نداء الي ثورجية التحرير - يوم 8 يوليو

[khaloooda]

حرام عليكم اللي بتعملوه ده
البلد بتقع
واحنا عمالين نهد القايمين اللي فاضلين فيها واللي واقفة عليهم بعد الباقي ما انهار
ضاعت الداخلية وحكمنا علي جمييييييييييييييييع الظباط بانهم قتلة وظلمة وكأنهم من الهند مش من مصر
مفيش حد فينا تقريبا الا ويعرف ظابط شرطة محترم
صحيح هم قلة بالنسبة للاغلبية الغير محترمة
لكن ده مش معناه اننا نلعنهم كلهم

اسوأ ما في الثورة اعلامها اللي اتحول لشئ حقييييييييير
لا يعرف المهنية ولا المصداقية
بيطبل ويهلل للكسبان
الليلة دلوقتي مع مين
الثورة والثورجية
خلاص طبل يا عم وهلل وذييييييييع
حاجة فعلا بقت مقرفة
نفسي الاقي صحفي او مذيع واحد في قناة مصرية
"موضوعي"
يقول اللي للثوار وكمان يقول اللي عليهم

اللي عمله فينا اعلام الثورة في شهور قليلة
معملوش اعلام امن الدولة وحسني مبارك في سنين

يا بهوااااااااات اصحوا
فوقوا

النهاردة اااااااااخر قايمين في البلد
القضاء والجيش

بدأت الناس تشتم في القضاء وتشكك فيه
البيه اللي بيقول في تحايل وتحيز للظباط المتهمين وازااااااااي يفرجوا عنهم ؟؟؟؟

حضرتك قريت قانون الحبس الاحتياطي
قريت قانون العقوبات
قريت قانون الاجراءات الجنائية
تعرف حاجة عن تعليمات المكتب المكتب الفني للنائب العام بخصوص التحقيقات وقرارات النيابة المتعلقة بيها
الاجاااااااااااااابة لأ لأ لأ لأ لأ لأ لأ لأ لأ لأ لأ لأ

يبقي حضرتك تروح تسأل حد كبير - اقصد حد متخصص وهو يقولك
الحد الكبير ده هيقولك ان اخلاء سبيل ظباط السويس وااااااااااجب قانونا علي القاضي اللي اصدره بسبب نص القانون الصريح في هذا الشأن
هتستغرب !!!! اسأل قبل ما تتكلم
وبعدين هو اخلاء السبيل يعني البراءة
ما هم لسه متهمين

وبعدين ايه المطلوب من القضاه انا عاوز افهم ؟؟؟؟!!!!!!

يهللوا ويطبلوا للثورة والثوار ويسبحوا بحمدهم زي اعلامنا الهمام

يا سيدي الفاضل القاضي ملوش غير الورق بسسسسسسسسسسس

احنا مش عارفين نثبت التهمة علي حبيب العادلي او غيره من الظباط او حتي علي مبارك
دي مشكلتنا احنا
لكن القاضي محدش هينزل معاه قبره
محدش من الثورجية هيتحاسب بداله
اقولها تاني ... حاضر
القاضي ملوش غير الورق بس - الادلة - البراهين فقططططططط

لكن احد الثوار فاجئنا بتصريح من يومين ان " الثورة اوجدث حالة من الشرعية الثورية وان علي القضاء ان يحترم هذه الشرعية وينزل عليها " يعني البيه عاوز احكام علي مزاج الثوار
لييييييييييييييه ... عشان الشرعية الثورية

وعشان نكون منصفين
فيه فعلا بطء في اجراءات المحاكمات وده من السهل التدخل بتعديله
ممكن يكون محل مطالبة وهيتم الاستجابة ليه لان ده اجراء مش محتاج اكتر من قرار بسيط بتعديل جدول الجلسات وتعجيل موعيدها
لكن نعمم زي الاخ اللي بيقول ان " الفساد متفشي في القضاة "
لأ لأ لأ لأ
عايزين محاكم عسكرية وماله روحوا اعملهم محاكم عسكرية بس متهدوش الله يكومكوا في القضاء
فيه فاسدين ويحتاج لتطهير - اه مننكرش - ما هو نظام افسد بلد بحالها 30 سنة مش هيطول القضاء حاجة بسيطة
بس الحمد لله هي فعلا حاجة بسيطة
مجرد بقع صغيرة علي ثوب ناصع البياض
نشيلها ونرجع الثوب زي ما كان ولا نحرقه احسن ؟؟؟

