عفوا لا يوجد شرطي شريف

[A.Saad]

كل واحد بيحكم عليهم من وجهة نظر تعامله معاهم
اللى اتعامل وشاف انسان محترم هيقول ان فيهم محترمين
اللى اتعامل وشاف واحد فيهم بيقل اديه على متهم او مواطن عادى
هيقول نفس الانطباع
وبعدين مش المهم هما كانوا ايه
المهم سلوكهم فى المستقبل والحاضر
اى تجاوز لازم يقابل بالشدة من رئائستهم

[otefa]

كل واحد بيحكم عليهم من وجهة نظر تعامله معاهم
اللى اتعامل وشاف انسان محترم هيقول ان فيهم محترمين
اللى اتعامل وشاف واحد فيهم بيقل اديه على متهم او مواطن عادى
هيقول نفس الانطباع
وبعدين مش المهم هما كانوا ايه
المهم سلوكهم فى المستقبل والحاضر
اى تجاوز لازم يقابل بالشدة من رئائستهم

الله يفتح عليك

[azmeralda]

مع كــامل احتــرامي ليك و لرأيك, لكن ده لا يعتبر رأي, و التعميم مـرفـوض على كل المستـويـات !!!

انا مثلاً كنت امبارح في وزارة الداخلية, و كنت مع مساعد الوزير, و قابلت اكتر من ضابط بمختلف الرتب, و اقسم بالله العظيم
و دي شهادة اتحاسب عليها يوم القيامة, ان مافيش شخص من اول اللي كانوا واقفين على باب الوزارة, لحد مساعد الوزير
إلا و كانوا في غاية الأدب و الاحترام و الذوق و الأخلاق و الابتسامه لم تفارق وجه اي واحد منهم, و معاملة من ارقى ما يكون,
و اقسم بالله ان انا لا معايا واسطه و لا رايح بتوصية من حد و لا معايا كارت من اللواء فلان ولا الكلام ده... انا شخص عادي جدااا.

اعز اصدقائي تعتبر تقريباً عائلته كلها ضباط في مختلف الادارات, و ناس في غاية الاحترام و الكل بيشهد لهم و بيضرب بيهم المثل...

لو حضرتك ما قابلتش في حياتك ضابط شريف, يبقى المشكلة مش ان كلهم غير شرفاء, لكن المشكلة ان حضرتك حظك وحش مش اكتر,
و ده مش المفروض يخليك تعمم و تقول لا يوجد ضابط شريف, لان لو كان الغالبية غير شريفة, فأكيد في شرفاء كتير غيرهم يستحقوا
ان نفتخر بهم مش نحطهم مع المجموعة الغير شريفة بالرغم من انهم مش زيهم بالمره... ده يبقى ظلم و تجني و اهانة غير مقبولة للشرفاء منهم...

مش بس كده




فكرة انى مدخلش كلية اصلا عشان انا شايفة اللى بيدخلوها بيتصرفوا غلط

منتهى السلبية والتشجيع على استمرار ده بالعكس ده انا ادخلها واتصرف صح واصحابى الكويسين يدخلوها ويتصرفوا صح
ده على فرض انى شايفة اللى بيدخلوها وحشين لما احنا نكون كويسين نمتنع ندخلها ونسيبها للوحشين!!!!!!!!!!!!!!!!!!!!!!!!!!


منطق غريب اسمح لى



امتنع عن مقاومة المجرمين وخدمة الناس والوقوف على ثغر وابات احرس فى سبيل الله عشان انا ابن ناس ومحترم !!!!!!!!!

