إعـــــــلان

Collapse

.

,
See more
See less

فيلم عسل أسود وفيها حاجة حلوة !!!

Collapse
X
 
  • Filter
  • الوقت
  • Show
Clear All
new posts

  • #46
    المشاركة الأصلية كتبت بواسطة axel مشاهدة المشاركة
    اسمحلي اعلق ع رد حضرتك بخصوص غلطات الفيلم



    فعلا حاجات صح لكن في نفس الوقت مش كله كده و مش بقولك كده من وحي خيالي بل عن تجرية او قدام عيني في شخص بيهتم بابن بلده اكتر من الاجنبي و العكس و في ناس ملهاش غير شغلها و تتعامل بنفس الطريقة مع الزبون مصري او اجنبي الاتنين واحد يعني مينفعش نعمم بترجع للشخص
    و هديك مثل من الفيلم كمان شوف دور لطفي لبيب سواق الميكروباص بالرغم اللي عمله معاه و بص في الاخر الجدعنه برده طلعت

    ع فكرة يا استاذ عمرو واضح ان الباسبور الكندي أثر عليك


    هي مش حكاية نطق أو كلام أو اكسنت بتاعة الشخص .. بس المفروض الفيلم يبقى محبوك شوية .. و بجد تلاقي مثلاً معاملة المصريين في شرم غير المعاملة بتاعة الأجانب .. ذي بظبط المضيفة لما كلمت الطيار و بتقول شكلو مصري لكن أول لما عرفت إنو أمريكي الطيار رجع .. دة بيوضح ازاي الأجنبي أو الخليجي بيتعملو أحسن معاملة .. بلاش .. سواقين التاكسي هيقولك أنا مش هركب واحد مصري علشان بيفاصل ذي بظبط لطفي معمل مع حلمي و هو نفس قال مصريين لأ و إلي ميعرفهوش إن الأجانب بيكونو عارفين إن مثلاً لو ركبت تاكسي من سيتي ستارز لغاية مصر الجديدة مثلاً اخرها 10 جنيه و كدة السواقين فاكرين بقى انهم ممكن يضحكو عليهم و يقولو 50 .. أنا مش بهاجم الفيلم 100% بس فيه حاجات ناقصة .. الفيلم إلي عاجبني كان بتاع عادل إمام بخيت و عديلة 3 .. جابو الصورة قريبة جداً من الحقيقة
    [CENTER]

    [/CENTER]

    Comment


    • #47
      يا جماعة المشكلة أن أحنا غصب عننا بنقارن العيشة فى مصر ببلاد تانية ....
      ولما بقارن بتصدم وبحس أنى أنضحك عليا فى البلد دى ....
      كنت بتفرج على برنامج أمبارح وعرفت أن أى أسرة فى ألمانيا ربنا بيرزقها بطفل ....
      الحكومة الألمانية بتصرف للأسرة 1000 يورو أعانة شهرية ....
      يعنى الحكومة الألمانية بتهتتم بالأنسان من أول ما بيتولد ....
      بتوفر لة غذاء وتعليم وعلاج على أرقى مستوى ....
      فبالتالى المواطن الألمانى بيحس بأنتماء شديد جدآ لبلدة ....
      لأنة بيبقى حاسس أن بلدة أديت لة كتير أوى ....
      مينفعش أب يبقى قاسى وبخيل جدآ على أولادة ....
      وبعدين يطلب منهم الحب و الأهتمام ....

      Comment


      • #48
        تمام حضرتك بتكلم عن اخراج الفيلم نفسه

        المشاركة الأصلية كتبت بواسطة amribrahim مشاهدة المشاركة
        هي مش حكاية نطق أو كلام أو اكسنت بتاعة الشخص .. بس المفروض الفيلم يبقى محبوك شوية ..
        بص يا ريس احنا بشر و جل من لا يسهو عمرك ما هتلاقي حاجة كاملة ابدا لأن الكمال لله سبحانه و تعالي مهما وصل علم الانسان و مهارته هيخطئ برده مفش انسن ميخطئش و بالنسبة الفيلم طبيعي هتلاقي في اي حاجة ممكن توقع الفيلم بعيدا عن فيلم عسل اسود
        حتي اشهر الافلام العالمية و واخدة جوايز بتوقع برده منها حاجات و احنا بنعتبر زي ناقدين غير رسميين ليها و بنلاحظها وقت المشاهدة

        و بجد تلاقي مثلاً معاملة المصريين في شرم غير المعاملة بتاعة الأجانب .. ذي بظبط المضيفة لما كلمت الطيار و بتقول شكلو مصري لكن أول لما عرفت إنو أمريكي الطيار رجع .. دة بيوضح ازاي الأجنبي أو الخليجي بيتعملو أحسن معاملة ..

