العلاوة الاجتماعية الجديدة ؟

[BomBom]

تم الاعلان عن ان العلاوة الاجتماعية الجاية هتكون 30 % ، فهل الكلام ده ينطبق على القطاع العام و الخاص و هل العلاوة على اساسي المرتب ولا على الاجمالي الشامل؟

[Hassan Khalil]

العلاوة للحكومة و القطاع الخاص
*******
و بتتحسب علي اساسي المرتب و ليس الاجمالي

[OlaOsman]

طيب هل شركات القطاع الخاص ملزمة بأعطاء العلاوة دي للموظفين؟

[Sharky]

غير ملزمـــة

[اوان الورد]

العلاوة بتكون دايما على الراتب الاساسي وليس الشامل :(

وغالبا حتكون حكومة بس لكن اي قطاع خاص حب يطبقها حيعملها بس معتقدش انه حيكون ملزم بها.

مش دي المشكلة ... المشكلة بقى هل تعتقدوا فعلا ان 30% دي كافية لتعويض ارتفاع الاسعار الجنوني ؟

اعتقادي الشخصي ان الزيادة دي لابد وان يتبعها زيادة في اسعار جميع السلع وزيادة في ضرائب الاجور .. يعني بمعنى اصح ... كأنك يا بوزيد ما غزيت واالي بتديه الحكومة باليمين لازم حتاخده بالشمال .. والايام خير برهان.

ترى ماهو رأيك ؟؟

[محمد المشد]

المهم كما قلنا سابقاً 000 الاسعار متغلاش بعد يوم من الزيادة 000 بالاضافة الى الزيادة لاتنطبق على القطاع الخاص لانه غير محكوم بقرارات حكومية او رئاسية وقد ناشدهم الرئيس فى الزيادة واعتقد انهم لن يقوموا بأى زيادة دون زيادة اسعارهم او خدماتهم 000 لابارك الله فيمن يرفع الاسعار على الناس

[Hossam_Hassan]

اثبت العلم الحديث ان الحداية ما بتحدفش كتاكيت

[اوان الورد]

اثبت العلم الحديث ان الحداية ما بتحدفش كتاكيت

اتفق معك :D ... بل اثبت ايضا العلم الحديث انها لما بتحدف .. بتحدف الطعم علشان السنارة تغمز وبس :D

تم حذف هذا الجزء لتعارضه مع قواعد وقوانين المنتدى،
نتبيه للعضوة بالتفضل بقراءة قوانين المنتدى والإلتزام بها

الإدارة

حد فاهم حاجة انا بجد متلخبطة قوي

[Hossam_Hassan]

اتفق معك :D ... بل اثبت ايضا العلم الحديث انها لما بتحدف .. بتحدف الطعم علشان السنارة تغمز وبس :D

:p

حد فاهم حاجة انا بجد متلخبطة قوي

عندى 32 و شعرى ابتدى يبيض من العيشة

[أبو عبدالله]

اثبت العلم الحديث ان الحداية ما بتحدفش كتاكيت

ضحكتني والله يا حسام مع ان الموضوع ميضحكشي خالص ولكن العكس تماما

ولكن بما ان المثل في محله فلازم اضحك

المشكلة يا جماعه ان 30 % دول بما انه ولا حاجه خالص لأنهم على الأساسي بتاع الناس والأساسي لغالب موظفين الحكومة المطحونين غالبا بيبقى من 120 الى 300 جنيه بالكثير يعني في الحكومة
يبقى اكبر واحد هياخد 90 جنيه زياده انتم متخيلين الكلام

واللي هياخد الـت 90 جنيه ده اللي هو مثلا مدير يعني مش عامل مثلا

والانكن بقه ان ابقوا قابلوني لو شوفتوا زيادات كمان 20 سنه وهيذيلوا الناس بالزياده دي كمان طول العشرين سنه

والله حاجه تقرف

وعمــــــــــــــــــــــــار يـــــــــــــا مصـــــــــــــــــــــــــــــــــــر

وارحمنـــــــــــــــــــــــــــــــا يــــــــــــا رب العالمـــــــــــــــين

[اوان الورد]

المشكلة يا جماعه ان 30 % دول بما انه ولا حاجه خالص لأنهم على الأساسي بتاع الناس والأساسي لغالب موظفين الحكومة المطحونين غالبا بيبقى من 120 الى 300 جنيه بالكثير يعني في الحكومة
يبقى اكبر واحد هياخد 90 جنيه زياده انتم متخيلين الكلام

لا الحق يتقال يا أستاذ ابوعبدالله انا المدير بتاعي (لا و ايه كبير أطباء قد الدنيا :D) اساسيه 750 جنيه :D يعني حيزيدلو حوالي 225 جنيه اهو يجيبولو حق القهوة والسجاير اللي بيحرق قلبه بيها كل يوم :D

