اخر اخبار مليونية تاييد المجلس العسكرى - اسفين يا مجلس

[A.Saad]

موضوع البلطجية
فيه هناك عربيات كانت واقفة صف تانى
المنصة طلبت انه تتشال لانه بتعوق حركة المرور
تم تحريك العربيات
كانوا 2 او 3

لم يحدث قطع طريق
لم يحدث اغلاق مصالح عامة
لم يحدث تكسير لممتلكات الشعب
لم يحدث تهديد بالعنف

[wesam_salom]

غير كدة
موقف المتظاهرين هناك موقف سلمى
هما مش بيعادوا متظاهرين التحرير ومش بيطالبوا بالعفو عن مبارك مثلا
هما بيطالبوا بعدم وجود مجلس مدنى وبيطالبوا بعدم العنف فى طلب اى مطلب

لو زودوا عليها الطريقه لتنفيذ ذلك او اثبتت الطريقه دى انها فعاله
فانا معهم فى روكسى
ومعهم فى مطالبهم
واعتقد 99% من الشعب المصرى
محدش نفسه فى خراب للبلد
وموضوع المجلس المدنى ده قله
والناس بتطلب الطلب ده بسبب تباطوء او تواطؤ المجلس
وممكن التأخير ده يتفهم غلط

[A.Saad]

لو زودوا عليها الطريقه لتنفيذ ذلك او اثبتت الطريقه دى انها فعاله
فانا معهم فى روكسى
ومعهم فى مطالبهم
واعتقد 99% من الشعب المصرى
محدش نفسه فى خراب للبلد
وموضوع المجلس المدنى ده قله
والناس بتطلب الطلب ده بسبب تباطوء او تواطؤ المجلس
وممكن التأخير ده يتفهم غلط

التأخير فعلاغريب
بس ليه
معرفش
بس تأكدى ان المجلس حمى الثورة قبل كدة
يبىقى مش هيضرها
ممكن يكونوا ليهم سنة اخلاص لمبارك لسه
بحكم العمل معاه سنوات
بس اكيد فيه حاجة مستخبية عننا
موضوع المجلس
اكلمت فيه مع واحد هناك
ولو قلت لك انه قالى انه الاسبوع الماضى كان فى التحرير مش هتصدقنى
قلت له
هناك
الحركات بتحط السم فى العسل
الاول
مليونية الفيقير
طيب اى حزب عمل ايه للفقرا
عمل ايه علشان ينشط الاقتصاد
مفيش
بعد شوية موضوع المجلس بيظهر
شوية بشوية
منها
الناس تقتقنع بالراحة
بعد ما يقنعوهم بفكرتهم من تخوين المجلس العسكرى وبرده جش نبض للناس
مش بقلك السم فى العسل

[A.Saad]

القاهرة، مصر (CNN)-- بدا الانقسام واضحاً في شوارع العاصمة المصرية القاهرة الجمعة، حيث شهد ميدان التحرير مظاهرة ضمن ما يُعرف بـ"جمعة الإنذار الأخير"، لمطالبة المجلس الأعلى للقوات المسلحة بتنفيذ "أهداف الثورة"، فيما شهدت منطقة مصر الجديدة مسيرة تأييد للمجلس العسكري، تحت شعار "جمعة الأغلبية الصامتة.. قررت أتكلم."
وأكد المشاركون في المسيرة، التي انطلقت من ميدان "روكسي" وحتى مقر وزارة الدفاع، استجابة لدعوة أطلقها عدد من النشطاء على موقع "فيسبوك"، تأييدهم الكامل للمجلس العسكري في إدارة شؤون البلاد خلال المرحلة الانتقالية، كما طالبوا بضرورة تحديد أسماء من تعرضوا للقتل في هجمات على أقسام ومراكز الشرطة، أو اقتحام السجون أو تخريب المنشآت العامة.

وفيما طالب المشاركون بمحاكمة المتهمين المتورطين في قضايا الفساد، فقد شددوا على عدم ممارسة أية ضغوط على القضاة، كما دعوا إلى فتح تحقيق موسع، من قبل النائب العام، لمعرفة الجهات والأشخاص والحركات السياسية والائتلافات التي تلقت أموالاً أجنبية لدعم التحول الديمقراطي في البلاد، طبقاً لما كانت صرحت به السفيرة الأمريكية في القاهرة، وفق ما أوردت وكالة أنباء الشرق الأوسط.

ودعا المتظاهرون إلى إعلان أسماء ضباط الشرطة المتورطين في قضايا الفساد، بهدف دعم "الأغلبية الشريفة من ضباط الشرطة الذين يواجهون اتهامات دون دليل"، كما طالبوا بإصدار مرسوم بقانون يشدد العقوبات على نشر الشائعات والأكاذيب من خلال وسائل الإعلام المختلفة، وإجراء محاكمات عسكرية لمن قاموا باقتحام وحرق وتدمير السجون خلال الثورة.

[hobiko]

@A.Saad

ماتزعلش مني ...... بس أنا مش عارف إنت بتقاوح في إيه ؟؟؟؟؟؟!!!!!




الصورة أبلغ تعبير

[misoalex]

النقط التانية الاخوة اللى بيقولوا الاعداد والتحرير
الاعداد متوقع انها هتكون اقل
للاتى
اولا مفيش حركات او اجزاب سياسية داعمة زى الاخوة بتوع التحرير
وده هيقودنا للسؤال التالى
ليه
لان روكسى مش سلم للسلطة والمشاركة فى الحكم
فمش هتلاقى حد يفكر يسيب الغنيمة اللى فاكرين هيلاقوها فى التحرير

امال الحزب الوطنى راح فين ؟؟؟؟

[misoalex]

@a.saad

ماتزعلش مني ...... بس أنا مش عارف إنت بتقاوح في إيه ؟؟؟؟؟؟!!!!!