        مانا قولتلك بترجع للشخصية نفسها زي مقولتلك انا لقيت النوعيات كلها و ع فكرة اهم حاجة انك تعامل السياح كويس لأن ده عائد لينا برده بطريقة غير مباشرة
        بس اهم حاجة متنساش ابن بلدك


        بلاش .. سواقين التاكسي هيقولك أنا مش هركب واحد مصري علشان بيفاصل ذي بظبط لطفي معمل مع حلمي و هو نفس قال مصريين لأ و إلي ميعرفهوش إن الأجانب بيكونو عارفين إن مثلاً لو ركبت تاكسي من سيتي ستارز لغاية مصر الجديدة مثلاً اخرها 10 جنيه و كدة السواقين فاكرين بقى انهم ممكن يضحكو عليهم و يقولو 50 .. أنا مش بهاجم الفيلم 100% بس فيه حاجات ناقصة .. الفيلم إلي عاجبني كان بتاع عادل إمام بخيت و عديلة 3 .. جابو الصورة قريبة جداً من الحقيقة
        مش كله برده يا ريس كده في و في زي مقولت و عن تجربة

        اه اللي هو بتاع هالو امريكا تقريبا

        بس لو لاحظت ان الفيلم ذاكر سلبيات كتيير عندهم
        زي البنت و صاحبها و الاسلحة اللي متاحة للجميع و اي حد يشتري و بتوع المظاهرات الــ ..... يعني ده نتيجة من نتايج الحرية اللي اكتر من اللازم من غير الارتباط بدين او تقاليد
        و غيره من السلبيات يمكن كل الفيلم سلبيات و في الاخر طلع اتبهدل و الاحسن له لو كان فضل في مصر برده
        [CENTER][SIGPIC][/SIGPIC]
        [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
        [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
        [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
        [/CENTER]

        AXEL سابقا

        Comment


        • #49
          المشاركة الأصلية كتبت بواسطة ghosts مشاهدة المشاركة
          يا جماعة المشكلة أن أحنا غصب عننا بنقارن العيشة فى مصر ببلاد تانية ....
          ولما بقارن بتصدم وبحس أنى أنضحك عليا فى البلد دى ....
          كنت بتفرج على برنامج أمبارح وعرفت أن أى أسرة فى ألمانيا ربنا بيرزقها بطفل ....
          الحكومة الألمانية بتصرف للأسرة 1000 يورو أعانة شهرية ....
          يعنى الحكومة الألمانية بتهتتم بالأنسان من أول ما بيتولد ....
          بتوفر لة غذاء وتعليم وعلاج على أرقى مستوى ....
          فبالتالى المواطن الألمانى بيحس بأنتماء شديد جدآ لبلدة ....
          لأنة بيبقى حاسس أن بلدة أديت لة كتير أوى ....
          مينفعش أب يبقى قاسى وبخيل جدآ على أولادة ....
          وبعدين يطلب منهم الحب و الأهتمام ....

          زي مقولت مينفعش تقارن دولة بدولة و الاتنين مختلفيين تماما كل واحدة ليها ظروفها

          يعني مثلا المانيا اكبر اقتصاد في الاتحاد الاوروبي و الرابع ع العالم و تاني اكبر دولة مصدرة في العالم

          و انا اول مرة اسمع فعلا 1000 يورو اعانة شهرية لما الاسرة بترزق بطفل لأن هناك عدد الناس تقريبا 80 مليون و اسلوب الاسر نفسه مختلف بسبب تنوع الجنسيات و عرفت انهم هناك كل ما الاسرة بقت اقل كل ما يعتبر افضل ليهم لدرجة ان فيه ناس بتجوز انما ميرضوش يخلفوا بس كل شئ جائز
          و لاحظ ممكن يكون للسكان الاصليين بس اللي هم ولدوا المانيين و ده لأن عدد الاجانب هناك كبيير جدااا و وصل عدد المواليد الاجانب طبقا لاحدث احصائية لــ30 في المية

