ثورة ام بلطجة ؟؟!!!

[Dojuar]

نقاش بيفكرني بدخلات الالتراس أهلاوي و زملكاوي و مين فيهم عمل أحسن دخلة

[OgsMc]

ياريت حزب هنخربها لحد ما نمسك السلطة يغلب مصلحة بلده بدل مصلحته الخاصة
وللاسف اللى بيعملوه
الشعب كرهه
هما بس اللى فاكرين انهم صح
ياريت يفكروا صح

الى عاوز يخربها هوا الى عاوز يخطف الثوره وهوا ملوش اى يد فيها
الثوار هما الى هيحكموا ان شاء الله والميتين هيفضلوا ميتين
ولما ريحتهم النتنه تطلع كل الناس هتبعد عنهم
حقيقه علميه.....المتوفيين لا أراده لهم

[تامر.محمد]

نقاش بيفكرني بدخلات الالتراس أهلاوي و زملكاوي و مين فيهم عمل أحسن دخلة

صح للأسف

[otefa]

ياريت حزب هنخربها لحد ما نمسك السلطة يغلب مصلحة بلده بدل مصلحته الخاصة
وللاسف اللى بيعملوه
الشعب كرهه
هما بس اللى فاكرين انهم صح
ياريت يفكروا صح

وجول وجول وجول ههههههههه

[A.Saad]

الى عاوز يخربها هوا الى عاوز يخطف الثوره وهوا ملوش اى يد فيها
الثوار هما الى هيحكموا ان شاء الله والميتين هيفضلوا ميتين
ولما ريحتهم النتنه تطلع كل الناس هتبعد عنهم
حقيقه علميه.....المتوفيين لا أراده لهم

ان شاء الله هيحكموا
بس الثوار الحق
مش اللى بيستعملوا العنف
هتقولى العنف هو اللى جاب الحق
تمام
بس ساعتها برده هيستعملوه مع المعرضين ليهم ولا ايه

[hobiko]

رجاء لا تدعي ان الامور من العتمة بالنسبة لي لأني ببساطة من مرتادي الميدان بكثرة, اما بخصوص الفيديو اللي بتقوله فانا من كام يوم شفت فيديو لنصب تذكاري معمول عليه اسامي الشهدا و في وسطها مكتوب الدستور اولا , و لما رحت الميدان لقيتها ورقة كرتون مش باين فيها حاجة ماشي بيها نفرين
ببساطة اللي بيحصل ان كام نفر بينطوا مع نفسهم يطلوا اي كلام فارغ (زي مسيرة مجلس الوزرا) و ممكن لو عددهم كبير يطلعوا بكلامهم الفارغ ده على منصة و اتنين و تلاتة كمان , و في الآخر ماحدش بيعبرهم و راحوا مجلس الوزرا لوحدهم قعدوا 5 دقايق و رجعوا

يقوم بقى الاعلام المحترم يسلط الفيديو على الجماعة دي و يقول الحقوا ثوار التحرير بيعملوا مش عارف ايه , و هما كلهم على بعضهم 30 بني ادم

قيس بقى على ده كل حاجة

رجاء ان تتحدث بما رأيت بنفسك , فإن لم يكن فتبين ممن رأى بنفسه

+1111111111111111111

مش ده هو هو نفس الأعلام اللى كان بيروج لهدم الأضرحة و قطع أذن القبطى و الفتنة الطائفية

مش هو ده الى كان بيشتم فى الأخوان و يروج لسقطات صبحى صالح

مش ده كلامكم يا اخ نور الدين ........ اشمعنى دلوقتى مش قادر تصدق ان ده برضه اعلام فاسد و مضلل ؟؟؟؟!!!!

طب شفت خبر ان المعتصمين بيطالبوا بالشيخ محمد حسان رئيس للمجلس الرئاسى ؟؟؟؟؟!!!!!!

