خدمة من خبراء الكلاب

[evram]

يا جماعة انا قدامي كلب بلاك جاك عندوة 6 شهور هو بلجيكي علي الماني واخد وش ال الماني و الباقي بلجيكي و في ناس تقول وسط و ناس تقول شعبي اوي و ناس تقول خسارة فية الفلوس و انا محتار دي صور الكلب و عايزكم تقولولي ده ينفع ك كلب عادي يعني مش مميز و هل كويس ك بدايه ل واحد بيبتدي ولا ايه دي صور الكلب http://img105.herosh.com/2011/07/09/624962297.jpg http://img105.herosh.com/2011/07/09/997467668.jpg http://img105.herosh.com/2011/07/09/449656126.jpg الكلب محتاج ياكل لان مفيش اي اهتمام صاحب الكلب صحبي و عشاني قايل اخروة 300 ايه رايكم

[Amr Axel]

سؤال : صاحبك جاب الكلب ده منين ؟؟ يعني لاقاه و لا اشتراه ؟؟

ده صاحبه مش مهتم بيه بس ده صاحبه باين عليه بيعذبه ده كفاية الرابطة اللي رابطهاله
الكلب تقليبه مش حلو و ميستهلش الفلوس

يعني صاحبك و بيقولك 300 جنيه اومال لو مش صاحبك كان عمل ايه ؟؟
و الكلب ده لما يكبر شوية و يوصل لسن سنة هتلاقيه كلب تعبان حتي في وقفته

لو معاك 600 جنيه و عايز بديل للجيرمن شيبرد مفيش غير الدوبر مان التقليب الكويس من 600 جنيه و انت طالع
لأن الجيرمن شيبرد مواصفاته غلسة شوية و قليل جدااا لما تلاقي تقليب نضيف

لو عايز الكلب و قافلة معاك كبيره 100 جنيه
و اهم حاجة و انت بتشتري متنساش الرخصة و الدفتر بتاعه بتاع التطعيمات و المفروض يكون دلوقتي خد تطعيم السعار عشان وصل لسن 6 شهور غير التطعيم الثماني اللي بياخدوا و هو لسه 45 يوم و الجرعة المنشطة

[evram]

سؤال : صاحبك جاب الكلب ده منين ؟؟ يعني لاقاه و لا اشتراه ؟؟

ده صاحبه مش مهتم بيه بس ده صاحبه باين عليه بيعذبه ده كفاية الرابطة اللي رابطهاله
الكلب تقليبه مش حلو و ميستهلش الفلوس

يعني صاحبك و بيقولك 300 جنيه اومال لو مش صاحبك كان عمل ايه ؟؟
و الكلب ده لما يكبر شوية و يوصل لسن سنة هتلاقيه كلب تعبان حتي في وقفته

لو معاك 600 جنيه و عايز بديل للجيرمن شيبرد مفيش غير الدوبر مان التقليب الكويس من 600 جنيه و انت طالع
لأن الجيرمن شيبرد مواصفاته غلسة شوية و قليل جدااا لما تلاقي تقليب نضيف

لو عايز الكلب و قافلة معاك كبيره 100 جنيه
و اهم حاجة و انت بتشتري متنساش الرخصة و الدفتر بتاعه بتاع التطعيمات و المفروض يكون دلوقتي خد تطعيم السعار عشان وصل لسن 6 شهور غير التطعيم الثماني اللي بياخدوا و هو لسه 45 يوم و الجرعة المنشطة

انا علي فكرة عندي دوبر مان عندي نتايه بس انا مش بحب الدوبر الكلب ده مشكلتوة في ال اكل بس انا كشفت عليه هو واخد كل التطعيمات بس السعار لسه لانوة مكملش 6 شهور هو خمسه و نص و الورق و الترخيص موجود

[eng/muhamad]

سؤال جانبى بس
ايه الكلب الاكبر حجما و الاكثر شراسه و اللى شكله يخوف اكتر
الجيرمن شيبرد و لا البلاك جاك

[Amr Axel]

انا علي فكرة عندي دوبر مان عندي نتايه بس انا مش بحب الدوبر الكلب ده مشكلتوة في ال اكل بس انا كشفت عليه هو واخد كل التطعيمات بس السعار لسه لانوة مكملش 6 شهور هو خمسه و نص و الورق و الترخيص موجود

بس سؤال تاني معلش ازاي معاه رخصة و هو لسه مخدتش تطعيم السعار الرخصة مبتطلعش اللي بعد ما ياخدها
و عامة زي ما تحب انا زي مقولتلك تقليبة اي كلام و 100 جنيه حلوة اووي عليه
و ليك حرية الاختيار :)

[Amr Axel]

سؤال جانبى بس
ايه الكلب الاكبر حجما و الاكثر شراسه و اللى شكله يخوف اكتر
الجيرمن شيبرد و لا البلاك جاك

حضرتك البلاك جاك هو الجيرمن شيبرد
البلاك جاك لون من الوان الجيرمن شيبرد و الاسم الاصح بلاك جاكت نظرا لأن فيه ع ضهره سرج اسود فكأنه جاكت فبيقولوا بلاك جاكت و احنا هنا بنختصر و نقول بلاك جاك

و هم تلاتة حجم ضخم و و الشكل بيدل ع الشراسة الدوبر مان و جيرمن شيبرد و الروت وايلر و البوكسر
الجيرمن شيبرد اضخمهم و لما بيتشرس بيبقي جامد بالاضافة لشكله المفضل لناس كتيير و سهل التدريب عن الباقي