          لكن برده هنقول شوف الفرق في اقتصاد و ناس بتشتغل بجد مش ناس عايزين يقعدوا و الفلوس و الاكل و الشرب يجيلهم لحد عندهم عندنا قليل لما تلاقي حد بيشتغل بضمير


          و لو افترضنا انهم بياخدوا اعانة شهرية زي ما بتقول لكن في المقابل شوف مثلا التعليم و خاصة العالي مكلف ازاي و ده معروف في اوروبا
          و طبقا لاحصائية قريتها و هي ان في اوروبا بنات كتير بيلجأوا لطرق غير مشروعة و يحترفوها عشان يقدروا يغطوا مصاريف الجامعة نظرا للاسر الفقيرة او مصاريف الجامعة المكلفة
          و اللي نشرت بنت عمرها 18 سنة ألفت كتاب عن الكلام ده اسمه " دراستي المكلفة " تقريبا و كانت في فرنسا و في كتب تانية اتنشرت عن نفس الموضوع ده
          و اتعمل احصائيات عن الموضوع ده

          ع العكس هنا المصاريف تعتبر بسيطة ع سبيل المثال كلية حقوق هنا 200 جنيه انتظام يعني قول في الــ4 سنين 800 جنيه مصاريف برة بتوصل لــ100 الف دولار ,هتفضل انهي ؟؟

          و كمان حضرتك لفيت في نفس النقطة بتاعت الانتماء
          و هو عشان البلد بتديله بيحس بالانتماء
          انما مش بيحس بالانتماء عشان البلد اللي ادته جنسيتها و نشأ فيها ؟؟
          حضرتك كده بتكلم عن مرتزقة بيدوا انتمائهم لليدفع ليهم و يعيشهم
          او ناس معندهمش احساس و لا عواطف ناس زي الانسان الآلي

          انما اللي بيحب ارض بلده نفسها ميقولش مش باخد يبقي هحس بالانتماء ليه كده يبقي مرتزقة و لا انا غلطان ؟؟
          [CENTER][SIGPIC][/SIGPIC]
          [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
          [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
          [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
          [/CENTER]

          AXEL سابقا

          Comment


          • #50
            يا أستاذ اكسيل حتى لو دفعت مليون دولار مثلاً في التعليم بس دة هقدر أرجع المبلغ دة بسهولة .. لكن لو أنا دخلت حقوق و دفعت 200 جنيه ذي مأنت بتقول حتخرج و قعد على أقرب قهوة .. و أرجع و أقولك المصريين للأسف مش بيهتمو بالمصريين الأجنبي الأول و بعدين إبن بلدي لما أخلص مع الأجنبي .. و بعدين احنا لازم نقارن البلدين مع بعد ... بلاش أمريكا أو كندا .. دة أنا لو عندي أو جالي شغل في الخليج لازم أقارن البلدين و أشوف أنه أحسن .. ذي العربية بظبط ليه الواحد بيختار الكوري على الصيني أو المصري مثلاً مش علشان الإنتماء و كدة لأ علشان راحت بال .. علشان مثلاً أطلع باسبور أفضل ألف كعب داير أو علشان ادفع فاتورة التلفون أقف في طابور ولا تمور الجمعية و نفس الحكاية في المرور و علشان أخلص التراخيص بتاعة عربية جديدة أدي الراجل بتاع التوكيل أو المعرض 200 جنيه ليه أرجع و أقول في الخليج بلاش اوروبا أو أمريكا أو كندا إنت بتوقف ذي الباشا في الطابور و تخلص .. ليه أمشي في مصر بكشكول أو أجندة مليانة وسايط لكل حاجة .. ليه استنى أسبوع علشان النت يدخل البيت و أسمع البيه بتاع الشركة يقولي مفيش بورت فاضي في السنترال و فوت علينا بكرا و بعدو ذي فيلم الإرهاب و الكباب دواخو عادل إمام مرة يقولك في دورة تدريبية و مرة مش عارف فين و كدة .. ليه لما اتعامل مع ناس في مصر ألاقي ناس تقولي هو كدة لو مش عجبك امشي بكل بجاحة أنا عارف إن مش مش الناس كدة بس بردو مفيش حد برا يستجري يقول لو مش عجبك .. أنا ياما حاولت اني أتعايش مع الطريقة ديه بس كل مرة بتخنق و كدة
            [CENTER]

            [/CENTER]