[otefa]

انا كنت متخيل ان بعد ماحدث فى يومى 25 و 28 من مجازر التى لا تقل عن مايحدث فى سوريا وليبيا من جيوشهم
هو نفس الدور اللى ادتة الشرطة مع الشعب اننا مش هسمع حد بيقولى دول فيهم شرفاء ؟!!
لو هنحكم عليهم من اليومين دول بس مش من 30 سنة او اكتر فالجهاز باكملة لازم يحاكم بتهمة الخيانة العظمى للشعب
مش عن جرائم القتل اللى شفناها على القنوات بس لا عن انسحابهم من يوم 28 حتى الان
وانا اعرف مقدم قريب واحد صاحبى قالى جاتلنا اوامر بالانسحاب الفورى يوم 28 من الوزير
لو فى حد شريف فى الجهاز باكملة كان هيبقى بالطاعة الكاملة دى لوزير افترضنا ان هو الفاسد الوحيد زى ما بيرموا علية تهمهم دلوقتى وان هو اللى ضيعهم

حكمك متجني بصراحة
مافيش وجه مقارنة أساسا
همى لو كانو دمويين زي مابتقول كان هايموتو مئات
ده لو كل عسكري ضرب طلقة كان بقه عندنا مش أقل من 1/2 مليون مابين مصاب وقتيل
زي أي مجال فيه الكويس والوحش

[hosar]

أعتقد ان دا مش وقت للفرقة و الوقيعة بين الناس و بعضهم البعض

[adelseliem]

---انا ضد التعميم طبعا والشرطة زي اي وسط فيه الصالح وفيه الطالح بس نفكر بموضوعية شوية ::

-الواحد وهو في ثانوي بيحلم يكبر ويشتغل شغلانة كويسة وفلوسها حلوة تعيشه عيشة مريحة. ايه اللي يخلي واحد يدخل كلية عارف انه هيخرج منها مرتبه مش هيبقي علي قدر التعب والاجهاد والخطورة اللي هيتعرضلها؟؟؟؟؟؟؟؟؟؟؟

-طيب لو قسمنا الشعب فئتين:::

- فئة مرتاحة ماديا ومدخلة ولادها بفلوسهم عشان يبقي معاهم المال والسلطة اللي تحميهم وتحمي مصالحهم لانهم اصلا مش محتاجين مرتب الشرطة.

-والفئة التانية المتوسطة اللي مستوي معيشتهم عادي زي اغلبية الشعب يعني محتاجين دخلهم عشان يعرفو يلبو طلبات حياتهم وتعليم اولادهم . دوووووووووووووووول بقي مدخلين ولادهم كلية عارفين ان العائد المادي منها ضعيف ( العائد الشرعي ) وغير كافي خالص لمتطلبات الحياة وغير مساوي نهائي لكم الجهد المبذول والخطر اللي بيتعرض ليه.

-معقولة حبا فالوطن والرغبة في دفع الغالي والنفيس والتضحية بالنفس في سبيل الحفاظ علي امن الوطن و المواطن والكلام اللي بيتقال في كشف الهيئة ده ؟؟؟؟؟؟؟؟؟؟

يااااااااااااااااااه

بتتريق على ناس بتضحى علشان الوطن

وشايف أنهم دخلوا وقبلوا بالمرتب الضعيف علشان هياخدوا رشاوى

طب ضباط الجيش تقول عليهم أيه

دخلوا كليات وهما عارفين المرتب كويس , وطبعا مالهمش مصدر دخل تانى

عارف مرتباتهم كام , بعد 20 سنه خدمه بيقبض 2800 جنيه وطبعا متجوز وعنده أولاد

يعنى فيه ناس بترضى بالقليل لأن ده رزقها , مش لانها هتستنفع من وراه

ولما هو موضوع ميتردش عليه بترد عليه ليه , حاجة غريبة والله

مش عارف ليه حاسس ان كل واحد بيدافع عن حاجة خاصة بيه , يعني لم جبنا سيرة الوسطة ناس بتقلك كل مصر بالواسطة واللي يقلك مش كل اللي بالوسطة وحشين

حاسس ان كل واحد واخد الموضوع من الناحية الشخصية


ياريت الناس تجاوب على تساؤلاتي بالمنطلق مش بالبطيخ وكلام سواقين الميكروباص

روح أقف ساعه قدام أى نقطه مطافى وشوف الضباط والعساكر بيعملوا أيه , مش دول شرطه برضوا

