مصطفى سعد نازل القاهره يامينز

[MOUSTAFA_SAAD]

السلام عليكم ورحمة الله وبركاته

مع الاعتذار للفنان سعيد صالح لاقتباس مقولتة الشهيره فى مسرحية مدرسة المشاغبين بدون اذنه

ان شاء الله نازل القاهره يوم الحد 24 - 7
اختى عندها تدريب فى الشركة بتاعتها فى المقر الرئيسى فى القاهره وبما انى من المؤيدين لنظرية ان ضل راجل ولا ضل حيطه قولت انزل معاها اوصلها بدل ماتروح لوحدها فى القطر وافضل قلقان عليها

التدريب لمدة يوم واحد من الساعه 10 صباحا لغاية تقريبا الساعه 5 مساء يعنى مدة انتظار 7 ساعات كاملين حيبقوا اطول 7 ساعات فى عمرى لانى مابحبش الانتظار ابدا بس اعمل ايه بقى

مكان الشركه فى مدينة نصر عند دار الدفاع الجوى
انا اشتغلت فى القاهره فتره وكنت ساكن فى شارع الطيران والمكتب امام سيتى ستارز فى عمارات ميلسا عند مسجد القوات المسلحه الجديد يعنى عارف المنطقه وفاكرها بس مش اوى لان الموضوع ده من 7 سنين

عاوز اعرف ازاى اوصل لدار الدفاع الجوى لانى لما كنت باسافر بالعربيه زمان كنت باخد الزراعى واطلع تانى طلعه للدائرى لغاية لما اوصل لنفق السلام وادخل يمين وامشى طوالى وتقريبا لغاية الكليه الحربيه بس بعد كده الميمورى خلصت ومش فاكر حاجه من السكه فهل لغاية الكليه الحربيه انا صح ولا كمان فى اخر الطريق مش حلاقى الكليه الحربيه والاقيها اتنقلت وبعد كده ازاى اوصل دار الدفاع الجوى لانى مش فاكر حاجه من السكه

وطلب تانى عاوز مكان اقضى فيه السبع ساعات المملين دول يكون قريب من شركتها فمش عارف اروح فين
انا مدخلتش سيتى ستارز قبل كده ايه ظروفه
ايه اخبار الكافتيريات وخلافه و موجود نت واير ليس علشان لو حبيت اخد اللاب توب
ايه اخبار محلات اللبس علشان لو بالمره حبيت اشترى تيشيرت بولو ولا بنطلون جينز ولا جزمه شمواه والاسعار عامله ايه

ولا فيه مكان تانى احسن منه اروحه

معلشى انا حاتعبكم معايا بس عاوز حد يحطلى خريطه اقضى بيها اليوم بدون زهق او تعب لانى ناعى هم المشوار جدا ونفسى يتلغى لان مشوار القاهره اساسا دمه تقيل على قلبى اوى خصوصا فى الحر ده فمش عاوز اتفرهد لانى لسه حارجع سايق 3 ساعات على الزراعى وقرفه كمان ده غير انها عاوزه تروح العباسيه تقابل واحده صاحبتها قبل ما نرجع ان شاء الله يعنى يوم مكمل لغاية 12 منتصف الليل

انا غالبا حاركن العربيه عند الشركه لان هناك تقريبا فيه باركنج وامن وحاخد تاكسى اروح بيه اى مكان اقضى فيه اليوم بدل ماخد العربيه معايا فى حته احتاس فى مكان اركنها فيه وتتسرق منها حاجه او تتسرق كلها وربنا يستر

اخيرا تحياتى ليكم وشكرا مقدما

[Khaled Online]

ياريت الواحد يشوفك لما تيجي يا مصطفى باشا
أنا هكون في الدقي يعني جمبك على طول هههههههههه

[MOUSTAFA_SAAD]

دوقى
دوق عليك ياخويا
تعالى قابلنى فى دمنهور احسن

[Khaled Online]

دوقى
دوق عليك ياخويا
تعالى قابلنى فى دمنهور احسن

ههههههههه
ربنا يسهل
والله ممكن تطلع في دماغي وأبقى أعدي عليك.حاكم أخوك عايز يشوف محافظات مصر محافظة محافظة قبل ما أموت بدل ما أنا قاعد بتفرج من بعيد

[MOUSTAFA_SAAD]

تشرف ياباشا والله تعالالى وانا حاظبطك

[MOUSTAFA_SAAD]

بس انا ماطلعتشى منك بفايده لغاية دلوقتى يعنى

طيب اوصفلى السكه حتى

[Khaled Online]

تشرف ياباشا والله تعالالى وانا حاظبطك

دا من أصلك الطيب وأخلاقك العالية يا مصطفى
تعالالي الدقي بقى!

[Khaled Online]

بس انا ماطلعتشى منك بفايده لغاية دلوقتى يعنى

طيب اوصفلى السكه حتى

والله أنا خايف أوصفلك تلاقي نفسك رجعت دمنهور نتيجة عبقريتي الجغرافية التي تناولتها جينيس ريكوردز بالنقد والتحليل من قبل!

بلاش أحسن

[MOUSTAFA_SAAD]

دا من أصلك الطيب وأخلاقك العالية يا مصطفى
تعالالي الدقي بقى!

