علاقة الزوج بزوجته وبربنا

[شريف]

مش في الحديث إن النبي صلى الله عليه و سلم قال: "رحم الله رجلا قام من الليل فصلى و أيقظ امرأته ، فإن أبت نضح في وجهها الماء ، و رحم الله امرأة قامت من الليل فصلت و أيقظت زوجها ، فإن أبى نضحت في وجهه الماء" أعتقد الحالتين تكاد تكون متطابقة

+11111111111111111

[shaddadfalcon1]

رايكم كله صح
لكن خلينا بعيدا عن الدين خالص نتكلم في حاجه تانيه

لو روحت البيت لقيت مراتك عملالك جو مليون الميه ولوز اللوز ولما الموضوع خلص اكتشفت ان كل ده عشان عايزه لبس او حاجه معينه يعني الموضوع كله مكنش نابع منها ده عملته في مقابل حاجه تانيه هي عايزاها هي ساعتها هيبقي ده نفس احساسك لو علمته عشان هي بتحبك او عملته عشان هي عايزه تعمله
نفس الكلام علي اي حاجه لما حد يهديك بهديه عشان بيعزك مش زي مايهديك بحاجه وتلاقيه بعد كده عايز منك مصلحه

هو ده اللي انا بتكلم فيه
النصيحه وخصوصا في الدين مفيش عليها كلام طبعا

حد فاهمني ؟؟

[nabaster]

بلاش فهم غلط

وقلتلك حط كبريائك كراجل علي جمب للحظه بس علشان تفهم وتشوف الامور بمنظورها الصحيح

مراتك مش عايزه من وراك حاجه

مراتك ريدالك الخير وعايزه تهديك

غيرك بيدور علي ضفر واحده زي مراتك تساعده وتهديه للخير واديك شايف الستات اليومين دول عاملين ازاي

انا اسف لو كلمتك بالبلدي وبصراحه شويه

A.Yakout

[w-m-a]

إن البيت الذى يحيى الليل بالقيام بيت تحفه الملائكة وتتنزل عليه الرحمة وتسوده السعادة الحقة ، ما أجمل أن يتعاون كل من الزوج و الزوجة فى تحقيق هذا الخير ، فعن أبى هريرة رضى الله عنه قال : قال رسول الله صلى الله عليه وسلم رحم الله رجلاً قام من الليل فصلى وأيقظ امرأته فإن أبت نضح فى وجهها الماء ... رحم الله امرأة قامت من الليل فصلت وأيقظت زوجها فإن أبى نضحت فى وجهه الماء ) رواه أبو داود بإسناد صحيح .

[waelfarid]

انا فاهمك يا مسكين

[M.Mostafa80]

انا من رأى ان الشيطان بيبرزلك النقطه دى عشان يحارب زوجتك فى انها بتعينك على طاعه الله وأداء الفريضه فى مكانها الصحيح حاجه زى دى بصراحه المفروض تفرحك مش تزعلك لأنها بتحاول تقربك من ربنا ودا مش هيعود عليها باى نفع الا حاجه واحده ان ربنا هيبقى راضى عنها ويجازيها خير على دا انا فاهم كويس انت بتتكلم فى ايه استعيذ ربنا من الشيطان كل ما الفكر دا يدخل فى دماغك وابدأ انزل صلى الفجر فى المسجد وربنا يباركلك فى زوجتك وفى بيتك وأولادك وتذكر
وأظفر بذات الدين

[shaddadfalcon1]

افحمتوني ياجماعه
جزاكم الله عنا خيرا

[elfarashah]

سلام الله عليكم ورحمته وبركاته

في الحقيقة أنا شعرت بالغيرة من تصرف زوجتك لأنها بتتصرف بايجابية ولمصلحتك
ولكنها تناست شىء مهم جدا ألا وهو أن الرجل لا يتقبل النصيحة المباشرة ولكن إذا كان التوجيه
على غرار ما فعله الحسن والحسين رضى الله عنهما عندما أرادا أن يعلما رجلا كيفية الوضوء فقاما
بالوضوء أمامه دون أن يحرجانه كان لذلك وقعه على نفسك .هكذا كنت أسمع من أمي كانت تقول
كرامة الرجل وكبريائه اجعليهما نصب عينيكِ وإذا أردتِ توجيه نصيحة له فابدأي بنفسك أمامه أو وجهى تلك
النصيحة لأحد أبنائك واجعلى من زوجك دوما القدوة لهما وقتها سيصلح من نفسه ليكون تلك القدوة
وبينى وبينكم أنا بنفذ الوصية دي وبتؤتي ثمارها .....
ودعني أخي الكريم اقول لك أمرا هاما لا كرامة في أي أمر يخص الدين والتقرب من الله ولكن صحح النية
أن تكون لإرضاء الله قبل كل شىء وحاول أن توضح لها أن هذا الأمر بتلك الكيفية يزعجك ويكفيها فقط التنويه له
وإن شاء الله ستستجيب لذلك.
ربنا يحفظكم ويحميكم ويجعلكم خير معين للآخر على الفوز بالجنة