القايم التاني : الجييييييييييييش

ابوس اديكو

حد يقدر من الثورجية يقولي لما نوقع الجيش من هيدير البلد في الفوضي اللي احنا فيها دي

يا ريت اللي ياخد موقفه يكون قده ويحسبه كويس

يعني هو كان الاحسن ان الجيش يعلن الاحكام العرفية ويعتقل اي حد ينزل الميدان ويضرب بايد من حديد ويعمل محاكمات عسكرية لرموز النظام ولاي بني ادم ويقتل ويعتقل اي حد يفتح بؤه كنتو هتستريحوا ؟؟؟؟؟؟؟!!!!!!!
لما الحرية اللي قامت عشانها الثورة ينتهكها ويلغيها المجلس العسكري ببساطة

البلد علي شفا جرف هار - تقسيم - ازمة مياه - اقتصاد منهاااااااار - فتنة طائفية - اعداء في الجوار وغيرها من المصااااااااااايب

ياريت اللي عايوين حتة من التورتة يستنوا شوية الدنيا مش هطير
تستوي التورتة وابقي كل ياسيدي براحتك
لكن دلوقتي
هتوجع بطنك

افهم

[A.Saad]

حرام عليك انت
عايز توقف المد الثورى الجرار
اللى هيخلى امريكا تركع لمصر
عايز توقف قوة شعب فى سهر الليالى فى الميدان
عايز توقف اساطيل الكدابين اللى كل شوية بيبانوا فى الميدان
عايز توقف الاختلافات بين الاحزاب اللى هتقلب البلد فوق على تحت

ده اللى هتسمعه كمان شوية
ياما اكلمنا ومحدش بيسنع الا اللى على مزاجه
صوت الانتقام اللى جواه

[aminibrahim]

معاك قلبا وقالبا---

انا نفسي الجيش يعتقل كل الاعلا ميين بس ويقفل كل القنوات الي عمال تاكل عيش علي قفي مصر الحبيبه

تحس انهم مأجورين الي عايز ثوره الاعلام

لكن حضرتك انت بتقول لمين انت بتدن في مالطه

[medododo]

حرام عليك انت
عايز توقف المد الثورى الجرار
اللى هيخلى امريكا تركع لمصر
عايز توقف قوة شعب فى سهر الليالى فى الميدان
عايز توقف اساطيل الكدابين اللى كل شوية بيبانوا فى الميدان
عايز توقف الاختلافات بين الاحزاب اللى هتقلب البلد فوق على تحت

ده اللى هتسمعه كمان شوية
ياما اكلمنا ومحدش بيسنع الا اللى على مزاجه
صوت الانتقام اللى جواه

+111111111111111
لا ان شاء الله مش هتسمع حاجة
بقينا 4 مش عاجبهم اللي بيحصل
ياريت اللي هيعلق يكتبه رقمه مؤيد ولا لأ

[Centurion]

انت من الفلول؟ :)

[HOSSAM99]

هي المشكله إن المفروض إن المبادره كانت تبقي من الهيئات القضائيه و تجتمع فيما بينها و تنسق مع وزارة العدل و مع المجلس العسكري لتحديد
مواعيد غير عاديه و إجراءات غير عاديه لمحاكمة من أرتكبوا جرائم أثناء الثوره
و تكون هذه الإجراءات و المواعيد كافله لحقوق كلٍ من المتهمين و المجني عليهم
و التحفظ علي الشهود بطريقة أو بأخري لعدم التأثير عليهم (معظم المخلي سبيلهم كان بسبب تغيير أقوال الشهود التي أدلي بها أمام النيابه )

و القضاء و الجيش أتفق أنهم من الدعائم الأساسيه للبلد ..... لكن الدعامه الرئيسيه هي الشعب

[yahyanaabil]