طب ما انا ممكن أمسك الخبر ده و أعمل عليه حفلة فى المنتدى ...... زى الحفلات اللى اتعملت على الدكتور البرادعى

انزل الميدان و شوف بنفسك ...... ده ملخص الكلام

[Nor_Eldeen]

هذه الصورة اليوم عصرا
و امبارح ليلا كانت فى الميدان و عدد الموجودين كان حوالى 3000 شخص تقريبا و للعلم ليس كل هذا العدد مؤيدين للاعتصام بل متفرجين مثلى نشاهد ما يحدث و نمشى
طيب يرضى ربنا شل حركة المرور و غلق الميدان بسبب قلة لا تحترم الشعب ؟؟؟
الم يسمع هؤلاء عن اعطاء الطريق حقه ؟؟!!!
هل هذه ثورة ؟؟
هل هذه القلة هى الشعب او من يمثله ؟؟
هل هؤلاء هم جحافل المعتصمين الذين يعثيون فى الارض فسادا ؟؟؟
واضح انهم فوجئوا بحجمهم الحقيقى فى الميدان من غير الاخوان و باقى الشعب ؟؟

[OgsMc]

هوا الناس مش هتبطل حقد على الثوره بقى

[AshTurbo]

هل هذه ثورة ؟؟
هل هذه القلة هى الشعب او من يمثله ؟؟
هل هؤلاء هم جحافل المعتصمين الذين يعثيون فى الارض فسادا ؟؟؟
واضح انهم فوجئوا بحجمهم الحقيقى فى الميدان من غير الاخوان و باقى الشعب ؟؟

أيوة الخمس ست أنفار اللي في الصورة دول شالوا وزراء ومحافظين ولواءات خلوا بالكم على نفسكم بقى .

واضح أن القلم المرة دي علم على وش الأخوان وشكلهم بقى وحش أوي والظاهر أن التغييرات والقرارات اللي طلعت بسبب ضغوط جماهير الثورة الحقيقيين من مختلف الطوائف والأحزاب السياسية زعلتهم وخلتهم يخرفوا بأي كلام .

قبل الثورة الأخوان مش عاوزين ينزلوا علشان كانوا فاكرين أن نزولهم هيرجح كفة الميزان لصالح الثورة ولما الثورة نجحت من غيرهم جروا عالشوارع وأنتشروا وقالك أحنا كنا موجودين من أول يوم وحتى من قبل الثورة ما تقوم حاجة تضحك نفس الموقف يتكرر النهاردة الأخوان ينسحبوا ويقولك مش مشاركين في التظاهر معتقدين أن بأنسحابهم الثورة هتفشل والتظاهرات مش هتحقق مطالبها ولكن للمرة الثانية يفاجئوا أن المطالب بتاعة معسكر العلمانيين والملحدين الكفار قطاع الطريق الذين يعيثون في الأرض فسادا قد تحقق عدد كبير منها .

أخيراً أنا لست ضد الأخوان ولكن ضد طريقة تفكيرهم الحالية وأهديلهم الفيديو ده

http://www.youtube.com/watch?v=ZrGo-Ij_T-U

[تامر.محمد]

هذه الصورة اليوم عصرا
و امبارح ليلا كانت فى الميدان و عدد الموجودين كان حوالى 3000 شخص تقريبا و للعلم ليس كل هذا العدد مؤيدين للاعتصام بل متفرجين مثلى نشاهد ما يحدث و نمشى
طيب يرضى ربنا شل حركة المرور و غلق الميدان بسبب قلة لا تحترم الشعب ؟؟؟
الم يسمع هؤلاء عن اعطاء الطريق حقه ؟؟!!!
هل هذه ثورة ؟؟
هل هذه القلة هى الشعب او من يمثله ؟؟
هل هؤلاء هم جحافل المعتصمين الذين يعثيون فى الارض فسادا ؟؟؟
واضح انهم فوجئوا بحجمهم الحقيقى فى الميدان من غير الاخوان و باقى الشعب ؟؟

و انا اول امبارح كنت هناك و العدد بعد المغرب لا يقل عن 300 او 400 ألف بني ادم
تقريبا صورك كلها بتبقى الضهر
و سبحان الله البعض ما افتكروش (قلة) الميدان الا لما الاخوان سابوه
مش عارف و الله اندم على دفاعي عنهم ده كله ولا ايه

[hobiko]

بصراحة أن إتخنقت من كتر الكلام على عدد الناس في الميدان في وجود الاخوان و في عدم وجودهم