روح الجوازات تطلع باسبور , مش دول شرطه برضوا

الضابط اللى مات من يومين علشان يمنع حرامى يسرق عربيه وساب طفل عنده 7 سنين , مش ده شرطه برضوا

اللى أتضرب بالنار السنه الى فاتت على الدائرى علشان يمنع مجموعه من أغتصاب بنت , مش ده شرطه برضوا

بتوع المرور وأنت قافل الشباك وكشغل التكييف وهو واقف فى الشمس أو البرد , مش دول شرطه برضوا


وأقولك كمان على أمثله تانيه مرتشيه وحراميه وقتالين وبرضه من الشرطه

يعنى كل فئه فيها الكويس والوحش

يعنى لو قلتلى أنت بتشتغل أيه هقولك كلهم مرتشين وغير شرفاء , ينفع تنكر أن فيه منهم كده ( أيا كانت الوظيفه ) بس مش هتوافق أن يتقال كلهم كده (وأنت واحد منهم )

أنا فيه واحد صاحبى بيكره العربيه المرسيدس أس كلاس لأنها تعبته وبيقول كل المرسيدس زباله وهجيب بى أم دبليو

تفتكر أن تفكيره عقلانى

[تامر.محمد]

اعترض على العنوان , فيهم شرفاء بالتأكيد

[fineart607]

كل مكان فى الوحش والحلو مينفعشى تعمم وكمان كل مكان فى الوسايط وكل واحد بيبان من اخلاقة
راجع نفسك انا مش بدافع عنهم ولكن هناك منهم الفاسد وهناك الشريف مثل الى رفض رشوه علشان ومحبش يبيع اثار بلده كان نموزج محترم وغيره وغيره
وفى كمان نمازج عايزه الحرق زى الى تعدو على الطالب الى كان من اسكندرية وعوروه فى عينه والى كمان لبس واحد قضية حشيش فى اسكندرية وربنا الحمد لله طلعة براءه ربنا يهديهم كلهم ويهدينا

[A.Saad]

هدف الموضوع ايه ؟؟؟؟؟؟
زيادة كراهية الشعب للشرطة
ده الهدف الوحيد اللى شايفه

[M.Elwan]

هدف الموضوع ايه ؟؟؟؟؟؟
زيادة كراهية الشعب للشرطة
ده الهدف الوحيد اللى شايفه

يعنى الموضوع ده هو اللى حيزود الكراهية

ومعتقلات امن الدولة والتعذيب فى الاقسام والبلاوى اللى كانو بيعملوها فى الناس 30 سنة بقانون الطوارىء مزودتش الكراهية !!!!!

[mr_vampire]

يااااااااااااااااااه

بتتريق على ناس بتضحى علشان الوطن

وشايف أنهم دخلوا وقبلوا بالمرتب الضعيف علشان هياخدوا رشاوى

طب ضباط الجيش تقول عليهم أيه

دخلوا كليات وهما عارفين المرتب كويس , وطبعا مالهمش مصدر دخل تانى

عارف مرتباتهم كام , بعد 20 سنه خدمه بيقبض 2800 جنيه وطبعا متجوز وعنده أولاد

يعنى فيه ناس بترضى بالقليل لأن ده رزقها , مش لانها هتستنفع من وراه

باشا ياريت متقولنيش كلام مقولتيش ولا تقولي بتتريق ولا مابتريقش. انا قولت نفكر فالموضوع بعقلانية وشوية منطق.

وعلي فكرة اسال كدة اي شاب او ولي امر بيقدم لابنه فالكليات العسكرية او الشرطة مش من ناحية يضحي بنفسه من اجل الوطن وبتاع لاء ده عشان وظيفة مؤكدة بعد التخرج ( اكيد يعني مشوفتش خريج كلية عسكرية قاعد عالقهوة مستني جواب التعيين ).