اللى عنده حل تانى غير التظاهر عشان الناس تاخد حقوقها يقوله ونفتح نقاش مفيد انما نقول حتهدو البلد وتخربو البلد والكلام ده مفيهوش منه فايده لان الناس بقالها خمس شهور ما شفتش حاجه فخلاص الناس منعدهاش استعداد تتقبل الكلام ده
من ناحيه الاعلام حضرتك عندك حق ماشين باسلوب عاش الملك مات الملك

[eto_cairo]

بصراحة كدة وحاجة واضحة للجميع : مافيش حصلت من بعد سقوط مبارك غير تحت ضغط المظاهرات المليونية من اول حبس مبارك و اولاده و كبار المسئولين الحرامية و اعوانهم و حل امن الدولة و الحزب الوطنى و كل حاجة حصلت كانت بسبب ضغط المظاهرات ولولا كدة ماكنش ولا حاجة حصلت خالص وراجع هتلاقى كل القرارات بتصدر اما الاربعاء او الخميس استباقا أو مسكنات قبل المظاهرات .

[korkor]

وعندك واحد فلول كمان

[mahamedaraby]

مؤيد لكل كلمه قولتها
وهما عارفين كل كلمه قولتها وعارفين انهم يمثلوا تقريبا 30% من الشعب وان ال 70% مش هماهم حاجه كل اللى يندوا بيه
ودى صوره معبره عن طريقه تفكيرهم

[mazagngi2010]

ط®ط²ظ†ط© ط¯ظ…ط§ط؛ظٹ: ط§ظ„ظƒظ†ط¨ط©

[AmAhmed]

ط®ط²ظ†ط© ط¯ظ…ط§ط؛ظٹ: ط§ظ„ظƒظ†ط¨ط©

شكرا لك علي التعريف بهذه المدونة
تحمل اراء جيدة بصياغة هادئة

[Dojuar]

من خرج بالأمس له كل الحق في الخروج

والان أنتم لكم كثير من الحق في ما تقولون

أنا شخصيا كنت متحمسا للخروج بل شجعت على ذلك (مع بعض الحذر) و كنت سأخرج شخصيا لولا ظروف خاصة

طبعا سمعت بالهتافات التي نادت بسقوط المشير ثم شاهدت ليلا برنامجا سأفرد له موضوعا خاصا

كل ما أرجوه منكم أن تهدأوا و تترفقوا في من خرج

كلنا مصريين..و الأولى بنا الان أن نحلل ما حدث بالأمس و نرى مل يخبئه المستقبل القريب

[م. عمرو شرف]

الطريق الى جهنم مفروش بالنوايا الحسنه

[khaloooda]

ياريت يكون نقاش موضوعي محترم
مفيش داعي للكلام ده يا اخ korkor

انا مش ضد انك تتظاهر عشان تاخد حقك ومقلتش ان المجلس العسكري ملايكة وسبحت بحمدهم ورفعت راية بطولاتهم زي ناس
بالعكس انا ليه رأي في المجلس العسكري وموقفه من الثورة من اول يوم لكن مش وقته ولا موضوعه هنا

لكن خلينا موضوعيين

انت نزلت يوم 8 يوليو
عاوز اييييييييييييييه

عاوز تعجيل المحاكمات .. حقك وطلب مشروع وممكن اجابته ببساطة
بس من غير قلة ادب وشتيمة في القضاه والقضاء وقدح في شرف وذمم الناس بدون دليل
حضرتك بتفهم في القانون او درسته
الاجابة لأ
الرد : روح اسأل واعرف الاجراءات اللي ممكن تتعمل عشان تتكلم علي بصيرة
واطلب حقك
عاوز تسجن قتلة المتظاهرين في السويس اللي اخلي سبيلهم مؤقتا علي ذمة القضية
لو سألت هتعرف ان اخلاء سبيلهم مش مؤامرة علي حضرتك ولا علي الثورة
ده حكم قضائي موااااااااافق للقانون - ولو كان القاضي طاوع الثوار وامر باستمرار حبس المتهمين ، كان اصغر محامي بشلن هيطعن علي الحكم ويلغيه ويجيب لهم اخلاء سبيل

عاوزين دم ومشانق في التحرير ونعيد تجربة الثورة الفرنسية - اوكيه
اسحب القضايا من القضاء المدني واركن القضاه علي جنب وحولها للقضاء العسكري
وانت هتاخد احكام بالاعدام والمؤبد لكل اللي ميضايقينك خلال ايام واولهم حسني وحبيب العادلي

