انا بقى عندى زهايمر مبكر ولا ده ايه بالظبط ؟؟

[Mahmoud Nagieb]

السلام عليكم يا شباب

والله مش عارف اقول ايه ... بس انا الفترة ده بيحصلى حاجاات عجيبة قوى المفروض انها بدرى على سنة (19 سنة) ... انا بقيت بنسى بطريقة فظيعة ... انا صحيح طول عمرى ذاكرتى مش قوية بس العملية زادت اوى الفترة ده وبقيت بنسى جامد اوى وتركيزى فى الضياع ... ده انا مرة كنت رايح لدكتور فى المعادى ومشيت بالعربية وبعد لما وصلت مكنتش فاكر انا روحت استوراد ولا كورنيش ولا حتى مشيت ازاى ... وحاجات من ده كتير .... وبنسى اسامى صحابى المقربين والافلام والحاجات ده .... مش عارف اروح لدكتور ولا ده حالة عارضة وهتروح ولا ايه التصرف ؟؟

[thedeveloper87]

مشكلة النسيان وعدم التركيز دي كانت طاغية عندي
عرض المشكلة دي 99% مشكلة نفسية، حاول تحل المشاكل النفسية دي ، وإن شاء الله مشكلة النسيان هتتحل

[medododo]

روح للدكتور

[MaZaGAngeE]

تلاقيك مضغوط اليومين دول و لا دماغك مشغولة شوية
متكبرش المواضيع و بعدين النسيان ده نعمة من ربنا ياما حاجات الواحد مفسه ينساها

[MRBEBO]

انا بمر بظروفك دي

بص روح لدكتور نفسي كويس

احتمال يكون عندك درجة Depression بسيطة وهي اللي ضغطة عليك ومخلياك مش مركز

روح ومتترددش بس يكون حد كويس ومعروف انه كفائه لانه للاسف فيه فتيين كتير في المجال ده

[M!SHO]

أنا بركن العربيه وبفضل أدور عليها :)

وسنى 22 سنه

[Ralliart]

انا عندي نفس الموضوع بيحصلي على فترات متقطعة بس مش لاقي سبب ولا علاج
وانا عارف دكاترة نفسيين كتير ولا واحد عارف السبب كلهم بيقولو ارهاق وخلاص

[Mahmoud Nagieb]

على فكرة انا كان قصدى اروح لدكتور عادى يعنى ... انا كنت فاكر الموضوع عضوى مش نفسى .... بس فعلا انا عندى احباط شوية من الحياة علشان عندى شوية مشاكل .... عموما انا اهم حاجة كنت عاوز اطمن انه مش حاجة عضوية علشان العملية مش ناقصة

شكرا يا جماعة على الافادة

[Mahmoud Nagieb]

عاوز اقول حاجة كمان يا جماعة علشان انا خدت بالى منها .... لازم كل واحد يبقى ليه حاجة بيعملها بيفرغ فيها طاقته

انا بقول كده علشان انا جاتلى اصابة فى الكتف من شهر تقريبا والدكتور مانعنى من كل حاجة كنت بعملها (تنس وسباحة وجيم)

مع ان الايام ده الشغل واخد كل وقتى ... بس برضه مش مستريح ومش مبسوط

[MRBEBO]

عاوز اقول حاجة كمان يا جماعة علشان انا خدت بالى منها .... لازم كل واحد يبقى ليه حاجة بيعملها بيفرغ فيها طاقته

انا بقول كده علشان انا جاتلى اصابة فى الكتف من شهر تقريبا والدكتور مانعنى من كل حاجة كنت بعملها (تنس وسباحة وجيم)

مع ان الايام ده الشغل واخد كل وقتى ... بس برضه مش مستريح ومش مبسوط

يا باشا مش عيب انك تروح لدكتور نفسي

صدقني متخليش الموضوع يزيد

ولمعلوماتك فيه ادوية لما الديبرشن البسيط ده يسيبك هتلاقي ذهنك صافي وبتستمتع من تاني بالحاجات اللي مش بتسعدك دلوقتي

وهتلاقي تركيزك وذاكرتك بقيت افضل كتيررررررررر

وكمان هتلاقي لو عندك احباط ومش قادر تواصل انك بقيت متحفز اكتر وعندك اصرار على تحقيق اشياء ايجابية كنت نسيتها ومبقتش قادر تفكر فيها

وبعد كده لازم تعود نفسك بعد ما تخرج من الحالة دي ان تفكيرك يبقى ايجابي دايما مهما كانت الضغوط والسلبيات اللي حواليك

[thedeveloper87]

مع ان الايام ده الشغل واخد كل وقتى ... بس برضه مش مستريح ومش مبسوط

يبقى غالبا هو ده السبب

أنا لما كنت في شغلي القديم ، كان عندي إحباط لا يمكن أن تتخيله ، فبقى النسيان وعدم التركيز ملازمني طول الوقت ، بس بعد ما سبت الشغل وغيرت جو شوية كده ، الحمدلله رب العالمين اتغيرت 180 درجة (طبعا أنا مش بقولك سيب الشغل :) ، أقصد حاول تحل المشاكل اللي بتضايقك نفسيا وإن شاء الله مشكلة النسيان هتتحل)

[Mahmoud Nagieb]

يا باشا مش عيب انك تروح لدكتور نفسي

صدقني متخليش الموضوع يزيد

ولمعلوماتك فيه ادوية لما الديبرشن البسيط ده يسيبك هتلاقي ذهنك صافي وبتستمتع من تاني بالحاجات اللي مش بتسعدك دلوقتي

وهتلاقي تركيزك وذاكرتك بقيت افضل كتيررررررررر

وكمان هتلاقي لو عندك احباط ومش قادر تواصل انك بقيت متحفز اكتر وعندك اصرار على تحقيق اشياء ايجابية كنت نسيتها ومبقتش قادر تفكر فيها

وبعد كده لازم تعود نفسك بعد ما تخرج من الحالة دي ان تفكيرك يبقى ايجابي دايما مهما كانت الضغوط والسلبيات اللي حواليك

والله يا ريس انا مش مستعيب خالص اروح لدكتور نفسى ... انا اللى اقصده ان فعلا فيه تغير كبير حصل فى حياتى وهو ان الدكتور مانعنى من الانشطة الرياضية اللى انا بعملها علشان جالى اصابة فى كتفى ... وانا كنت متعلق بالتنس جامد جدا الى جانب الجيم والسباحة

انا بس مش عاوز اكبر الموضوع واروح لدكتور نفسى الاقيه يفتى وخلاص .... عموما لو حضرتك عندك دكتور ثقة وكويس ياريت تبعتلى تفاصيله على الخاص وانا ان شاء الله هجرب الموضوع ده

يبقى غالبا هو ده السبب

أنا لما كنت في شغلي القديم ، كان عندي إحباط لا يمكن أن تتخيله ، فبقى النسيان وعدم التركيز ملازمني طول الوقت ، بس بعد ما سبت الشغل وغيرت جو شوية كده ، الحمدلله رب العالمين اتغيرت 180 درجة (طبعا أنا مش بقولك سيب الشغل :) ، أقصد حاول تحل المشاكل اللي بتضايقك نفسيا وإن شاء الله مشكلة النسيان هتتحل)

انا هحاول اطلع كده ان شاء الله فى الويك اند اللى جاى اى حتة من اصحابى يومين كده خطف يمكن ربنا يكرم والواحد يفك شوية