والناس اللي بترضي برزقها دول بتبقي مش عارفة اللي فيها وبعد كدة عرفو فرضيو برزقهم علي كدة انما داخليم اصلا وعارفين ان العائد قليل ولسة الاختيار في ايدهم تقول ايه بقي لما بردو يختارو الجهد الكبير ومقابل قليل. برده مقتنع ان دول عايزين يضحو بنفسهم من اجل الوطن.

وبرجع وبقول تاني انا في بداية كلامي اتكلمت علي فئتين من الشعب ( اللي المفروض هما اللي بيتقدمو للكليات ده ) اكيد يعني الفئة التالتة الفقيرة مبتفكرش اصلا فالحوار لانها نفسها تكمل تعليمها عاي اقصي تقدير بس لان المخلوع خلاها دولة الغني فيها بيزداد غني والفقير فيها بيزداد فقر.

وبقول تاااااااااااااااني التعميم مش صح واكيد في نماذج كويسة ولو لقيتهم هتلاقيهم مخنوقين من الوضع ونفسهم يخرجو او هتلاقيهم بيخرجو علي عميد لان الرتب الكبيرمش بيوصلها غير الناس اللي بتعرف تلاغي وتعرف تاكل الدماغ.

[ahmedfoud]

ولما هو موضوع ميتردش عليه بترد عليه ليه , حاجة غريبة والله

مش عارف ليه حاسس ان كل واحد بيدافع عن حاجة خاصة بيه , يعني لم جبنا سيرة الوسطة ناس بتقلك كل مصر بالواسطة واللي يقلك مش كل اللي بالوسطة وحشين

حاسس ان كل واحد واخد الموضوع من الناحية الشخصية


ياريت الناس تجاوب على تساؤلاتي بالمنطلق مش بالبطيخ وكلام سواقين الميكروباص

هههههه
طبعا انا مش هرد علي اهانتك عشان انا فعلا غلطان !!!!!!
من ناحيه الدفاع عن الحاجات الخاصه فدا من وجهه نظرك طبعا و انت وجهات نظرك
اما موضوع الواسطه يا باشا فلو كانت عشان تاخد حق من حقوقك و مفيش غير كدا فدي تبقي حلال اما ان كانت عشان تاخد حق مش بتاعك فهنا بقي تبقي وحشه و كخه و حرااااااااااام و علي فكره نفس الحكم في الرشوه .
اما يا ريس موضوع كل واحد بياخد الموضوع من ناحيه شخصيه فبردوا مش صح لان مفيش حد من اخوانا الضباط و منسوبي هيئه الشرطه علق علي موضوعك .
و موضوع الناس تجاوب علي تساؤلاتك ( بالمنطلق ) هههه اصد حضرتك ( بالمنطق ) دي بقي عندك حق فيها بس رئيك اصلا مش منطقي ان يتم تعميم صفه معينه علي شريحه كامله او نوعيه معينه فمثلا مش كل الورد ريحته حلوه و لا كل العربيات وحشه او حلوه و لا كل المحامين نصابين او شاطرين و لا كل المصريين بلطجيه او علماء و هكذا .
هههه موضوع البطيخ بقي الي انا ندمان و اسف عليه فدا عشان حبيت ابسطهالك علي قد ما اقدر عشان تعرف حضرتك تستوعبها و كمان اهي منها فكاهه و لكن انا مقدرتش اني بتكلم مع شخص معرفوش و دا لاني بحس ان كل الزملاء في المنتدي اخوان و دا لمسته فعلا في كل تعاملاتي مع الاعضاء الا القليل .
و بالنسبه لكلام سواقين الميكروباص فللأسف انا محتكتش بيه و كويس انك نبهتني .

