مبروك قبول أستقالة الجمل

[kono]

طب الوقت اليوم الساقع بيقول ان الثوار عاوزين جورج اسحاق بديلا ليحيي الجمل
طب انا واحد باعتبر نفسى من الثوار ومش عاوز جوروج اسحاق نائب لرئيس مجلس الوزراء ..أعمل ايه ؟؟

[hobiko]

طب الوقت اليوم الساقع بيقول ان الثوار عاوزين جورج اسحاق بديلا ليحيي الجمل
طب انا واحد باعتبر نفسى من الثوار ومش عاوز جوروج اسحاق نائب لرئيس مجلس الوزراء ..أعمل ايه ؟؟

متقلقش ...... إليوم الساقع دي جريدة الشعللة و الإثارة


جورج إسحاق و عمرو حمزاوي ....... رفضوا أي مناصب وزارية

[OgsMc]

الجمل ده كان بينتقد النظام فى حين ناس معينه كانت قمه الأنبطاح والذل
صحيح الى أختشوا ماتوا

[Everlasting]

متقلقش ...... إليوم الساقع دي جريدة الشعلله و الإثارة


جورج إسحاق و عمرو حمزاوي ....... رفضوا أي مناصب وزارية

وعلاء الأسواني بردو.

[kono]

متقلقش ...... إليوم الساقع دي جريدة الشعلله و الإثارة


جورج إسحاق و عمرو حمزاوي ....... رفضوا أي مناصب وزارية

احسن برضه

[MaZaGAngeE]

الجمل كان بيقول عن نفسه انه وتد و محدش يقدر يشيله
بس الشعب أثبت ان مفيش وتد ينفع معاه

[ahmed1981]

الباب يفوت جمل

يا رب ما أشوفوش تاني في أي منصب

الحمد لله أولاً وأخيراً

-

[human]

ليه يا جماعة بنفهم المواقف غلط ونحلل الاراء غلط .
مين فينا كان عايز دكتور يحى الجمل .كل واحد فى بيته او فى التحرير ما كانش عايزه .
يعنى الخبر ده لينا كلنا هوه المطلوب .
وانا قلت فى موضوع اخر ومشاركة سابقة ان دكتور يحيى الجمل كان هيستقيل او يتشال .بس الخطوة دى كانت مؤجلة شوية من المجلس العسكرى علشان يخدوها فى الوقت المناسب بالنسبة ليهم ولظروف البلد .
ويا جماعة مش علشان حد بيفكر بتعقل وهدوء شوية يبقى معناها انه مش مع مصلحة البلد وضد اللى فى التحرير .
ارجوكم الحكمة والتعقل شوية فى الحكم على الامور والاشخاص .
واعتقد ان الباشمهندس otefa .ما كانش عايز يحى الجمل .ولا ضد ثوار التحرير الا لما بيحصل تصرفات غير مسئولة تؤدى لتعطيل الصالح العام .وده من وجهة نظره .
انا بقول كلمة الحق اللى انا بافهمها من مشاركات الزملاء واللى باستشف ارؤاهم منها .
والله الموفق لنا جميعا للخير ولمصرنا الحبيبة حتى لو اختلفنا فى طريقة تعبيرنا عن حبنا لمصر .ووسيلتنا لايضاح هذا الحب .

الموضوع بسيط جدا و لا يحتمل اكثر من حجمه

لو الناس سمعت اللى بيقوله المهندس عطيفه كان الجمل برك و فضل قاعد معانا

بس الحمد لله الناس مس بتسمع الكلام ده عشان كده الجمل مشى

طبعا متخيل لو مافيش ناس من نوعيه البلطجيه دول
كنا زمانا لسه بنخاف نكتب اسمه فى جمله مفيده


تقبل مرورى يا عزيزى

و مبروك

[fox3d]

غار الجمل بما حمل

[mazagngi2010]

أنت تبقى ضد المظاهرات و لما المظاهرات تنتج قرارا إيجابية تيجي تهنينا و تقولنا مبروك
أنت حر طبعا بس بالنسبالي موقفك يحمل الكثير من التناقض

[nevozaky]

الموضوع بسيط جدا و لا يحتمل اكثر من حجمه

لو الناس سمعت اللى بيقوله المهندس عطيفه كان الجمل برك و فضل قاعد معانا

بس الحمد لله الناس مس بتسمع الكلام ده عشان كده الجمل مشى

طبعا متخيل لو مافيش ناس من نوعيه البلطجيه دول
كنا زمانا لسه بنخاف نكتب اسمه فى جمله مفيده


تقبل مرورى يا عزيزى

و مبروك

والله يا استاذ طارق انا ما فهمتش كلامه زى ما حضرتك فهمته .
ولا حللت اللى بيقوله بالشكل ده .
فى ناس بطبعها متحمسة اوى وبزيادة كمان .وفى ناس بتفكر كتير وتحسبها كويس وبتعقل بردو زيادة .
بس والله الهدف واحد فى النهاية .مصلحتنا كلنا ومصلحة البلد .
بس احنا لسه بنخاف من الفوضى وبنقلق جدا من الحماس الزيادة .مش كل الناس قادرة تقراْ الاحداث صح .حتى اللى فى التحرير .
وبردو مش كل الناس رايها واحد بس هدفهم واحد .لكن ده مش معناه ان احنا نخون بعض .
انا عن نفسى باحب احسبها كويس واتعقل كويس ولا انساق وراء اى كلام او حدث .
وفى الاخر كلنا عايزين الخير والعدل والكرامة والحرية بس من غير احزاب وفرق .
وكلنا فى مركب واحدة .وصدقنى والله اتحادنا قوة وتوحيد صفوف الناس كلها قوة .
وبلاش انتم واحنا .كلنا واحد .ومبروك لينا كلنا .
تقبل تحياتى واحترامى