الاخوان ميشيو يوم الجمعه المغرب ...... شفت يوم الجمعة بليل العدد كان عامل ازاي ؟؟؟؟؟؟


أكتر من لما كان فيه اخوان أساساً :))))))


الواضح دلوقتي على الأرض ....... إن فيه قوة سياسية تانية قادرة على الحشد ذي الاخوان و أكتر


و بعدين هو مش ألبوم بم بم ....... إلي حيجمع عدد أكبر حيكسب العجلة

[م. حاتم السباعي]

ههههههههههههههههههههههههههههههههههههههههههههههه
لا لا حلوة بصراحة
والله والله والله لو حتب الاخوان فضلو قاعدين زي القطط في بيوتهم زي ما عملو اول 3 ايام كانت هتنجح بردو نجاح ساااااحق
ومتقوليش لولا الاخوان
متنفخوش في نفسكم علي الفاضي
ولما الاخوان هما الكل في الكل كدا لية معملتوش ثورة يا خ انت وهو بدل توتو وسوسو

لو انك تقبل علي نفسك ان تتشبه بالقطط او باي فصيل اخر
فعذرا هناك بشر غيرك لا يحبون ان يوصفو بشئ غير ما خلقهم الله عليه فلا تنعت احد و لا تشبهه بشئ تكرهه علي نفسك فالاخوان دول بشر يا محترم

م.حاتم السباعي

[AmAhmed]

الاخوان و السلفيين و الاسلاميين عامة اخطئوا عندما تركوا الميدان خاليا للذئاب لتتلاعب باحلام الغلابة و الشباب الساعي للحرية

الان بعد ما صوت سارقي الثورة اصبح عالي علي اكتاف شباب الثوار انضم لهم جزء كبير من الليبرالين و العلمانيين .. لانهم وجدوا في سارقي الثورة الصوت اللي يوصل افكارهم و التي لم يفلح الاعلام في توصيلها و اقناع الناس

المصريون في اعتقادي ترتيب اولوياتهم هو
1- الاكل و المال و الابناء
2- الدين
3- السياسة و الحرية و الثقافة

هو ده الواقع بالرغم من انه غير مثالي .. الناس غلابة و عايز تأمن احتياجات حياتها الاول
اذا ما تقدمه التيارات الليبرالية من بضاعة لا تلق روجا عند الشعب لانها بضاعة سياسية فقط

الوضع الان ان بعض مطالب التيارات الليبرالية بدأت تتحقق مخالِفة للديموقراطية لان الديموقراطية تعطي لكل واحد حقه علي قدر حجم تمثيله للمجتمع و الاغلبية هي من تصنع القرار و الاغلبية هنا هي التيارات الاسلامية و احزاب الوسط مش الاخوان فقط كما يتصور البعض

او كما يحلو للبعض ان يصور و يقول الاخوان حيستولوا علي السلطة لكن في الحقيقة التيارات الاسلامية هي من سيسيطر علي السلطة و طبعا لا احد يستطيع التصريح بذلك و الا كان اعتراف منه بانه ضد الاسلام بشكل عام و بكده يفقد كل تأييد من المجتمع لكنه حيحصر الصراع و يقول الاخوان فقط هم اصحاب اطماع و يكرر خلفه البعض نفس الكلام بدون فهم

و وصول الاسلاميين لمواقع صنع القرار ده تعبير عن اتجاه المصريين عموما و مش من حق احد ان يحجر عليه بتهمة عدم الرشد السياسي او يحاول تغيير هوية الشعب المصري ، عليه ان يعيد النظر في مرجعيته التي لا تلقي قبول العامة و الاغلبية

طبعا التيارات الاسلامية و احزاب الوسط حتبدأ تتحرك لتواجه طغيان سارقي الثورة و محاولات عقد لصوص الثورة للصفقات مع المجلس العسكري بدعوي ان بيدهم استقرار البلاد و الصفقات مع بعض الليبراليين و اليساريين و العلمانيين

