مرحبا بمزيد من افوضى وأهلا بالحرب الأهلية

[تامر.محمد]

انت شايف تصرفات المجلس دي تصرفات حد قاعد شهرين و ماشي ؟
-------
بفرض الكلام صحيح ومش مستبعد بالفعل(بس هايبقى بأيدينا لو حصل)
يبقى نكون أحدق منهم وماندهمش الحجة ونلتزم بخارطة الطريق ونصمم على الأتحاد لأنجاح الأنتخابات ولا القوى السياسية تقطع في بعض والعملية تطير كلها
وبالمناسبة أمريكا هاتنبسط قوي في حالتين مجلس رئاسي مدني وده بقه مستبعد
التاني أن الجيش ألي يمسك
وهي دي خطة الفرقة والفوضى ألي بيحاول البعض شعللتها لأنهم مايعلرفوش يصطادو ألا في الميه العكرة
قلبها كده ياهندسة هاتلاقيها منطقية

على فكرة يا باشمهندس هما مش محتاجين حد يديهم حجة , موضوع نديهم الحجة ده للأسف بقى قديم لأنهم بقوا يصنعوا الحجة بنفسهم و في ايديهم كل الادوات اللي تسمح لهم بكده من بلطجية الداخلية و اعلاميين بيحركوهم بإيديهم و غيرهم و غيرهم
هي منطقية انها تبدو كده , ممكن , لكن مازال السؤال , طب طالما احنا عارفين و عايزين ننقذ البلد , هما اكيد عارفين زينا , ليه مصرين يحموا الفساد و ينكلوا بأي حد يفتح بقه ؟ , و ليه مصرين يصنعوا فتن بين طوائف الشعب ؟ هما مش همهم على البلد هما كمان ولا ايه ؟

و ليه في دماغنا ان الشعب هو اللي لازم يطاطي عشان الدنيا تمشي ؟
ليه ما نقولش المجلس يقدر يلم الدنيا لو اقام العدل و نفذ مطالب الناس ؟
كل دي اسئلة بتفرض نفسها علينا

أضم صوتى لصوت تامر ......

ليه دايما الشعب مطالب بأنه هو اللى يطاطى عشان المركب تمشى

لما هى مطالب عادلة ....... طب ليه مش بتتنفذ غير بالمظاهرات و المليونيات و الضغط ؟؟؟؟؟

انا مع العدل ..... بس المحاكمات اللى بتحصل دى عادلة ؟؟؟؟

هل مع كل ما يحيط المحاكمات من مظاهر و اوضاع و قرارات و تضارب ..... توحى بأنها محاكمات عادلة ؟؟؟؟؟

احنا لغاية دلوقتى ..... ماحدش مسك قناص واحد .... او سواق عربية من العرييات اللى كانت بتدهس المتظاهرين ؟؟؟؟

سؤال لكل واحد مش عاجبه بلطجة الثوار الوحشين ...... انت شايف ان المطالب بتحقق و المحاكمات عادلة ؟؟؟؟؟

[mfarag]

انت شايف تصرفات المجلس دي تصرفات حد قاعد شهرين و ماشي ؟

و طبعا حالة الفوضى الحالية هتديلة ذريعة انوا يقعد عشام مش عارف يعمل انتخابات؟؟؟؟

يبقى فية خيارات

نستحمل شهرين و نحرص على نزاهة الانتخابات و انا الحكومة و المجلس القادم يعبر عن الثورة و الشعب

او

ادى الذريعة للمجلس - لو كان عايز - يفضل متمسك بالسلطة و نكرر ماساءة 1952 من الاول و نستنى كمان 50 سنة تانية لحد متيجى فرصة تانية للتغيير الحقيقى

او يحدث صدام بين الجيش و الشعب و نتحول الى النموذج الليبى

؟؟؟؟؟؟؟؟؟؟؟؟؟؟؟؟؟

[hobiko]

العدل يا سادة هو ما نطلب و نبتغى

العدل هو اساس الملك

لو أقيم العدل ...... لهدأت كل الأمور

[mfarag]

أضم صوتى لصوت تامر ......