والله أنا خايف أوصفلك تلاقي نفسك رجعت دمنهور نتيجة عبقريتي الجغرافية التي تناولتها جينيس ريكوردز بالنقد والتحليل من قبل!

بلاش أحسن

ههههههههههههههههههه

[MOUSTAFA_SAAD]

ايه ياجماعه انام 4 ساعات وارجع ملقيش مشاركه واحده فى الموضوع تعرفنى السكه ايه حتى
مكنشى العشم يارجالة نايل موتورز

[هيثم المنياوى]

السلام عليكم:
دمنهور يعنى بحييره يعنى جاى من الزراعى بتاع اسكندريه على ما أعتقد
لو كدا حضرتك هتطلع دائرى فى إتجاه المطار(تانى طلعه)وتكمل على طول لغاية نفق السلام وتاخد شارع جوزيف تيتو وتطلع كوبرى المطار(اللى فوق جسر السويس)هتنزل قدام الكليه الحربيه هتمشى على طول(الكليه على يمينك)تاخد أول يوتيرن وتدخل يمين كدا انت على وصلة الأوتوستراد معاها على طول هتطلع عندى النادى الأهلى (طريق النصر) كمل على طول الشارع اللى أوله ساعه كبيره ده شارع النزهه ادخل يمين دار الدفاع بعد 300متر تقريباً وتوصل بالسلامه
لو من جوه البلد اطلع كورنيش وخد أكتوبر من التحرير وكمل على طول وأنرك أخره شمال على طريق النصر هتلاقى الساعه الكبيره بس هتكون على شمالك يعنى هتعمل يوتيرن من بعدها
توصل بالسلامه إن شاء الله
وصفه تالته:من قبل الكليه الحربيه ناخد شارع الحجاز أو شارع فريد أبو سبيكه لغاية مانوصل عند ميدان الحجاز ناخد شارع النهه على أوله محل كشرى أسمه هند معاه على طول لغاية ماتوصل دار الدفاع على يمينك(طبعاً المسافه طويله لإنك كدا هتاخد النزهه من أوله يعنى هتعدى على ميادن سانت فاتيما وتريامف وتطلع كوبرى النزهه وتنزل يعنى ماتقلقش
سلام عليكم

[MOUSTAFA_SAAD]

الله ينور يا هيثم باشا
انا ان شاء الله حاستخدم الوصله الاولى لانها اللى كنت باستخدمها زمان والحمد لله افتكرتها دلوقى بعد لما وصفتهالى

شكلك دارس القاهره كويس

كده وصف المكان خلص فاضل بقى المكان اللى حاروحه اقضى فيه الوقت هناك
مستنى اقتراحاتكم يارجاله

[هيثم المنياوى]

الله ينور يا هيثم باشا
انا ان شاء الله حاستخدم الوصله الاولى لانها اللى كنت باستخدمها زمان والحمد لله افتكرتها دلوقى بعد لما وصفتهالى

شكلك دارس القاهره كويس

كده وصف المكان خلص فاضل بقى المكان اللى حاروحه اقضى فيه الوقت هناك
مستنى اقتراحاتكم يارجاله

السلام عليكم
العفو ياباشا أنا تحت أمرك..وأسمحلى أحييك لمرافقتك لأخت حضرتك بارك الله فيكم وحفظكم إن شاء الله
بالنسبه للوقت لوحضرتك تقصد تقضيه فين فالأماكن القريبه عليك هى سيتى ستار ده فى شارع أحمد فخرى ومكرم عبيد وعندك جنينه مون فى شارع متفرع من عباس العقاد وعندك كافيه كويس أسمه تشيلز فى شارع الثوره بعد ماتعدى نفق الثوره فى إتجاه الكوربه وممكن حضرتك تروح مجمع مطاعم هليوبليس عند السبع عمارات(أخر شارع النزهه)يعنى ارجع تانى وممكن تنزل شارع عثمان بن عفان تاكل حواوشى من عند سندوتش الأمير وتحلى من عند العائلات جمبه على طول وعندك كوستا كافيه فى عباس العقاد وممكن تدخل المبنى الاجتماعى بتاع دار الدفاع
وفى أى مكان من دوول ممكن تشغل وقتك بذكر الله وأكيد فى أماكن كتيييييير الوحوش هيتفضلوا بذكرها
وتحت أمرك فى أى إستفسار

[MOUSTAFA_SAAD]

شكرا هيثم باشا على الاهتمام
انا ان شاء الله ناوى اروح سيتى ستارز واكيد حلاقى فيه كافيهات فيها وايرليس علشان حاخد اللاب توب معايا وعلى الاقل المكان كله مكيف علشان بفكر ماخروجشى منه غير وانا مروح لان الحر اليومين دول مشكله عندنا فما بالك بالقاهره

بس ماتعرفشى احسن واير ليس الاقيه فى انهى كافيه لانى عندى كمية داونلود كبيره حاحاول اخلص منها اللى اقدر عليه

[SHNORY]

عيب والله
لما اعضاء القاهره محدش عارف السكه
والفرج ييجي من اعضاء المنيا
بس احب اقولكم حاجه
مصطفي سعد كان في اسكندريه ومعداش عليا وهرب من بره بره
وعرفت بعد ما مشي انه هرب