            Comment


            • #51
              والله يا Ghost إنت برنس والله يابني برنس أخر حاجة إنت جبت المفيد


              [CENTER]

              [/CENTER]

              Comment


              • #52
                علفكرة الناس الي بيقولو ان الغرب حياتهم جافة ومفيش حد بيعرف حد ولا بيسال علي حد يبق مبيشوفش الا افلامهم الاكشن والخيال العلمي ويسمع من الي بيكرهوهم
                علفكرة سيبك من المدن الكبيرة هناك لان بردو محدش يعرف حد في بلدك في القاهرة مثلا علي مستوي كبير لان المدن الكبيرة دي طبيعتها وعادي
                لكن روح مدن الولايات الصغيرة في امريكا او الريف في اوروبا عامتا وهولاندا مثلا
                اولا هتلاقي الدفا بين الاسر يمكن اكتر من مصر وتعامل برقي جدا وعادات وتقاليد تعتبر نسخة من عاداتنا وتقاليدنا غير عادات وتقاليد المدن بتاعتهم خالص من حيث المعني والشكل وكل حاجة
                هتلاقي احترام للقانون
                ولوطفل في الشارع الكل بيساعدة
                هتلاقي لو حد تعبان 100 واحد يتصل بالاسعاف او يساعدوه هما مش زي عندنا لا ياعم انا مالي دول هيدخلوني في سين وجيم
                الكل بيسال علي بعضة
                في بردو حاجات كتير حلوة في مصر
                بس للاسف كلها بدات تتاكل جدا وحسب ما مستقبل مصر السياسي هيتحدد هيكون في متغيرات كتير هتحصل
                يعني مثلا في طريق سياسي هيخلي الي اتغربو وسابو مصر يرجعولها تاني
                وفي طريق تاني هيخلي صفوة مصر والناس الكويسة بجد هتسيب مصر
                فا الحكاية مبقتش الحلو والوحش بس
                مع ان اصلا حاليا الوحش يكسب الحلو بس الفترة الي جاية يا هتتغير للاحسن والناس ترجع تعمر بلدها يا هتتجة للاتجاة الخرابي ودا طبعا هتلاقي الناس بدات تخلع وتسيبها لان مش هيبق في امل اساسا ليها او فيها

                Comment


                • #53
                  طلع من جنابك وفضفض يامواطن منك له
                  الحرامية اللي بينهبو البلد ويطلعو فلوسهم وثرواتها برة مفيش اقذر منهم
                  ليه
                  فيه حرامية تانيين في بلاد تانية بيعملو تدوير لفلوسهم داخل البلد بيبقوا دولة داخل الدولة بس بيشغلوا الناس ويعملو فرص عمل لناسها
                  وبعدين من مصلحة القطب الاوحد اللي راكبه ولاد العم
                  ان احنا نكون لا صاحيين ولا ميتين زي ما اللي الله يجحمه ويجحمهم اللي معاه كانو محققين دا لولاد عمنا علي طبق من ذهب مطعم بالفضة والياقوت وال وال
                  بس حب الوطن من الايمان
                  تخيلوا المشهد دا : عيل بيداري في جلابية امه وبيستنجد بيها وهي بتضربه بيفكركو بحاجة
                  أم الدنيا
                  اه صحيح بيدوا برة فلوس بس ده مقابل احلي سنين العمر ولو حصلت اي مشكلة يلا ياشاطر انت وهو روح امسك عفوا يلا علي بيت امك هو اللي يلمك وليبيا مش بعيدة ياحلوين
                  [SIZE=6][SIZE=5][B]الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->[/B][/SIZE] [/SIZE]
                  [B][SIZE=6]كن عالما أو متعلما أو محبا للعلم ولاتكن الرابع:3_3_102[1]:[/SIZE][/B]

                  Comment


                  • #54
                    المشاركة الأصلية كتبت بواسطة amribrahim مشاهدة المشاركة
                    والله يا Ghost إنت برنس والله يابني برنس أخر حاجة إنت جبت المفيد


                    ربنا يخليك ....
                    كلك ذوق ....

