استلم يا سيدي ... اخر الافتكسات

[م.احمد زكريا]

جمعة شرفاء الجيش مع الثوار لاسقاط المشير وبقايا النظام



المعلومات الاساسيه
المكان 25 ميدان التحرير وباقى ميادين الجمهوريه, 2512011
انتماء ثورة 25 يناير
تاريخ الميلاد 25 يناير
البلد Egypt
منتم لـ حزب: الشعب المصرى
حول الوضع الخطير الذى وصلت اليه الثورة والتى اوشكت على الاجهاض باشراف وتخطيط محكم من طنطاوى لحمايه النظام السابق الذى هو جزء منه
الوصف الوضع الخطير الذى وصلت اليه الثورة والتى اوشكت على الاجهاض باشراف وتخطيط محكم من طنطاوى ,ومجلسه الذين خانوا الثورة ومطالبها ودماء شهدائها لحمايه انفسهم ورؤس النظام السابق الذين هم جزء منه
الآراء السياسية غير ذلك
جوائز وجودنا فى الميدان هو فقط من اسقط رئيس النظام ووجونا فى الميدان هو فقط من سيسقط اتباع النظام وعلى راسهم القائد الاعلى للثورة المضاد طنطاوى وهو فقط من سيقدم عزمى وصفوت الشريف وسرور وباقى لصوص ومجرمى النظام السابق الى المحاكمات الفعليه لا الوهميه التى يقودها طنطاوى
الديانة مصر بلدنا كلنا مسلمين واقباط
الاهتمامات 1- بعد امهال هذا المجلس شهور املا فى ان يتدارك جرائمه فى حق الثورة والثوار بالالتفاف على مطالبها واطلاق الرصاص على الثوار وملء المعتقلات الحربيه بهم لا خيار الان الا اقالتهم وتقديمهم للمحاكمه بتهمه الخيانه العظمى
=========================================
2-يخلفهم مجلس مدنى قادر على تسير دفه الامور من حل المجالس المحليه وانتخاب محافظين جدد وضع دستور جديد بديلا عن المهزله الدستوريه التى زورت اراده الشعب بعد الصفقه الشيطانيه بين المجلس وقوى متعطشه للسيايه
=========================================
3-استرداد اموال ومقدرات الشعب المنهوبه من الرئيس المخلوع ورؤس نظامه السابق وضخها فى خزينه الدوله المهلهله تمهيدا لارجاعها الى الشعب فى صورة خدمات وتحسين رواتب
=========================================
4-القصاص من كل من له صله مباشرة او غير مباشره بدم شهداء الثورة الابرار بعد تقديمهم لمحاكمات فوريه نزبهه بديله عن المحاكمات الوهميه التى يديرها المجلس العسكرى ويعاونه فيها النائب العام عديم الشرف والضمير
=========================================
5- إنتخابات رئاسيه . تحت اشراف قضائى كامل مع استبعاد كل من له صلة بالنظام السابق .أو القوات المسلحه

الجنس لا تحديد
المعلومات الشخصية الوضع الخطير الذى وصلت اليه الثورة والتى اوشكت على الاجهاض باشراف وتخطيط محكم من طنطاوى ,ومجلسه الذين خانوا الثورة ومطالبها ودماء شهدائها لحمايه انفسهم ورؤس النظام السابق الذين هم جزء منه




عايزين فوضى أكتر لو سمحتم

عايزين انقلابات في الجيش

مش عايزين وزير داخلية

إلى الأمام ..... ثورة ثورة ثورة

[yassin_samir]

المشير طنطاوى لو كان عايز يلم الثورة من اولها و قبل تنحى الرئيس مبارك الموضوع كان بالنسبة الى الجيش كان هيبقى بمنتهى السهولة
بس هو و الجيش وقف فى صف الثورة و الموضوع واضح جدا وضوح الشمس

[Amr Axel]

لا تعليق .... و عجبي !!!

