إستطلاع : أفلام تشوفها كذا مرة وأفلام متقدرش تشوفها بالمرة

[Ghosts]

بعيدآ عن السياسة وأحوال البلد اللى لا تسر عدو ولا حبيب ....
تعالوا نتكلم فى حاجة خفيفة ....
كل يوم فى القنوات الفضائية تلاقى نفس الأفلام ....
فكتيييييير الواحد بيلاقى نفسة مضطر يتفرج على أفلام شافها قبل كدة ....
بس فى أفلام تحب تشوفها كذا مرة وفى أفلام و ممثلين متقدرش تشوفهم بالمرة ....

أنا عن نفسى بحب أشوف :
أفلام أحمد حلمى زى كدة رضا وأسف على الأزعاج و زكى شان ....
كل أفلام أحمد عز ماعدا مذكرات مراهقة وملاكى أسكندرية ....
بحب فيلمين بس لكريم عبد العزيز هما أولاد العم وحرامية فى KG2 الجزء الأول ....
هانى رمزى فى غبى منة فية وبس غير كدة مفيييييييييييييييييييييييش ....
أفلام كتير للعبقرى أحمد زكى ....
معظم أفلام عادل أمام فى فترة التمانينات والتسعينات ولو أنة هبل كتير أوى ....
والهبل زاد أكتر فى العشر سنين اللى فاتوا ....
دة كفاية فيلم بوبوس ... يعنى بصراحة حاجة تقرف ....
أحمد مكى فى لا تراجع ولا أستسلام وطير أنت ....
وفى أفلام الشباب الصاعد ... هو فيلم واحد بس أسمة سمير وبهير وشهير ....
بحب معظم الأفلام القديمة ( أيام النظافة والأخلاق والرقى ) ....
وخصوصآ أفلام محمد فوزى ....
عبد الحليم حافظ لااااااااااااااااااااااااااااااااااا ....

نيجى بقى للمبحبوش :
هما بصراحة كتير يعنى عندك :
محمد سعد ... محمد هنيدى ... أحمد السقا ... أحمد أدم ...
تامر حسنى ... خالد أبو النجا ... عبلة كامل ...
أى فيلم في أى حد فى دول لا يمكن أتفرج علية ....

أوعى حد يزعل منى ....
دى مسألة أذواق ....
ياريت بقى اللى يشارك يقولنا على الأفلام و النجوم المفضلين بالنسبة لة ....
والأفلام والنجوم اللى شايف أنها دون المستوى ....

[AmAhmed]

شكرا لك علي تغيير الموود
احب الكيف - خرج و لم يعد

[Ghosts]

شكرا لك علي تغيير الموود
احب الكيف - خرج و لم يعد

فترة التمانينات كان فيها أفلام ممتازة ....
من ضمنها طبعآ الكيف والعار و الذل و جرى الوحوش ....
مش ملاحظ حاجة ؟
كل الأفلام الرائعة دى من تأليف محمود أبو زيد ....
اللى بعتبرة واحد من أهم المؤلفين فى مصر والعالم العربى ....
بس حضرتك نسيت تقولنا على الأفلام والفنانين اللى مابتحبهمش ....

[Abo_Lina]

العار - جري الوحوش - ملف في الآداب - الحب فوق هضبة الهرم - كتيبة الإعدام - fight club - forest gump دول ممكن أتفرج عليهم كل يوم !
هنيدي و محمد سعد لو إتدفع لي فلوس ماتفرجش عليهم

[Ghosts]

العار - جري الوحوش - ملف في الآداب - الحب فوق هضبة الهرم - كتيبة الإعدام - fight club - forest gump دول ممكن أتفرج عليهم كل يوم !
هنيدي و محمد سعد لو إتدفع لي فلوس ماتفرجش عليهم

أنت بتقول Forest Gump ؟؟؟؟!!!!
مش ممكن أخيرآ لقيت حد يعرف الفيلم دة ....
دة أحسن فيلم أجنبى شوفتة فى حياااااااااااااااااااااتى ....
اللى ما شافش الفيلم دة يبقى لسة ماتفرجش على سينما أمريكية ....
ومادام أتكلمنا فى الأمريكانى يبقى لازم أقولك على سلسلة أفلام Back to the future ودة 3 أجزاء ....
بس تحفة ... دة أنتاج سنة 1989 بس لو شوفتة هتقول علية أنتاج السنة دى وأحنا دلوقتى مانعرفش نعمل زية ....
فيلم سمير وبهير و شهير متاخد منة بس طبعآ مش نفس المستوى خااااااااااااااااااااااااااااااااااالص ....

[n_i_t_e]

فورست جامب طبعا حلو و أخد أوسكار و بالنسبة لتوم هانكس أفتكرله برضه فلم cast away & u hv got mail
فيه أفلام أجنبى كويسة بس طبعا بشوفها كذا مرة و دي لستة طويلة.
اه سلسلة باك تو ذا فيوتشر فعلا حلوة :)...rush hour أفضل مثال للأكشن كوميدي.
butterfly effect - brave heart - i robot - AI - face-off - star dust و لسه شايف لأول مرة charlie and choclate factory و عجبنى.