                    Comment


                    • #55
                      المشاركة الأصلية كتبت بواسطة amribrahim مشاهدة المشاركة
                      يا أستاذ اكسيل حتى لو دفعت مليون دولار مثلاً في التعليم بس دة هقدر أرجع المبلغ دة بسهولة .. لكن لو أنا دخلت حقوق و دفعت 200 جنيه ذي مأنت بتقول حتخرج و قعد على أقرب قهوة .. و أرجع و أقولك المصريين للأسف مش بيهتمو بالمصريين الأجنبي الأول و بعدين إبن بلدي لما أخلص مع الأجنبي .. و بعدين احنا لازم نقارن البلدين مع بعد ... بلاش أمريكا أو كندا .. دة أنا لو عندي أو جالي شغل في الخليج لازم أقارن البلدين و أشوف أنه أحسن .. ذي العربية بظبط ليه الواحد بيختار الكوري على الصيني أو المصري مثلاً مش علشان الإنتماء و كدة لأ علشان راحت بال .. علشان مثلاً أطلع باسبور أفضل ألف كعب داير أو علشان ادفع فاتورة التلفون أقف في طابور ولا تمور الجمعية و نفس الحكاية في المرور و علشان أخلص التراخيص بتاعة عربية جديدة أدي الراجل بتاع التوكيل أو المعرض 200 جنيه ليه أرجع و أقول في الخليج بلاش اوروبا أو أمريكا أو كندا إنت بتوقف ذي الباشا في الطابور و تخلص .. ليه أمشي في مصر بكشكول أو أجندة مليانة وسايط لكل حاجة .. ليه استنى أسبوع علشان النت يدخل البيت و أسمع البيه بتاع الشركة يقولي مفيش بورت فاضي في السنترال و فوت علينا بكرا و بعدو ذي فيلم الإرهاب و الكباب دواخو عادل إمام مرة يقولك في دورة تدريبية و مرة مش عارف فين و كدة .. ليه لما اتعامل مع ناس في مصر ألاقي ناس تقولي هو كدة لو مش عجبك امشي بكل بجاحة أنا عارف إن مش مش الناس كدة بس بردو مفيش حد برا يستجري يقول لو مش عجبك .. أنا ياما حاولت اني أتعايش مع الطريقة ديه بس كل مرة بتخنق و كدة
                      كلام فى الصميم يا أستاذ عمرو ....
                      فيلم الأرهاب والكباب أنتاج سنة 1992 ....
                      و اللى يشوفة لأول مرة يفتكر أنة أتصور الأسبوع اللى فات ....
                      لحد أمتى هنفضل محلك سر ؟؟؟!!!

                      Comment


                      • #56
                        المشاركة الأصلية كتبت بواسطة ghosts مشاهدة المشاركة
                        كلام فى الصميم يا أستاذ عمرو ....
                        فيلم الأرهاب والكباب أنتاج سنة 1992 ....
                        و اللى يشوفة لأول مرة يفتكر أنة أتصور الأسبوع اللى فات ....
                        لحد أمتى هنفضل محلك سر ؟؟؟!!!

                        عليك نور أهو إنت قولت أهو فيلم إنتاج 1992 و فيلم إنتاج 2009 أو 2008 و نفس الكلام و الحوارات .. يا باشا ده بقى الطبيعي في مصر يعني أنا عارف إن علشان أخلص و أنجز لجيب واسطة لجيب شاي و طبعاً مش كل مرة هفضل اتصل بالواسطة
                        [CENTER]

                        [/CENTER]

                        Comment


                        • #57
                          المشاركة الأصلية كتبت بواسطة abou_ruqi مشاهدة المشاركة
                          المهم ان الفيلم طلع ان الحاجة الوحيدة اللي حلوة في مصر هي موائد الرحمن
                          طب دي حاجة موسمية بتحصل مرة في السنة ومدتها نص ساعة في اليوم

                          الحاجة التانية هي العيدية ودي برضه موسمية ومدتها ساعة في اول يوم عيد

                          ده معناه ان المخرج مش لاقي حاجة حلوة يقنعنا بيها ليه ممكن امريكي يقر ر يعيش في مصر
                          هاهاها, الفيلم دة واقعى جدا

                          Comment


                          • #58
                            المشاركة الأصلية كتبت بواسطة Axel مشاهدة المشاركة

                            زي مقولت مينفعش تقارن دولة بدولة و الاتنين مختلفيين تماما كل واحدة ليها ظروفها
                            يعني مثلا المانيا اكبر اقتصاد في الاتحاد الاوروبي و الرابع ع العالم و تاني اكبر دولة مصدرة في العالم


