compound سكنى باسعار رخيصة

[masterzmind]

السلام عليكم يا جماعة انا كنت عاوز اشترى شقة فى compound تكون فى حدود 170 متر حد يعرف compound فى ااكتوبر او الشيخ زايد بس يكون اسعارة كويسة ويكون بيقسط

[Mostafa.Ismail]

انا بضمى صوتى لصوتك؟

[masterzmind]

يا رب حد يفيدنا اصلى انا عندى مشكلة ولازم اقولك عليها كنت ساكن فى شارع عز الدين عمر فى الهرم امام شارع العريش وكانت جنبيا عدد كتير من الفيلا واراضى زراعية طلع قانون هدم الفيلات وطلع ابراج قلت يا واد مش مشكلة جنبك ارض زراعية كنت بشوف منها شارع الهرم وهوب طلع قانون البناء على الاراضى الزراعية وهوب طلع برج تانى قولت يالهوى بعد ما كنت بشوف شارع الهرم من جوة دلوقتى بشوف الجار ادامى والشارع بقى فى توك توك وخناقة كل شوية بين سواقين التوك توك والفلوكس وناس فرشين بيبعو سمك فى الارض على اول الشارع وبص حاجة بقت زبالة قولت لازم اخد فى compund عشان ميحصلش الى حصل تانى معلش طولت عليكم

[egyptawy2010]

متابع باهتمام


يارين الناس تقولنا ايه هى الكمبوند الا فى اكتوبر او التجمع

[zago]

حاول تاخد دور أرضي بجنينه
ده حلمي
وحسلفهولك تحلم بيه شويه وان شاء الله تحققه هههههه

[ShaDy MiGo]

يا رب حد يفيدنا اصلى انا عندى مشكلة ولازم اقولك عليها كنت ساكن فى شارع عز الدين عمر فى الهرم امام شارع العريش وكانت جنبيا عدد كتير من الفيلا واراضى زراعية طلع قانون هدم الفيلات وطلع ابراج قلت يا واد مش مشكلة جنبك ارض زراعية كنت بشوف منها شارع الهرم وهوب طلع قانون البناء على الاراضى الزراعية وهوب طلع برج تانى قولت يالهوى بعد ما كنت بشوف شارع الهرم من جوة دلوقتى بشوف الجار ادامى والشارع بقى فى توك توك وخناقة كل شوية بين سواقين التوك توك والفلوكس وناس فرشين بيبعو سمك فى الارض على اول الشارع وبص حاجة بقت زبالة قولت لازم اخد فى compund عشان ميحصلش الى حصل تانى معلش طولت عليكم

ده احنا طلعنا جيران
فعلا اسباتس كلها بقت عاملة زى الطالبية واكتر
انا لو مكانك هاخد فى اكتوبر ...معظم قريبو وخدين هناك ومستريحين ..وكمان قريبة من الهرم :)

[Hacker5]

شوف حدائق الاهرام الكمبوند الوحيد اللى فى الجيزة

[Dr_Mido]

فى معلومات عن حدائق الاهرام طيب

[yassin_samir]

معمار المرشدى عندة كوماوند فى اكتوبر اسمة دجلة المهم العنوان فى شارع مصدق فى الدقى فوق بنك عودة

[masterzmind]

شوف حدائق الاهرام الكمبوند الوحيد اللى فى الجيزة

انا اختى سكنة فيها مشكلة حدائق الاهرام ان الشوارع ضيقة يعنى كمان 5 سنين كدة مشهتعرف تركن ومعظم البيوت من غير جراج اة مستويات فيها احمد بدير وطلعت زكريا بس مشكلتها الشوارع وكمان فيها توك توك ومفيهاش زرع خالص يعنى ممكن تقول هية الاسم compound لاكن مفيهاش حاجة اى مميزات انها compound غير انها مقفول عليها

[masterzmind]

ده احنا طلعنا جيران
فعلا اسباتس كلها بقت عاملة زى الطالبية واكتر
انا لو مكانك هاخد فى اكتوبر ...معظم قريبو وخدين هناك ومستريحين ..وكمان قريبة من الهرم :)

بص يا باشا اكتوبر جامدة اوى شوراع وكل حاجة بس خايف بردوة انا اتعلمت ومش هاخد غير فى compound عشان كمان 5 سنين تلاقى ناس وقفين بحمار وبيبع طماطم وخيار ولا تلاقى واحد يصحيك من النوم ويقولك بيكيا روبابكيا

[saadelden]

بص يا باشا اكتوبر جامدة اوى شوراع وكل حاجة بس خايف بردوة انا اتعلمت ومش هاخد غير فى compound عشان كمان 5 سنين تلاقى ناس وقفين بحمار وبيبع طماطم وخيار ولا تلاقى واحد يصحيك من النوم ويقولك بيكيا روبابكيا

اكتوبر لسه بدري عليها اوي علي ما يظهر فيها بتوع الروبابيكيا
احنا لينا شقه في المجاوره التالته عند خير زمان و هناك مفيش الكلام دا خالص
و فيه عمارات كتير علي الشارع و فيها جراج حلوه و اسعارهم معقوله

ع العموم انزل خدلك لفه و هتلاقي حاجات كتير كويسه

علي فكره فيه كتير عمارات فاضيه علي المحور المركزي هناك من اول الحصري

[masterzmind]

اكتوبر لسه بدري عليها اوي علي ما يظهر فيها بتوع الروبابيكيا
احنا لينا شقه في المجاوره التالته عند خير زمان و هناك مفيش الكلام دا خالص
و فيه عمارات كتير علي الشارع و فيها جراج حلوه و اسعارهم معقوله

ع العموم انزل خدلك لفه و هتلاقي حاجات كتير كويسه

علي فكره فيه كتير عمارات فاضيه علي المحور المركزي هناك من اول الحصري

انا الجامعة بتاعتى فى اكتوبر وانا بحبها اوى بس والله هتبقى زى الحتا الى ساكن فيها اديك شايف الموقف بتاع الحصرى منتا بتشوف عربية فول وعربية كبدة وبكرة تشوف اول ما يبقى فى ناس صدقنى هيبقى اكثر من كدة بدل مفيش جهاز مشرف على الكلام زى الهضبة كدة مفيش عربية كارو دخلة البوابة عشان تبيع يا رب اكون افدك

[kar!m]

انت لو عاوز كمبوند راقى .. عندك فى الشيخ زايد فى كمبوند اسمه dunes.

[saadelden]

انا الجامعة بتاعتى فى اكتوبر وانا بحبها اوى بس والله هتبقى زى الحتا الى ساكن فيها اديك شايف الموقف بتاع الحصرى منتا بتشوف عربية فول وعربية كبدة وبكرة تشوف اول ما يبقى فى ناس صدقنى هيبقى اكثر من كدة بدل مفيش جهاز مشرف على الكلام زى الهضبة كدة مفيش عربية كارو دخلة البوابة عشان تبيع يا رب اكون افدك

ماهو الكلام دا كله عند الجامعه و الحصري و السوق و المنطقه دي لانها المنطقه الوحيده الحيويه و فيها ناس كتير
بالذات ساعه الدراسه و الخلايجه اما بينزلو هناك

عموما انا زي ماقولت احنا في المجاوره التالته قدام خير زمان
الدنيا رايقه و فيه كل حاجه في المحلات ورانا و مفيش لا بتاع خضار ولا بتاع انابيب ولا روبابيكيا بيعدي من المنطقه دي
و ع العموم كل الي علي المحور المركزي مش هيحس بالكلام دا زي الي ساكن جوا عند الجامعه و السادس