ليه دايما الشعب مطالب بأنه هو اللى يطاطى عشان المركب تمشى

لما هى مطالب عادلة ....... طب ليه مش بتتنفذ غير بالمظاهرات و المليونيات و الضغط ؟؟؟؟؟

انا مع العدل ..... بس المحاكمات اللى بتحصل دى عادلة ؟؟؟؟

هل مع كل ما يحيط المحاكمات من مظاهر و اوضاع و قرارات و تضارب ..... توحى بأنها محاكمات عادلة ؟؟؟؟؟

احنا لغاية دلوقتى ..... ماحدش مسك قناص واحد .... او سواق عربية من العرييات اللى كانت بتدهس المتظاهرين ؟؟؟؟

سؤال لكل واحد مش عاجبه بلطجة الثوار الوحشين ...... انت شايف ان المطالب بتحقق و المحاكمات عادلة ؟؟؟؟؟

لا خلاف ان التحقيق و محاسبة كل من ارتكب الجرائم الوحشية مطلب عادل و عادل جدا

لكن

هما اللى ماتوا و استشهدوا ماتوا لية

اللى انا شايفة انا ما يحدث الان هيخلى الناس دى ماتت على الفاضى

اللى مات و استشهد - مات عشان مصر تبقى بلد حرة ديمقراطية يملك اهلها اختيار حكامهم و محاسبتهم

لكن الهدف الاساسى بيتلاشى عمدا - عن قصد- عشان يتم اجهاض موت الشهداء

من مات سيصبح لموتة معنى لما مصر تتغير - مش لما يتقبض على اللى قتلة - مع ان دة واجب

يا استاذ مش معنى ان شركتك مش عاجباك و ان ليك مطلب عادل مديرك مش سامعة انك تولع فى الشركة

مش معنى ان ابنك او والدك مش عاجبك انك تقتلة

مش معنى ان المجلس العسكرى - على فرض- ان متواطى او خائن او .......... انك تحرق مصر

ما اقصدة

الاهم ثم المهم

طبعا دة لا يعنى التفر يط فى دم من مات - وعدم محاسبة المسئولين

اتمنى اكون عرفت اوصل راى

شكرا

[م.احمد زكريا]

العدل يا سادة هو ما نطلب و نبتغى

العدل هو اساس الملك

لو أقيم العدل ...... لهدأت كل الأمور

وهو من العدل فصل متهمين عن العمل لم تثبت إدانتهم

أم أنه الكيل بمكياليين

[kh_talaat]

لو رجعنا لتاريخنا وثورة يوليو 1952 هنلاقي نفس اللي بيقولة المجلس العسكري حاليا كان يقال من مجلس قيادة الثورة

تسليم البلاد للمدنيين .... اقامة حياة ديمقراطية سليمة ... محاسبة الفاسدين .... اعلان دستوري مؤقت .... وهكذا ..... إلخ

الى ان هدأ الشارع وتخدر تماما ... ثم انقلبوا وأزاحوا كل من له راي مخالف لهم على الساحه سواء كان عسكري او مدني ... وحكم العسكر مصر لمدة 59 سنة

لكن المره دي الثورة شعبية وسلمية لآخر لحظة بأذن الله ولن نترك لهم الفرصة للأنقلاب على الثورة .... والرهان على الشعب

[otefa]

العدل يا سادة هو ما نطلب و نبتغى

العدل هو اساس الملك

لو أقيم العدل ...... لهدأت كل الأمور

العدل يبقى طلبك ياباشا عند النائب العام والقضاء مش عند المجلس العسكري ألي مشيلينه كل هم البلد

[تامر.محمد]

و طبعا حالة الفوضى الحالية هتديلة ذريعة انوا يقعد عشام مش عارف يعمل انتخابات؟؟؟؟
يبقى فية خيارات
نستحمل شهرين و نحرص على نزاهة الانتخابات و انا الحكومة و المجلس القادم يعبر عن الثورة و الشعب
او
ادى الذريعة للمجلس - لو كان عايز - يفضل متمسك بالسلطة و نكرر ماساءة 1952 من الاول و نستنى كمان 50 سنة تانية لحد متيجى فرصة تانية للتغيير الحقيقى
او يحدث صدام بين الجيش و الشعب و نتحول الى النموذج الليبى
؟؟؟؟؟؟؟؟؟؟؟؟؟؟؟؟؟