                            لكن برده هنقول شوف الفرق في اقتصاد و ناس بتشتغل بجد مش ناس عايزين يقعدوا و الفلوس و الاكل و الشرب يجيلهم لحد عندهم عندنا قليل لما تلاقي حد بيشتغل بضمير



                            و طبقا لاحصائية قريتها و هي ان في اوروبا بنات كتير بيلجأوا لطرق غير مشروعة و يحترفوها عشان يقدروا يغطوا مصاريف الجامعة نظرا للاسر الفقيرة او مصاريف الجامعة المكلفة


                            ع العكس هنا المصاريف تعتبر بسيطة ع سبيل المثال كلية حقوق هنا 200 جنيه انتظام يعني قول في الــ4 سنين 800 جنيه مصاريف برة بتوصل لــ100 الف دولار ,هتفضل انهي ؟؟

                            و كمان حضرتك لفيت في نفس النقطة بتاعت الانتماء
                            و هو عشان البلد بتديله بيحس بالانتماء
                            انما مش بيحس بالانتماء عشان البلد اللي ادته جنسيتها و نشأ فيها ؟؟
                            حضرتك كده بتكلم عن مرتزقة بيدوا انتمائهم لليدفع ليهم و يعيشهم


                            انما اللي بيحب ارض بلده نفسها ميقولش مش باخد يبقي هحس بالانتماء ليه كده يبقي مرتزقة و لا انا غلطان ؟؟
                            أسمح لى يا Axel أرد على مشاركتك نقطة نقطة ....
                            أولآ مصر بلد غنية بس معظم اللى حكموها شوية حرامية ....
                            المشكلة مش فى ظروف البلد المشكلة فى اللى ماسكين البلد ....

                            ثانيآ مين اللى قال أن المصرى مش عايز يشتغل بجد ؟؟؟
                            المصرى اللى بيسافر برة بيتفوق جدآ فى شغلة لأنة بيلاقى التقدير المادى المناسب جدآ ....
                            لكن الموظف فى مصر مش لاقى مرتب محترم يكفية ....
                            وبيضطر يشتغل شغلتين وتلاتة عشان يقدر يلبى أبسط أحتياجاتة ....

                            ثالثآ مش كل البنات فى أوروبا بيمشوا فى السكة دى ....
                            التعميم غلط وصوابعك مش زى بعضها ....

                            رابعآ بالنسبة للتعليم أكيد هفضل التعليم اللى مستواة أحسن طبعآ ....
                            أنت فرحان أنك بتدفع 200 جنية عشان تتعلم ....
                            بس بصراحة بقى ... هل أنت راضى عن مستوى التعليم فى مصر ؟؟؟!!!
                            هل أستفدت حاجة من اللى أتعلمتة فى أبتدائى وأعدادى وثانوى ؟؟؟!!!
                            دة معظم خريجى الجامعات المصرية حالهم ما يعلم بية الا ربنا ....
                            أنا مرة تعبت ورحت مستشفى بدران اللى فى شارع الثورة فى الدقى ....
                            كشف عليا دكتور حديث التخرج وشخص مرضى غلط ....
                            وأدانى أدوية غلط كانت هتموتنى ....
                            دكتور حمار زى دة ... أتعلم حاجة فى كلية الطب ؟؟؟!!!

                            خامسآ بالنسبة لموضوع الأنتماء أزاى الأنسان ميحسش بأنتماء للبلد اللى أعتنت بية من أول ثانية فى حياتة ؟؟؟!!!
                            فى مصريين كتير بيحسوا بأنتماء طبعآ بس مش بشكل قوى ....
                            ودى نتيجة طبيعية جدآ لأنهم شافوا من البلد كتيييييييييييييير ....
                            أية رأى حضرتك فى الدكتور أحمد زويل ؟
                            لية مش عايز يعيش فى مصر بدل أمريكا ؟
                            لأنة مش عاجبة حاجات كتير أوى فى مصر ....
                            وأتعرض علية كتير البقاء فى مصر وهو رفض ....
                            و على فكرة أخر ورقة فى ملف أحمد زويل فى ملفة فى جامعة أسكندرية ....
                            هى ورقة تفيد أنة مفصول من الجامعة لأنة المفروض كان رايح أمريكا فى بعثة وراجع تانى ....
                            لكنة راح ومرجعش و مش عايز يرجع بشكل دائم ....
                            هتقول علية أنة واحد من المرتزقة اللى بيدوا أنتمائهم لليدفع لهم و يعيشهم أحسن ؟؟؟!!!