الصورة أبلغ تعبير

مهو عشان كده ضربو الصحفى بتاع اليوم السابع واخدو الموبايل بتاعه عشان كان بيصور

اصل صوره افضل من مليون خبر

[misoalex]

الملاييين من الجماهيير الصامتة تتوافد على روكسى

http://www.almasryalyoum.com/node/477436

الملايين تشتبك مع بعض

http://www.almasryalyoum.com/node/477436

عشرات الالاف من الملايين يعتدوا على مصور اليوم السابع علشان صورهم و بان عددهم

اليوم السابع | متظاهرو روكسى يعتدون على صحفى "اليوم السابع"

مسحرة و الله
احنا اسفين يا مصور

غير كدة
موقف المتظاهرين هناك موقف سلمى
هما مش بيعادوا متظاهرين التحرير ومش بيطالبوا بالعفو عن مبارك مثلا
هما بيطالبوا بعدم وجود مجلس مدنى وبيطالبوا بعدم العنف فى طلب اى مطلب

استاز احمد انا كنت مستنى رجوعك من هناك عشان تحكى لنا اللى حصل

ممكن توضح ازاى موقفهم سلمى والاخبار دى مكتوبه عن اللى حصل هناك

[MaZaGAngeE]

امال الحزب الوطنى راح فين ؟؟؟؟

ده السؤال اللي مصر كلها مطنشاه ....................... تقولشي ماكانش موجود من أساسه !!!!!

[misoalex]

ده السؤال اللي مصر كلها مطنشاه ....................... تقولشي ماكانش موجود من أساسه !!!!!

يا باشا الناس دى مبتلعبش فيه منهم اللى موجود وواقف يتفرج مستنى يشوف مين حيكسب ويسقف ويهلل ليه

وفيه منهم اللى سقف وهلل بدرى ودخل اللعبه

وفيه منهم اللى لسه بيناضل وبيدعم منصات روكسى ومصطفى محمود وبلطجيه الميادين واحمد اسبايدر وغيره وغيره وغيره

وفيه بقى اللى ساب البلد وراح يشوف البزنس بتاعه بره او راح يعمل بيزنس جديد بره اصله مش معقوله حيضيع وقته لحد ما البلد يطلعلها ريس

اما بقى وجوه اللى اتحرقت زى عز وغيره فدول الله اعلم بمستقبلهم ايه نظامه انا نفسى مقدرش اخمن

[A.Saad]

@a.saad

ماتزعلش مني ...... بس أنا مش عارف إنت بتقاوح في إيه ؟؟؟؟؟؟!!!!!




الصورة أبلغ تعبير

ولا يهمك حصل خير

[A.Saad]

ده السؤال اللي مصر كلها مطنشاه ....................... تقولشي ماكانش موجود من أساسه !!!!!

القاهرة، مصر (cnn)-- بدا الانقسام واضحاً في شوارع العاصمة المصرية القاهرة الجمعة، حيث شهد ميدان التحرير مظاهرة ضمن ما يُعرف بـ"جمعة الإنذار الأخير"، لمطالبة المجلس الأعلى للقوات المسلحة بتنفيذ "أهداف الثورة"، فيما شهدت منطقة مصر الجديدة مسيرة تأييد للمجلس العسكري، تحت شعار "جمعة الأغلبية الصامتة.. قررت أتكلم."
وأكد المشاركون في المسيرة، التي انطلقت من ميدان "روكسي" وحتى مقر وزارة الدفاع، استجابة لدعوة أطلقها عدد من النشطاء على موقع "فيسبوك"، تأييدهم الكامل للمجلس العسكري في إدارة شؤون البلاد خلال المرحلة الانتقالية، كما طالبوا بضرورة تحديد أسماء من تعرضوا للقتل في هجمات على أقسام ومراكز الشرطة، أو اقتحام السجون أو تخريب المنشآت العامة.

وفيما طالب المشاركون بمحاكمة المتهمين المتورطين في قضايا الفساد، فقد شددوا على عدم ممارسة أية ضغوط على القضاة، كما دعوا إلى فتح تحقيق موسع، من قبل النائب العام، لمعرفة الجهات والأشخاص والحركات السياسية والائتلافات التي تلقت أموالاً أجنبية لدعم التحول الديمقراطي في البلاد، طبقاً لما كانت صرحت به السفيرة الأمريكية في القاهرة، وفق ما أوردت وكالة أنباء الشرق الأوسط.

ودعا المتظاهرون إلى إعلان أسماء ضباط الشرطة المتورطين في قضايا الفساد، بهدف دعم "الأغلبية الشريفة من ضباط الشرطة الذين يواجهون اتهامات دون دليل"، كما طالبوا بإصدار مرسوم بقانون يشدد العقوبات على نشر الشائعات والأكاذيب من خلال وسائل الإعلام المختلفة، وإجراء محاكمات عسكرية لمن قاموا باقتحام وحرق وتدمير السجون خلال الثورة.

على فكرة فيه واحد قال انع عضو مجلس شعب طلع على المنصة يتكلم
محدش سمع له اصلا
والمايك باظ

[تامر.محمد]

همممم انا متفق مع hobiko يا استاذ احمد , و عادي كنت قايل انك لو لقيتهم بتوع مبارك هاتسيبهم و تمشي يعني

[A.Saad]

هاقولك حاجة
فيه واحد من اللى واقفين كان بيهاجم مبارك
واللى اكلمت نعاه
اتفقنا ان مبارك يتحاكم عادى
بس بدون تدخلات واملاءات فى المحكمة

ولو كنت عايز مبارك
كنت رحت مصطفى محمود

[hobiko]

http://www.nilemotors.net/Nile/233168-a.html