[nicegypt]

المهم يا جماعة انة رااااااح وبعد عنا .. ومننساش ان سيادة المشير مكنش موافق على استقالتة بالمرة الاولي ! ودة كان شيئ غريب

يمكن * * لان الجمل لة مميزات منقدرش ننكرها وتنسب لة وحدة .... .. ان الجمل سفينة الصحراء .. يتحمل الجوع والعطش ..
ويتغذي على الاعشاب الصحراوية .. ويمكنة السير للاميال .. وهو طبعا حيواااااااااااان بري ... الخ الخ الخ .. حد يكمل سيرة الجمل بقى ...

[AshTurbo]

كالعادة ناس تتعب وتزرع وناس تيجي تحصد عالجاهز ويهنوا نفسهم بالنتائج حتى الناس اللي زرعت دي ولسه بتزرع مسلمتش من الأهانة والتجريح والتخوين بالظبط نفس المواقف قبل الثورة هي هي بتتكرر اليوم .

[nevozaky]

يا جماعة مين قال ان الناس اللى بتفكر اهداْ شوية ما شاركتش فى الثورة .
ومين قال انهم ما نزلوش .بناء على ايه بنحكم على الاشخاص .
مجرد تخمينات .مش معنى انهم بيقولوا بالعقل والهدوء يبقى انهم مش مع الثورة .
امال مع مين .اذا كام مصر دلوقتى كلها مع الثورة .هوه حاليا فى نظام تانى نبقى معاه .
بس لما نقول نحسبها ونعقلها ونبص لكل الامور من جميع الجوانب والظروف .
ده لا يعنى اننا مش مع الثورة او ان اللى بيقول كده ما نزلش .
وحتى اللى ما نزلش ما هو بردو مصرى وهمه مصلحة البلد اللى هيه بردو مصلحته .
بلاش تفرقة ان حد يزرع والتانى يحصد على الجاهز .يعنى الثورة نزلها ال80 مليون .طبعا مش كلهم .
طيب ما الفلاح بيزرع واحنا بناكل اللى زرعه وما زرعنهوش معاه .
والمهندس بيبنى واحنا بنسكن فى المسكن اللى بناه واحنا ما بننهوش معاه .
والعسكرى بيحارب فى المعركة وكلنا مش بنحارب معاه .يبقى معناها ما نفرحش ولا نستمتع بالانتصار ده .
يا جماعة كلنا واحد وكلنا مصريين وزى ما قلت احنا فى مركب واحدة ومصلحتنا واحدة .
ويا رب الثورة تجيب مكاسب اكتر من كده مليون مرة حد يكره .
هوه احنا اعداء .
يا جماعة الاتحاد قوة بلاش احنا وانتم .
واللى نزل واللى ما نزلش .وبلاش نحكم على الامور من غير ما نعرف .
ويا ريت نحسن الظن بكل الناس .

[AshTurbo]

مين قال أن اللي منزلش مش مصري ومش بيحب بلده ؟؟ نفسي أعرف واحد قال كدة ولا عمري سمعت الجملة دي من حد شارك في الثورة في ناس نزلت الميدان وفي ناس حمت بيوتها وعيالها وجيرانها يعني من الآخر الأتنين حموا مصر والأتنين بيحبوا مصر ودافعوا عن مصر وضحوا لخير مصر ...

الفلاح المصري اللي بيزرع وأحنا بناكل من زرعه بندفعله تمن تعبه ومجهوده وبنشكره ونقدره مش بنشتمه ولا بنخونه ونقول عليه عميل وعلماني وله أجندات كذلك المهندس كذلك العسكري بل بالعكس بنحترم كل اللي بيعمل واجبه وبنشكره عليه ... الغلط واللي مش طبيعي أن الفلاح لما يزرع أو المهندس لما يبني أو العسكري لما يحارب نشتمه ونخونه ونشكك في وطنيته ونحاربه لأنه ضد تفكيرنا ومصالحنا لكن لما ينجح كل منهم في تحقيق هدفه ويبدأ يحصد نتيجه تعبه وعرقة نلاقي ناس جايه تتسلق على كتفه وتحصد معاه ثمار النجاح وتهنيء نفسها بهذا النجاح وأحياناً تنسبه لنفسها ... بالذمة ده اسمه أيه ؟

طب أنا راضي ذمتك في حد من اللي نزلوا الميدان رفع يافطة وقال الجبناء مثلاً اللي في بيوتهم ولا جرح فيهم ولاخونهم وقالهم أنتم خونة ولا العكس اللي في بيوتهم هما اللي بيشتموا اللي في الميدان ويوصفوهم بالبلطجية والخونة واللي عندهم أجندات وتمويل مالخارج ؟