                            سادسآ أعتقد أن أنت ماشى بالمبدأ اللى بيقول :
                            متقولش أديتنا أية مصر ....
                            قول هاندى أية لمصر ....
                            حب الوطن مش كلام وبس ....
                            لازم أحس أن الوطن اللى عايش فية بيعتنى بيا و بيوفر لى :
                            الأمن ....
                            الحرية ....
                            العدالة ....
                            الديموقراطية ....
                            الغذاء الجيد ....
                            تأمين صحى شامل ....
                            التعليم اللى أستفيد منة ....
                            الشوارع النظيفة المنظمة ....
                            فرص عمل جيدة و مرتبات مجزية ....
                            متنزهات ونوادى تساعد الولاد أنهم يخرجوا الطاقة اللى جواهم بدل اللعب فى الشارع ....
                            لما أحس أن الوطن قدم لى كل الحاجات دى ....
                            لازم هاحبة و هاحس بأنتماء قوى لة ....
                            ولو أنا غلطان يا جماعة قولوا لى ....





                            Comment


                            • #59
                              استاذ axel انتا راجل محترم
                              و بصراحه الفيلم عاجبني جدا و شفته مرتين لحد دلوقتي
                              و البلد مش حتتقدم طول ما فيها ناس حراميه و جشعه و بيستغلوا الفرص و همها مصلحتها وبس
                              يعني مثلا حكايه تصدير الغاز لاسراءيل الناس عشان مصلحتها الشخصيه وقعوا الاتفاقيه مع اسراءيل وطلعوا بكام مليون وودوا البلد في ستين داهيه
                              لازم كلنا نحب مصر عشان مصر تكون احسن

                              Comment


                              • #60
                                المشاركة الأصلية كتبت بواسطة amribrahim مشاهدة المشاركة
                                يا أستاذ اكسيل حتى لو دفعت مليون دولار مثلاً في التعليم بس دة هقدر أرجع المبلغ دة بسهولة .. لكن لو أنا دخلت حقوق و دفعت 200 جنيه ذي مأنت بتقول حتخرج و قعد على أقرب قهوة ..

                                تفتكر ؟؟؟ خلاص يا ريس انا موافق روح ادفع مليون دولار و وريني هتقدر ترجعهم بعد اد ايه ده لو قدرت ترجعه اساسا
                                ع فكرة كتيير من الناس برة مش بيكملوا تعليم عالي بيبقي فيه كتيير متوسط و بيشتغلوا اي ح
                                اجة
                                و كمان مين قالك ان كل واحد دخل حقوق و لا اي كلية هيطلع يقعد ع القهوة اللي بيقعدوا ع القهوة دول الناس اللي فعلا ميستحقوش يشتغلوا و انا وضحت في كلامي هم مين بالظبط في اول مشاركاتي

                                و متنساش ان ربنا اللي بيرزق زي ما بيرزق النملة بيرزق الانسان

                                يا جماعة و الله مش زي ما انتو فاكرين الناس هناك بتشتغل بعدد الساعات و في اوقات شغلتين صبح و بليل عشان يقدروا يعيشوا بلاش عقدة الخواجة ديه


                                و أرجع و أقولك المصريين للأسف مش بيهتمو بالمصريين الأجنبي الأول و بعدين إبن بلدي لما أخلص مع الأجنبي ..
                                مانا مش معترض ع كلامك انا بقولك فيه و فيه
                                صوابعك مش زي بعضها

                                زي الفرق بيني انا و حضرتك انا متفائل و عايز الناس تتغير و بحاول جاهدا اعمله لما اشوف اي حد
                                و حضرتك متشائم تماما و بالبلدي مكبر دماغك

                                و بعدين احنا لازم نقارن البلدين مع بعد ... بلاش أمريكا أو كندا .. دة أنا لو عندي أو جالي شغل في الخليج لازم أقارن البلدين و أشوف أنه أحسن ..

                                حضرتك محسسني اني معترض ان الناس تسافر انا كلامي كان واضح اللي عايز يسافر يسافر بس مينساش هنا
                                و يطلع يشرفنا مش يعرنا


                                ذي العربية بظبط ليه الواحد بيختار الكوري على الصيني أو المصري مثلاً مش علشان الإنتماء و كدة لأ علشان راحت بال ..