بس في حاجة مهمة اوييييييييييييي
متجيش تلوم حد ولا تصوت لما المحاكم العسكرية تاخد العاطل بالباطل وتلاقي ابرياء من اعلاميين ورجال اعمال شرفاء وظباط وقضاه محترمين اخدتهم المحاكم العسكرية في الرجلين
ما هو ساعتها هتبقي شرعية ثورية تبيح في نظر الجالس علي المنصة اي شئ
ما ده لصالح الثورة
وده حال محاكم الثورة عموما عشان محدش يقولي مش هيحصل ،، ولينا سابقة في ثورة يوليو والمحاكمات اللي صدرت بعدها

عاوز الدستور اولا وتأجيل الانتخابات
عشان الاخوان
انا مش فاهم ايه موضوع الاخوان وحالة الفزع والتخوين دي
انا مش معاهم ولا ضدهم
لكن ناس بتتسجن وتتبهدل من سنة 1928 وناس تاني بتبيع مواقفها للحكومة واحزاب كرتونية وشباب مكنش يعرف حاجة عن البلد وصحي فجأة عاوز يكون ليه دور
اتفضل اعمل حزب وانزل للناس
الاستفتاء خلص 19 مارس
والانتخابات في سبتمبر
لكن نلغي الامتحان عشان في طالب مذاكرش
حتي لو عنده ظروف منعته من المذاكرة
فيه غيره استحمل الظروف دي وذاكر
كل واحد ياخد حقه
وبعدين يا جماااااااااااااااااعة الاخوان عددهم وقوتهم اقل بكتير من اللي الناس فاكراه
اديهم الفرصه وانتو هتعرفوا تأثيرهم الحقيقي
لكن تتطلع عاوز تلغي اللي فات وتبدأ من اول السطر
لأ

عاوز المجلس العسكري يرحل
والحكومة ترحل - انا شخصيا لا اطيق عصام شرف من تاني يوم تولي الوزارة لكن مش كل مسئول هيمسك عايزينه يجيب مصباح علاء الدين ويوجد لنا حلول سحرية
طب وبعدين
التغيير لا يأتي فجأة - دي سنة كونية وقاعدة ربانية مش من عند حد

انزل محدش منعك بس من غير متهد البلد
حدد مطالبك وافهم وادرس حالة البلد كويس
وبلاش حماس غير محسوب
انما هنقول
القضاء فاسد - الجيش فاسد - الحكومة عليلة - رجال الاعمال حرامية - ظباط الشرطة طغاه وفاسدين .... طب مين الكويس

يا جماعة لازم ندرس ونفكر قبل ما نطلب

يا جماعة ثورة الجياع لو طلعت علينا نتيجة توقف عجلة الانتاج هتنسف البلد
هتكون ثورة لا تبقي ولا تذر
مش هتفرق

اللي هيقوموا بيها منطقهم وااااااااحد ومعروف
انا جعااااااااان
مش لاقي العيش الحاف وانت راكب عربية
يبقي انت حرامي - واخدها منك أأكل عيالي
يا جماعة في دولة عربية شقيقة دفعت مرتباتنا الشهر ده - ووصفها وزير الخارجية بشقيقة كبري وطبعا ده زعل بعض الهتيفة وكدابين الزفة اللي طلعوا ينتقدوا الوزير ويقولوا ان مصر هي الشقيقة الكبري ومفيش حد اكبر منها
ده احنا 7000 سنة يا راجل مش كده

يا جماعة الفكرة ان فيه شباب كتير بيتلعب بعقولها وبيتغرر بيتها باسم شعارات رنانة
الوضع اخطر من اعتصام في التحرير البعض بيستغله لتحقيق اغراض معينة منها الاجرامي ومنها الطائفي ومنها السياسي الخبيث

واخيرا خلوا بالكو من الاعلااااااااااام ولا تنساقوا وراءه
اقذر اعلام شهدته مصر في حياتها كلها
خد معلوماتك من مصادر موثوق منها ويستحسن تكون مصادر مباشرة
ناس تلتمس فيهم الصدق والامانة

وربنا يصلح الحال والازمة دي تعدي علي خير