مساعد مدير ادارة تدريب الكلاب

[samcar]

لواء مصطفي فهمي سليمان عثمان نائب مدير أ. ع لتدريب كلاب الأمن والحراسة بأكاديمية الشرطة،
اقرأ المقال الأصلي علي بوابة الوفد الاليكترونية أسماء أكبر حركة تطهير لجهاز الشرطة


لواء- لتدريب الكلاب- الاداره دى فيها كام لوا- وباقى الادارات فيها كام لوا - وبعدين زعلانين لما الناس تقول اعاده هيكله
وزاره الخياليه مش الداخليه - شوفوا كام لوا موجود ومرتباتهم وبدلاتهم - كام غير اللى بيدخل لهم من وزارات تانيه
علشان كده كلهم سله واحده- تصوروا بقى ممكن يعملوا ايه لو حد قرب من المملكه دى

اداره تدريب الكلاب- اه يا بلد

على راى نجيب الريحانى فى فلم غزل البنات لو بادرس لكلاب من 18 سنه كن بقيت من الاعيان - بس المره دى انا لو بادرب كلاب من 30 سنه كنت اشتريت السودان

بجد الثوره دى تبقى كلام فارغ لو الداخليه وباقى الوزارات اللى بيقولو عليها سياديه ما اتقلصتش للعشر

ويقولوا البلد حتشحت -

فعلا حتشحت من السياديه

[wesam_salom]

نفس الوظيفه دى علقت معايا
بس لما فكرت شويه عرفت انها وظيفه مهمه لتدريب الكلاب فى الاكاديميه
قبل ما تخرج للناس فى الشوارع

[heshamzaky]

هما مش كتير دى الادارات بتاعت الشرطة . دول بس ههههههههههه

هيكل و ادارات الشرطة
قوات الشرطة


الإداره العامة لأندية وفنادق الشرطة
الإدارة العامة لإمداد الشرطة
الإدارة العامة لشرطة السياحة والآثار
الإدارة العامة لرعاية الأحداث
قطاع مصلحة السجون
الإدارة العامة لمباحث تنفيذ الأحكام
الإدارة العامة لشئون الأفراد
الإدارة العامة للتأمين والمعاشات
مصلحة أمن الموانى
قطاع مصلحة الأمن العام
الإدارة العامه لشرطة ميناء القاهرة الجوى
الإدارة العامة لمباحث مكافحة التهرب الضريبى والرسوم
مصلحة الجوازات والهجرة والجنسية
الإدارة العامة لشرطة الكهرباء
الإدارة العامة للمعلومات والتوثيق
الإدارة العامة لشرطة التموين والتجارة الداخلية
الإداره العامة لشرطة النقل والمواصلات
الإدارة العامة لمكافحة جرائم الأموال العامة
الإدارة العامة لتصاريح العمل
الإدارة العامة للمرور
الإدارة العامة للشئون الإدارية
مصلحة تحقيق الأدلة الجنائية
قطاع مصلحة الأحوال المدنية
الإدارة العامة لشرطة البريد
ادارات شرطة النجدة
قوات الأمن العام والأمن المركزي
مباحث أمن الدولة وتم حله بعد ثوره 25 يناير
جهاز الشرطة بالمخابرات العامة
الإدارة العامة لشرطة رئاسة الجمهورية
الإدارة العامة لشرطة مجلسي الشعب والشورى
الإدارة العامة للحراسات الخاصة

[samcar]

نفس الوظيفه دى علقت معايا
بس لما فكرت شويه عرفت انها وظيفه مهمه لتدريب الكلاب فى الاكاديميه
قبل ما تخرج للناس فى الشوارع

مهمه - مهمه اكتر من الكلاب اللى بيدربوهم فى السرك- زمان كان فى كلب مشهور فى الداخليه اسمه الكلب هول- واظن كان اللى بيدربه شاويش مش اداره

وايه كم الادارات اللى التعليق رقم 2 وضحه- قولوا لى كام لوا وعميد وخفير فيهم ومرتباتهم كام ومخصصاتهم كام

السنه اللى فاتت - المعلن- غير ما هو سرى - عن ميزانيه الداخليه انها كانت 12 مليار - والبحث العلمى كان 2 مليار - معظمه كان مرتبات اعضاء هيئة التدريس والموظفين

معلش- هى ادارة الكلاب - دى بس نفسى اعرف ميزانيتها كام

[mr_vampire]

حقهم ياباشا. الكلاب حاجة مهمة جدا لانها تمتاز بحاسة شم فولاذية لولبية تجيب العضمة من علي بعد.

ارحمنا برحمتك يـــــــــــــــــــــــــــــــــــارب

[Mzeid]

ممكن سؤال ؟

هو الاعتراض على ايه بالضبط ؟
على تدريب الكلاب ؟
دة شئ عادي و موجود في كل دول العالم و فيه في الجيش كمان
يعني مش افتكاسة الشرطة عاملاها

[Amr Axel]

معلش سؤال انا مش واخد بالي من المقصود من الموضوع جايز عشان عايز انام هههه

بس ايه المشكلة في وجود ادارة لتدريب الكلاب حضرتك تدريب الكلاب في الاستخدامات الشرطية او العسكرية مش حاجة سهلة مش شوية اوامر زي اللي ندرب الكلب عليها
ده تدريب ع اكتشاف المخدرات بانواعها و المتفجرات بانواعها
و عمليات الانقاذ و الهجوم..ألخ...ألخ مش مجرد تربية كلب
و الكلاب دايما اثبت ان ليها اهمية كبييرة مش هقولك من مئات السنين هقولك في العصر الحديث من الحرب العالمية عندما تم استخدامها لتفجير معسكرات الاعداء
و استخدامها في البحث عن المفقودين وسط الانقاض و غيره و غيره

[samcar]

ممكن سؤال ؟

هو الاعتراض على ايه بالضبط ؟
على تدريب الكلاب ؟
دة شئ عادي و موجود في كل دول العالم و فيه في الجيش كمان
يعني مش افتكاسة الشرطة عاملاها

المقصود هو الحجم والتهريج فيه - اداره ممكن تكون من مجموعة عساكر تحت اشراف بالكتير مقدم او عقيد- يبقى ايه لزوم اللوءات - وعايز زى ما قلت اعرف ميزانيه الاداره - دى تتناسب مع الرتب دى وايه - دورهت وقدمت ايه للبلد
كل اللى فاكره انهم كاموا بيطلعوا زى نمر السرك فى حفل تخريج الشرطه - او بيبقوا ذلين بيهم المساجين اللى كانوا بيرحلوهم زى الشوله فى القطرات

وبعد كده - ايه كم الادارات اللى فى الوزاره دى وايه اللى بتقدمه - وجيش الرتب دى كلها لزمته ايه

خد عندك اداره الحرس الجامعى اللى اتلغت- كان بيقى فى الكليه عقيد او عميد ومعاه كام عسكرى وشاويش كسر- ولما تروح تبلغ عن واقعه اجراميه - زى بيع مخدرات جوه الجامعه - يقول لك ما قدرش اعمل حاجه لاحسن رئيس الجامعه يزعل - هو بقى جنابه كان كل مهمته تشرفاتى للعميد والضيوف - وبيقبض من الداخليه ومن الجامعه

قيس على كده الادارات اللى متحمله على كا نشاط فى البلد فيها كام رتبه وبيعملوا ايه وانتاجهم ايه

وبلاش والنبى نغمه بره والدول المتقدمه - احنا فسادنا مالوش زى