[shaddadfalcon1]

احلي حاجه ان كل الرجاله تقريبا جم في صف زوجتي والموضوع ده برضه اتعمل لمراتي في منتدي سيدات وكل السيدات جم في صفي انا

ربنا يهدينا جميعا ويتقبل منا ومنكم صالح الاعمال

[The_Last_Rebel]

الأمر بالمعروف يجب أن يكون بمعروف والنهي عن المنكر يجب ألا يتخلله منكر

[EslaM_NagY]

الهدف نبيل بس الطريقة مستفزة شوية

بس ممكن حضرتك تتخيل مثلا انك يوميا ما شاء الله بتصل فى الجامع وبالتالى هى حتتعامل كويس ويبقى هو دا الروتين اليومى.

ويوم ما تجى ومتصليش فى الجامع لظرف ما هى عارفاه - تعب - ارهاق - خلاف ذلك ساعتها حتعديهالك لأنك مش بمذاج حضرتك منزلتش.

ارجو تكون الفكرة وصلت
وبارك الله لكما وبارك عليكما.

[gebreel]

بسم الله ما شاء الله ربنا يباركلك فيها و يباركلكوا في اولادكو و بيتكم

اققلك على حاجة حلوة و لو عملتها بعد فترة و الله هتحب الموضوع و هيبقى نوع من انواع الدعابة بينكم اصحى انت قبل الفجر بنص ساعة و صحيها و قلها قومي باقي على الفجر نص ساعة نصلي قيام ليل و الفجر جماعة و تحاول تصح قبلها تصحيها و هتلاقيها هي بتحاول تصحيك قبلها و هيبقى فيه مواقف فعلا جميلة هتتندروا بيها بعد كدة و اولادكوا معاكم هيتزرع فيهم حب صلاة الفجر جماعة و قيام الليل و او استعداد لرمضان كمان

بس اوعى تقلب معاك بانها تصحيك بعد ما تنام ب ساعة علشان تبقى هي اللي صحتك في الاول =)

[husseinsalah]

ربنا يبارك فى زوجتك واحمد ربنا، دا انا بتحايل على زوجتى انها تقوم تصلى الفجر ولا حياة لمن تنادى والحجة طبعا معروفة ..تعبانة طول اليوم ..الولد مانمش الا قبل الفجر بساعة .. الخ، وانا عازرها بس كان نفسى تكون فية همه اكتر من كدة اما ربط الموضوع بحق من حقوقك فأنا متفهم وجهه نظرك لما الزوجة تربط معاملتها معاك بطلب معين لكن فى الحالة دى الوضع مختلف طبعا.

[shaddadfalcon1]

بسم الله ما شاء الله ربنا يباركلك فيها و يباركلكوا في اولادكو و بيتكم

اققلك على حاجة حلوة و لو عملتها بعد فترة و الله هتحب الموضوع و هيبقى نوع من انواع الدعابة بينكم اصحى انت قبل الفجر بنص ساعة و صحيها و قلها قومي باقي على الفجر نص ساعة نصلي قيام ليل و الفجر جماعة و تحاول تصح قبلها تصحيها و هتلاقيها هي بتحاول تصحيك قبلها و هيبقى فيه مواقف فعلا جميلة هتتندروا بيها بعد كدة و اولادكوا معاكم هيتزرع فيهم حب صلاة الفجر جماعة و قيام الليل و او استعداد لرمضان كمان

بس اوعى تقلب معاك بانها تصحيك بعد ما تنام ب ساعة علشان تبقى هي اللي صحتك في الاول =)

ههههههههههههه
البارح بتناقش معاها تاني وبقولها يعني انا لو قلتلك مش هكلمك كويس الا لما تحفظي 5 صفحات قران في اليوم مش هتتضايقي ودي زي مايكون لقت كنز كانت قاعده علي الأرض لقيتها نطت وقامت مره واحده وقالتلي ياريت واعملها بجد وحسيت انها عيل صغير وماصدقت لقت حاجه

محدش يعرف يغلبهم ابدا

[shaddadfalcon1]

ربنا يبارك فى زوجتك واحمد ربنا، دا انا بتحايل على زوجتى انها تقوم تصلى الفجر ولا حياة لمن تنادى والحجة طبعا معروفة ..تعبانة طول اليوم ..الولد مانمش الا قبل الفجر بساعة .. الخ، وانا عازرها بس كان نفسى تكون فية همه اكتر من كدة اما ربط الموضوع بحق من حقوقك فأنا متفهم وجهه نظرك لما الزوجة تربط معاملتها معاك بطلب معين لكن فى الحالة دى الوضع مختلف طبعا.

ربنا يهديها ليك ويعينها علي الطاعه
ممكن تجرب تنام بدري عشان تعرف تصحي الفجر