لماذا هاجم البعض بيان اللواء محسن الفنجري

[Dojuar]

شهاده

اللواء محسن الفنجرى من أطيب وأحن وأكثر ضباط الجيش خلقا على الأطلاق

ده بجد مش بهزار

وينطبق عليه قول أشداء على الكفار رحماء بينهم ( طبعا بدون قصد التشبيه على المتظاهرين )



أنتوا عارفين أن بعض الثوار أتفقوا على أنهم يحتلوا مجلس الشعب ورئاسة الوزراء ويعلنوا عن تشكيل مجلس رئاسى مدنى

ولما راحوا هناك لقوا رجالة الصاعقه واقفين قدام مجلس الشعب ( لأن كان معروف المخطط ده ) , هههههه راحوا قايلين سلميه سلميه ولف وأرجع على الميدان , ده حصل بجد

اللى أتمسكوا فى الأسكندريه ليه صاحب توكيل ملاحى يهودى يديهم فلوس علشان يضربوا المتظاهرين

أللى أتمسكوا فى التحرير , ليه ممدوح حمزه رفض يطلعوا على المنصه اللى بفلوسه علشان يقولوا اللى مأجرهم وأتخانق مع الثوار


هما ال 40 مليون دولار دول أتصرفوا علشان أيه , علشان نكون بلد ديمقراطى مثلا ولا علشان ماما أمريكا نفسها تشوفنا فى بيت العدل قبل ما تموت

رسالة اللواء الفنجرى 90 % منها مش موجه للمتظاهرين , لكن موجه لناس تانيه وصلتها الرساله بدليل أن كل اللى أعترضوا شباب متظاهر فى الميادين لكن محدش من المقصودين بالرساله فتح بقه أو نطق بكلمه مدح أو نقد

مفهومه طبعا مش كده

في كل مشاركة لحضرتك بارتاح شوية

[shfaf2]http://a7.sphotos.ak.fbcdn.net/hphotos-ak-snc6/284396_163337897076661_103622369714881_283179_4088 480_n.jpg[/shfaf2]

[AmAhmed]

لو الفاسدين إتحاكموا محاكمة عسكرية يبقى الفلوس اللي برة مش هترجع وبردة لو إتحاكمو محاكمة مدنية متسرعة ممكن يكون فيها ثغرات بردة تؤدي ان الفلوس مش هاترجع.

والعناصر المغرضة لو اتحاكموا مدنياً ممكن جداً يتم تهريبهم من الحجز أو القسم أو التشكيك في محاكمتهم من الأساس لكن المحاكمة العسكرية مش ممكن يحصل فيها كدة.

براءة الف ظالم و لا ظلم واحد شريف
و هناك من الآليات ما يضمن الا يحدث مما تتخوف منه لو انعقدت ارادة المسئولين علي ذلك

[epnmasr]

براءة الف ظالم و لا ظلم واحد شريف
و هناك من الآليات ما يضمن الا يحدث مما تتخوف منه لو انعقدت ارادة المسئولين علي ذلك

وما هي هذه الأليات أستاذنا الفاضل
وعلى فكره والد الأستاذ حازم صلاح أبو إسماعيل اللي في توقيعك كان عضو مجلس الشعب بتاع بلدنا وكان محبوب الملايين رحمة الله عليه فقد وقف ضد الظلم وتحدى ذكي بدر الذي كان أظلم من العادلي ومن عاصره يعرف ذلك ونتمنى أن يكون الشيخ حازم مثله
ولكني للأمانه لا أرى أن هذا زمانه ولو أنه بلدياتي

[AmAhmed]

اشكرك علي المعلومة بخصوص الاستاذ حازم .. و احترم رأيك في ترشحه

اما عن الآليات فعلي سبيل المثال:
- التحفظ عليهم في مدرية الامن او في سجن مؤقت و ليس في الاقسام ضعيفة التأمين
- تطبيق قانون الطوارئ المعمول به حتي الان علي المسجلين خطر منهم و اصحاب السوابق
- الاستعانة بالجيش لتأمين مكان الاحتجاز و المحاكمة - بالرغم من وجود جحافل الامن المركزي التي لا اعلم ما فائدة منها
- تخصيص دوائر قضايا لهم لسرعة الفصل في القضايا

اكيد هناك افكار اخري و هذا الذي خطر علي بالي الان

[epnmasr]

اشكرك علي المعلومة بخصوص الاستاذ حازم .. و احترم رأيك في ترشحه

اما عن الآليات فعلي سبيل المثال:
- التحفظ عليهم في مدرية الامن او في سجن مؤقت و ليس في الاقسام ضعيفة التأمين
- تطبيق قانون الطوارئ المعمول به حتي الان علي المسجلين خطر منهم و اصحاب السوابق
- الاستعانة بالجيش لتأمين مكان الاحتجاز و المحاكمة - بالرغم من وجود جحافل الامن المركزي التي لا اعلم ما فائدة منها
- تخصيص دوائر قضايا لهم لسرعة الفصل في القضايا

اكيد هناك افكار اخري و هذا الذي خطر علي بالي الان

طيب أيه رأيك في تطبيق قانون (الغدر) على المخلوع وأعوانه من أعضاء الحزب المنحل

[AmAhmed]

لست خبير قانوني .. لكن النظام السابق ارتكب العدد من جرائم استغلال النفوذ - و افساد الحياة السياسية
التطبيق القانوني و التعامل معهم .. اعتقد ان من الافضل ان اتركه للمتخصصين و القضاة الشرفاء

ما اعلمه ان البعض يلجأ للتلويح بقانون الغدر للضغط علي المجلس العسكري و المسئولين لتحقيق مصالح خاصة و دول ربنا يخلصنا منهم
و من الناس من يريد تطبيق القانون لان التحقيقات في القضايا الحالية ضعيف و غير كافي للادانة و يسهل الخروج منها بثغرات القانون

المشكلة هنا انه لا ارادة حقيقية لمحاكمة النظام السابق في شتي اروقة النظام و مؤسساته .. و لو وُجدت الارادة لتمت ادانة النظام سياسيا و جنائيا و اقتصاديا و امنيا