على فكرة يا باشمهندس هما مش محتاجين حد يديهم حجة , موضوع نديهم الحجة ده للأسف بقى قديم لأنهم بقوا يصنعوا الحجة بنفسهم و في ايديهم كل الادوات اللي تسمح لهم بكده من بلطجية الداخلية و اعلاميين بيحركوهم بإيديهم و غيرهم و غيرهم
هي منطقية انها تبدو كده , ممكن , لكن مازال السؤال , طب طالما احنا عارفين و عايزين ننقذ البلد , هما اكيد عارفين زينا , ليه مصرين يحموا الفساد و ينكلوا بأي حد يفتح بقه ؟ , و ليه مصرين يصنعوا فتن بين طوائف الشعب ؟ هما مش همهم على البلد هما كمان ولا ايه ؟
و ليه في دماغنا ان الشعب هو اللي لازم يطاطي عشان الدنيا تمشي ؟
ليه ما نقولش المجلس يقدر يلم الدنيا لو اقام العدل و نفذ مطالب الناس ؟
كل دي اسئلة بتفرض نفسها علينا

وهو من العدل فصل متهمين عن العمل لم تثبت إدانتهم
أم أنه الكيل بمكياليين

على فكرة هاتلاحظ ان ماحدش اشاد بالنقطة دي خالص , الصح هو :
1- ايقافهم عن العمل لحين الفصل في القضايا
2- الحرص على عدالة القضايا و اجرائاتها و النقطة دي مهمة جدا
3- تقديم من يستحق للمحاكمة لأن فيه كتييييييييييييير اوي ماحدش مسهم لسه
4- من تبقى من القيادات عقليته لم تعد تصلح , ده لازم يطلع معاش

اما موضوع انهاء الخدمة الفوري ده فمالوش اي نتيجة الا تصعيد العداء بين الشرطة و الشعب و زيادة الانفلات الامني

[otefa]

لو رجعنا لتاريخنا وثورة يوليو 1952 هنلاقي نفس اللي بيقولة المجلس العسكري حاليا كان يقال من مجلس قيادة الثورة

تسليم البلاد للمدنيين .... اقامة حياة ديمقراطية سليمة ... محاسبة الفاسدين .... اعلان دستوري مؤقت .... وهكذا ..... إلخ

الى ان هدأ الشارع وتخدر تماما ... ثم انقلبوا وأزاحوا كل من له راي مخالف لهم على الساحه سواء كان عسكري او مدني ... وحكم العسكر مصر لمدة 59 سنة

لكن المره دي الثورة شعبية وسلمية لآخر لحظة بأذن الله ولن نترك لهم الفرصة للأنقلاب على الثورة .... والرهان على الشعب

يبقى نحرجهم ونعجل بالأنتخابات ونستفيد من قوة الثورة بعد الأنتخابات أذا لم تكن نزيهة
وبعدين لو هو ده هدفهم أنهم يمسكو الحكم كانو وافقو على تأجيل الأنتخابات علشان كل ما عدت الشهور كل ما قوة الثورة هاتقل مش كده ولا أيه؟

[رزق]

بصراحة المجلس العسكري والحكومة والثوار بقوا يجيبوا الضغط...كله بقى العن من التاني
افرجها من عندك يا رب


وعشان مانعممش .. بعض الثوار

[تامر.محمد]

يبقى نحرجهم ونعجل بالأنتخابات ونستفيد من قوة الثورة بعد الأنتخابات أذا لم تكن نزيهة
وبعدين لو هو ده هدفهم أنهم يمسكو الحكم كانو وافقو على تأجيل الأنتخابات علشان كل ما عدت الشهور كل ما قوة الثورة هاتقل مش كده ولا أيه؟

هما ما وافقوش عشان يدوا حقنة مخدر للتيارات الاسلامية , او بالبلدي عشان يطمنوا على البلد , لكن اصبر يا باشمهندس , وزارة الاعلام اهي لسه راجعة تاني

[wesam_salom]