[azmeralda]

مش عارفة انتوا مستغربين ليه ان واحد عايز يضحى بنفسه عشان الوطن
طب ما انا بنت اهو وكنت عايزة ادخل كلية شرطة بشدة رغم نظرة المجتمع ليا ومعارضة اهلى بس هم اللى مخدوش ثانوية عامة ايامها واكيد مكنتش عايزة ادخل عشان اتنطط على حد بيتهيألى انى دكتورة ده اقوى بالنسبة لى كبنت لكن اذا كنت انا حسيت بالحماسة دى مش مستبعدة على راجل ابن راجل
وحتى لما خلصت الكلية كنت ناوية ادخل شرطة او حربية 6 شهور والموضوع مراحش من دماغى بس لقيت شروطهم صعبة جدا لا تتناسب مع الزواج فى المستقبل فتراجعت
فاللى مش قادر يفهم ان واحد داخل عشان يخدم الناس وفعلا دى مشكلة عنده هو يمكن لأن هو معندوش الأحساس ده فمش متخيل يبقى عند حد تانى ازاى
وانا قريبى دخل شرطة من اكتر من 20 سنة عشان نفس السبب واتعرض للموت اكتر من مرة وكل الناس بتحبه وبتحترمه وعمره ما عامل حد وحش وكل الناس عارفة ان فى شغله ميعرفش ابوه يعرف الصح وبس مفيش وسايط عالقانون

[wa7d]

هههههه
طبعا انا مش هرد علي اهانتك عشان انا فعلا غلطان !!!!!!
من ناحيه الدفاع عن الحاجات الخاصه فدا من وجهه نظرك طبعا و انت وجهات نظرك
اما موضوع الواسطه يا باشا فلو كانت عشان تاخد حق من حقوقك و مفيش غير كدا فدي تبقي حلال اما ان كانت عشان تاخد حق مش بتاعك فهنا بقي تبقي وحشه و كخه و حرااااااااااام و علي فكره نفس الحكم في الرشوه .
اما يا ريس موضوع كل واحد بياخد الموضوع من ناحيه شخصيه فبردوا مش صح لان مفيش حد من اخوانا الضباط و منسوبي هيئه الشرطه علق علي موضوعك .
و موضوع الناس تجاوب علي تساؤلاتك ( بالمنطلق ) هههه اصد حضرتك ( بالمنطق ) دي بقي عندك حق فيها بس رئيك اصلا مش منطقي ان يتم تعميم صفه معينه علي شريحه كامله او نوعيه معينه فمثلا مش كل الورد ريحته حلوه و لا كل العربيات وحشه او حلوه و لا كل المحامين نصابين او شاطرين و لا كل المصريين بلطجيه او علماء و هكذا .
هههه موضوع البطيخ بقي الي انا ندمان و اسف عليه فدا عشان حبيت ابسطهالك علي قد ما اقدر عشان تعرف حضرتك تستوعبها و كمان اهي منها فكاهه و لكن انا مقدرتش اني بتكلم مع شخص معرفوش و دا لاني بحس ان كل الزملاء في المنتدي اخوان و دا لمسته فعلا في كل تعاملاتي مع الاعضاء الا القليل .
و بالنسبه لكلام سواقين الميكروباص فللأسف انا محتكتش بيه و كويس انك نبهتني .

غريبة والله لتاني مرة برضوا رديت
انا بقي مش حعلق على رأي حضرتك بخصوص منسوبي هيئة الشرطة حلوه منسوبي هيئة الشرطة دي , تقصد حضرتك منتسبي هيئة الشرطة ,ما شاء الله عليك واضح انك مثقف جدا , انت متأكد انك محتكتش بكلام سواقين الميكروباص !!!!

[MaZaGAngeE]

معاك يا باشا
قطاع الطريق دول لا يوجد فيهم رجل شريف
دول أعداء المصريين الحقيقين و لازم كلهم يروحوا و نجيب ناس جديدة لم تتسخ بالرشوة و الفساد و التعذيب ...........
حتى الموظفين المدنيين في الداخلية منحرفين و لازم يمشوا
الوزارة دي لازم تكون وزارة مدنية مش عسكرية