عربى بقى فى فيلم أبو على - كده رضا - أسف عالأزعاج - بطل من ورق

أغلب الأفلام الجديدة دي مش بطيق أشوفها زي بتاعة محمد سعد و ياسمين عبد العزيز و ريكو

[magid1010]

هاري بوتر طبعا و جاكي شان

[grand hand]

أرض النفاق بتاع فؤدا المهندس
ممكن اشوفه خمس مرات فى اليوم ومزهقش ومش عارف ليه !

[E30power]

أرض النفاق بتاع فؤدا المهندس
ممكن اشوفه خمس مرات فى اليوم ومزهقش ومش عارف ليه !

+1111111111111111111111

انتا فناااااااااااان ..فعلا الفيلم دة خرافى :]:]

انا بعشق افلام فؤاد المهندس كلهاااااااااااااااااا الابيض واسود الا الشموع السودة ... وياسلام بقى لما بيكون معاه الست بتاعت ( السمانة اتكسرت اة ) :]

اكتر فيلم بقى مزهقش من روعتة ..الهروب... بتاع احمد زكى ..علية موسيقى تصورية خرافية

[eng.m7md.ali]

أرض النفاق بتاع فؤدا المهندس
ممكن اشوفه خمس مرات فى اليوم ومزهقش ومش عارف ليه !

+111111111111111 وكمان فيلم العتبة جزاز بجد بترمي من كتر الضحك
واشاعة حب و 30 يوم في السجن وحنفي الابهة والافوكاتو
ولا تراجع ولا استسلام شوفته 16 مرة وممكن اشوفها تاني عادي وكمان اي فيلم فيه احمد مكي واحمد حلمي وفيلم سمير وشهير وبهير شفهت 7 مرات وممكن اشوفه تاني وافلام تانية كتير بصراحة

[medo_2060]

الافلام الى ممكن اشوفها تانى ودائما فى الذاكره دا بعض منها الى فى بالى دلوقتى
once upon a time in america
legends of the fall
the god father
finding neverland
What's Eating Gilbert Grape
saving Private Ryan
Deuce Bigalow: European Gigolo
ومن العربى فيلم قديم اوى بتاع فريد شوقى بعشقه اسمه "سلطان" وفيلم الكيف

[OgsMc]

the lord of the rings trilogy
how to train your dragon
inception
fight club

[Abo_Lina]

أعتقد توم هانكس هو أعظم ممثل أنجبته البشرية
من الصعب أفتكر له فيلم وحش
BIG مثلا فيلم خفيف لكن ممتع
joe vs the volcano أكثر من رائع
cast away و إزاي ممثل يخليك تتابع فيلم تلات أرباعه مافيهوش كلام

god father طبعا بجزئيه ،، لأني لا أعتبر التالت على نفس المستوى ..
كوميدي بقى there's something about mary ،، أنا كل ما أشوف الفيلم ده أقعد أضحك زي الأهبل

[human]

Platoon
God Father I
Lord of the rings trilogy
District 9 - Amazinnnnnnnnnnnnnng
Eternal Sunshine of the Spotless Mind
Goodfellas
Seven
Before sunset
Leon the professional
Animal Factory
Kill Bill: Vol. 1,2
Lock Stock and two smoking barrels
Snatch
The Butterfly Effect
The Hustler (Paul Newoman) - Color of money (Paul Newman and Tom Cruz) amazing 30 years difference
Donnie Darko (wonderful plot u like to watch to see it)
Pulp Fiction
Shawshak Redemption
The Unforgiven
Fargo
Die Hard 1 and 4
Heat
Devil Advocate

there is a movie named the big kahuna - this is in my opinion one of the best ever scenarios


any movie by Martin Scorsese, or Oliver Stone
and any movie for the legend Kevin Spacey

[saadelden]

اليومين دول قاعد بتفرج ع الافلام العربي القديمه
قاعد اقلب يطلعلي اسماعيل يس ولا فؤاد المهندس ولا عبد الفتاح القصري :D
بس بصراحه افلام جميله جدا

الافلام الجديده
افلام احمد مكي و احمد حلمي و كريم عبد العزيز

فيه افلام عايز اتفرج عليها بس حاسس انها هتبقى بايخه زي دكان شحاته كدا
فيلم ماتطلعش منه ببصله
بردو فيلم كلمني شكرا لو حد عنده لينك ليه يحدفهولي اشوف دا عباره عن ايه بالظبط


الافلام الاجنبي بقى دي حوار لوحدها
كفايه فرق الجوده و التمثيل و المؤثرات و التكنولوجيا
الافلام الي بتفرج عليها و مازهقش زي 2012 و inception و Tropic Thunder
طبعا فيه افلام تانيه كتير زي الي قولتوها في الموضوع
بس عموما انا بحب اتفرج ع الافلام ال Science fiction و Comedy و Action