الانتخابات اولا كالعاده
اى حاجه فى الدنيا يبقى حلها الانتخابات اولا
وكل حاجه بسبب الوحشين اللى عاوزين الدستور اولا والمجلس الرئاسى
هو الناس مش شايفه اى حاجه تانيه فى البلد
يا راجل ده لو واحد فيهم كاوتش عربيته عاوز يتظبط مش هيعدى على بتاع الكاوتش وهيقول لاء الدستور اولا او الانتخابات اولا

[hobiko]

وهو من العدل فصل متهمين عن العمل لم تثبت إدانتهم

أم أنه الكيل بمكياليين

طب هو من العدل ان يهدد ظباط الشرطة بالأضراب الكامل ...... فى حالة الحكم على اى ظابط ؟؟؟؟

هو من العدل ان تتم محاكمة حبيب العادلى قدام قاضى معروف بفساده و بعلاقاته المشبوهة بأمن الدولة ؟؟؟؟

هو من العدل ان نظل نحن و اهل الشهداء كل هذه الفترة لا نرى القتلة و هم خلف القضبان ؟؟؟؟؟

هو من العدل ان يستمر الظباط فى اعمالهم عادى جدا بينما يحاكمون بتهمة القتل ؟؟؟؟؟

هو من العدل تهديد اهالى الشهداء و اغرائهم بالمال ليتنازلوا عن القضايا ؟؟؟؟؟

هو من العدل تجاهل الدولة ليهم لمدة 5 شهور حتى يكونوا فريسة سهلة لألحاح الحاجة و تهديد الظباط القتلة ؟؟؟

هو من العدل محاكمة النشطاء و الثوار امام المحاكم العسكرية و محاكمة الباشوات امام المحاكم المدنية ؟؟؟؟؟

هو من العدل اخلاء سبيل الظباط قتلة المتظاهرين بينما اللى بيسرق فرخة بيتحبس على زمة القضية ؟؟؟؟

هو من العدل اللى حصل فى اسكندرية فى أخر جلسة لمحاكمة الظباط اللى كانوا محبوسين على زمة القضية و مترحلين على المحكمة من السجن يوم الجلسة ..... فلما ثار اهالى الشهداء و طالبوا برؤية المتهمين ...... اكتشفوا انهم مرتدين ملابس ملكى عادى جدا مش ملابس السجن البيضاء ....... مما يعنى ببساطة انهم لم يكونوا فى السجن ؟؟؟؟؟؟

هو من العدل تأجيل القضايا بالأربع و الخمس شهور ؟؟؟؟؟

هو من العدل ان يظل القناصة و سائقى سيارات دهش المتظاهرين و فى منها سيارات شرطة ..... أحرار طلقاء الى الأن ؟؟؟؟؟

هو فين العدل ده ؟؟؟؟؟

ولا تانى الشعب هو اللى لازم يطاطى و يستحمل ...... عشان الباشوات تعيش

[hobiko]

العدل يبقى طلبك ياباشا عند النائب العام والقضاء مش عند المجلس العسكري ألي مشيلينه كل هم البلد

لا يابيه ..... هما المسئول الأول عن كل اللى بيحصل فى البلد

دول ذئاب و ثعالب ...... و اسأل الشيخ حازم

الانتخابات اولا كالعاده
اى حاجه فى الدنيا يبقى حلها الانتخابات اولا
وكل حاجه بسبب الوحشين اللى عاوزين الدستور اولا والمجلس الرئاسى
هو الناس مش شايفه اى حاجه تانيه فى البلد
يا راجل ده لو واحد فيهم كاوتش عربيته عاوز يتظبط مش هيعدى على بتاع الكاوتش وهيقول لاء الدستور اولا او الانتخابات اولا

+111111111111111111

[mfarag]

الانتخابات اولا كالعاده
اى حاجه فى الدنيا يبقى حلها الانتخابات اولا

لان دة الحل الواقعى

حضرتك مش عاجبك المجلس العسكرى- مثلا - يبقى الحل اية

اعمل انتخابات تغيرة وتجيب حد اختارتة اغلبية المصريين فى انتخابات حرة نزيهة

او

ادخل حرب اهلية

او

فوضى

؟؟؟؟؟؟؟؟؟؟؟؟

لو عند حضرتك حل و اقعى تانى

مفيش مشكلة نسمعة

المهم نخرج بالبلد من الحالة اللى فيها