                                مينفعش تقارن الوطنية و الانتماء بشراء عربية ديه حاجة مادية و ديه حاجة حسية مش بقولك واضح ان الباسبور الكندي اثر عليك ههههه

                                علشان مثلاً أطلع باسبور أفضل ألف كعب داير أو علشان ادفع فاتورة التلفون أقف في طابور ولا تمور الجمعية و نفس الحكاية في المرور و علشان أخلص التراخيص بتاعة عربية جديدة أدي الراجل بتاع التوكيل أو المعرض 200 جنيه ليه أرجع و أقول في الخليج بلاش اوروبا أو أمريكا أو كندا إنت بتوقف ذي الباشا في الطابور و تخلص .. ليه أمشي في مصر بكشكول أو أجندة مليانة وسايط لكل حاجة ... ليه استنى أسبوع علشان النت يدخل البيت و أسمع البيه بتاع الشركة يقولي مفيش بورت فاضي في السنترال و فوت علينا بكرا و بعدو

                                مش دايما حضرتك و نصيبك لو الدنيا رايقة ههههه و معاك ان الروتين المفروض يتصلح عشان اي حد بيدوخ منه
                                بس موضوع التراخيص و الواسطة او الرشوة انا الحمد الله لحد دلوقتي سواء رخصة قيادة او رخصة عربية من غير و لا مليم زيادة و لا حتي واسطة و موقفتش كتيير يا دوب بس الاجراءات و انتظار طبع الرخصة و في كتيير كده ...اينعم في مرور زحمة لكن كل ده ليه حل ان الروتين نطلب بتغييره و مش نتشائم و نثور ع البلد و خلاص
                                و ع فكرة اللي زي حضرتك كده هم اللي بيساعدوا ع زيادة الرشاوي و الفساد لأنك بطلع عشان تخلص ورقك لو كل الناس رفضت تدفع و غتت اللي بيشتغل مش هيلاقي غير انه يشتغل
                                و زي مقولت صوابعك مش زي بعضها في ناس بتقبل تاخد رشوة و في ناس لأ زي ما الفيلم وضح
                                و في ناس هي اللي تعرض عشان تخلص نفسها و ناس بترفش زي حالاتي

                                و ايه حكاية بورت و مبورتش جديدة ديه , حسب معرفتي انك بتتعاقد مع الشركة و هي اللي بتوصلهالك من غير كل ده
                                و كمان ده ماله و مال كلامنا ايه اللي جاب القلعة جنب البحر ؟؟؟



                                ذي فيلم الإرهاب و الكباب دواخو عادل إمام مرة يقولك في دورة تدريبية و مرة مش عارف فين و كدة ..

                                ديه من الناس نفسها البلد برده مالها مش قادر افهم

                                ليه لما اتعامل مع ناس في مصر ألاقي ناس تقولي هو كدة لو مش عجبك امشي بكل بجاحة أنا عارف إن مش مش الناس كدة بس بردو مفيش حد برا يستجري يقول لو مش عجبك ..

                                زي مقولت ده قلة ادب من الناس و برده مش كله كده زي ما انت قولت
                                و مين قالك ان برة مفيش كده برة فيه بس زي ما تقول بطريقة شيك
                                ع الاقل مش طول ما احنا بنتكلم بنشتم زييهم و متقوليش افلام و مش افلام انا اتعاملت مع اجانب و شوفت و ديه حاجة معروفة
                                مش عارف برده عقدة الخواجة اللي مسيطرة ع الناس ديه

                                أنا ياما حاولت اني أتعايش مع الطريقة ديه بس كل مرة بتخنق و كدة
                                و اشك ان حضرتك هتقدر تتعايش اصلا لأنك متشائم معندكش امل و لا تسعي جاهدا عشان تغير


                                انا دلوقتي بقيت استغرب رد حضرتك في موضوعات تانية بتكلم عن الثورة واضح ان حضرتك مش عجبك اي حاجة في البلد و متشائم لدرجة كبييرة
                                و اللي اعرفه عن اللي قاموا بالثورة من شباب او مؤيديها انهم عايزين يشوفوا البلد احسن مش ييهربوا و يقولوا برة احسن و ايه اللي يقعدني هنا و أصل و أصل و يحاولوا يوجدوا اي مبرر
                                [CENTER][SIGPIC][/SIGPIC]
                                [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                                [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                                [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                                [/CENTER]

                                AXEL سابقا

                                Comment

                                Working...
                                X