فيزا للنت لوحدها (ده لو انت مهتم بالشراء من النت وخايف الفيزا تتسرق) ....وكمان مصاريف فتح الحساب هتكون مناسبة للعضو اللى فاتح الموضوع
..لكن بالنسبة للمعاملة الكويسة او البرود فده بيختلف من فرع لأخر ....
وفى الاخر مش هتلاقى الفرق كبير اوى بين البنكين:b4_033:

[ShaDy MiGo]

شكرا على ردودكم



تمام يعني لو حاطلع فيزا محتاج أحاول مرتب عليهم
إنما لو فتحت حسب حاخد atm كارد بس

-مظبوط كده...

سؤالين معلش
1 محتاج أعمل إيه عشان اخد debit card؟
بص انا معرفش ايه المطلوب للديبت كارد لكن ممكن تطلع credit card بضمان الوديعة لو مفيش مرتب هيتحول
2 الفرق مابين الوديعة والحساب ولا الوديعة ماينفعش ألمسها قبل وقت معيَّن؟
الوديعة : مينفعش تسحبها غير بعد 6 اشهر من طلب السحب ..بكن ممكن تطلع بيها credit card وتسحب لحد 90% من قيمتها وتسدد خلال 55 يوم بدون فوائد
1- فى nsgb: اقل حاجة 50000 جنيه ويتكون سنتين او 3 او 5
2-بنك hsbc : اقل مبلغ 10,000 جنيه ومدتها 3 او 5 او 7 او 10 سنوات

تحت امرك فى اى سؤال:b4_033:

[رزق]

ألف شكر يا شادي باشا شكلك شغال في مواضيع البنوك دي

[ShaDy MiGo]

تحت امرك فى اى سؤال:b4_033:

- فى nsgb: اقل حاجة 5,000 جنيه ويتكون سنتين او 3 او 5
معلش انا كنت اقصد خمسة الاف جنيه ...مش خمسين الف

[ShaDy MiGo]

ألف شكر يا شادي باشا شكلك شغال في مواضيع البنوك دي

تسلم يا أستاذ رزق ...
بالتوفيق لك ...

[yoko]

متعاملتش غير مع hsbc وعملته جاري ب5000 جنيه وطول ما المبلغ فوق الرقم ده ما فيش مصاريف إداريه لو قل بيخدوا 35 جنيه في الشهر والdebit card دولي وبيخصم لو بره مصر 45 جنيه مصاريف إداريه في كل عمليه سحب وممكن تعمل كرديت لو تحب وإنترنت على نفس الحساب والإنترنت بانكيكنج محترم جدا لكن خدمة العملاء بعتلهم ميل ردوا بعد 48 ساعة عمل وده كتير جدا في عالم البيزنس

[FunnyMickey]

طب انا مسافر كمان كام يوم وعاوز اعمل فيزا تبقي معايا عشان مش عاوز ابقي شايل فلوس في المحفظه كتير
الدنيا مش امان
يعني عاوز ابقي مسافر حاطط في الفيزا 3000 جنيه مثلا
اصرف منهم
اعمل ايه بقي
انا مش فاهم اي حاجه من موضوع جاري ووديعه والكلام ده

[dramir1]

بنك فيصل في انترنت بنكي وdebit card

[yoko]

وأه حاجة كمان hsbc الdebit هو الفيزا إلكترون 2 في 1 ومعلش مفيش كرت إنترنت بس ممكن تطلع ديبيت إضافي تستخدمة للنت وبتحدد المبلغ الي يقدر يسحبة وبيطلع بمبلغ أهبل يعني أنا الديبيت ومصاريف فتح الحساب مع بعض 65 جنيه والكرت الإضافي
وأسف 8 جنيه بس لو دولي على الديبيت (مش متأكد بس ده المكتوب على النت والصفحة أهي)

https://www.hsbc.com.eg/1/2/ALL_SITE_PAGES/ways-to-bank-with-us/personal-banking-wtb/fees-and-charges

[yoko]

طب انا مسافر كمان كام يوم وعاوز اعمل فيزا تبقي معايا عشان مش عاوز ابقي شايل فلوس في المحفظه كتير
الدنيا مش امان
يعني عاوز ابقي مسافر حاطط في الفيزا 3000 جنيه مثلا
اصرف منهم
اعمل ايه بقي
انا مش فاهم اي حاجه من موضوع جاري ووديعه والكلام ده

أنا زيك فعملت جاري في hsbc وحطيت فيه 5000 وخلاص