واللي هياخد الـت 90 جنيه ده اللي هو مثلا مدير يعني مش عامل مثلا

والانكن بقه ان ابقوا قابلوني لو شوفتوا زيادات كمان 20 سنه وهيذيلوا الناس بالزياده دي كمان طول العشرين سنه

لسة 20 سنة كمااااان حرااااااااااااام :D:D

والله حاجه تقرف

وعمــــــــــــــــــــــــار يـــــــــــــا مصـــــــــــــــــــــــــــــــــــر

وارحمنـــــــــــــــــــــــــــــــا يــــــــــــا رب العالمـــــــــــــــين

اللــــــــــــــــــــــــــــــــــهم اّاّاّاّمين

:(:(:(:(:(

[Jato.33]

بما أني موظف حكومة صِرف
وبما أني أعمل بأحد الهيئات الحكومية المتوسطة المستوى
يعني لا أنا شغال في التعليم ولا شغال في رئاسة مجلس الوزراء
وبما إني مش أول مرة الريس يزودني علاوة خاصة ولاحظوا في خطابه إنه قال بعد الكلام على العلاوة علطول : "على أن تبحث الحكومة عن موارد"
وطبعاً مفيش موارد غيرنا فكله هيطلع على جتتنا
وعلى فكرة أنا عرفت من والدي إن هناك بعض الزيادات على ضرائب الأرباح للشركات وكذلك الدمغة النسبية على القروض وزيادات أخرى وده يفسر معنى الموارد
وكمان أنا لما زدت السنة إلي فاتت نزلت إستقطاعات جديدة لم يسمع عنها أحد قبل إستقطاعها وكلها تصب في صناديق كفالة وزمالة ومعاش تكميلي وما إلى ذلك تعرفوا حصيلة زيادة الأساسي كانت كام 15 جنية والحمد لله وأصبح الأساسي 386 جنية والحمد لله
فأنا مش عارف أفرح ولا أزعل ولا عارف أعمل إيه في البلد ديه
على العموم هقول نفس الكلام الكئيب تاني وإن كنت شايفه واقعي جداً
البلد دية مش نافعه إلي يعرف ينطلق ولو حافي ينطلق ويتوكل على الله
وإلي ميعرفش ممكن يشوفله مدفن عشان العملية بأت واحد

سؤال أخر موظف القطاع الخاص "المعقول" عايز يزيد مع الحكومة لية
يا ريت إلي بيقبضله مبلغ حلو في القطاع الخاص يستحي من الله قبل ما يستحي من موظفي الحكومة الغلابة إلي زيي
والسلام

طبعاً لا بد أن نذكر عشان منزعلش حد إن هيستفيد من الزيادة عدد مهول بكل ما تحمله الكلمة من معنى من موظفي الحكومة العاطلين عن العمل بالفعل وهما قاعدين على مكاتبهم "البطالة المقنعة" وهم لا يقلوا عن 50% من موظفي الحكومة طبقاً لإحصاء شخصي 99% منهم طبعاً من النساء وحسبي الله ونعم الوكيل

[emadno1]

اتفق معك :D ... بل اثبت ايضا العلم الحديث انها لما بتحدف .. بتحدف الطعم علشان السنارة تغمز وبس :D

حد فاهم حاجة انا بجد متلخبطة قوي

انا اويدك بشدة
و للعلم لسه منزلش اى منشور للتنفيذ بالنسبه للقطاع الخاص بس هى بتتحسب على الاساسى التامينى مش على كل الاساسى يعنى اقصى رقم على ما اعتقد 750 يبقى باللتالى الحد الاقصى للعلاوة حيكون 225 جنيه بس فيه دايما بند صغير بيكتب فى اخر كل منشور زى دة
* ينفذ هذا القرار من ساعتهعلى القطاع الخاص ويقرر حسب ظروف كل منشاه بمعنى اصح من حق كل منشاه انها تطبق القرار او تطنش او ممكن تقلل النسبه

[eng_mkhalaf]

الصراحة كان الله فى عون موظفى الحكومة فعلا 30% دية مش هتزيد عن 100 جنية لأنها بتبقى على الأساسى
أحنا عندنا فى القطاع الخاص الزيادة عادية خالص وملهاشى دعوة بالكلام دة

[bassam nagy]

[SIZE=4][COLOR=green]
اعتقادي الشخصي ان الزيادة دي لابد وان يتبعها زيادة في اسعار جميع السلع وزيادة في ضرائب الاجور .. يعني بمعنى اصح ... كأنك يا بوزيد ما غزيت واالي بتديه الحكومة باليمين لازم حتاخده بالشمال .. والايام خير برهان.

بالفعل الحكومة هاتاخذة 60 %
والكلام دلوقتى على المواد البترولية وان الية بيستفاد منها الطبقة الغنية !!!!!!!!!!!!