[wesam_salom]

مين شرفاء الجيش دول
اول مره اسمع عنهم

[Dojuar]

الذين يهاجمون المجلس العسكري الآن ويحاولون تشويهه هم أنفسهم الذين كانوا يطالبون قبل ثلاثة أشهر فقط بأن يمتد حكم المجلس العسكري إلى سنتين أو ثلاثة لحين استقرار الأوضاع الأمنية وتمكن الأحزاب الجديدة من بناء ذاتها ، ولكنهم بعد أن رأوا إصرار المجلس العسكري على إنجاز الانتخابات البرلمانية والرئاسية في موعدها لتسليم القيادة إلى سلطة مدنية يختارها الشعب وتكرار التصريحات الصارمة والحاسمة من قيادات المجلس بالتزامهم بالخريطة السياسية التي حددها استفتاء الشعب الدستوري الشهير ، انقلبوا عليه ، لأنهم يشعرون أنهم لن ينجحوا في الامتحان الديمقراطي ، وأقسم بالله غير حانث ، أن كل هذه التحركات والاستفزازات والألاعيب التي تتم حاليا مدعومة بإعلام رجال عصر مبارك ، هدفها الأساس والجوهري تعطيل الاستحقاق الديمقراطي ، وإلغاء الانتخابات البرلمانية أو على الأقل تأجيلها ، وهم يحاولون إرباك كل شيء من أجل هذه الغاية ، خاصة بعد أن فشل رهانهم على الانفلات الأمني في الاختبارات الجماهيرية الحساسة ، مثل تنظيم الاستفتاء الدستوري وإنجاز امتحانات الثانوية العامة وإتمام مسابقة الدوري العام لكرة القدم ، وكلها تمت كما هو مقرر لها بنجاح وبدون أي فوضى أمنية ، وما شابها من بعض أحداث سلبية هي كالمعتاد الذي كان يحدث في سنوات عصر مبارك ، وهذا ما يسقط حجتهم الشهيرة بطلب تأجيل الانتخابات لأن الأوضاع الأمنية لا تسمح .

http://www.nilemotors.net/Nile/232121-a.html

http://www.nilemotors.net/Nile/232157-a.html

[engaass]

لما نلاقى 2 مدنين متفقين على طريقة واحدة لادارة البلد نبقى نشيل الجيش اللى هو الجهاز الوحيد اللى ما زال متماسك فى البلد

[EZABY]

مين شرفاء الجيش دول
اول مره اسمع عنهم

يبقى حضرتك على الأقل أطرش

لقد خالفت القاعدة رقم 12 و أستحققت إنذار مع وقف أسبوع
الرجاء مراجعة قوانين المنتدى
مشرف عام 2

[fepsceasar]

لما نلاقى 2 مدنين متفقين على طريقة واحدة لادارة البلد نبقى نشيل الجيش اللى هو الجهاز الوحيد اللى ما زال متماسك فى البلد

هو ده الكلام والحل اجراء انتخابات من أجل تشكيل مؤسسات ديمقراطية ومقاطعة اى دعوة لشكيل مؤسسات حكم للقفز على السلطة بدون اجراء انتخابات

[تامر.محمد]

خلينا كده نجري نقفش في كلمة اي عيل طلع بيان من صفحة مجهولة على الفيس بوك

[Everlasting]

خلينا كده نجري نقفش في كلمة اي عيل طلع بيان من صفحة مجهولة على الفيس بوك

الشعب يريد تحرير العقول.

[م.احمد زكريا]

خلينا كده نجري نقفش في كلمة اي عيل طلع بيان من صفحة مجهولة على الفيس بوك

أهو العيل ده في 10 الاف معجب بيه ومنضمين لصفحته

والباقي بيمشي وراه زي القطيع ومحدش فاهم حاجة

وهايصين في الهيصة

وبعدين هو ايه الفرق بين اليتقال على الصفحة ديه والبيتقال مره ايام الثورة ومرة اليومين دول

ان الجيش ليس المجلس العسكري

يعني مش العقول شغالة وبتربط الامور ببعضيها

مش بنسمع وخلاص ومسلمينلهم

[تامر.محمد]