و كذلك الدوبر الا انه ارفع من الجيرمن لكن تقسيمه جسمه و عضلاته جامدة

الروت وايلر شرس بطبيعته عشان كده بيحتاج واحد يدربه صح عشان يقدر يتحكم في طبائعة و غرائزه من و هو لسه صغير

البوكسر كذلك حلو لكن لا افضله لأنه اكثرهم في المشاكل الصحية
يعني الصرع و الاورام السرطانية ع اواخر ايامه و ساعات مفصل الفخذ الخلفي بيتخلع مع العجز


اما بالنسبة موضوع الشراسة ده بيرجع لتدريبك و الافضل بلاش تشرس كلب اكتر من اللازم عشان ميجيش بنتائج سلبية عليك
و بلاش حوار اللي يقولك حطه في اوضة ضلمة و لا اكله لحمة نية او شربوه دم و لا اضربوا كل ده بيجيب بنتيجة سلبية ع الكلب و عليك و ممكن يضرك

و جيب الكلب ميعدييش سن 3-5 شهور عشان تقدر تدربه بسهولة عشان بعد السن ده بيبقي صعب تدريبه لكن مش مستحيل

و ديه صورهم

الجيرمن شيبرد



الدوبر مان



الروت وايلر



البوكسر



و اي استفسار عن التربية او اي حاجة تتعلق انا موجود :)

[eng/muhamad]

شكرا لحضرتك جداااااااا
انا عاوز اشترى واحد جيرمن شيبرد و عاوزه يكون من النوع الضخم
اولا عاوز اعرف سعره يعمل كام ؟ لما يكون زى ما حضرتك بتقول 3 - 5 شهور
تانى حاجة لازم اجيب له مدرب و لا انا اللى ادربه ؟؟ او التعامل معاه بيكون ازاى ؟

[Amr Axel]

شكرا لحضرتك جداااااااا
انا عاوز اشترى واحد جيرمن شيبرد و عاوزه يكون من النوع الضخم
اولا عاوز اعرف سعره يعمل كام ؟ لما يكون زى ما حضرتك بتقول 3 - 5 شهور
تانى حاجة لازم اجيب له مدرب و لا انا اللى ادربه ؟؟ او التعامل معاه بيكون ازاى ؟

حضرتك كل ما التقليب كويس كل ما يكون افضل
و بالنسبة السعر انت معاك من اول50 جنيه لحد الالاف مؤلفة

بس من 50- 300 جنيه بكيون تقليب شعبي
من 500 - 600 يجيبلك تقليب متوسط
من 800- 1200 تقليب فوق المتوسط
التقليب البيور بقي بيوصل 2000 جنيه
و من سلالة ابطال العالم ممكن يوصل لــ 5000 جنيه
فسيبك من كل الاسعار ديه و خليك في المتوسط لأن حرام انك تدفع كل المبالغ ديه في كلب
يعني كبييرك المتوسط او فوق متوسط

عايزة تجيبله مدرب مفيش مشاكل بس هيكلفك اكتر لكن هيتدرب صح الا ان برده الكلب هيكون ولائه للمدرب اكبر منك
فالافضل انك انت اللي تدربه من صغره و دايما تهتم بيه هيكون ولائه لاسرتك لكن الولاء الاكبر ليك انت

بالنسبة التعامل من اول اختيارك للكلب تنده دايما بالاسم اللي انت عايزه عشان يتعود عليه مع مرور الوقت و يعرف ان ده اسمه و افضل معاه لحد اول 3 شهور
من سن 3 شهور يبتدي بقي التدريب
بتعمله الاوامر واحدة واحدة ( زي تعالي - اقعد - امشي - نام - نط - .....الخ ...الخ ) بس قبل دول علمه زي ما بيقولوا قوانين المنزل يعني المكان عشان حمام و مكان البيت و ميقطعش حاجة
و لما يعمل الامر صح تكافئه سواء ببسكوت كلاب او حتة لانشون صغيرة او تمسح بايدك ع ضهره و لازم المكافئة تكون في نفس الوقت عشان الكلب يعرف ان الل يعمله صح و عشانه اخد المكافئة ديه و لو عمل غلط و عايز تعاقبه يكون برده في نفس الوقت عشان لو جيت عاتبته بعدها الكلب هيبقي محتار مش عارف هو عمل عشان تزعقله فهيخاف منك و العقاب يكون تتكلم معاه بنبرة حازمة شوية و ع وشك غضب خفيف او تخبطة ع راسه بس خبطة لا تذكر يعني
و خلي بالك الكلاب بتحس بتقدر تعرف انت امتي زعلان او غضبان او فرحان ...الخ...الخ
و اهم حاجة ان مدة التدريب متزدش عن نص ساعة في اليوم قسمهم بقي ع اتنين او تلاتة كويس و متزدش عن كده عشان الكلب ميزهقش

وخلي عندك صبر و زي ما انت بتصبر مع الكلب الكلب برده بيحاول بكل جهده يفهمك و التدريب يكون بالاشارات و الاوامر الصوتية

يعني ده مجرد نظرة عامة

و ان شاء الله انا ناوي انزل موضوع شامل هنا عن التعامل مع الكلاب من اول يوم

يعني ممكن يكون جاهز للنزول انهاردة ان شاء الله :)

[masterzmind]

نصيحة لجيب كلب حلو لمجيبش الكلب التقليب بتاعو مش حلو وكمان انت هجيب كلب هيبقى معاك طول العمر هات حاجة نضيفة عشان تحبو وتديلو كل الى عندك هجيب كلب وحش هتزهق منو وتبقى مش مهتم بيى والله دى نصيحة ومش لازم تجيب حاجة بيور بيور اوى يعنى