و للاسف ده حيخلق صراع رهيب علي الساحة ارجوا ان يظل فكريا و لا يصل للشارع
لان وسيلة الرد علي هجوم الاخوان هو حملات التشويه و التخوين في الاعلام
اما وسيلة صد الاسلاميين و السلفيين خاصة هو اشعال فتنة طائفية مصطنعة حتي يهدأ هجوم التيار الاسلامي ضد ما يحدث من سرقة للثورة
و ده لعب بالنار ممكن يحرق البلد كلها

لا انكر ان الاسلاميين بشكل عام اخطئوا عندما تركوا الساحة السياسة و حدث لهم نوع من الانتفاخ الزائف بوعود الحرية السياسية من شهور مضت .. لكن المهم الا يدفع الشعب المصري الغلبان ثمن الصراع علي السلطة و ثمن اخطاء التيارات السياسية

لاني اتحدي الجميع ان يرفع رابط لفيديو واحد فقط يحمل رقصات احد مصابي الثورة او اهل الشهداء و هو يقول ان الصناديق الحكومية و العسكرية عملت الواجب معايا و انا مبسوط و راضي و سعيد بالتضحية من اجل مصر
لكن ما حدث هو مكاسب سياسية تخص النخبة فقط و تعزز من سيطرة بعض التيارات علي مراكز الحكم

مولد و صاحبه -الشعب- غايب

[Nor_Eldeen]

الغريب ان القلة التى تؤيد الاعتصام معتقدة انهم سبب القرارات الاخيرة و نسيوا تماما انه كانت هناك مليونية يوم الجمعة الماضية
نزلها كل اطياف الشعب و خاصة الاخوان مما اعطها زخم كبير لهذه المطالب و هى التى ادت اساسا لهذه القرارات
و ليست القلة الحالية التى تتخبط فى مطالبها ما بين مجلس رئاسى الى دستور اولا الى تأجيل انتخابات الى عصيان مدنى الى طلب مليونية للتنديد بصباع الفنجرى
اعتقد ان صباع الفنجري أخرس كثيرا ألسنة تشكيل المجلس الرئاسي والدستور أولا و كان له اثر كبير فى فتح مجمع التحرير وعدم تهديد مجرى قناة السويس و أسكت مطالبات إقالة شرف و أفشل تشكيل حكومة البرادعي و قضى على مليونية محاصرة مجلس الوزراء و حولها بقدرة قادر إلى 3000 أنصرفوا قبل أن يجتمعوا .. و حول موقف حزب الجبهة و جعلهم يؤيدون خطابات شرف والمجلس وجعل حزب المصريين الاحرار يدين الاعتصام والبلطجة ,, ياله من صباع قادر على أشياء كثيرة
و لسة هنشوف

[human]

الغريب ان القلة التى تؤيد الاعتصام معتقدة انهم سبب القرارات الاخيرة و نسيوا تماما انه كانت هناك مليونية يوم الجمعة الماضية
نزلها كل اطياف الشعب و خاصة الاخوان مما اعطها زخم كبير لهذه المطالب و هى التى ادت اساسا لهذه القرارات
و ليست القلة الحالية التى تتخبط فى مطالبها ما بين مجلس رئاسى الى دستور اولا الى تأجيل انتخابات الى عصيان مدنى الى طلب مليونية للتنديد بصباع الفنجرى
اعتقد ان صباع الفنجري أخرس كثيرا ألسنة تشكيل المجلس الرئاسي والدستور أولا و كان له اثر كبير فى فتح مجمع التحرير وعدم تهديد مجرى قناة السويس و أسكت مطالبات إقالة شرف و أفشل تشكيل حكومة البرادعي و قضى على مليونية محاصرة مجلس الوزراء و حولها بقدرة قادر إلى 3000 أنصرفوا قبل أن يجتمعوا .. و حول موقف حزب الجبهة و جعلهم يؤيدون خطابات شرف والمجلس وجعل حزب المصريين الاحرار يدين الاعتصام والبلطجة ,, ياله من صباع قادر على أشياء كثيرة
و لسة هنشوف

بصراحه شديده من اكثر التحليلات سطحيه و بعد عن الواقع اللى قريتها فى الفتره الاخيره
انا مش عارف حتى ممكن الوضع يتفسر كده باى منطق

يظل رأيك و حضرتك حر فيه و حر تكتبه كمان و لازم يحترم