أهو العيل ده في 10 الاف معجب بيه ومنضمين لصفحته
والباقي بيمشي وراه زي القطيع ومحدش فاهم حاجة
وهايصين في الهيصة
وبعدين هو ايه الفرق بين اليتقال على الصفحة ديه والبيتقال مره ايام الثورة ومرة اليومين دول
ان الجيش ليس المجلس العسكري
يعني مش العقول شغالة وبتربط الامور ببعضيها
مش بنسمع وخلاص ومسلمينلهم

حتة ان الجيش ليس المجلس العسكري دي ناس كتير بتقولها , و سيبنا من مدى صحتها لأن ده بيقول زيه زي غيره

مسألة مجلس مدني , من الآخر فيه ناس لهم مصالح بيزقوا في السكة دي , لكن الاجمالي في التحرير مش بيقول كده رغم اقتناعهم ان المجلس خان الثورة , و مطالبهم انا نقلتها هنا للناس يوم الخميس اللي فات , ولا فيها دستور اولا ولا فيها مجلس رئاسي

[wesam_salom]

يبقى حضرتك على الأقل أطرش

شكرا لحضرتك

انا بتكلم على الناس اللى طلعت البيان مش على الناس اللى فى الجيش

اول مره اسمع عن الائتلاف ده او المجموعه دى

[AmAhmed]

مفيش حل ناصع البياض صحيح 100% بدون جوانب سلبية
و كل طريق و له سلبيات و مشاكل

اري ان الافضل الابقاء علي المجلس العسكري مع الضغط عليه للاستجابة لمطالب الاصلاح حتي تتسلم سلطة منتخبة

و مش شايف مشكلة من الانتخابات فهي صوت الشعب .. كذلك هي باذن الله بالكامل بالقائمة النسبية يعني صوتك مش بيدعم مرشح واحد ده بيدعم قائمة و فكر و اتجاه سياسي كامل
يعني السيطرة و فساد نظام الانتخاب الفردي مش موجود
= تمثيل افضل و فرص اكبر لجميع الاتجاهات

و كأننا بننتخب جمعية تأسيسية للدستور و مجلس رئاسي مؤقت عن طريق مجلس الشعب

لان حق الغلابة علينا ان بعد 6-7 شهور ان ننتقل خطوة الي الامام مش نرجع ورا عدة خطوات لنسلك طريق اخر تمام
و مش معني ان ثورات كتير بدأت بالدستور انه يصبح فرض و لا صحيح سواه

الهدف الوصول لمجموعة منتخبة بنزاهة تدير البلد و تصلح المعوج و ليس الهدف انشاء قوانين 100% من اول اقرار لها و الشعب و ميدان التحرير موجود لتقويم اي انحراف

[EZABY]

اقتباس




مين شرفاء الجيش دول
اول مره اسمع عنهم




يبقى حضرتك على الأقل أطرش

لقد خالفت القاعدة رقم 12 و أستحققت إنذار مع وقف أسبوع
الرجاء مراجعة قوانين المنتدى
مشرف عام 2

اقتباس
المشاركة الأصلية كتبت بواسطة ezaby




يبقى حضرتك على الأقل أطرش




شكرا لحضرتك

انا بتكلم على الناس اللى طلعت البيان مش على الناس اللى فى الجيش

اول مره اسمع عن الائتلاف ده او المجموعه دى

العضو wesam_salom
الأول انا فهمت كلامك غلط ورديت عليك بس انت بعد كده وضحت المعني المقصود بكلامك ووضحته بطريقه متحضره وانا لما شفت ردك كنت هشكرك واعتذرلك على اللي انا قلته في الأول بس الوقف كان أسرع مني
واتوقفت بصوره غريبه يعني الكلام ده كان يوم 11 واتوقفت اسبوع ولما اجي ادخل يقوللي انت موقوف لـ 1 اغسطس
المهم اني بعتذرلك على سوء الفهم ومعلش لو متاخر شويه